--- الجن عآلم آخر يسركل حولنآ...سبيسيل للناس الخوافـة *

[BeSt GlAdiAtOr]

ســـلآم عليكم نااس اللمة حبابي وخاوتي وخواتاتي وعمامي وخوالي....أه نسيت بلي مهمش هنا
مي راهم داخلين في القصة
ههههههههههههههه


نتمنى تكونو بخير ...أدعيولي للباك الله يفتح عليكم

هد الحادثة وقت الأسبوع الماضي ...
أسيدي أن والشيخ *بابا* الله يعزو قاعدين معا وحد البريكول هكدا في الدار معا الماصووو ...
زمــــــــــــان و يصوني البورتابل .....حكى زوج كلمات وقالي روح نوض الطاكسي وتعود تديماري و لا تحط رجلك فيها زوج دقايق ونجيك
إيه ان درت لي عليا و ستنيتو جاا ...مبعد سقسيتو وش غير الخير باا ..قالي درك نوصولو عند خوالك وتفهم كلش
أيا وصلنا ..دخلت للدار ونلقا هم كاااااااااااااااامل دايرين بخالتي....
خالتي هدي ما تقرى ماتعرف تقرا من غير العربية
وش قااعدة تدييير ...في رااايكم....؟
.
.
.
تهدر بالإنجليزية ..والله غير بلونـgلي
أنا حبست من راااسي ومبعد فهمت بلي حكمها مس الجن وهداك الجن لي ساكن فيها يهدر بلإنجليزية على لسانها ويلزم للمرقي *بابا* يهدر معاه بالإنجليزية * يخي المزية هو يعرفها مليح وجايزة عليه لانو دكتور لغة عربية ...
بدا بابا يقرا عليها بالشوي بالشوي تكالمات ...ومبعد يرجع هداك الجن يهدر على لسانها
ويقول we hàve me ....ilove you They love me & want me to hv
والله كيما نحكيلكم
أنا رهبت والخلعة حكمتني :scared: أخلايا :sad: خالتي تهدر بالونـgلي؟
وزيد هد الجن حااب يديها صاي عششق فيها ...المهم بالشوي بالشوي وبابا يهدر معاه و يقرا عليها
حتى شهد هداك الجن ونطق بالشهادتين " حتى تيسرت الحالة .... وخرج هداك الجن
بعد حواالي ساعتين من الرقية و انا نتفرج
مبعد جيت نروح وحدي جوايه 9 نتع اليل
الطريق هديك نورمالمون نحكم فيها 20دقيقة مشي ...مشيتها في 3 دقااايق
:shiny: النار شعلت في رجليا من الجري
:music_whistling: لاعلينا



:scared: يو قتلكم الخلعة حكمتني ...علاه تضحكو عليا ...تعودو تقولو وائل يخاااف:smoke:

سلاااام عطر للغالية ..........................اللمة

أدعيولي للباك ...برعاية الشاب فيراااي
​

​

 

[الورد الأحمر]

أولا سلام عليكم
ثانيا بالتوفيق في الباك
ثالثا يا خواف ههههه
رابعا شكون انتا ؟ نعرفك ؟ راني هلكت وانا نسقسي فيك
ما حبيتش تجاوبي شكلي نعرفك ، نعرفك ؟ هههه
ايه شفت كيفاش ربي يبعدهم على طريقنا هذو تاع العالم الآخر
حتى أنا عندي قصة معاهم ومش قادرة نحكيها كي تقول لي
انتا شكون انا نحكيلك خخخ، مغسي خويا عالموضوع
واش درك خالتك مازالها تحكي لونـgـلي ولا راحتلها ؟ ههه
هيا سلامو وعلى سلامت خالتك والبركة في بوك برحمة الله​

 

[خـُشيْبة]

ههههههههههه

هذي جديدة

 

[روعة الأخلاق]

السلام عليكم
يااااااه واش راك دير هنا ؟ رووووووووح تقرى :cra_zy:
​

هههههههههههه و الله حكايتك هذي وحدها ...كون غير حكم فيا هذا نهار نعقب الباك " اونقلي " :sheer:ههههههههه :sheer:
شفت كيفاه ربي يبتلي عبادو و لازم الواحد يصبر ...ربي يعافينا و يبعد علينا كل سوء ياااااارب
ما مقتليش خالتك المحروسة وين راحت باه طاحت في واحد ماريكاني باينة مزهرة هههههههه ؟ _o:

مي انا كون نخير أكيد نشوف واحد شاوي بوقوص :shay:
يعطيك الصحة خويا و ماتكثرش بزاف
بالتوفيــــــــق.... ربي ينجحك
​

" حقا : أو يسلمـ عليكـ حمود الخضر "
​

 

[adraa]

هههههههههههههههههههههههههه وائل يخااااااف هههههههههههههههههههههههههه
والله يا الجن هادا؟؟ او حكمو اللوف ياااوو
ماخلا ني عبد صغير ني عبد كبيير حتى من الجنون ماطلقهمش..
و راني قاعدة نتعلم فليسبانيولية باش كي نهدر بيها ما تقولوش عدرا او حكمها جن اتوونسيوون اني نتعقد في دقيقة...
ربي يجعل الشفا لخالتك و ننصح هاذاك الجن المغروم غييييييييييييييييييير يخطييه من الطريق هادي اي متفرحش بالبتة
​

 

[adraa]

ربي يوفقك فالبااك و كاامل المومنيين و رووح تقرى بعد قال جن قال..
​

 

[FoFo95]

ههههههه جن gاوري
اشش اسكت ليسمعني و جيني و نعشي نهدر باونgلي هههه
والله غير صح قصتك تخلع كون جيت منك راه حكمني سكر و لطونسيو ههههه
المهم استسلم و جاءات سلامات
مرة الجاية يجيكم جان يهدر بشينويا
ايا سلام​

 

[{مُدَلَّلَتُهُ}]

hhhhhhhhhh rabi ywe9ak fi el bac

cha tsalni 7kitli had l'histoir darwak koun khalit 7ata le sba7 w rabi w ra7amtou

rabi ychafi khaltek

lyoum ghadi nbat ga3da nahdar bel sbanyoulia lol

merci 3la el mawdo3

 

[Estrella]

مزية الي لقيتوه يحكي بالانجليزية وماشي بالشنوية ولا جابونية هههههه شكون الي كان رايح يسلكم منو؟؟؟؟؟؟
قاع نخافو كي تجي في مواقف كيما هكا يا خويا ماشي غير نتا
الحمدلله كي سلكت خالتك
يعطيك الصحة على الموضوع المرعب ...هههه​

 

[أحبك ياجزائر]

في الاول سلام ورحمة الله اخي بتوفيق ان شاء الله في الباك
المهم يا اخويا مزيا دربها gاوري ومشي هندي ههههههه وما كونتو تحصلو
فيه يا خويا وين تلقو الهندي ههه
​

 

[la_safa]

هههههههههه والله قتلتنـــي ضحكـــ يخــي يخــي ... :laugh::lol:

ايا حكمنــــآ عليكـ حــــآجة يآ خوآآآف :tongue_3: هههه
+
وآش تديــر هنــآ روح تقــرى كيمآ قـآلولكـ خوكـ البآكـ قـــرب:cursing:

ييييي العآلم لوخر رآه عآمل حآلة .:cra_zy:.. و زيد لحقولنآ المآريكآنيين
و زيد في واه في اللوف ..... :crying_1: !!!!
ربي يستر الله غـــآلب جـآ سيآحة للدزآير عجبتو خآلتكـ :luve_2: ههه

المهم هآد لحوآيج صح رآهي كثرت ربي يشآفي خآلتكـ
ان شـــــــــآء الله :angel:
و قولهــآ أخطيكـ مـن اللوف هآكي عرفتي طريقو :thumb_down: هههه

هيآ ســـلآآآمووو و ربي °ينجحكـ° إن شــــآء الله:re_gards:

​

 

[الجريئة]

هههههههههههه
يا خواف ههه انا كون صراتل نطيح كريز
كردياك هه
صحاباتي يحكيولي على هاد لحوايج
مي جامي فهمتهم
على سلامة خالتك
بتوفيق فالباك نشاء الله تنجح
بالمعدل الي تحبوا​

 

[sheherazed]

ههههههههههههههههه والله غير خوفتني يا أخي


هدا زعم كي راك حابنا ندعيولك تدي الباك باقي تخوف فينا هكدا؟!!!!!!!!!!!!!!!!!!!!!!!!!


المهم الحمد لله على سلامة خالتك وربي يجازي باباك وانت ان شااااااااااااااااااااااااااء الله تجيب الباك وبمعدل مليــــــــــــــــــــــــــــــح وتروح للجامعة



بالتوفيق

 

[*ايمان*]

خوفتني يا خواف :scared:

الحمد لله على سلامة خالتك وروح تقرى وبربي ان شاء الله مديه

 

[يوسےفے]

في الاول سلام ورحمة الله اخي بتوفيق ان شاء الله في الباك
المهم يا اخويا مزيا دربها gاوري ومشي هندي ههههههه وما كونتو تحصلو
فيه يا خويا وين تلقو الهندي ههه
​

هههههههههههههههههههههههههههههه هذي شابه
:sad:انا غي نسمع ذو الصوالح نبدى نvيبري في بلاستي :sad:
:shiny:كانت خالتك تعلمك شوي لونgلي قبل ما يروح الجن بالاك عنده ليكسبيريونس ولا بالاك راه فوت الباك 2011 تاعهم :shiny:
راني نgصر
الحمد لله لي سلكت خير
الله يسهل خوي فل الباك,,,راك رابح ان شاء الله
تحياتي
:re_gards::re_gards::re_gards::re_gards::re_gards::re_gards::re_gards:​

 

[ملكة جمال اللمة]

hhhhhhhhhh mzia kan yehki b englais wmahkach b chinweya hhhhhh lmohim rabi yjib chfa lkhaltak w rabi yw af9ak f lbac amiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiine​

 

[BeSt GlAdiAtOr]

مشكورين كلم على الردرو خاوتي
الله غالب ماقدرتش نقتبس كامل الردود
لا علينا الباك قرييييييييب
​

 

[المتفائلة_91]

معليش معليش ربي ينجحك

ههههههههههه عجبتني حكاية يهدر بالانجليزية،،

بصح ماجاتنيش غريبة خاطر نعرف ياسر حكايات على العالم الاخر

هاذي وحدة نعرفوها ركبها واحد سوداني بصح ناس ملاح عرفنا بعايلتو كامل هههههه

بصح كاين اللي قباح
هاذاك وليد عمي شدو واحد مغرم باغاني مايكل جاكسون ، مالا واش يدير يشد وليد عمي ويرقصو رقصات مايكل جاكسون السريعة الخفيفة نعودو ميتين بالرعبة خاطر وليد عمي سمين مستحيل يديرها وحدو

ومازاااال عندي حكاااااايات على العالم الاخر



شكرا ليك


رفهت علينا ،، مانيش خوافة

ربي ينجحك




شكرا

 

[somiasahraoia]

غير ربي يستر منهم .....................راك خلعتني وان راني وحدي على11.30نتاع الليل

 

[DARINE05]

Hhhhhhhhhhhhhhhh
ya khwaf