حتى مرض ما بيا.....

و

وطني

:: عضو مُشارك ::
سلام عليكم ناس اللمة واش راكم... نتوما..والديكم...خاوتكم...جوارينكم...فرد فرد...نشاء الله قاع لاباس.....ايا الحمدلله...و ربي يدومها......
حبيت نحكي واش صرالي ليوما....و مادابيكم تفتحو ودنيكم و عينيكم...و افون تو تفتحو عقولكم.....علاخاطرش لحكاية فيها صونس كبير....
المهم نبداو....ليوما و انا في الخدمة _اعمال شاقة.._ كي لحق و قت الفطور..جبدت انا وصاحبي على جيها.....من بعد قلي صاحبي ... راني مريض قراف....راس قاع مايحبسش يوجع فيا...وزيد راها تحكمني لافابلاز....و الله غير راني مريض قراف تاع الصح.....
ما خليتوش يكمل هدرتو و نطقت انايا....قوتلو يا حسراه وين تبان نتايا معايا...انا راني نسوفري معا لاقريب..وزيد السطر تاع ظهري وتاع رجلي و ضروسي...و قوتلو بلا ماننسا عينيا...ماهومش يضوو مليح....و.......
قبل ما نكمل هدرتي....نقزني صاحبي و قلي شوف......... ايييييه ..الحمد لله على الصحة و الستر
تيماجينو واش شفنا....واحد خدام معانا....مسكين...حط البالة من يدو ...و قعد...شد صدرو بيد..و اليد لخرى حكم بيها البومبة_هاديك البومبة لي يديروها في فمهم لي عندهم امراض تنفسية_ ...سقسينا عليه قلك هاداك مالادي كرونيك....عندو اللازم...صافي 9 سنين.....الله يشافيه
تماتيك خزرت في صاحبي و خزر فيا...و قال و قلت ..الحمد للله على الصحة.
و نتوما ...حامدينها و لا لالا.............................
 
يعطيك الصحة

موضوع هااايل


لازم نحمدو ربي على كل حال ،
على نعمة الصحة والعينين والعقل ، على نعمة الوالدين


بارك الله فيك اخي على التذكـير​
 
آخر تعديل:
والله غير قلبي تقطع على هذاك المسكين
شوفو الدزيري الزوالي وش راه يخدم
لاحول ولا قوة الا بالله
الحمد لله على كل حال
اللهم اشفي مرضانا ومرضى المسلمين
​
 
صح واحد يحمد ربي على الصحة \هم ينسي هم \
بارك الله فيك
 
الحمد لله
ربي شافي كل مريض
شكرااا على الموضوع
​
 
مرسي كيما قلت الحمد الله على النعمة هذي
 
الحمد الله علي الصحة الحمد الله مسكين الله يشافيه ويعافيه ويشافيكم انتوما تاني
 
لازم نحمدو ربي على كل حال لانو لوكان نشوفو ناس اخرى نبانو فوووور خلاه
مرسيــــــــــــ على الموضوع
 

الحمدلله ياااااااااااااااااااا ربي على نعمة الصحة
الصحة هي كلشي ..يلا راحت هيا ماينفعو لا دراهم ولا حاجة اخرى
الحمد لله.. الحمد لله ..الحمد لله
ربي يدومها علينا ...ويشفي كل مريض ان شاء لله
شكرا على الموضوع الهايل ​
 
الحمد لله على الصحه
شوف هم الناس تنسى همك
صحيت على الموضوع​
 
توقيع يوسےفے
والله الحمد لله ... pـوغ لو مومو
ما عندي حتى مرض ... ونتمنى
نبقى هك ... أكيد حامدة ربي
على الصحة لي مدهالي ...
الحمد لله على كل حال
​
 
توقيع الورد الأحمر


أكتب ردك هنا...
العودة
Top Bottom