الجيب نتاع الساك صغير وماراه داير يا شيرات

  • كاتب الموضوع كاتب الموضوع AdNan31
  • تاريخ النشر تاريخ النشر
A

AdNan31

:: عضو فعّال ::
أحباب اللمة
السلام عليكم خوتي وخواتاتي باش ما نغيضوش شيرات
ليسونسيال راكم شايفين ل bus نتاع الجامعة تقولوله ال couusse
مانيش عارف علاه المهم


ليسونسيال انا دايمن نخرج نروح نركب فيه يحطني عند لاسيتي
مي كاين عباد يركبو فيه مانيش عارف علاه هههههه لحاجة اخرى هههه :shay:

ليسونسيال عندنا الشيرات يطلعوا هوما لوالا حنا متحضرين ايا واحد النهار لقيت واحد يطبع فيا انا قلت هادا ماله

ليسونسيال شيرة كانت قدامي حلها الساك نتاع هاداك الجيب الصغير من برا راكم قاع شايفينه يا
شيرات ضربو طلة ودالها بورطابل زاد قاس يده لوخرا خون بورطابل واحداخر ههههه

سراق يطير مع الطيور كي طلعنا للبيس ما لقاتش تيليفون نتاعها ايا حصلتها في واحد

وانا ما هدرت ما تكلمت صم بكم

اللي خاف سلم هههههههه
نقولها ماشي هو تحصل فيا
ايا قعدو معاها معاها
نطقتلها وحدة قالتلها واحد خونهلك كي كنا دايرين لاشان ههههه
ايا وش رايكم في السراقة

ملاحظة
شيرات تيليفون ديروهم في بلاصة خاطية الجيب الصغير راهم فاقوله السراقه هههه

ايا باي

انا نقرا في تيارت تقولو حاجة واحدوخرا ولا تقولو راه يكدب

باي
انا غير عدنان هدا ماكان
​
 
hhhhhhhhh fa9ou bih hada ch7al mechi ghi lyoum li yebghi yekhwen yro7 l plasa fiha la chaine lol

Merci bcp 3la el mawdo3
 
توقيع {مُدَلَّلَتُهُ}
ربي يستر وين نحطو البورطابل مانسلكوش
انا الحمد لله مانركب فالكوس مانطبع...نعرف المشاكل تاوعو ناس تجي اطبع وتروح ويلحسو كامل اللي قدامهم واش ادانا.... ربي يبعد علينا ولاد الحرام السرقة كثرت
ربي يجيب الخير

شكرا خويا
 
سلام خويا
ايا بالنسبة لموضوعك
صح البنات انا نشوفهم هاملين حوايجهم لي ديره فالجيب الرولاني تاع الساك ولي تجبده ودير الغنا تحسب ديدجي راه فاbus



انا جامي درته فالجيب الصغير مي مرة كنت طالعة فالbus حتى حسيت انا طلعت وساكي مازال ماطلعش كانو جابدينهلي ويفتشو
سلام
​
 
آخر تعديل:
وعليكم السلام
اهلا بيك خويا الوهراني
واش نقولك عل السرقة هادي
في اللول تاع العام ركبت البuس تاع الجامعة
حطيت بورتابلي في جيب الساك الصغير
سرقهولي السراق
هيا كي روحت
قالي papa
بنتي سرقوها في عامها اللخر تاع لقراية
يعني زاد كامل عليا
ابي الحنون
صحيت على الموضوع
تحياتي

​
 
توقيع السلطانة
مشكورين على المرور يا الشيراااااااااااااااات
​
 
ان شاء الله خواتاتنا الجامعيات يديرو بنصيحتك خويا عدنان
و شكرا ليك على الموضوع
​
 
العفو اختي منورة الموضوع
 
خخخخ الجيب الصغير فاقولو دااااك العام ... وأي مبتدئ
في السرقة يعرف يسرق منو بالاك انا سي نمد يدي نضرب
فيها بوغطابل... أواه انا غير البوغطابل ما نلعبش بيه
نحطو في الجيب تاع السروال واحد ما راح يوصل يدو
تم... ههه أي عجبتني شوشو سرقوها في عامها اللخر
خخخخ ما حكاتليش عليها الستوتة ... مغسي خويا
عالموضوع، هيا سلامو ...
​
 
توقيع الورد الأحمر
منورة
تاني هنا ولحقتينها هههههه
​
 
أو نتغشش ونهز كابتي ونروح واااااع
هيه نلحقك ومن بعد ؟؟؟ قلنا الضريبة
ما تنساهاش ...
كي نلقالك ثمن ليها راك تخلص
هيا تلقى خير وابقى على خير

​
 
توقيع الورد الأحمر
هههههههههههههه
صحا ختي ربي يحفظك
​
 
انا ما لقاو ما يسرقولي نحولي بطاقة الطالب من الحمايص
ههههههههههه
ياخي اختكم زوالية


يعطيك الصحة
 
بلا مزية ختي
 
والله عجب عادو فايقين بزاف هادو السراقة ربي يكون معاكم يا شيرات حافطو على ارواحكم هوما يسرقوكم ةبرك وشكرا على الموضوع
 
w elhae el sar9a rahi par tous w rabi ye7fadna mene el sara9a w inchalah el jami3iyat edirou ebrayak et b1 sur mrc e3la el mawdou3
 
لازم نردو بالنا السريقة فكل بلاس ماشي فالبيس برك نتا ويقدرو يسرقوك ههههههه

مرسي​
 
ههه انا مانهز صاك مايسرقوني صواردي والبورطابل ديما في الجيب تاع السروال والفحل يسرقني ههههههه
يعطيك الصحة خويا عدنان
 
ربي يهديهم هذا مارح نقول
انا كي نوصل للجامعة ونحكيلكم​
 
اي موضوعك هايل وجديد خويا يعطيك الصحة

صح عندك الحق عفسة الجيب الصغير فاقولها اللصوص
بصح وين تخبي الحاجة يلحقولها يلحقولها كل يوم تخرج عفسة جديدة للسرقة

وبالنسبة ليا ...ماعندي بورتابل ما نظال نخبي فيه هكا احسن

ميرسي خويا موضوعك فووور
​
 


أكتب ردك هنا...
العودة
Top Bottom