الأشغال اليدوية الخاصة ببنات اللمة - حصري -

[الورد الأحمر]

السلام عليكم ورحمة الله وبركاته

...

هذا الموضوع هو استرجاع لموضوع كيفو كان كاين قبل ما تروح اللمة وضاع مع انقطاعها مالا حبيت نسترجعوه كيما استرجعنا المواضيع لخرين لي في الأركان لخرين الخاصين ببنات اللمة.

يعني هنا نحطو كل الأشغال اليدوية لي نديروهم مهما كان نوعها المهم شغل يد ...

ورايحة نبدا أنا نسترجع شغل يدي لي عملتو في بيتي باش زينتها كنت حطيتو ديجا هنا وراح دونك نرجعو ...
باسم الله

هذي خزانتي قبل التزيين ...

وبعد التزيين عادت هكذا

التزيين تم بطريقة بسيطة كلو على بعضو عبارة عن ورق
وشريط لاصق شفاف، قطعت الورق شرائط ولونتهم بماغكوغ
غوز وزدت قصيتم مربعات ولصقتهم متفرقين باش جاو على
شكل شريط متقطع، أما الشريطين المائلين في باب الخزانة
والشريط العمودي في الباب الثانية عبارة عن شريط لاصق
لصقتو عالباب ولونتو بالماغكوغ الغوز ...
أما الزهور والفراشات تتباع جاهزة في المكتبات

هذو des cadres خدمتهم أنا بعد

عبارة عن علبتي سيدي قمت بتلصيق شريط الساتان على
محيطها بغراء الصمغ ولصقت الزهور ووضعت ورقة بالداخل
ولصقت فيها فراشات تتباع جاهزة من المكتبات

هذو أكسسوارات زينت بيهم الغرفة

عبارة عن سيديهات قمت بلف شرائط الساتان عليها من الفتحة
في وسط السيدي ثم لصقت الورود في الوسط منهم جاهزة
ومنهم صنعتها ... - الأولى مصنوعة الثانية والثالثة جاهزة
الرابعة والخامسة مصنوعة والسادسة جاهزة -

وهذو اكسسوارات أخرى زينت بيها طاولة الزينة

النجمة عبارة عن علبة بارفان etoile de mer قمت بتغليفها
بشرائط الساتان وغطاء العلبة أضفتلو قماش أسود لكسر اللون
الأحمر...
المرآة عبارة عن علبة مرايا تكسرت غلفتها بشرائط الساتان
ولصقت مرآة من برا وصارت بالشكل الواضح في الصورة...
والسلة عبارة عن صحن بلاستيكي قمت بتزيينه وصار بالشكل
الواضح - طريقة عمل السلة من صحن بلاستيكي موجودة في
المنتدى ما نشقاش نعاودها - ...
والنتيجة طاولة مزينة بالأحمر والوردي اللونين المفضلين عندي

وهذا اكسسوار آخر للزينة ...

عبارة عن صابونة قمت بتغليفها بشرائط الساتان - وطريقة
العمل متوفرة في المنتدى أصلا أخذت الفكرة من هنا -
ووضعت الصابونة بعد التزيين في ركن فوق la table de nuit
مع مصباح بورود حمرا وألبومات صور زينت بيها الركن ...

وفي الأخير ان شاء الله يعجبوكم أفكاري
وتمونو فهمتو المغزى من الموضوع
في انتظار أشغالكن اليدوية
سلام عليكن فراشاتي

​

 

[الورد الأحمر]

وعندي أشغال يدوية أخرى مع الوقت نحطهالكم
...
في انتظاركن للمشاركة بأعمالكن، سلامو
​

 

[السلطانة]

وعليكم السلام
وي وي رجع الموضوع
يعطيك الصحة نور
كنت راح نقولك على لي فوطو تاع لاشومبر تاعك بعد
لاكان مازالو وانتي حطيتيهم
شكرا
ان شاء الله يكون تفاعل من قبل الاعضاء

​

 

[الورد الأحمر]

راني حسيتلك نفهمك بلا تهدري ...
مغسي شوشو عالتثبيت ، وي ان شاء الله يتفاعلو العضوات
هيا سلامو


​

 

[la_safa]

وآآآآو ملاح روووووعة
:luve_2:

صحيتي ختي ماكيش كيفي
تعجبني حاجة نقول نديرها سيرتو هاد الاشغال اليدوية و مبعد تقورن و مانديرهاش
:crying_1:
هههههه

دمت متألقة { معمرة بالفراشات روووعة :ans_flw: }

كاشما هداني ربي و درت حاجة آني نجيبهالكم

:ax_flw:
​

 

[rima29]

لي عودة لموضوعك نوووووور حبيبتي ان شاء الله​

 

[الورد الأحمر]

la_safa
rima29
مرحبا بيكم في الموضوع وكاشما عندكم جيبو
مغسي حبوباتي ، سلامو
​

 

[كاريس]

مشكورة اختي نور

 

[الورد الأحمر]

أهلا كاريس، مرحبا بيك، سلامو
​

 

[ام الدرداء]

ماشاء الله
​

 

[sheherazed]

lah yberek wlh ghir foooooooooooooooooort bzzzzzzzf ya3tik saha

vraiment ce sont des idées simple é trés jolies

 

[anfal96]

ماشاء الله عليك ـ، يعطيك الصحة على هذه الأعمال ..~:sheer::sheer::sheer::sheer::sheer:
لكن هل من الممكن أن تعطيني طريقة تزين العلبة (النجمة) ، لأن لي واحدة مثلها في البيت ، ولم أفعل بها أي شيء ، وسأكون ممنونة لك بالكثير ​

 

[الورد الأحمر]

مشكورات يا بنات عالمرور... كاشما عندكم جيبولنا نشوفو
الأخت أنفال ... ان شاء الله أوافيكي بالطريقة مفصلة عن
قريب ... سلام عليكن فراشاتي
​

 

[re..sonia..da]

rabi ybarak


sonia27

 

[anfal96]

مشكورات يا بنات عالمرور... كاشما عندكم جيبولنا نشوفو
الأخت أنفال ... ان شاء الله أوافيكي بالطريقة مفصلة عن
قريب ... سلام عليكن فراشاتي
​

شكرا جزيلا لكِ يآآ أختاه

 

[الورد الأحمر]

شوفي أنفال أنا حكمت العلبة وغلفتها بشرائط الساتان بغراء الشمع
حتى تغلفت كاملة ... ورجعت لغطاء العلبة رسمت فوق كرتون
نفس النجمة وغلفت الكارتون بقماش أسود ... وعلى الحواشي
وضعت نفس شريط الساتان لي كنت غلفت بيه ... من بعد وضعت
قطعة الكارتون المغلفة فوق الغطاء وزدت حكمتها بشرائط الساتان
بعد على رؤوس النجمة ... ان شاء الله نكون شرحتلك مليح وتكوني
فهمتي عليا ... كان ما فهمتيش قوليلي نزيد نفصلك أكثر ...
مغسي اختي ... سلامو
​

 

[anfal96]

شوفي أنفال أنا حكمت العلبة وغلفتها بشرائط الساتان بغراء الشمع
حتى تغلفت كاملة ... ورجعت لغطاء العلبة رسمت فوق كرتون
نفس النجمة وغلفت الكارتون بقماش أسود ... وعلى الحواشي
وضعت نفس شريط الساتان لي كنت غلفت بيه ... من بعد وضعت
قطعة الكارتون المغلفة فوق الغطاء وزدت حكمتها بشرائط الساتان
بعد على رؤوس النجمة ... ان شاء الله نكون شرحتلك مليح وتكوني
فهمتي عليا ... كان ما فهمتيش قوليلي نزيد نفصلك أكثر ...
مغسي اختي ... سلامو
​

شـــكرا جزيلا لك يا أختاه ، الحمد لله فهمت الطريقة ، إذا واجهتني مشكلة في التطبيق سأخبرك
شكرا جزيلا وجزاك الله ألف خيرٍ..~

 

[الورد الأحمر]

شـــكرا جزيلا لك يا أختاه ، الحمد لله فهمت الطريقة ، إذا واجهتني مشكلة في التطبيق سأخبرك
شكرا جزيلا وجزاك الله ألف خيرٍ..~

اوكي اختي الحمد لله قدرت نوصلك الفكرة ... أي مشكلة راني هنا
وكي تديريها وتكمليها صوريهالنا نشوفوها ...
هيا سلامو اختي
​

 

[miss gamra]

merci nour tré belle idée

 

[برنســ اللمة ـيسة]

الله يبارك يا نور
و الله راكي شاطرة في هاد الطوايش خالي لمزية نحتاجوك في المسابقة ​