آحبآبي هيآآ عاونوني في هذه القصة help us plz

[آلاء هبة الرحمان]

احبابي هيا عاونوني في هذه القصة pllllz

صبآآحـــ/مــســـآآآء الآآنوآآر
وشرآآكم ؟؟؟ كيف آحوآآلــكم ؟؟

انا راني من صحبتي ماني في خير :sad:، ماحبيت نقوللها والو و نعطيها حتى حل حتى نشاوركم انتم رايكم يهمني و نتشاورو بين بعضانا و من بعد نقوللها و ان شاء الله نعاونوها pask راني متحيرة منها بزااف راهي اكثر من اختي

القصة و مافيها هي :
عندها عام و هي مع واحد عرفتو هي تحبو و هو اكثر انا متاكدة من هاذي الحاجة مي في الآونة الاخيرة هاذي عادت تحس بلي هي ماتعجبوش مع انها حاجة ماتخصها و حاجة ماهي فاسدة فيها الله يبارك اي واحد يتمناها متربية ، متخلقة ، تقرا ، خاطيينها المشاكل ، شابة ، بوقوسة ، ضحايكية ، زهروانية مي الله غالب غرقت في دوامة الحب قلتلكم هو ولا يقوللها انا كنت نحوس على واحدة سيفيليزي و هي متحجبة و نحوس عليها من النوع اللي يلعب la guitar هاذوك البنات السامبل راكم عارفين كيفاه و المشكل هو مستعرف بحبو ليها و يقوللها بصح من نهار عرفتك خلاص نحيتهم من بالو و هي ماقدرتش و الله كل يوم تبكيلي و تشكي قالتلي يخي يقولو الحب تضحية انا و الله و يلقا واحدة خير مني غير نخليه مالgري نموت عليه و هو ثاني ماهوش سامح فيها طوول و قاللها غير انت اللي مانخليكش ، ياك انا اللي خيرتك و انت عاجبتني هكذا و سيرتو كي عدتي متربية و بنت ناس و هي الله غالب ماحبتش تفهم انا قلتلها مادام يحبك خلاص و زيد هو اللي خيرك من بين البنات ماشي انت اللي جريتي وراه وحدو اللي قدم و زيد كان شايفك ماشي حاجة جديدة عليه
هيا احبابي و احباباتي انتم وش تقولو في هذه القصة ؟؟ وش تنصحوها ؟؟ كيفاه تتعامل معاه ؟؟ تسمح في اول حب ليها و آخر حب ؟؟؟؟ ولا تكمل ؟؟كيفاه ؟؟ هيا و الله هبلت تعيشو عاونونااااااا
help us plllz

راهي بين يديكم راني نستنا تفاعلاتكم و نصائحكم

​

 

[آلاء هبة الرحمان]

صبــــــــــــآآآحـ/مــسآآآآء الآآنوآآآر

وش آآحوآآلــكم ؟؟ لابــآآس ؟؟

انآ مآني في خير من حبيبتي و رفيقة عمري و صديقتي المقربة ، هي في حيرة و حيرتني معاها
انا ماحبيت نقوللها والو قلت نشاوركم انتم خاوتي و تعرفو اكيد خير مني و منبعد انا نقوللها و نتوصلو لحل

القصة و مافيها :

هي تعرفت على واحد و عندها ضك عام و هي معاه ، تحبو و هو يموت عليها و الله قصة حبهم فوور ربي يبعد العين عليهم مي هي هاذو ليامات قالتلي راني عدت نحس مانعجبوش قلتلها لاه امخلوقة وش تبدل ؟؟ يخي كان شايفك من قبل و ماشي حاجة جديدة عليه و زيد هو اللي خيرك ماشي انت اللي جريتي وراه و لا حتمتي روحك عليه قاتلي ايييه علابالي و بداات تبكي وش بيك حنونتي ؟؟؟ قالتلي قاللي انا كنت متمني واحدة تلعب la guitar و شعرها طويل و سيفيليزي و تعرفلها و سااامبل و المشكل صحبتي حاجة ماتخصها الف واحد يتمناها متربية ، متخلقة ، تعرف بينها و بين ربي ، تقرا ، خاطيها المشاكل ، بوقوسة ، متحجبة و en+ شعرها طوييل و فور يعني هاذي وش يخير عليها و الاهم تحبو و تفديه بروحها و هو ثاني ماهوش سامح فيها قاللها انا كنت صح حابها هكذا مي انت اللي تهميني ضك نسيتهم هاذوك طول و مستعرف بحبو ليها و بلي غير هي اللي مايخليهاش مي هي حساسة بزااف و قالتلي ياك الحب تضحية انا قابلة نضحي و نسمح في اول حب و آخر حب ليا في خاطر انو يكون فرحان و كون يلقا واحدة خير مني و الله غير نخليه و قابلة انا نتعذب ، قولولي عيشكم وين شفتو هكذا حب ؟؟ هكذا طفلة ماتخممش غير في روحها ؟؟؟

ضك احبابي فهمتو القصة انصحوني و وجهوني وش نقوللها ؟؟ تسمح في حب حياتها ؟؟ تكمل و تسمع لقلبها ؟؟؟ تزيد تغوص في دوامة الحب الاعمى اللي هبل الناس ؟؟؟ هيا وش تنصحوها ؟؟ كيفاه تتعامل معاه ؟؟ وش تقولو ؟؟ كيفاه توصلوا الميساج ؟؟؟

راني نستنا ردودكم و نصائحكم هيا ماتطولوش عليا تعيشوووو و ربي يحفظكم

​

 

[برنســ اللمة ـيسة]

السلام عليكم الاء حبيبتي
علابالك انا جامي في حياتي شفت وحدة تحب واحد كيما هكدا
و أكيد هو الطفل مش يقصد
هو كان يحكيلها على الماضي واش كان يتمنى
مي قلبو طاح في صحيبتك مستحيل يقدر يبدلها و العكس انا بالنسبة ليا كي يقولي هكدا معناتها او يحبني و يعشق فيا و يموت
و مستحيل يسمح فيها
قوليلها ما تدير حتى حاجة في بالها و ما تفكر في حتى حاجة مش مليحة باش ماتصراش
تقبلي تحياتي و مروري ​

 

[آلاء هبة الرحمان]

السلام عليكم الاء حبيبتي
و عليكم السلام و رحمة الله تعالى و بركاته يا الغالية
علابالك انا جامي في حياتي شفت وحدة تحب واحد كيما هكدا
حتى انا قلت هكذا
و أكيد هو الطفل مش يقصد
هو كان يحكيلها على الماضي واش كان يتمنى
مي قلبو طاح في صحيبتك مستحيل يقدر يبدلها و العكس انا بالنسبة ليا كي يقولي هكدا معناتها او يحبني و يعشق فيا و يموت
و مستحيل يسمح فيها
ايه صح عندك الحق
قوليلها ما تدير حتى حاجة في بالها و ما تفكر في حتى حاجة مش مليحة باش ماتصراش
اوك يبلغ ان شاء الله
تقبلي تحياتي و مروري
نورتي الموضوع حنونتي
​

و الله فرحتيني بردك يا الفاهمة تاعنا

​

 

[Elif DZ]

هههههههههههههههههههه
اصبري الساع




انا نقلكـ وش تقوليلها
قلها ألهي بقرايتكـ أولى بيكـ و راكي قلتي متخلقة و ما إلى ذلكـ
إذن كون تخطاها من هالطريق الكل
الحب ليس حرام لكن الحرام أن نطيع أنفسنا باسمه و نلوث معناه
إن كان من نصيبها أختي فلو لف العالم بل الكون أجمع سيكون لها
لذا فلتقطع هاته العلاقة فورا و تريح بالها و تهتم بدراستها
فولله لن يزيدها هذه الموضوع إلا هما على همـ
ثم إنها في مرحلة مراهقة و الزمن دوااار
و لازالا غير مؤهلين لمثل هاته المشاريع
و بما أنها تعرف ربها و خاطيها المشاكل
الباب اللي يجيك منه الريح سده و استريح

اعذريني قد يكون كلامي ما لم تريدي أن تسمعيه لكن هاته هي الحقيقة و يغالطك من يقول لكـ بأنك عليك أن تشجيعا على مثل هاته الأشياء فالحب الحقيقي يا أختي أسمى من شعر طويل و عازفة قيثاار و كلام معسول

و هداكما الله إلى ما تحبانه و يرضاه
و تذكري المولى في كل لحظة
​

 

[Jeune Sghir Mc]

على حساب واش قلتي
ماكاين والو غير صاحبتك توسوس في روحها
ومادام قلتي متربية ، متخلقة ، تعرف بينها و بين ربي ، تقرا ، خاطيها المشاكل ، بوقوسة ، متحجبة و en+ شعرها طوييل و فور يعني هاذي وش يخير عليها و الاهم تحبو و تفديه بروحها

هاذي الطفلة مخصوصة شوي ثقة في النفس
وحب الذات amour-propre
قوليلها اتنحي هاذي الأفكار من بالها
وتخطي هذا التفكير السلبي
​

 

[Jeune Sghir Mc]

وإذا راها خايفة على مستقبلها مع هذا السيد
تقولو راني مستحقة تجي تهدر مع دارنا (يخطبها يعني)
وتشوف Réaction نتاعو
​

 

[ملكة جمال اللمة]

انا راني موافقة لراي الاخت
PRINCESSE WA​

 

[هآجر]

السلام عليكم

قصة تقول مسلسل

اختي اخلاقي متسمحليش نقول الا حاجة وحدة

العلاقة هذي حرام ومنقدرش ننصح صاحبتك على حاجة حرام كون خاطبها نقلقك راني ننصح ونزيد
بصح هذا اللعب نتع دري صغار ومدابية يا بنات تحبسواالعلاقات هذي العشاوائية راهي حرام شوفوا للوالديكم الي حاطين فيكم ثيقة

سبحان الله

ربي يصلح المجتمع

وعليكم السلام​

 

[ماكانش]

شفت الناس ألي يتمناو لبنات كيفاش يكونو
زينة قارية متربية طبيبة
بصح
ألي يتمناها تضرب قيطارة وشعرها طويل جامي سمعت بيها
ياخي ذوق ياخي
قوليلها لا حب اول لا اخر لا وسط
خرطي في الخرطي
انسان صارحها هكذا يعني ماراهيش في قلبو صح صح وماراهيش مقنعاتو
لوكان كانت مقنعاتو راهوا نسا كلش وماقاللهاش هكذاك
والتصديق مايكونش بالقول ماشي يقلها نشتيك خلاص راهم كامل يقولو فيها لازم بالفعل والتصرفات وقد اثبت انو مايحبهاش ...​

 

[أبو أميمة الجزائري]

أنا أوافق الإخوة المعارضين لهذه الفكرة
يا أختي راني شاك في أن صاحبتك متربية ومتخلقة 100%
لأنّ الدين والواقع والعرف والمجتمع يقول باللي
الطفلة المتخلقة والمتربية لا ولن
تقبل بشاب أجنبي كصديق لها
مهما أظهر لها من حبّ و إعجاب واحترام
خلاص زمن الحب العذري
لم يبقى منه شيئ ...
الفتاة المتخلقة تعلم أن عرضها أمانة في عنقها
لا تقبل لأحد أن يقترب إليه كائنا من كان ....

يجي خاطب على كتاب الله وسنّة رسوله
يأتي البيوت من أبوابها مرحبا بيه
ونحن أول المهنئين والدّاعين له بالخير
حاجة أخرى لا .....ما هي إلا لعب وضحك على النّفس
قبل أن تكون ضحكا على النّاس ...

أرجو تقبّل نصيحتي لأنّها نصيحة مجرب
أعرف هذا الباب جيّدا أعرف أصحابه وكيفيات تفكيرهم
وطرقهم الماكرة في اللعب ....

الحذر ثمّ الحذر ثمّ الحذر .....

​

 

[Estrella]

الاخ الي قبلي راه قال الي يكفي صحبتك وزياااااادة
شكرااا اخ مكانش
مي معليش نعطو راينا
قبل كلشي نتمنى صحبتك تلقى الحل باقرب وقت
ولله عشنا وشفنا شعرها طويل و تضرب القيطارة
ياخي جيل ياخي الناس طلعت للقمر وهو مازالو يحوس علا الي تضرب القيطار
سمحيلي مي قلقني ماعلاباليش مين يجيبو هاد الشي
لله يكون في عون حبيبتك
وشكرا ليك نتي الي راكي واقفة معاهاوتخمي عليها بارك لله فيك
اما رايي فهاد الشي ..انا تبانلي
كون جا يحبها صح و شاريها ميجرحهاش ويراعي المشااعر نتاعها ماشي يقوللها كنت حاب هكدا و هكدا تسما راه يقوللها مراكيش عاجبتني وراه مطيح بيها
المهم انا هدا هو رايي والقرار الاول والاخير يرجع لصحبتك
​

 

[*ايمان*]

هذا يدل على انو يلعب بيها كون يشتيها ميقوللهاش هكذا ونظن انو الاحساس تاعها راهو جاوبها

 

[bilal22]

عاش من شافك خيتو وان شاء الله راكي بخير
شوفي انا من رايي هاذا الانسان متردد برك هو يحبها صح
لو كان ميحبهاش لكان سمح فيها ولاكن مدامت في يدو راه ميخممش
مي تقدر تجرب انها توهمو بلي ابتعدت عنو وتشوف ردت لفعل راح يبان كل شيء
ديري في بالك كاين نوعيه تدير للطفله هكا لانه يحب يسمع منها كلام انها تحبو وانها تضحي علا جالو وعدة اشياء هكا يحب يسمعها
مي قلها تجرب وش قلت وتشوف بلاك تنفع ويبان الامر

​

 

[ماكانش]

الاخ الي قبلي راه قال الي يكفي صحبتك وزياااااادة

شكرااا اخ مكانش
مي معليش نعطو راينا
قبل كلشي نتمنى صحبتك تلقى الحل باقرب وقت
ولله عشنا وشفنا شعرها طويل و تضرب القيطارة
ياخي جيل ياخي الناس طلعت للقمر وهو مازالو يحوس علا الي تضرب القيطار
سمحيلي مي قلقني ماعلاباليش مين يجيبو هاد الشي
لله يكون في عون حبيبتك
وشكرا ليك نتي الي راكي واقفة معاهاوتخمي عليها بارك لله فيك
اما رايي فهاد الشي ..انا تبانلي
كون جا يحبها صح و شاريها ميجرحهاش ويراعي المشااعر نتاعها ماشي يقوللها كنت حاب هكدا و هكدا تسما راه يقوللها مراكيش عاجبتني وراه مطيح بيها
المهم انا هدا هو رايي والقرار الاول والاخير يرجع لصحبتك ​

يعطيك الصحة استريلا
ليا الشرف رايك من رايي
والله
انا ثاني حرت في الذوق تاعو ؟؟؟ شعرها طويل وتضرب القيطارة
افففففففففففف حيرة والله
كيما وصفتي صاحبتك مايستاهلهاش انسان كيما هذا
ورايي وراي استريلا باين وواضح ...​

 

[محـ أمين مد]

السلام عليكم و رحمة الله تعالى و بركاته

اولا الناس اذواق كل حسب رأيه و معتقده و كل حسب قلبه و عقله

هاد السيد كان يحب اللي تلعب لا قيطار هاذي مشكلة

لكن هذا راه صارحها زيادة على ذلك ماتنسايش بلي قالها ملي عرفتك نحيتهم من بالي

يعني السيد راه يحبها صدق

او من وجهة نظر اخرى .. :

هذا الانسان كي قالها نحب اللي تلعب لاقيطار بالاك كان يجرب فيها او كانت عندو نوايا اخرى

من وراء هذا الكلام و بانتظار رايها او بماسترد عليه


نرجوااا من الله تعالى ان يصونك صديقتك و يغمر عليها برضاه و يرشدها الى ماهو صواب

بالتوفيق .........

​

 

[Elif DZ]

نعاودلك وش كتبت في الموضوع الآخر و اللي هو نفسه

قلها ألهي بقرايتكـ أولى بيكـ و راكي قلتي متخلقة و ما إلى ذلكـ
إذن كون تخطاها من هالطريق الكل
الحب ليس حرام لكن الحرام أن نطيع أنفسنا باسمه و نلوث معناه
إن كان من نصيبها أختي فلو لف العالم بل الكون أجمع سيكون لها
لذا فلتقطع هاته العلاقة فورا و تريح بالها و تهتم بدراستها
فولله لن يزيدها هذه الموضوع إلا هما على همـ
ثم إنها في مرحلة مراهقة و الزمن دوااار
و لازالا غير مؤهلين لمثل هاته المشاريع
و بما أنها تعرف ربها و خاطيها المشاكل
الباب اللي يجيك منه الريح سده و استريح

اعذريني قد يكون كلامي ما لم تريدي أن تسمعيه لكن هاته هي الحقيقة و يغالطك من يقول لكـ بأنك عليك أن تشجيعا على مثل هاته الأشياء فالحب الحقيقي يا أختي أسمى من شعر طويل و عازفة قيثاار و كلام معسول

و هداكما الله إلى ما تحبانه و يرضاه
و تذكري المولى في كل لحظة
​

 

[MiSs Sisi StyLe]

هاد قاعد غير يلعب ليها بمخها مرة يقوللها نبغيك و نموت عليك و انتي كلش و مرة يقول ليها قيتار و مانعرف وشي
انا من عندي غير تفكها منو لانو ما يستاهلهاش علا خاطر هي بنت ناس و كلش و حتى لوكان تحبو تعفس على قلبها و تنساه و نسيانو يجيها ساهل بويسك راهو قاسها و كيما قالت الاخت قسامية من الاحسن تلهى بقرايتها و تتلفت لاحوالها و تخطاها من هادي القصايص و لوكان جا مكتوبها وين يروح و يجي او ما يكون غير ليها

 

[عاشقة الوحدة]

السلام عليكم
لوكان جاء يحبها ما يقولش ليها كيما هك​

 

[ماكانش]

السلام عليكم و رحمة الله تعالى و بركاته​

اولا الناس اذواق كل حسب رأيه و معتقده و كل حسب قلبه و عقله​

هاد السيد كان يحب اللي تلعب لا قيطار هاذي مشكلة ​

لكن هذا راه صارحها زيادة على ذلك ماتنسايش بلي قالها ملي عرفتك نحيتهم من بالي​

يعني السيد راه يحبها صدق​

او من وجهة نظر اخرى .. :​

هذا الانسان كي قالها نحب اللي تلعب لاقيطار بالاك كان يجرب فيها او كانت عندو نوايا اخرى​

من وراء هذا الكلام و بانتظار رايها او بماسترد عليه​

نرجوااا من الله تعالى ان يصونك صديقتك و يغمر عليها برضاه و يرشدها الى ماهو صواب​

بالتوفيق .........​

واش من يحبها هذا
علاه الحب يثبت بالقول ؟؟؟
الحب لازم يثبت بالتصرفات والمعاشرة
وهذا كي عاشراتو بدا يخرج واش في قلبو
الناس كامل راهي تقول نحب وراهم عاملين كوارث