هاو ليكم الباك بخرو بيه وهاو ليكم العلم اربحو بيه حنا عندنا ربي

[the crazy asma]

سلام​

شكون قال ناس 1992 ماعندهمش زهر؟؟؟؟​

المهم يكون أي كان راه عندو حق وماغلطش في هدي​

ياجماعة عام كامل لارقاد نورمال ولاماكلة نورمال​

الخلعة حاكمتنا والسيروم هو دوانا :sad: من الدار لليسي ومن الليسي لليكور ​

والله غير انعزلنا على العالم هدا​

وكي لحق الهمن تاع الباك هدا ​

بديناها بالعتبة من نهار الإصلاح والسي بن بوزيد يدير العتبة على خاطر البروقرام راه بروقرام تاع 3 سنين مش تاع عام سيرتو تاع العلوم تجريبية مي كي لحقت لينا ولحق 12 ماي السي بن بوزيد دار عتبة ولا في الأحلام درك نعطيكم مثال بسيط​

مثلا فالجغرافيا الدرس الأخير عنوانو التنمية في البرازيل العنصر الأخير منو هو مشاكل البيئة ​

السي بن بوزيد كتبلنا في العتبة مشكال البيئة في البرازيل هههههه مسكين تعب روحو كون قال ماكانش جد العتبة وعلاه يتعب في روحو _o: ​

ماعليهش وصلنا للباك وآآآآآآآآآه الحراسة واش نقولكم احنا مش حابين ينعتولنا ولا حابين يخلونا نغشو رانا عام كامل وحنا نقراو مش حتى ينعتولي مي مش هكا الحراسة هاد العام كارثة تحب تخرج تغسل عليك من الغمة ماكانش ممنوع الماء اللخر وماكانش الأوراق كون تغلط ماكانش يحطو كرسي حداك ويقعدو والله كارثة
نرجعو للسيجيات والله صح صعاب مي ماعليهش فالمستوى راهم أصعب من تاع العوام اللي فاتو مي ماعليهش سيرتو العلوم الفيزياء والرياضيات والوقت ماكفاناش مي والله فرحت كي جاو صعاب اوموان يكون الباك تاعنا عندو قيمة ومستوى​

مي الهم الكبير هو التسرييييييييبات ​

سربو سربو وأون فان ظهر كلشي غالط​

قالك الفيزياء راه باك 2008 تاع التقني رحنا لقيناه سيجي من القمر
+ الفلسفة قالك الرياضيات و المشكلة والإشكالية رحنا لقيناها المنطق والمسؤولية ​

كاينة العلوم شرعية برك قاسوها شوية مي راها متوقعة من سبتمبر الأستادة تاعنا متوقعة هدو الدروس تاع الربا والوقف والصحة النفسية ​

هلكونا بالتسريبات في ليلة الباك حنا الطراك والستراس هالكنا وزادولنا​

مي الحاجة اللي ماعلابالكمش بيها هي:​

صحاب القرادات لحقوهم سيجيات العلوم "المعامل 6" والرياضيات "المعامل 5" وحتى فاتو ايام العلوم والرياضيات باش تفضحو ألور الدنيا تقلبت هام سربو تسريبات خاطئة للمواد الباقية لعامة الشعب
يعني العلوم والرياضيات داوها الصحاح​

وحنا تهلكنا عام كامل وتهلكنا فالباك والدعوة صعيبة ومشددة والناس برا يقولولك باك السنا ماهوش باك راه تسرب​

مالا او لاتسريب لا سيدي عمار رانا دينا التسريب الراشي برك ​

وصحاب لقرادات نقولولهم​

هاو ليكم الباك اربحو بيه وطورو دزاير ترا؟؟؟؟​

بلا بينا راكم 0 ​

كرهتووووووووووووووووونييييييييييييييييييي حياتي:santa_1:​

 

[الورد الأحمر]

أولا نقولك مبروك عليك راكي تهنيتي من الباك وفوتيه
وان شاء الله نزيد نقولك مبروك نهار يافيشيو بلي جبتيه
...
ايه التسريبات هذو ... اختي نقولك حاجة ؟؟
في بلادنا لي يدي الباك بـ 18 ولا بـ 10
سي كيف كيف ... غير ما تتحيريش
أم جابوه بـ 18 وقراو معاي أنا لي
جبتو بـ 11 يعني كيفي كيفهم
...
وزيد زعما صحاب الـ 18 يقولولهم
الأدمغة ؟ هذوك زعما لي يبعتوهم
للزيكول سيباغيوغ ...
راكي سمعتي نوغمالمو بواش صاري
في ليزيكول préparatoire العام
هذا ... يعني راهم يقتلوا فيهم ومش
معبرينهم خلاص وعندي اختي راهي تم
كارهة حياااااتها ...
أو ليهم الباك كيما قلتي ...
وفي بلادنا والله ما يقادرو أصحاب العقول
والأدمغة ... يعاملوهم كي لمبوقلين ...
مغسي اختي وما تعمريش قلبك بيهم
هيا سلامو
​

 

[بنـ MaPa ـت]

وعليكم السلام
اهلا اسومة

هكداك خيتي هكداك برديلي قلبي فيهم هههه
ياو هنا في الدزاير كترو لي عايشين بالخرطي قالك تسرب الاسئلة وواحد يقول واعر ولوخر ساهل ومانعرف واش
ياو مانعرف لوقتاش راح يبقى التعليم هكدا في هاد البلاد
نشالله برك فينا حنا ماتكونش الحالة طورت بالفساد
ربي يصلح الاحوال

مرسي على الموضوع
​

 

[وطني]

علماء النفس يقولو بلي الانسان لي يكون في ستراس...تلقاه يسولاجي بطريقة عنيفة شوية...
باريكزومبل نتيا....زعاف الباك و الشدة ديالو راكي تخرجي فيها في بن بوزيد و جماعتو.....
حاجة طبيعية........انكم تلقاو السبايب كيما دارو لي قبلكم...و انا واحدمنهم....
هذي الحقيقة...مالقري علابالنا كامل بالتنظيم في بلادنا......
ايام سوري...ردي ماكانش في المستوى...هههههه
دوكا نقولك مبروك عليك الباك....الافونس ..و انسيستيلنا على شعبة شابة هههههههههههههههههههههه

 

[MiSs Sisi StyLe]

ههههههههههههه بردتيلي قلبي
والله غير دمااااار صح البآكــــــ مبقاش بآك و عادو يدوه ب 18 غير ادوك البهايم و يقولك دزاير ذوك تتطور باه بادو التسريبات و باكــــ المعريفة
و زعما زعما الحراسة دايرة حالة قول فارغين شغل للغش و هو اصلا الباكـــــ فقد قيمتو من اداك العام​

 

[nassim007]

ان شاء الله تفرحينا وتجيبيه

تهنييت منوو


شكراا على موضوع
​

 

[يوسےفے]

الحمد لله لي تهنيتي منو وان شاء الله جيبيه و بالتوفيق للأخرين​

 

[Soumia_Sétifienne]

ان شااااااااااااااء الله ننجحو برك يااااااااااااااااااااربي قلبي ماشي راه حابس خلاص حبس

 

[amina_b]

النيفو الباهي ويزيدوا الترافيك
ياختي الباااك تعانا راو معندكم مديروا بيييه
بويسك الباك هذا مهوش معترف بيييه
يسمي الي داه ب19كي الي داه ب12
رام كيف كيف
+هذوا لي خرجلهم السيجي من بعد رام يعيااو يفكوا رواحهم
جملة بالعربية مينجموش يكتبوها تالي جملة فرنسية رام يتبلوكاااو
وربي ينجحكم
​

 

[the crazy asma]

أولا نقولك مبروك عليك راكي تهنيتي من الباك وفوتيه

وان شاء الله نزيد نقولك مبروك نهار يافيشيو بلي جبتيه
...
ايه التسريبات هذو ... اختي نقولك حاجة ؟؟
في بلادنا لي يدي الباك بـ 18 ولا بـ 10
سي كيف كيف ... غير ما تتحيريش
أم جابوه بـ 18 وقراو معاي أنا لي
جبتو بـ 11 يعني كيفي كيفهم
...
وزيد زعما صحاب الـ 18 يقولولهم
الأدمغة ؟ هذوك زعما لي يبعتوهم
للزيكول سيباغيوغ ...
راكي سمعتي نوغمالمو بواش صاري
في ليزيكول préparatoire العام
هذا ... يعني راهم يقتلوا فيهم ومش
معبرينهم خلاص وعندي اختي راهي تم
كارهة حياااااتها ...
أو ليهم الباك كيما قلتي ...
وفي بلادنا والله ما يقادرو أصحاب العقول
والأدمغة ... يعاملوهم كي لمبوقلين ...
مغسي اختي وما تعمريش قلبك بيهم
هيا سلامو​

اهلا نور حبيبتي
يبارك فيك ختي من جيهة تهنيت والله الحمد لله العبد دار اللي عليه والتوفيق من عند ربي

والله ياختي اللي يجيبها بعرق جبينو بصحتو أم معايا بنات ودكورة يجيبو 18 بجهدهم وربي يزيدهم مي اللي تغيض اللي يجيبوها بطرق ملتوية ويلعبوها عليك حاجة

مي الحاجة اللي قهرتني هو هدو اللي قاعدين يقولو الباك تسرب والتسريبات صحيحة هاي قدامكم التسريبات وهاو الباك قدامكم وتأكدو والله خرطي في خرطي

ربي يخليك نور حبيبتي شكراااااااااا
سلااامو​

 

[rima29]

ربي يوفقك اختي وتجيبيه
ان شاء الله​

 

[the crazy asma]

وعليكم السلام

اهلا اسومة​

هكداك خيتي هكداك برديلي قلبي فيهم هههه
ياو هنا في الدزاير كترو لي عايشين بالخرطي قالك تسرب الاسئلة وواحد يقول واعر ولوخر ساهل ومانعرف واش
ياو مانعرف لوقتاش راح يبقى التعليم هكدا في هاد البلاد
نشالله برك فينا حنا ماتكونش الحالة طورت بالفساد
ربي يصلح الاحوال​

مرسي على الموضوع​

أهلا سوندرين
والله قلبي مابرد من الغاشي تاعنا

العبد قريب يحبس قلبو لداخل راه يجري ويسشابق فالوقت وفالضغط وفالأسئلة الصعيبة ومع الخوف كلشي يطير وواحد برا يقولك ساهل وتسرب :sad:

ان شاء الله برك ربي يوفقنا
ويوفقك سوندرن ختي
ربي يخليك شكرا​

 

[the crazy asma]

علماء النفس يقولو بلي الانسان لي يكون في ستراس...تلقاه يسولاجي بطريقة عنيفة شوية...
باريكزومبل نتيا....زعاف الباك و الشدة ديالو راكي تخرجي فيها في بن بوزيد و جماعتو.....
حاجة طبيعية........انكم تلقاو السبايب كيما دارو لي قبلكم...و انا واحدمنهم....
هذي الحقيقة...مالقري علابالنا كامل بالتنظيم في بلادنا......
ايام سوري...ردي ماكانش في المستوى...هههههه
دوكا نقولك مبروك عليك الباك....الافونس ..و انسيستيلنا على شعبة شابة هههههههههههههههههههههه

لالا خويا ولا ختي والله ماعلابالي
المهم حاشا ردك والله فالمستوى
سيرتو كي قلتلي راكي تسولاجي هههه
والله ماني نحوس على مبررات وسبايب راني نهدر فالواقع
السبايب يديرهم واحد فاشل مش انا أحم احم هههه
يبارك فيك الافونس والشعبة خيرتها وقريت فيها ثاني ألافونس ههههه

شكرا ربي يخليك خويا ولا ختى مرسي بوكو نورتمونا
​

 

[the crazy asma]

ههههههههههههه بردتيلي قلبي

والله غير دمااااار صح البآكــــــ مبقاش بآك و عادو يدوه ب 18 غير ادوك البهايم و يقولك دزاير ذوك تتطور باه بادو التسريبات و باكــــ المعريفة

و زعما زعما الحراسة دايرة حالة قول فارغين شغل للغش و هو اصلا الباكـــــ فقد قيمتو من اداك العام​

انا غلطت في ورقة ماحبوش يجيبولي وحد خرى قلتلهم والله والله درك نهز روحي ونخرج قالولي ماتقدريش كون تخرجي تتقصاي هههه قلتلهم واقيلا ماتعرفوش اسماء هزيت حوايجي وخرجت جاو ورايا يتراواو في بعضاهم ادخلي برك ونجيبولك وزين ورق
ياخي بلاد ياخي يمشي معاهم الشبح برك

شكرا سيسي ختي ربي يوفقك إن شاء الله​

 

[the crazy asma]

ان شاء الله تفرحينا وتجيبيه ​

تهنييت منوو ​

شكراا على موضوع​

آمين
إن شاء الله خويا نسيم شكرا ليك ربي يهنيك

والله تهنينا صح الخلعة تاعو وحدها تكفي
شكرا ربي يعاونك​

 

[the crazy asma]

الحمد لله لي تهنيتي منو وان شاء الله جيبيه و بالتوفيق للأخرين​

الحمد لله

آمين إن شاء الله ربي يوفقنا ويفرحنا
وإن شاء الله كل اللي جوزو الباك يفرحو
سيرتو الناس اللي تعبت إن شاء الله تلقى
شكرا خويا يوسف ربي يحفظك
وربي يعاونك​

 

[sissi-jijlya]

مساء الخير واش نقولك ختي و الله عندك الحق أنا خويا الكبير لي ف الباك مسكين يبكي بالدموع و ما نزيد عليك كلمة والله مسكين ساهر الليل كامل و هو يقرا و ممبعد يشوف بلي لي ما قراش يديه و لي قرا ما يدسهش و الحاجة لي غاضتو أنو أنفق بزاااف على العام هذا تاع الباك واش من لي كور و واش من كتوب و فوطوكوبي على لي سوجي.......خلي برك و الله لي دارها ما يربحش و انشاء الله كيما يقولوا *ان الله يمهل و لا يهمل*
و رانا ندعيولكم كامل و الله تغيضو طروشوكم كامل
تقبلي مروري خيتو و ما تفقدوش الأمل كيما قلتلك *ان الله يمهل و لا يهمل* و نتمنى لك النجاح نتي و كامل نتاع الباك لي في اللمة و هادي نمادهالك باش نطلعولك المورال يويويويويويويويويوووووووووويي هههه
اختك *sissi jijlya

 

[the crazy asma]

ان شااااااااااااااء الله ننجحو برك يااااااااااااااااااااربي قلبي ماشي راه حابس خلاص حبس

إن شاء الله سمية ختي إن شاء الله ربي مايخيبناش
ننجحو بموايان باهية مش تاع فوت فوت

ياااااااا منا وقلوبنا يفيبريو حتى نهار يخرج
وزادو نحاو موبيليس قالك يتأفيشا فالليسي ارواح أنت وعيش​

 

[sissi-jijlya]

ان الله يمهل و لا يهمل
déja ki ta9ray hadi lkalma t9oli fi 9albak beli rabi raho 3abalo b kolach w ynaja7 li 9ra w li ghash w darlkom hada chi raho rabi kayan w nchallah tadiwah kamal

 

[the crazy asma]

النيفو الباهي ويزيدوا الترافيك​

ياختي الباااك تعانا راو معندكم مديروا بيييه
بويسك الباك هذا مهوش معترف بيييه
يسمي الي داه ب19كي الي داه ب12
رام كيف كيف
+هذوا لي خرجلهم السيجي من بعد رام يعيااو يفكوا رواحهم
جملة بالعربية مينجموش يكتبوها تالي جملة فرنسية رام يتبلوكاااو
وربي ينجحكم​

على بالي يا ختي ابني على الصح وخاف الطيح وإدا بنيت على الراشي ياو روح ترقد خير كلما تطلع يجي هوا خفيف يطيحك
واش تحبي العبد ربي يهدي الحوال برك شكرا أمينة ختي ربي يهنيك ويوفقك​

ربي يوفقك اختي وتجيبيه​

ان شاء الله​

آمين يارب العالمين
شكرا ريمة ختي ربي يحفظك
[QUOTE=sissi-jijlya;3294263]مساء الخير واش نقولك ختي و الله عندك الحق أنا خويا الكبير لي ف الباك مسكين يبكي بالدموع و ما نزيد عليك كلمة والله مسكين ساهر الليل كامل و هو يقرا و ممبعد يشوف بلي لي ما قراش يديه و لي قرا ما يدسهش و الحاجة لي غاضتو أنو أنفق بزاااف على العام هذا تاع الباك واش من لي كور و واش من كتوب و فوطوكوبي على لي سوجي.......خلي برك و الله لي دارها ما يربحش و انشاء الله كيما يقولوا *ان الله يمهل و لا يهمل*​

و رانا ندعيولكم كامل و الله تغيضو طروشوكم كامل
تقبلي مروري خيتو و ما تفقدوش الأمل كيما قلتلك *ان الله يمهل و لا يهمل* و نتمنى لك النجاح نتي و كامل نتاع الباك لي في اللمة و هادي نمادهالك باش نطلعولك المورال يويويويويويويويويوووووووووويي هههه
اختك *sissi jijlya[/QUOTE]

يااااااااعمري سيسي الجيجلية ربي يحفظك على هدي الزغروتة
أصلا كي شفتك جيجلية فرحت يا جيرانا لعزاز انا من ميلة ​

شوفي قولي لخوك قالتلك أسومة مايخلعوكش راهم 0 فوق 0 مادامك تعبت ربي والله مايخيبك وخليهم يربحو بالعلم هدا ونشوفوهم واش يديرو إدا حيانا ربي
شكرا سيسي نورتي يا الزينة​