يا جماعة راهم انتحلوا شخصيتي أطونسيو

[الورد الأحمر]

السلام عليكم ورحمة الله وبركاته​

ياااه هذا شحال ما درتش موضوع

وقررت اليوم ندير موضوع قصير (أحم أحم علابالي طويل)

المهم نشارك بيه ونعبر فيه عن المشاعر ههه

ونقدم فيه إهدائي لجماعة خليه بشعرو ...

أهآ مالا واش راكم زعما ملاح ؟

واش يا البزابيز تاع اللمة كملتو لقراية ؟

نوغمالمو كملتو بقاو غير تاع الباك ربي يعينهم راه ما بقاش بزاف ويتهناو وبالتوفيق للجميع

ومن بعدها يشنّو هجوم علينا ...
شوفوا أنا راني بخير وحاكمتلي روعة

واليوم عرفت بلي خرجت العام youpi youpi

وبقالي الميمواغ ندفعو ونعبي الديبلوم و يويويويويويووووووووي

مقدمة طويلة علابالي، أها خليوني نروح للموضوع تاعي درك

، ملا يا سيدي أنا نور والكل تعرفوني وكل واحد فيكم هو روحو مثلا عادل هو عادل ، بلال هو بلال ، شوشو هي شوشو وريم هي ريم وماكانش أو ماكانش هههه هذا هو لحساب وهي ماشية هك

.
مي واش رايكم تكونوا قاعدين هك ويجيك عبد يتلاح منين انتا وتلقاه يقلد فيك، عندو الستيل تاعك يهدر كيفك ويعاند عليك لدرجة أنو الناس تحسب لي راهم يتعاملو معاك انتا ...

ومن فوقها تلقاه منشر فيك ...

هذي أنا صراتلي ودارتهالي وحدا بوغتو نقلقها مي تقلد فيا وعلاش ما فهمتش ؟

، درك هذا واش يسموه ؟ ضعف في الشخصية تاعها ولا كيفاش؟ أنا من وجهة نظري هذي وحدا تافهة حايبة تلفتلي الانتباه...

هي صح ربي يسهل عليها تدير كيما تحب مي عفسة كيما هذي تقلق صح ولا نو ؟ أنو عبد يقلدك ...
حبيت برك نوصل ميساج عبر أثير اللمة ما تدريش يوصللها ههههه نقوللها مهما تديري ومهما تكوني تبقاي انتي مجرد انتي وانا هي انا نوووووغ الإلهام لي الكل يعرفوني

ومهما تتشبهي بيا ما توصلينيش...
إليكم الخط لو أن شخصا ينتحل شخصيتك كيف يكون ردك عليه هل تواجهه أم تتركه في تفاهته؟
...
شكرا على حسن المتابعة والاصغاء دمتم في رعاية الله وحفظه ،نتمنى لكم سهرة ممتعة مع بقية البرامج وإلى اللقاء
...

​

 

[somi]

حاجة امليحة انو كاين واحد يقلدك واشبيك اطفلة معناه انتية وليتي قدوة ههههههههههههههههههههه

 

[somi]

نتمنى لكم سهرة ممتعة مع بقية البرامج وإلى اللقاء
الله غالب فاليل ما نقدرش نتبع البرامج الميكرو محكوم اأأأأأأأأأأأأأأأأأأأوف

 

[هآجر]

السلام عليكم

اهلين ميس نور ولا تحبي نعيطلك نور خانم

خايري وش تحبي

بصح الاسور درك تعكسيني وتقليلي ني هذي ني لوخرة

ايا راح نقاشك في موضوعك الفور بزاف

يا ست نور الي تقلد فيا نقتلها بالفدة على بالك كفاش؟

خاطر انا (اعوذ بالله من كلمة انا ) عندي الستيل نتاعي ومتقدر حتى وحدة تجبد السيتل هذا خاطرو مخفي (الشرطي المخفي هههه)

يعني يا اختي نونو كل واحد والستيل نتاعوا ومهما يقلدك الانسان اخر ميقدرش يكون انت مهما يدير

يخي فهمتني حنونة


همسة: حنونتي مبروك عليك تخراج العام ولعقوبة للميموار والدبلوم ومن بعد القعدة في الدار كما حالتي الي تشف
والله مستعان والحمد الله والشكر لله المهم عندي ديبلوم

وعليكم السلام ​

 

[روعة الأخلاق]

هذي سموها الغيغة يا نوغ
ههههههههه
ماتقلقيش روحك اختي حاولي تهدري معاها بالعقلية برك
هاذو هوما العرب نورمالمون كل واحد و شخصيتو مي الله غالب
​

 

[الورد الأحمر]

حاجة امليحة انو كاين واحد يقلدك واشبيك اطفلة معناه انتية وليتي قدوة ههههههههههههههههههههه

ههههه أنا قدوة مليح عجبتني هذي خخخخ
مغسي يا المشرفة السابقة يعطيك الصحة عالمرور
سلامو​

نتمنى لكم سهرة ممتعة مع بقية البرامج وإلى اللقاء
الله غالب فاليل ما نقدرش نتبع البرامج الميكرو محكوم اأأأأأأأأأأأأأأأأأأأوف

ههههه تكبري وتشري ميكرو خخخخخ، خلي انتي نديرولك
سهرة في النهار ههه ، مغسي​

 

[rima29]

ايه كيما قالت سومي انت وليتي قدوة هههههههههههههههه يقتدوا بيك هههههههههههه
وانا اللي تقلدني نعتبرها تافهمة وهايشة برك وما نعمرش بيها راسي خلاص​

 

[الورد الأحمر]

السلام عليكم ​

اهلين ميس نور ولا تحبي نعيطلك نور خانم ​

خايري وش تحبي ​

بصح الاسور درك تعكسيني وتقليلي ني هذي ني لوخرة
هههه ميس نور مليحة مي نحي نور ورديها باغبي :shiny:​

ايا راح نقاشك في موضوعك الفور بزاف ​

يا ست نور الي تقلد فيا نقتلها بالفدة على بالك كفاش؟
كيفاش؟؟
خاطر انا (اعوذ بالله من كلمة انا ) عندي الستيل نتاعي ومتقدر حتى وحدة تجبد السيتل هذا خاطرو مخفي (الشرطي المخفي هههه)
ههههه
يعني يا اختي نونو كل واحد والستيل نتاعوا ومهما يقلدك الانسان اخر ميقدرش يكون انت مهما يدير
هذي حاجة باينة على خاطر كل واحد وشخصيتو مي
الله غالب كاين ناس فارغين شغل ينتحلوا في الشخصيات
يخي فهمتني حنونة ​

وي فهمتك سي بو
همسة: حنونتي مبروك عليك تخراج العام ولعقوبة للميموار والدبلوم ومن بعد القعدة في الدار كما حالتي الي تشف
والله مستعان والحمد الله والشكر لله المهم عندي ديبلوم ​

وعليكم السلام ​

مغسي اختي عالمرور والرد، وتعيشي وان شاء ما نقعدش
في الدار ونخرجك معاي هههه هيا اتهلاي وعليكم السلام​

 

[adraa]

اوو كون جيت في بلاستك اني نديها في روحي... هههههههه
مالقربي اني مديتها في روحي ماعندي منزيد كتر من هك
ههههههههههههههههه
حنونة هادي الاطاوطة اللي راهي ديرلك هاكا راهي معجبة بيكي احححم >> تقدري تديها في روحك و راسك مرفووع
و تاني شافتك محبوبة حابة تكون كيفك...هادا ماكان

و اديها في روحك بالشوية برك...
​

 

[Rawya.Dz]

اهلا أختي نور ولا كيما قلتيها نتي نوغ بالغين خير هه
أول حاجة عجبوني لقطوط الي راكي دايرتيهم فالموضوع
ثاني حاجة هاذي الي تقلد فيك باينة تحسدك و تغير منك بزااااااااف و عاجبتها شخصيتك و علاهاذي تدير كيفك
أنا من جيهتي هاذي المخلوقة عندها ضعف فالشخصية و ماهيش قادرة تدير شخصية لروحها علاهاذي تدير كيفك
ماكفاتهمش سرقة المواضيع رجعوا يسرقوا الشخصيات هه

إليكم الخط لو أن شخصا ينتحل شخصيتك كيف يكون ردك عليه هل تواجهه أم تتركه في تفاهته؟

اها نخليه يكمل في تفاهتوا و يجي وقت يحس فيه بتفاهتوا و وحدوا يحبس انتحال شخصيتي
ايا صحيتي على الموضوع الباهي
و السلام
​

 

[الورد الأحمر]

هذي سموها الغيغة يا نوغ

ههههههههه
ههههه زعما ؟؟؟ :sheer:
ماتقلقيش روحك اختي حاولي تهدري معاها بالعقلية برك
هاذو هوما العرب نورمالمون كل واحد و شخصيتو مي الله غالب​

أواه أنا من جماعة نخليها بشعرها قصدي نخليها هكاك
ما نحكي معاها ما نندب عليها، حبيت برك نشوف رايكم
في عباد كيما هك، مغسي اختي روعة مرورك شرفني،سلامو​

 

[الورد الأحمر]

ايه كيما قالت سومي انت وليتي قدوة هههههههههههههههه يقتدوا بيك هههههههههههه
هههههه يا القدوة يا القدوة راهي عجبتني روحي هههه


وانا اللي تقلدني نعتبرها تافهمة وهايشة برك وما نعمرش بيها راسي خلاص​

آيوة وانا كيفك مي حبيت برك نشوف رايكم كان عليا مش
مديتها فيها خلاص ومانيش شايفة ليها،مغسي اختي، سلامو ​

 

[الورد الأحمر]

اوو كون جيت في بلاستك اني نديها في روحي... هههههههه
مالقربي اني مديتها في روحي ماعندي منزيد كتر من هك
ههههههههههههههههه
أوووو راكي كيفي يا بنتي مي شكون لي مديتها في روحها كثر من اختها درك ؟
أنا ولاّ انتي ؟ ههههه
حنونة هادي الاطاوطة اللي راهي ديرلك هاكا راهي معجبة بيكي احححم >> تقدري تديها في روحك و راسك مرفووع
ههههه خلاص راني قررت نديها في روحي وراسي مرفوع
و تاني شافتك محبوبة حابة تكون كيفك...هادا ماكان
أحم أحم، آيوة هي دي ههههه
و اديها في روحك بالشوية برك...​

خايفة نديها في روحي بزاف ونرجع ما نتحكمش ههههه
مغسي اختي عالمرور عجبني ردك وأكيد يعجبني هههه، هيا اتهلاي وسلامو​

 

[الورد الأحمر]

اهلا أختي نور ولا كيما قلتيها نتي نوغ بالغين خير هه

أول حاجة عجبوني لقطوط الي راكي دايرتيهم فالموضوع
ههههه هيا مليح كي عجبوك :sheer:
ثاني حاجة هاذي الي تقلد فيك باينة تحسدك و تغير منك بزااااااااف و عاجبتها شخصيتك و علاهاذي تدير كيفك
أها ما تقولوليش هك أو نديها في روحي ههههه
أنا من جيهتي هاذي المخلوقة عندها ضعف فالشخصية و ماهيش قادرة تدير شخصية لروحها علاهاذي تدير كيفك
ماكفاتهمش سرقة المواضيع رجعوا يسرقوا الشخصيات هه
ههههه شفتي ؟ بقاو يسرقو لوجوه باش يكملو الشخصية مليح ههه ​

اها نخليه يكمل في تفاهتوا و يجي وقت يحس فيه بتفاهتوا و وحدوا يحبس انتحال شخصيتي

ايا صحيتي على الموضوع الباهي
و السلام​

وي عندك الحق كيما درت انا، ويجي نهار وين تفيق مع روحها بلي
تافهة وتسـgـم فعالها واللعب هذا تاع الذر، مغسي اختي عالمرور
وعالرد ، اتهلاي ، سلامو​

 

[هآجر]

هههه ميس نور مليحة مي نحي نور ورديها باغبي

اهلا ميس باغبي منعينينا نعطيلك وش تحب اختي

كيفاش؟؟

يعني ؟؟؟؟؟؟كفاش راح نفهمك دركة معناها ؟؟؟؟؟؟؟؟ايا ملقيتش كفاش نفهمهالك كما مقلى كفاش نقلقك

هذي حاجة باينة على خاطر كل واحد وشخصيتو مي
الله غالب كاين ناس فارغين شغل ينتحلوا في الشخصيات

ميس باغبي الي فارغ شغل ميجيش للمة ويقلدنا مناش فارغين شغل انت عندك الميموامر مزلتي تخممي فيها وانا عندي وش ندير

مغسي اختي عالمرور والرد، وتعيشي وان شاء ما نقعدش
في الدار ونخرجك معاي هههه هيا اتهلاي وعليكم السلام

بلا مزية حنونة من عيننيا
كنخرجوا وين راح نروحوا حتى المجتمع ماسط يقتل تشوفي غير لعباد الماسطة ​

 

[Orodent]

مبروك عليك التخرج مبروك عليك القعدة في الدار
حنا مازلنا نتكركرو هههه
لعقوب ليا نتخرج قولو آمين
ايه وبالنسبة للموضوع ديالك
انا نقولك
شتي لوكان جيت منك راني ميتة من الفرحة
آو راكي وليتي حاجة فوووور والناس تقلد فيك
قوليلي شكون هي ههههههههه
ليوم نبات بحمصتي هههههه
ما ادريش عليها وما تعيشيلهاش
كل واحد يمثل نفسو هنا
وهي ايلا حبت تعاندك ولا تقلدك بالاك عجبها ستيلك برك
فهمتي يا نوووووووغ الزينة
ماهو برنامج السهرة ؟​

 

[الورد الأحمر]

اهلا ميس باغبي منعينينا نعطيلك وش تحب اختي
ههههه هيا اوكي تفاهمنا
يعني ؟؟؟؟؟؟كفاش راح نفهمك دركة معناها ؟؟؟؟؟؟؟؟ايا ملقيتش كفاش نفهمهالك كما مقلى كفاش نقلقك
أها أو فهمتها ههه قصدي ها قوليلي كيفاش تقتليها بالبارد
ميس باغبي الي فارغ شغل ميجيش للمة ويقلدنا مناش فارغين شغل انت عندك الميموامر مزلتي تخممي فيها وانا عندي وش ندير
آيوة هي دي آه هي دي :sheer:​

كنخرجوا وين راح نروحوا حتى المجتمع ماسط يقتل تشوفي غير لعباد الماسطة​

هههه أو نشوفو حل ونلقاو وين نروحو اسنى نكمل برك :re_gards:
مغسي سلامو​

 

[{مُدَلَّلَتُهُ}]

wach bik nour ma tet9al9ich el 3ibad li kima hadou ga3 ma t3amrich rasek bihoum ana koun jat wa7da t9aled styli (malgré ma 3andich style mou7adad koul youm b 3a9lia lol " ma n9ayemhach ga3 ki tmel t7abess ghi wa7adha

merciiiiiiiii 3la el mawdo3 7anouna

 

[{مُدَلَّلَتُهُ}]

iiiih nsite ma goutlekch mabrouk 3lik el takharouj 3kouba lina nchallah

 

[الورد الأحمر]

مبروك عليك التخرج مبروك عليك القعدة في الدار
يبارك فيك حبيبة مغسي ، والقعدة تاع الدار الله لا يزقني بيها ههه

حنا مازلنا نتكركرو هههه
هههههه
لعقوب ليا نتخرج قولو آمين
آمين أختي من فمك لربي
ايه وبالنسبة للموضوع ديالك
انا نقولك
شتي لوكان جيت منك راني ميتة من الفرحة
آو راكي وليتي حاجة فوووور والناس تقلد فيك
ههههه كيما ديما نقول أنا فوووووغ هاهاهاها
قوليلي شكون هي ههههههههه
ليوم نبات بحمصتي هههههه
ههههه يا قرعاجة خخخخخ
ما ادريش عليها وما تعيشيلهاش
كل واحد يمثل نفسو هنا
آيوة هي دي مي روحي قوليلها :schmoll:
وهي ايلا حبت تعاندك ولا تقلدك بالاك عجبها ستيلك برك
فهمتي يا نوووووووغ الزينة
اففف اليوم ما نرقدش قتلتيني بالشكر ههههه نديها في روحي

ماهو برنامج السهرة ؟​

هاهاها مليحة هذي تاع برنامج السهرة، انتي أطلبي وانا نلبي
اليوم رايحين نديرو ما يطلبه المشاهدون تشفاي عليها ؟ خخخخ
مغسي سالي عالمرور، اتهلاي وسلامووو​