حابة نكمل دراستي بالمراسلة

[star boky]

السلام عليكم ورحمة الله تعالى وبركاته

خاوتي اليوم انا حبيت نسالكم على موضوع الدراسة بالمراسلة

انا حبست قرايتي في سنة 8متوسط واليوم راني ندمت عليها وحابة نرجع نكمل بالاك نقدر نلحق ما فاتني

انا عندي 7 سنين ملي حبست

ياريت اللي عندو معلومات عن الدراسة بالمراسلة يفيدني بيها

وشكرا

 

[إحســاس بــراءة]

السلام عليكم
شوفي اختي مادام راكي حابة تكملي دراستك كمليها
لانو حاجة تاع علم ماهيش خسارة عندك فيها فايدة بزاف
وحتى واذا كانت بالمراسلة ماعليش
لانو كاين بزاف ناس اللي قراو بالمراسلة وجابو الباك وقراو في الجامعة عادي وراهم يخدمو ضك
اذن مافيها حتى شئ
كملي دراستك وربي يسهلك ان شاء الله
هاذا رايي والله اعلم
بالتوفيق​

 

[star boky]

السلام عليكم
شوفي اختي مادام راكي حابة تكملي دراستك كمليها
لانو حاجة تاع علم ماهيش خسارة عندك فيها فايدة بزاف
وحتى واذا كانت بالمراسلة ماعليش
لانو كاين بزاف ناس اللي قراو بالمراسلة وجابو الباك وقراو في الجامعة عادي وراهم يخدمو ضك
اذن مافيها حتى شئ
كملي دراستك وربي يسهلك ان شاء الله
هاذا رايي والله اعلم
بالتوفيق​

شكرا اختي على النصيحة وعلى تحفيزك لي

راني ناوية وربي يكمل ان شاء الله

 

[الملآذ الأخير]

و عليكم السلام و رحمه الله و بركاته
عآدي تقدري تكملي دراستك بالمراسله
تروحي لدار الحديث في ولايتك و تآخذي شهاده من المؤسسه اللي كنتي تقرآي فيها و هوما يقولولك واش تزيدي تجيبي من اوراق و هاكا تسجلي العام الجاي و يبعثولك الفروض للدار تحليهم و من بعد ترديهم لهم و كي يجي وقت الامتحان تروحي ديريه في المركز اللي طيحوك فيه
و هكذا تفوتي العامات كيما المدرسه عآدي
و تحصلي على شهادات كيما المدرسه
حتى انا عندي اختي تفوت الباك هاذ العام بالمراسله
ادعي لها تنجح
و اذا احتجتي شيء انا في الخدمه
السلام عليكم

​

 

[نسمة البحر]

شوفي أختي أنا تاني نقرا بالمراسلة حبست سنة9 في عام 2005 وكملت دوك 2 تانوي أداب عام جاي إنشاء الله الباك
تاخذي نصحتي غير كملي بالمراسلة على أقل وصلي الباك متندميش انا نقولك أنا تني كي حبست قلت خلاص اهن نحبس بصح كي كملت و راني قريبة للباك حياتي بدات من جديد وراني عادي بصح للازم تحرصي طول العام
غير كملي قرايتك بالمراسلة وربي يوفقك إنشاء الله

 

[star boky]

و عليكم السلام و رحمه الله و بركاته
عآدي تقدري تكملي دراستك بالمراسله
تروحي لدار الحديث في ولايتك و تآخذي شهاده من المؤسسه اللي كنتي تقرآي فيها و هوما يقولولك واش تزيدي تجيبي من اوراق و هاكا تسجلي العام الجاي و يبعثولك الفروض للدار تحليهم و من بعد ترديهم لهم و كي يجي وقت الامتحان تروحي ديريه في المركز اللي طيحوك فيه
و هكذا تفوتي العامات كيما المدرسه عآدي
و تحصلي على شهادات كيما المدرسه
حتى انا عندي اختي تفوت الباك هاذ العام بالمراسله
ادعي لها تنجح
و اذا احتجتي شيء انا في الخدمه
السلام عليكم

​

شكرا على المعلومات اختي ان شاء الله نسجل هاذ العام

وان شاء الله اختك تجيب الباك باذن الله

 

[star boky]

شوفي أختي أنا تاني نقرا بالمراسلة حبست سنة9 في عام 2005 وكملت دوك 2 تانوي أداب عام جاي إنشاء الله الباك
تاخذي نصحتي غير كملي بالمراسلة على أقل وصلي الباك متندميش انا نقولك أنا تني كي حبست قلت خلاص اهن نحبس بصح كي كملت و راني قريبة للباك حياتي بدات من جديد وراني عادي بصح للازم تحرصي طول العام
غير كملي قرايتك بالمراسلة وربي يوفقك إنشاء الله

شكرا اختي هكذا راكي عطيتني امل كثر وربي ان شاء الله يوفقك وتنجحي وتجيبي الباك العام الجاي ان شاء الله

 

[مايا الجزائرية]

السلام اختاه...نفكيرك صحيح ..عليك ان تلحقي ما فاتك...ساعطيك موقع التسجيل بالمراسلة ONEFD هادا هو ادخلي فيه انسخيه والصقيه وادخلي الموقع اولا يجب عليك ان تسجلي في المويع وتدفعي مبلغا ارجو انا لكون افدتك حتى ولو بالقليل

 

[بياديق الشطرنج]

ربي يكمللك طريقك الى النجاح

 

[chouchou rose]

ايه كملي اختي قرايتك بالمراسلة
على الاقل اوصلي للباك
هاذي حاجة نتاع علم و متندميش عليها