آآآآ لمرّة هذي قلبي تعمّر... نور راهي ما تضويش

[الورد الأحمر]

السلام عليكم ورحمة الله وبركاته ....
ان شاء الله راكم كامل بخير ... أنا اليوم مانيش بخير خلااااص
وحد النهار كي الهم يا لطيف والطف ... كرهت حياتي ...
وقيلت نبكي ... حاسة روحي ديـpـاسي ... من البارح ما رقدتش
وزيد ما كليتش .... هذا الكل علاش ... ؟؟؟ على الميمواغ تاع
الهم ...
زعمة وجد ...ظهر ما يعجبش ... عاودتو وحدا ...
ظهر ما يقنعش ... وليت عاودتو في ليلة ... من البارح
لليوم وانا وراه ...
أها ... خلي برك غير العكسات ... بسيف عرفت كيفاش
يرقمو كي لقيتها ... لامبخيمونت ما أمبخيماتهمليش ...
عندها لاماغج لي لتحت ما تامبخيميش لي فيها ... مام نبدل
ليزوبسيو تاع لي ماغج ... المهم ... أمبخيميت وقلت نرقم
بيدي ... خلاصلي لونكخ ... لقيت لي كاغتوش ... راحلي
التريسيتي ... - أها كي قلت هك زاد راح ...- أو طفالي
المودام بقالي غير اللاب توب وااااع .... أسنى باش ما
تطيحليش لاشاغج ... كي يرجع نكمل ... - آو رجع
:sheer::sheer:- أها يعني نهار مسود يعيف ... الله لا يشوفني
نهار آخر كيفو ... وهذا الكل بسبة لبنات لي معاي في
الميمواغ ... درت فيهم كونفيونص ... نحسب فرزتو.
درك أنا جيت نحكي على موضوع في الدومان هذا بعد تاع
les mémoires de fin d'étude
لاحظت حاجة .. تعرفوني نلاحظ أنا بزاف ... يعجبوني
الملاحظات شغل يجيبولي المواضيع ...
لاحظت أنو كي يكون groupe تاع بنات صحبات ... وحبابات
... يقراو مع بعض ... والدنيا حلوة وأحلى سنين... أها يوصل
عام التخرج ويديرو الميمواغ مع بعضهم ... شفت بلي تفسد
العلاقة بينهم ... ويصراو مشاكل وكاين حتى لي خسروا
الصداقة هذيك لحلوة بسبت le mémoire .
هي هذي مش نظرية لازم تصرا ... مي بزاف صراتلهم ..
أنا مثلا راني مع زوج بنات ... كنا بيان لاباس ... ودرك مع
الضغط تاع الوقت لي ما بقاش ... بدينا ناكلو في بعض ...
تجيني اللولة تمنشر في الثانية وانا نروح فيها بمنشار ...
من بعد تجني الثانية تمنشر في اللولة ونزيد نروح في لخرى
بمنشار بعد خخخ - لي يقول أنا ما نمشرش أو يخرط -
أنا مش مثالية... يعني فيا لعيوب ... مي علابالي لي هوما
ما يمنشروش فيا :shay: ومتاكدة منها تاني :shiny:
أها هذا هو موضوعي ... واش رايكم في الكا هذا ....
في آخر يامات تاع قراية ... وكي يكون ما بقاش وقت ويتفرقو
خلاص وكل واحد وين يروح ... يصراو لمشاكل هذو ويعاداو
ولا شكون لي صرالو ولا صرالها الكا هذا ؟؟؟
إليكم الخط ...
مي نقول أنا مام منشرت مي مانيش نتعادية معاهم ...
يعني راني حاكمة من ومن هيه ... نحبهم في زوج مي ديفوا
يبداو يخربطو ... علابيها ناكسيليغي شوية في وحدا بمنشاغ
هيههيهيهي ...
مالا نقول للي منتقلين لعام التخرج ...
ما تديروش التفاهات هذي ... كي توصل دالتكم ...
وننصحكم ديرو الميمواغ وحدكم ... سال لمجرب وما تسالش
الطبيب :showoff::showoff:
هيا سلامو
مي قبل ما نروح حبيت برك نحطلكم الصفحة تاع الاهداء
لي درتها في الميمواغ تاعي ... باش تشوفو حاجة ...
وأومام تو باش نوجه شكر عالمباااااشر لوحد الانسااان

مغســــــــــــــــــــــ doudouya ــــــــــــــــــي
:re_gards:
نحكي عالعضو الكوووول النورغ (النوغــــــس)
:shay:
أقبلولي الموضوع علاه i-o:
راه هادف ههههه
وانا كووول
:shay:

​

 

[ماكانش]

هههههههههههههههه
ههههههههههههههههههههههههههههه
مت عليك بالضح يا نوغ ههههههههههه
لعشية نرجع نشاغك ههههههههههههه
وقبل قوليلي ذرك لاكاغتوش راهي صفا ولاميمواغ كملتيها
ولامبخيمونت ياخي راهي تمشي هههههه​

 

[4Akram]

ســـلامـ عليـــكمـ ~ مــرحبــا خيتـو
ربــي يعطيكـ و يمنحكـ القــوة حتى تكمـلي بحثكـ النهـائي

شــوفي غــاليـة ، أي إنسـان في هــذي الدنيـا لازم يتعذب و يشقى
و يتعب حتى يــوصـل لمبتغــاهـ ، و إنتـي بعـد مـا تــوذقي طعم المعنـاة التعب المر
راح تستمتعـي بحـلاوة النجـاح و رووعتـه ^^.

و كـل هـذي المشــاكل الي قـاعدة تحدث معـاكـ ، مـا هي إلا إختبـار راح يكـون لكت كتجـربـة
للمــرات المقبـلة ، و هـو في الأصـل إبـلاء من الله تعـالى ،،
لأنـه الله إذا أحب قــوم إبتــلاهـم ، و يـا حظ و يـا سعــد من يصبــر و كمـا يقـال الي يصبـر و الي يجتهـد
أكيــد راح ينــال كــل خيــر ^_~.

غــاليتي لا تخــلي بعض الصعـوبـات تأثــر عليكـ و تعكــر مـزاجكـ
تـوضي و صـلي ركعتيـن و أدعي ، أقسـم لكـ بالله راح تتحسـن كـل أمـوركـ بإذنـه تـعالى
و أنـا راح أدعي لكـ و للمـؤمنين بالتــوفيـق و النجــاح ، و ان شاء الله نسمـع منكـ خبــر مفـرح ^^.

دمتـي في حفـظ الرحمـن
​

 

[Estrella]

اهلا نور ...
لله يكون في عونك وربي ينجحك ان شاء لله...
تحيااااااتي ....​

 

[la_safa]

سلآآآآآآآموووو

ايه عندك حق هاد لحوايج تصرى ياسر
مي نورمال عادية نتيجة القلق و الضغط برك
مي مبعد تفوت و الحمد لله

اهاه ربي ينجحك ختي و تتهناي من لقرايا هادي خخخ

°°°°°
بـــآلتوفيـــــــــــــق
​

 

[Iman89]

نتي منحوسة يا طفلة ههههههههههه
كاينة صح مليح كي تجي ديري الميموار تشوفي اللي يخدم قد قد
الصاحبات ديما تفسد بيناتهم

 

[هآجر]

السلام عليكم

موضوع هايل اختي نور

شوفي درت لا ميميوار مع صحبتي وصديقة دربي

وكوم حنا للزوج عقلية وحدة وقت الجد جد وقت الضحك ضحك كل وحدة فينا عملت الي لازم تعملوا

يعني قسمنا الخدمة وكل وحدة وش ادير وكلمنا لا ميميوار في 15 يوم فقط

ودينا اعلى علامة عند الاستاذ في الفوج والحمد الله ربي العالمين

اي قضيت نظيم فقط اختي نور

وربي وفقك


همسة :::: وش حكايت مع نورس غير هو برك الي في اهداء يا بخيلة وحنا مناش عباد ؟؟؟؟؟؟؟؟؟؟؟؟؟؟

وعليكم السلام ​

 

[سجل أنا جزائري]

معليش ساعفيهم برك نعرف الضغط تع لا ميموار:cra_zy:

كيما دير ما تلحقش في الوقت مي انا حمد لله خدمتها مع واحد كنا متفاهمين مليح

و في صح انا خدمتها كثر نحب نخدم واحدي و هو نعطيلو حوايج صغار برك يخدمهم

و حمد لله كملنها في الوقت و ادينا ميور نوت في السوتنوس :showoff:

ربي يوفقك ان شاء الله

و مبروك عليك التخرج مسبقا ما تنسيناش في البروك هع :lolo:

:re_gards:
​

 

[sahiko hamza]

وعليكم السلام
ربي يكملك على خير
اني فايت طريق بركـ
​

 

[السلطانة]

وعليكم السلام
بشوي برك اختي نور
ان شاء الله كلشي يفوت
وتنساو كامل الضغوطات
تحياتي
​

 

[يوسےفے]

الله يصبرك اختي نور صرالك كيما صرالي العام لي فات فل الميموار تاعي,,,ياما قاسيت و عانيت مي الحمد لله سلكتها و مع علامه جيد جدا....كلش يفوت ويبقاو غير لي سوvونير الشابين تاع الجامعه....بالتوفيق اختي الله يسهلك​

تحياتي
:re_gards::re_gards::re_gards::re_gards::re_gards:​

 

[نهى28]

ايييييييييييه والله مليحة لي راكم في ثلاثة
عجبك انا وحدي والله غير مزلت حاصلة لحد الان
متقلقيش روحك كلشي يفوت
ربي يعينك ويعينا معاك ان شاء الله
والاهداء نتاعك روعة لوكان غير جا بالفرنسية باه نديه من عندك
سلام ويعطيك الصحة على الموضوع ​

 

[M!ss_f@ti]

حاجة مليحة حبيبتي ,,, يقول لي يجري بزااف على حاجة ينالها

باينة بلي لاميموار تاعكـ رايحة تحبسلهم مخهم ههههههه

بالتوفيق ان شاء الله

 

[ღحنين الروحღ]

السلام عليكم
موضوع هايل انور
مي مانقدرش نردلك لاني لو هدرت مش حانسكت هانوووووووووووووووووووووووغ



لاحظت أنو كي يكون groupe تاع بنات صحبات ... وحبابات
... يقراو مع بعض ... والدنيا حلوة وأحلى سنين... أها يوصل
عام التخرج ويديرو الميمواغ مع بعضهم ... شفت بلي تفسد
العلاقة بينهم ... ويصراو مشاكل وكاين حتى لي خسروا
الصداقة هذيك لحلوة بسبت le mémoire

وي كاينة منها واقرب صحابات تصرالهم هذي المشاكل
مي الامر لله
المهم بشوي برك وكلش يعدي تبقى غير الذكرى
+ماتخليوش حاجة كيما هذي تخسرلكم صداقة اكثر من عام
اك
كوني رزينة وفوتي
والي تغلط لازملها تطلب سماح ولي غالطة فيها تسامح
وخلاص
المهم هنايا نقدر نقولك تبانلك الي صحبتك صح صح ولا زميلة الدراسة
وكاين فرق بيناتهم
عندك حق تزعف لانك لو ماكنتيش تعزيهم راكي كنتي عاملتيهم بالخشونية واللا مبالات
مي هاذو عشرة عامين او 3
بففففففففففففففففففففففففففففففففففففففففففففففففففففف
تهلاي في روحك
وارمي كلش بورى ظهرك
وان شاء الله ناجحين

​

 

[الورد الأحمر]

مغسي لوليدات عالمرور والرد والمشاركة
الموضوع راني درتو وراحتلي الكوناكسيو
ما رديتش عليكم سامحوني برك ...
درك الحمد لله كلشي فات وراني نجري
على الدوسيي لي نديرو باش نعبي الديبلوم
والميمواغ راني دفعتو ومدولي لانوت سي بو
مي ما نقولش شحال مدولي...
نخاف تضربوني بعين خخخ
سلامو لكا المارين من هنا
ولكل من رد هنا ...
​

 

[sam_houssem]

هههههه
قال واش قال راني كول
بلاك راكي مونجي
اي بالشوي برك حبة حبة وتجيبيها في الفيلي
مي نور اختي
كون تعرفو وقت الخدمة خدمة وقت ضحك ضحك
كون بلاك ماش سيير ما تصرالكمش هكذا
المهم نتمنالكم الخير والنجاح
والا ماصلحتش بعيد الشر
نتمنالك النشافة والبيدون وراجل كووول
خوك متهني مازال ما وصلش للميموار وماش رايح يوصل
وعلى البحوث كثر خير الانترنت زوج سوايع والبحث واجد
وعاشو في سعادة دائمة​

 

[الورد الأحمر]

هههههه
قال واش قال راني كول
بلاك راكي مونجي
اي بالشوي برك حبة حبة وتجيبيها في الفيلي
مي نور اختي
كون تعرفو وقت الخدمة خدمة وقت ضحك ضحك
كون بلاك ماش سيير ما تصرالكمش هكذا
المهم نتمنالكم الخير والنجاح
والا ماصلحتش بعيد الشر
نتمنالك النشافة والبيدون وراجل كووول
خوك متهني مازال ما وصلش للميموار وماش رايح يوصل
وعلى البحوث كثر خير الانترنت زوج سوايع والبحث واجد
وعاشو في سعادة دائمة​

أهلا بيك حسام ... عاش من شافك ...
ايه راني كول ومكرة فيك هههه
راني تهنيت سي بو كملت كلشي
وتخرجت والحمد لله ...
يعني كلشي فات ...
وحسام هذا وين فات عالموضوع
كي تفرت ...
النشافة أحكمها ليك اشرب بدراهمها
قهيوة مع صحابك ... ههههه
والراجل الكول خليه برك صاحبو
وقصر معاه انا مازال الحال عليا
مغسي حسامو عالمرور... سلامو
​

 

[sam_houssem]

أهلا بيك حسام ... عاش من شافك ...

ايه راني كول ومكرة فيك هههه
راني تهنيت سي بو كملت كلشي
وتخرجت والحمد لله ...
يعني كلشي فات ...
وحسام هذا وين فات عالموضوع
كي تفرت ...
النشافة أحكمها ليك اشرب بدراهمها
قهيوة مع صحابك ... ههههه
والراجل الكول خليه برك صاحبو
وقصر معاه انا مازال الحال عليا
مغسي حسامو عالمرور... سلامو​

الله غالب نور يخي علبالك
ماش حتى نشكي ونبكي علا بيها ما شفتش الموضوع
المهم مبروك عليك وربي يوفقك في لي مزال
تستاهلي كادو مي الله غالب انت تسكني في اخر الدنيا
المهم مبروك عليك مرة اخرى وتهنيتي من تكسار الراس
طفي الضوء يا طفلة ضرك تتعايني​

 

[الورد الأحمر]

الله غالب نور يخي علبالك
ماش حتى نشكي ونبكي علا بيها ما شفتش الموضوع
المهم مبروك عليك وربي يوفقك في لي مزال
تستاهلي كادو مي الله غالب انت تسكني في اخر الدنيا
المهم مبروك عليك مرة اخرى وتهنيتي من تكسار الراس
طفي الضوء يا طفلة ضرك تتعايني​

ههه نوغمال انتا صح شفتو غوطاغ مي كل عطلة
فيها خير ، جيب الكادو هنا نوريلك بعيدة ...
مغسي حسامو الله يحفظك ... سلامو
- الله يبارك - هذي موجهة للي عندهم العين خخخخ
​

 

[mer10]

:yaw:khhhhhhhhhhhhhhhhhhhhhhh charka halka loukan fi maka