الراجل الي تتحكم فيه مرتو

[**** بنت أبوها ***]

السلام عليكم ورحمة الله تعالى و بركاته
وشراكم يا احلى اعضاء بالدنيا ان شاء الله تكونوا بخير:sheer: على بالي راكم ملاح و ما يخصكم والو ما دام راكم مع لمتنا و في داكم الثاني
هذا أول موضوع ليا في هذا القسم و من انتاجي مش كوبي كولي و قعدت تقريبا سمانة و انا نخمم :sadwalk:لا ندير هذا الموضوع و لالا خوفا انو مايعجبش الاعضاء او انو مش بأسلوب الراقي الي كيما تعودتو عليه و لكن فالاخير قررت اني نديرو و نتمنى انكم تساعدوني باش نوصل للكتابات الي موالفين تقراوها و هذا بانتقاداتكم ليا و لهذا الموضوع
على بالي كامل راكم تقولو هذي وش بيها:cra_zy: تحكيلنا في قصة حياتها المهيم نرجعو للموضوع الاصلي اليوم حبيت نحكيلكم على وحدة نعرفها من بعيد (مرت خويا لوست اختها) البارح كي العادة كنا نتعشاو مع بعض عيطت هذي المرا لخويا و قاتلو راني اونبان مع بنتي و عمرها 7 سنين و كانت الساعة تقريبا 9 و ربع تاع الليل كنا كامل ظانيين أنها جات مع راجلها مي كي وصلت اظهر العكس انخلعنا كامل :scared: كيفاش راجلها خلاها تجي وحدها و هي تبعد علينا بحوالي 120 كم المهيم حطتلها ماما تتعشى و امبعد كي كملت قعدت تقصر مع يما و زوج خواتاتي مزوجين و بدات تشارجي فيهم كالساعة بالافكار الشيطانية و تقدرو تعتابروها دورة تدريبية باش يرجعو رجالتهم كالخاتم فالصبع و قعدت تقوللهم اذا حبيتو تروح تزورو عند داركم ما تقولولهمش لا نروح لدارنا قولولهم نروحو لدارنا كالي راكم تعطو فالاوامر و اذا رحتو خلو ولادكم عند رجالتكم باش تقعدو مرتاحين و هو مسكين يطيبلهم و ربيهم ولالة تزور و ..........و...و...

برك حبيت نسقسي أعضاءنا الحلوين وش رايكم فالنسا الي تتحكم في رجالتها ووش نظرتك لهذو الرجال الي تتحكم فيهم نساهم و هل يعتبر هذا ضعف شخصية عند الراجل و حب تملك عند النساء و لا واش
أنتظر ردودكم

ملاحظة: ماتنساوش تنتاقدونا لأنا نتعلموا منكم

العضوة halim1​

 

[ماكانش]

أهلا بيك حليم ؟؟؟
اسمحيلي ماقدرتش نقرا اسمك مليح هههههه
مرحبا بيك بين اهلك واخوانك
---
والله ديجا قريت الموضوع تقلقت
اف مارانيش قادر نخمم تصرالي لقطة كيما هذي ومارانيش قادر نتخيل مرتي تهز هدرتها وصوتها عليا
مانهدرش خير ...​

 

[صفحة بيضاء]

هدي لي حيرتني وكل ما نسأل يقلولي دارتلوا سحووووووور
عجب هدا والله ..بصح كاين طرق المرأة تستخدمهم باش يسمع غي ليها هيا
ودير واش تحب هيا كل وحدة وشطارتها ..وطبعا لي تخاف ربي تخليه يبغيها
ماشي تذله ..كاين فرق انو يبغيك وانو تحكم فيه
الله يهدي جميع النساء..طبعا انا منبغيش الطرطور ومنبغيش يضربني تاني
نبغي الاحترام المتبادل ..ويسلمو​

 

[ماكانش]

هدي لي حيرتني وكل ما نسأل يقلولي دارتلوا سحووووووور

عجب هدا والله ..بصح كاين طرق المرأة تستخدمهم باش يسمع غي ليها هيا
ودير واش تحب هيا كل وحدة وشطارتها ..وطبعا لي تخاف ربي تخليه يبغيها
ماشي تذله ..كاين فرق انو يبغيك وانو تحكم فيه
الله يهدي جميع النساء..طبعا انا منبغيش الطرطور ومنبغيش يضربني تاني

نبغي الاحترام المتبادل ..ويسلمو​

هههههههههه
ااا قتلتني بالضحك هذي هههههههههه​

 

[**** بنت أبوها ***]

شكرا على اعتماد الموضوع
​

 

[**** بنت أبوها ***]

أهلا بيك حليم ؟؟؟
اسمحيلي ماقدرتش نقرا اسمك مليح هههههه
مرحبا بيك بين اهلك واخوانك
---
والله ديجا قريت الموضوع تقلقت
اف مارانيش قادر نخمم تصرالي لقطة كيما هذي ومارانيش قادر نتخيل مرتي تهز هدرتها وصوتها عليا
مانهدرش خير ...​

ان شاء الله خويا تطيح فالمرا الي تحتارمك و تقدرك وما ترفدش صوتها عليك
شكرا على مرورك اسعدني تواجدك بموضوعي
​

 

[**** بنت أبوها ***]

هدي لي حيرتني وكل ما نسأل يقلولي دارتلوا سحووووووور
عجب هدا والله ..بصح كاين طرق المرأة تستخدمهم باش يسمع غي ليها هيا
ودير واش تحب هيا كل وحدة وشطارتها ..وطبعا لي تخاف ربي تخليه يبغيها
ماشي تذله ..كاين فرق انو يبغيك وانو تحكم فيه
الله يهدي جميع النساء..طبعا انا منبغيش الطرطور ومنبغيش يضربني تاني
نبغي الاحترام المتبادل ..ويسلمو​

ماشي دايرتلو حاجة و انما انا نعتبر الراجل مهبول
على خاطر كون ينوض ليها ما تزيدش كامل تديرلو هكا
شكرا ليك خيتو على المرور
نور الموضوع بوجودك
​

 

[الجريئة]

lazem le respet
wa el rajel ili tou7kem fih martou
pffffffff mawech rajel tehtarem ryha sah mais
merci bcp

 

[never die]

سلام حليم ..
بصراحة انا منحملش تكون عندي مرى تتحكم فيا ولا ترفع صوتها عليا او ترفد قشها و تولي دارها فلحل لا زم تتزوج بوحدى تكون تعرفها مليح

 

[Jeune Sghir Mc]

المرا ماهي مرا و الراجل ماهو راجل
مانقدرش نتصور مرتي تأمرني ولا تعلي صوتها راني نذبحها

​

 

[برنســ اللمة ـيسة]

سلام
صاحيتي أختي
و علاه تقولي ما نعرفش نكتب
راكي خير مني
هههه
ايا ماعليش حنونة
كاينين ناس كيما هادو ما تخمميش او يجي نهار و بالاك تولي انت كيما هوما
هامالا ما تهدريش على الناس
ههههههه كيما مرت عمري مدايرة راجلها كيما الصاك في يدها و هو قابل بهاد الشئ و ربما ضعف شخصية
انا متمنية ندي راجل يكون يحمق عليا و أنا نموت بالفرحةو لازم هدرتو هي اللي تمشي مش طرطور كيما ابو بدر تاع باب الحارة
هههههه
ايا لي عودة انشاء الله ​

 

[hicham500]

بارك الله فيك على الموضوع
صراحة مقريتوش كامل ولكن نظن بلي راني فهمت الفكرة الرئيسية
كاين منها هادي الظاهرة وعندها شحال من وجه وبخصوص التحكم تاع النسا بالرجال
كاين فيه 2 مظاهر متناقضة ، كاينة لي بالدهاء نتاعها والذكاء و...الخ تتحكم في الراجل نتاعها بلامايفيق ويولي كي الخاتم في صبعها باش يرضيها بصح يبقى يحتفظ بالهيبة نتاعو
وكاين وجه اخر وهو الاسوأ لي تكون فيه المرأة هي المسيطرة في الجانبين وتمشي كلمتها هي دايما بالقوة حب ولا كره راجلها وهذي هي لي نكرهها في الرجال لي يخليو نساهم يتحكموا فيهم
ويقلبوهم كي الدراري الصغار اما الصنف الاول اعتقد انو شيئ عادي باش يكون توازن في الحياة الزوجية بين الرجل والمراة والا راح تحس روحها خادمة ولا حاجة اخرى
هدا رأيئ في الموضوع بكل بساطة وشكرا لك على الموضوع مرة ثانية تحياتي​

 

[DARINE05]

هههههههههههههه
انا با النسبة ليا مهوش رجل

 

[la_safa]

مرحبا بيك ختي معانا فهاد الركن

°°°°°°°°
عجب والله .... !!!
كثرت هاد الظاهرة و في كل بلاصة
انا رأيي الراجل لي تحكم فيه مرتو كون يكمل يحكم هو الدار خير
ماهيش رجولية
ربي يقدر الخير برك النسا تاني ماهمش ساهلين

مرسي عالموضوع
​

 

[ملكة جمال اللمة]

طرطوووووووووور

 

[**** بنت أبوها ***]

شكرا لكم على الردود الرائع
اسعدتني تواجدكم في موضوعي
​

 

[adelskikda]

كما قال رسول الله صلى الله عليه وسلم بمعنى الحديث انما الطيبون للطيبات والخبيتون للخبيتات اي كل واحد ويدي الطفلة لي تواتيه الى هو عاجباتو ربي يسهل عليه مارايحش نلومو خاطرش قلبو كيما قلبها وربي يساعف لحوال وكي تحوسو تربيوهم من جديد ربيوهم من الاول اي هو تقولولو كيفاش تحكم فيك مرتك وهي قولولها علاش تحكمي في راجلك احشمي شوية خخخخ المهم شكرا على المودوع انسة حليمة

 

[مسلمة وافتخر باسلامى]

كاين رجال اللى عقليتهم شوى منفتحة ويحبو المرا الى تسلك راسها برك
يعنى الناس انواع
انا منحبش هدا النوع من البشر

 

[sahiko hamza]

وعليكم السلام ورحمة الله

ياو بليس راه يدير فسطاج عند النسا خلي يا باه دير الراجل خم فصبعها بصح باه فوو على لمحلب ؟؟ غي تفوها
سلامـ
​

 

[**** بنت أبوها ***]

كما قال رسول الله صلى الله عليه وسلم بمعنى الحديث انما الطيبون للطيبات والخبيتون للخبيتات اي كل واحد ويدي الطفلة لي تواتيه الى هو عاجباتو ربي يسهل عليه مارايحش نلومو خاطرش قلبو كيما قلبها وربي يساعف لحوال وكي تحوسو تربيوهم من جديد ربيوهم من الاول اي هو تقولولو كيفاش تحكم فيك مرتك وهي قولولها علاش تحكمي في راجلك احشمي شوية خخخخ المهم شكرا على المودوع انسة حليمة

العفو خويا عادل
شكرا لك على المرور
​