حبت تغلطو باش مايفوتش لافامي نتاعها ويكلاصي هو لول

[Estrella]

السلام عليكم
واش راكم؟
نتمنى تكونو لباس وعلى سلامتكم وعلى سلامة المنتدى
ولله توحشناه بزاف والنت بلا بيه سامطة
المهم ندخلو فالموضوع ديراكت ...
كيما تعرفو كامل اليوم امتحان نتاع شهادة التعليم الاساسي الي هو سيزيام الي راه ضرك سانكيام... مايهمش
عندنا فالجهة نتاعنا جارنا صغير يفوت هاد العام كي كملو وجا تلاقيت بيه وسقسيتو يادرا كاش خدمة وكي شفت "Les sujets" ولله ساهلين بلبزاف تمنيت لوكان فوت في بلاصتهم هههههه
المهم الطفل هداك بدا يحكيلي قالي علابالكي واحد المعلمة حرستنا شافتلي ورقتي مين شافتها وشافتني داير كلش صح حبت تغلطني وقاتلي لا مشي هاكدا راك غالط فالحل .. قتلو حبت تلغلطك ؟؟؟ _o:
قتلو واش هي المصلحة نتاعها باش تغلطك بلاك مشي كيما راك حاسب ..قالي ضرك نقولك علاش دارت هاكدا ...قتلو قول قول وانا الخلعة حاكمتني قالي ..واحد لافامي نتاعها يقرا معايا وطاح معايا فالامتحانات قاتلي راك غالط باش منفوتش هداك لافامي نتاعها ويكلاصي هو لول _o: زدت تشوكيت مره اخرى قتلو حبت تغلطك باه ماتفوتش لافامي نتاعها قالي ايه كيما راني نقولك ومين كملنا سقسيت قالولي كنت صح وماكنتش غالط ....مزية الطفل جا فاطن و مدارش عليها..... انا صراحة بقيت مخلوعة_o: ومالقيت منقول ...
قتلو متعاندهمش ودير واش تعرف نتا والي يقولك ماشي هاكدا ماتعاندوش مين ولات هكدا يغلطو ولاد الناس باه يربحو ولادهم هوما
اييييييه وين لحقنا وييييييين
حتا دراري صغار ومسلكوش من هاد العباد الي ميخافوش ربي
ونتوما ياخاوتي واش رايكم فالشي الي حكيتولكم ؟
صح كاين الناس الي ولات تخمم هكدا وتفكر غير في روحها ياو لوكان على حساب غيرها؟؟؟
اليكم الكلمة باسكو انا ملقيت مانقول ههههه
تحياتي لكم​

 

[nina bonoise]

و الله نستعرف بيه الطفل جا فايق عليها
سينون او راح السيزيام تيعوا باطل

 

[*ايمان*]

مزية الطفل فايق
ربي يهدي هاذ لعباد

​

 

[ماكانش]

أنا ثاني فوت السيزيام الصباح وأنيسة قاعدة تاكل قدامي في الشوينgوم ماخلاتنيش نركز باش ما نفوتش ولد جارها ...
ههههه
سبحان الله يا استرولا هذ العباد قادرين يقتلو على جال هذ المور
وقادرين يسحرو ويديرو كلش
يالطيف ربي عافينا
والطفل هذا ربي بارك فطن وقافز وشاطر
لوكان جيت باباه ولا خوه نروحلها نفسدلها فمها الرخيسة اكرمك الله ...​

 

[somi]

هههههههههههههههه
قادرين يديرو كلش ما تحيريش
مرة أنا عسيت وواحد كان يخدم معاي عس في لكلاسية الى مقابلتني نلقاه عيطلي قلتولو واش
قالي شفتي هاذيك الى لابسة لزرق قلتلو واش بيها قالي آي بنت خالتي وخت لمرا نتاعي وقوللها الجواب آو هك هكا حرت ما ألقيت فاماه طحت
أضربت النح وطفيت الضو ودرت رايي ما وريتلها ما والو
وهو عاد منين يلقاني يهرب قاصو درك ندير بيه هليلة المهم يا اختي عالم مخيف شكرا لك

 

[Estrella]

و الله نستعرف بيه الطفل جا فايق عليها
سينون او راح السيزيام تيعوا باطل

ايه مزية برك الي جا فايق كون راحت عليه
مارسي على المرور

 

[Estrella]

مزية الطفل فايق

ربي يهدي هاذ لعباد

امين يا ختي ايمان
شكرا على المرور​

 

[Estrella]

أنا ثاني فوت السيزيام الصباح وأنيسة قاعدة تاكل قدامي في الشوينgوم ماخلاتنيش نركز باش ما نفوتش ولد جارها ...

ههههه
يادرا كاش خدمة ولا والو
سبحان الله يا استرولا هذ العباد قادرين يقتلو على جال هذ المور
ايه عندك الحق يا خويا قولي راك غير محفظتش اسمي توجور عندك مشكل معاه سير راك تقول مين جابتلنا هاد الاسم ههههههههه
وقادرين يسحرو ويديرو كلش
يالطيف ربي عافينا
ايه الله يسترنا برك
والطفل هذا ربي بارك فطن وقافز وشاطر

لوكان جيت باباه ولا خوه نروحلها نفسدلها فمها الرخيسة اكرمك الله ...
ههههه يعطيك صحا خويا ​

 

[Estrella]

هههههههههههههههه
قادرين يديرو كلش ما تحيريش
مرة أنا عسيت وواحد كان يخدم معاي عس في لكلاسية الى مقابلتني نلقاه عيطلي قلتولو واش
قالي شفتي هاذيك الى لابسة لزرق قلتلو واش بيها قالي آي بنت خالتي وخت لمرا نتاعي وقوللها الجواب آو هك هكا حرت ما ألقيت فاماه طحت
أضربت النح وطفيت الضو ودرت رايي ما وريتلها ما والو
وهو عاد منين يلقاني يهرب قاصو درك ندير بيه هليلة المهم يا اختي عالم مخيف شكرا لك

ايه عندك الحق ونستعرف بيك شكرا على المرور الكريم​

 

[إيمان قلب]

راكي تشوفي البراءة وماسلكتش منهم °°°برائة في عالم ذئاب°°°
هاذ العباد مانقولو غير ربي يسترنا منهم ويبعدهم علينا لخاطر قادرين اي حاجة باش يوصلو للمراد تاعهم
آو مزية الطفل جا فاطن وربي سترو منها
صحيتي خيتو

 

[Estrella]

راكي تشوفي البراءة وماسلكتش منهم °°°برائة في عالم ذئاب°°°
هاذ العباد مانقولو غير ربي يسترنا منهم ويبعدهم علينا لخاطر قادرين اي حاجة باش يوصلو للمراد تاعهم
آو مزية الطفل جا فاطن وربي سترو منها
صحيتي خيتو

راكي تشوفي يا ختي كيما قلتي البراءة ومسلكتش منهم
امين لله يسترنا منهم ويبعدهم علينا هدا مكان
مارسي ختي على المرور الكريم​

 

[الورد الأحمر]

أهلا بيك عاش من شافك
ايه والله لا عجب في العباد هذو كل مرة يخرجولنا بخرجة
لمزية الطفل فايق هيا هذا كي راه هكذا من الصغر كي يكبر
معرف كيفاش يرجع ههه، ربي يهدي عبادو ، سلامو
​

 

[star sweet]

اااااااااايه واش تحبي دنيانا هاك عايشين بالخدع وحب السيطرة المعلم الذي كان ان يكون رسول شوفي وين لحقت بيه ربي يهدي ما خلقك
,نستعرف بهذا الطفل وربي يحفظو

 

[FARDOUSS]

الحمد لله وبفضله الولد راهو فايق
هده عبرة لمن يحتسب نفسه ذكي
لكن ان كانت لديه نيية كريهة فيصبح ذكاؤه شبه الفتيل
امام هذا الطفل
مرسي على الموضوع والله ينجحكم كااااااااااااااامل في كل المستويات
:shiny:
​

 

["غزالة الجزائر"]

يااا لطيف
ربي يستر برك كل مرة نتخلع اكثر واكثر في هدو العباد الي مايخافو لا من ربي لا من العبد
ستر ربي جا الطفل قافز و فاطن يعطيه الصحة
شكراا لك اختي استرلا و لا استوريلا ولا مانعرف واش اسمك هههههههه​

 

[somiasahraoia]

يرحم ايام الزمان كنا نحفظو دراسة الوسط والتاريخ والجغراف دروك ولاو ثلاث مواد برك وكيفاش ساهلين

 

[Estrella]

أهلا بيك عاش من شافك
الله يسلمك حتا نتي عاش من شافك

ايه والله لا عجب في العباد هذو كل مرة يخرجولنا بخرجة
لمزية الطفل فايق هيا هذا كي راه هكذا من الصغر كي يكبر
معرف كيفاش يرجع ههه، ربي يهدي عبادو ، سلامو
امييييييين يا ختي
الجيل تاع ضرك واااااعر يا ختي هههه كون حنا كون امناها ودرنا كيما قاتلنا
مارسي بزاف على المرور ​

 

[Estrella]

اااااااااايه واش تحبي دنيانا هاك عايشين بالخدع وحب السيطرة المعلم الذي كان ان يكون رسول شوفي وين لحقت بيه ربي يهدي ما خلقك
,نستعرف بهذا الطفل وربي يحفظو

راكي تشوفي وين لحقنا ربي يستر
يعطيك الصحة على المرور الكريم​

 

[Estrella]

الحمد لله وبفضله الولد راهو فايق

هده عبرة لمن يحتسب نفسه ذكي
لكن ان كانت لديه نيية كريهة فيصبح ذكاؤه شبه الفتيل
امام هذا الطفل
مرسي على الموضوع والله ينجحكم كااااااااااااااامل في كل المستويات
:shiny:​

ايه الحمدلله يعطيه الصحة الولد شاااااطر
بلا مزية ختي
ان شاء لله لله ينجحنا كاااامل
شكرا على المرور ​

 

[{مُدَلَّلَتُهُ}]

mzia li ja el tfol faten w ma darech 3liha rana fi wa9t lah ya7fad ga3 el 3ibad ykhamou fi rwa7houm lah yehdihoum