الشناوا و الشنويات

[الجريئة]

اهلين بالحلوين
واش راهي ماشيةناس اللمة؟؟
الحمد لله :showoff::sheer::showoff:
(نسقسي و نجاوب في روحي بففف)
المهم اليوم جيت نهزف
على الشناوا :sheer::sheer:
الي رانا نشوف اسمهم في كل مكان
وفي كل زمان
في اللباس في لماعن في اليكترو*** evry things
made in china
الاولى :schmoll:
وحتى البنيان عادوا الشناوا الي يبنيوه
و made in algeria وين راهي :sad:
عدت نشوفها غير فالماكلة :santa_1:
حتى الماكلة وكاين نتاع الشناوا
في المعرض الي جا عندنا نصهم شناوا

و هنا نحكيلكم واحد اللقطة ضحكتني
بزااف:shiny:
انا ماشية وحد لمرا حبست عند شنوي
قاعدت تشوف في زاورة
خزر فيها وقاللها
this is zawra:santa_1:
راح نموت بالضحك
قلت لماما اواه هاد جاي يحلبنا :scared::scared:
خخخخخ
والشاب نتاعنا قاعد يحوس نورمال
ويقولك راني شوماج:sadwalk::sadwalk:

مسكين ما سمعش بلي تم الاستغناء عن خدماتوا في وجد الشناوا:scared:_o:
حتي الطباء المضربين تم الستبدالهم بالشناوا:shiny::cra_zy:
ما نعرف حنا الي فنيانين
ونحبوا كلش ساجي
انا تبالي هك
على خاطر ليجان اكل حيطست نهار كامل و هو عقاب لبنات i-o:i-o:
:schmoll::schmoll::schmoll:
ولا واش رايكم في وش قلت

اليكم الخط
ماتحرموناش من التقييم


​

 

[Estrella]

هههههههههه
ايه عند الحق ضرك نسا تاعنا يولو يتزوجو بشناوة و تولي الجزاير كاملة شناوة في شناوه
بصح تعجبني فيهم حاجة خدااااااااامين
مارسي على الموضوع ...
+تقييم من عندي ​

 

[bilal hamidi]

عندك الحق الجزائر تستهلك برك و حنا رانا متكلين على البترول و كاش نهار يكمل و امبعد تجينا ازمة
و ماخالاوش حتى الكوبيين و جابوهم ههههه

 

[4Akram]

الســلامـ عليــكمـ ~ مــرحبـا ختــو العــزيزة
ان شاء الله تكـوني بخيـر و صحـة

أممممممـ << رانـي نخــمم كيفـاش نبــدا !! هههههـ
إإيـه حتى يتصــحح مفهـوم الأغلبيـة عن الأشيـاء المصنعـة في الصيـن
دايمـا مـا نلقــاو مـاركـة أوروبيـة أو أمـريكيـة مصنـوعـة في الصيـن ، هـذا يالغاليـن
لأنـه في الصيـن المـادة الخــام و العمــال يكــونـوا بأسعـار رخيصة من باقي الدول في العـالم
فـ هـذا راح يسـاعـد أصحـاب الشـركـات إنهـم يدخـروا أمـوال كثيـرة بإعتمتادهـم على الصين لأنه في بلدانهـم
راح يخسـروا و إذا مـا خسـروا مـا راح يحصـلوا على أربـاح كثيــرة *_*.
هـذا من النـاحيـة الإقتصـاديـة << الي يسمعكـ يقــول رجـل أعمـال <_<" ..

أمـا من نــاحيـة أنهــم شعب يعمــل و مجتهـد ، فـ أنـا مـع إحتـرامي لهـم لكنهـم أغبيـاء بصـراحـة -_-'
ليش ؟! راح نقــولكـ ليش ، صبــرا فقــط صبــرا ،،
لمـا يكـون أصغــر واحد فيهــم يشتغــل 12 ســاعـة و بــراتـب مـا راح نسميـه راتب بـل نسميـه صدقـة
بصــراحـة هــذا تمهبيــل و الله ×_×.

و الله أنـا واحــد من الناس ، تعــذب و عمـلت في أماكن مختلفـة لكنـي عمـري مـا قبلت أذل نفسي
أنـا واثــق إنــه كــل إنســان طمــوح و مجتهـد يسعـى دايما إنه يطـور من قـدراتـه ، فـ أكيـد راح يـوفقـه ربنـا

و أســف على كثــرة كـــلامـي << يـا حبـكـ للثـــرثـرة ._.​

 

[mimi.dz]

نقولكـ حاجة حنونة
الشناوة صح يخدمو و ناشطين خير منا احنا
ميـ مهما يديرو متكونش عندهم العقلية نتاعنا
ولاّ واش تقولي ؟؟
والمشكل ماشي في ليجان لانو كاين اللي يجريو ورا الخدمة و ملقاوش
الدولة طالقة
و هوما ثاني يحوسو عـ السبايبـ باهـ يقعدو حيطيستـ
ربيـ يهديـ ما خلقـ
و يعطيك الصحة حنونة
​

 

[DARINE05]

الشناوة ماهومش في بلادهم ويخدمو من القلب والجزايريين في بلادهم ومايخدموش ويقولك حنا قاتلنا الديقوطاج مكانش خدمة الجزائر ماعطاطنا والو

الجزائر مدلها تمدلك

 

[la_safa]

هههههههه
صراتلي نفس العفسة يا ربي حتى الثقافة ماناش مثقفين
وحدة هاداك النهار سقسات واحد شنوي في لافوار
قاتلو : قداه من ميطرة { ماقدرتش تقولها بالفرونسي ماشي كبيرة هي صغيرة }
قالها هادا درا و هادا ريدو
مافهمهاش ههههه

°°°°°°°
ايه كيما قلتي حنا لي رانا نحبو كلشي بالساجي
و
made in algeria
راحت بكري { بالاك حتى بكري و ماكانش ههههه }
المهم ربي يستر ملي جاي بالاك يستعمرونا مانعرف هههه ... !!!

°°°°°°°
مرسي ختي على السيجي
​

 

[ملكة جمال اللمة]

hhhhhhhhhhh 3andak sah

 

[rihem22]

هيه كل شي تاعهم
شكراااا موضوع جيد واصلي ولا تفاصلي​

 

[مسامعية]

هدا الاحتلال الكبير للصينين******* باسكو الشناوة تاوعنا نخلوهم في بلاصة حزنانين على الهبوط للدوزيام حنا وياهم على كل حال ****كيما قلت هدا الاحتلال يتحمل مسؤولينا السبب ديالو

الحالة ولات كامل انتاج صيني ويد عاملة صينية وقريبا بعيد الشر يولو نسابنا صينيين ***ادا قعدو لي جان مخشنين راسهم

الصين تشكل خطر كبير على الانتاج الوطني وغرقت السوق الوطنية بمنتوجاتها و مع هذا مازالت المنتوجات الصينية تدخل للبلاد واليد العاملة القوية معاها

وعلى ليجان لي قلتي يضلو حيطيست جايبينها مور البنات هوما سبة روحهم من نواحي باسكو يتشرطو بزاف *********واحد محبس قراية في البريمار يحوس على خدمة البيرو ***** وهوما ضحايا جهات معينة من ناحية اخرى

 

[المتفائلة_91]

رايي من راي اللي فاتو ،،، الشناوة خدامين في كل المجالات لاقيين رواحهم
وعندهم وحد لعقل خفيف الله يبارك هاذاك واحد شينوي لقيناه في معرض ، خدام هو ، وكاين واحد سوري حال غنية طيور الجنة 'لو جابو الدنيا ومالا بقلن لالا لا لا من غير فلسطين شو يعني طفوللللللللللللة''''' لقيت الشينوة حافظها ويغني الله يبارك عقلي حبس ،
والشينويات فيهم لقباح كاينة وحدة خدامة حصرتها' تكحل' على واحد دزيري ههههههه بصح متت بالضحك حتى الطريقة غريبة


يعطيك الصحة

موضوع مليح+ تقييم​

 

[ismail]

عندبالي راكي على مولودية
هادي هي الشينوي كي يقولك نكمل بروجي على عام يكملو ماش خاوتك ليزالجيريا يكملوه في 10 و العام الي موراه يبدا يريب.

 

[الجريئة]

هههههههههه

ايه عند الحق ضرك نسا تاعنا يولو يتزوجو بشناوة و تولي الجزاير كاملة شناوة في شناوه :scared::cra_zy:_o:
لالا وشبيك راح يديرولنا احتلال هههه
بصح تعجبني فيهم حاجة خدااااااااامين
not like us:schmoll::schmoll::schmoll:
مارسي على الموضوع ...

+تقييم من عندي
thank u
​

شكرا على المرور يا حلوة

 

[الجريئة]

عندك الحق الجزائر تستهلك برك و حنا رانا متكلين على البترول و كاش نهار يكمل و امبعد تجينا ازمة وععععوعععع اخدموا انتوما شويا هههi-o:
و ماخالاوش حتى الكوبيين و جابوهم ههههه
اقفزوا لا تطير جد بلا صتكم من الخدمة:cra_zy:

شكرا على المرور نور الموضوع

 

[الجريئة]

الســلامـ عليــكمـ ~ مــرحبـا ختــو العــزيزة

ان شاء الله تكـوني بخيـر و صحـة
بالف الحمد الله​

أممممممـ << رانـي نخــمم كيفـاش نبــدا !! هههههـ
ممممممممم ما نعاو نكش هه
إإيـه حتى يتصــحح مفهـوم الأغلبيـة عن الأشيـاء المصنعـة في الصيـن
دايمـا مـا نلقــاو مـاركـة أوروبيـة أو أمـريكيـة مصنـوعـة في الصيـن ، هـذا يالغاليـن
لأنـه في الصيـن المـادة الخــام و العمــال يكــونـوا بأسعـار رخيصة من باقي الدول في العـالم
فـ هـذا راح يسـاعـد أصحـاب الشـركـات إنهـم يدخـروا أمـوال كثيـرة بإعتمتادهـم على الصين لأنه في بلدانهـم
راح يخسـروا و إذا مـا خسـروا مـا راح يحصـلوا على أربـاح كثيــرة *_*.
هـذا من النـاحيـة الإقتصـاديـة << الي يسمعكـ يقــول رجـل أعمـال <_<" ..
و الشناوا خدامين وما يتكسلوش
:re_gards:​

أمـا من نــاحيـة أنهــم شعب يعمــل و مجتهـد ، فـ أنـا مـع إحتـرامي لهـم لكنهـم أغبيـاء بصـراحـة -_-':scared::cra_zy:_o:
realy why
ليش ؟! راح نقــولكـ ليش ، صبــرا فقــط صبــرا ،،
لمـا يكـون أصغــر واحد فيهــم يشتغــل 12 ســاعـة و بــراتـب مـا راح نسميـه راتب بـل نسميـه صدقـة
بصــراحـة هــذا تمهبيــل و الله ×_×.
الخدمة على النصارة ولا لقعاد خسارة​

و الله أنـا واحــد من الناس ، تعــذب و عمـلت في أماكن مختلفـة لكنـي عمـري مـا قبلت أذل نفسي
أنـا واثــق إنــه كــل إنســان طمــوح و مجتهـد يسعـى دايما إنه يطـور من قـدراتـه ، فـ أكيـد راح يـوفقـه ربنـا​

و أســف على كثــرة كـــلامـي << يـا حبـكـ للثـــرثـرة ._.​

شكرا على المرور

 

[الجريئة]

نقولكـ حاجة حنونة

الشناوة صح يخدمو و ناشطين خير منا احنا
ميـ مهما يديرو متكونش عندهم العقلية نتاعنا
ولاّ واش تقولي ؟؟ عقليتنا تلقايها غير عندنا
احنا وبس
والمشكل ماشي في ليجان لانو كاين اللي يجريو ورا الخدمة و ملقاوش
الدولة طالقة
معظمهم يحب يقعد ورا البيروا
يتكسلوا بمعنى اخر
كون يخدم في شونتي واش فيها
و هوما ثاني يحوسو عـ السبايبـ باهـ يقعدو حيطيستـ
ربيـ يهديـ ما خلقـ
امين
و يعطيك الصحة حنونة​

شكرا على المرور

 

[رياض الآريسي]

واش عليه عمي ازوج مرا شنوية .واش عليه. وهادي صورتها. ههههههههه.

 

[الجريئة]

الشناوة ماهومش في بلادهم ويخدموايووووووه تؤبري البي وحنا كاين الي يخدم من القلب وكاين الي حاط روحوا عامل مزية من القلب والجزايريين في بلادهم ومايخدموش ويقولك حنا قاتلنا الديقوطاج مكانش خدمة الجزائر ماعطاطنا والو و علاه هوما عطاولها

الجزائر مدلها تمدلك
هاي الهدرة الصحيحة

مرسي على المرور

 

[رياض الآريسي]

واذا حبيتو نتاعرفو سكايب ديالي هو.
riad.el.oihrani

 

[La contesse]

ههههههههههه شناوة شناوة شناوة