أخر مــــــــوضة تع هذا الوقت !!!

[سجل أنا جزائري]

[FONT=&quot]السلام عليكم و رحمة الله

[/FONT]​

[FONT=&quot]الموضوع تع اليوم راه نحكي على واحد الظاهرة جديدة ظهرت هذا الوقت و راهي من رايحة تكثر[/FONT]​

[FONT=&quot]وحد اليوم كان عندي شغل في الجامعة أيا كي كنت نمشي عقبت على وحد ثلاث بنات يقصرو مع البعض و نسمع وحدة طيح[/FONT] [FONT=&quot]في [/FONT]​

[FONT=&quot]الهدرة و صحابتها يضحكو كي شغل نورمال [/FONT]​

[FONT=&quot]و الله تشكويت شوفت فيهم و مبعد كملت طريقي ما لقيت وش نقول حسيت روحي انا طفلة و هما ذكورة[/FONT]![FONT=&quot]و حاجة اللي دوختني كثر [/FONT]​

[FONT=&quot]انو هذو البنات زعما متحجبات مليح و [/FONT]​

[FONT=&quot]يبانو بنات فاميلية كون جاو من بنات الشارع نقبلوها علابلنا[/FONT] [FONT=&quot]هذوك يديرو كلش [/FONT]​

[FONT=&quot]و زيد يعجبك ما حشمو مني ما والو على الأقل نورمالمو كي يشفو راجل عاقب يقادرو شوي[/FONT]!​

[FONT=&quot]هذا اللي سمعتو انا برك و ما خفي كان أعظم كي يكونو مع بعضهم درى وش راه صاري[/FONT]​

[FONT=&quot]و زيد شحال من خطرة نسمع طفلة طيح مش مرة برك [/FONT]​

[FONT=&quot]واحد صاحبي قالي مرة كنت نحكي مع طفلة الهدرة تعها غير التطياح كي قالها علاه راكي طيحي قاتلو احنا عندنا نورمال[/FONT]​

[FONT=&quot] هكذ[/FONT]l façon parler ta3na​

[FONT=&quot]انا طفلة اللي طيح ما نحترمهاش و طيح من عيني نشوفها ما عندهاش فرق بينها و بين الراجل [/FONT]!​

[FONT=&quot]قبل ما نكمل عندي اسئلة حاب نطرح عليكم و كل واحد يعطيلي رأيو فيه [/FONT]​

[FONT=&quot]وش رايكم في في الظاهرة هذي اسكو كاينة منها ولا حالات شاذة فقط؟[/FONT]​

[FONT=&quot]وش رايكم في طفلة اللي طيح ؟ و ما هي الأسباب اللي خلتها تهدر كيما هكذا ؟[/FONT]​

[FONT=&quot]هل الطفلة اللي طيح دليل على انحرافها الأخلاقي ؟[/FONT]​

[FONT=&quot] سؤال للبنات [/FONT]​

[FONT=&quot]هل تعرفي بنات و لا صحابتك من هذا النوع و كيفاه تتعاملي معهم ؟[/FONT]​

[FONT=&quot]و اللي حاب يزيد على الموضوع ماذابينا [/FONT]​

[FONT=&quot]و السلام عليكم و رحمة الله[/FONT]​

 

[nassim007]

[font=&quot]وش رايكم في في الظاهرة هذي اسكو كاينة منها ولا حالات شاذة فقط؟

كاينة منهااااااااااااااااا وتحيرش خلااص

[/font][font=&quot]هل الطفلة اللي طيح دليل على انحرافها الأخلاقي ؟

أكـــــــــــــــــــــــــــيد

شكراااااااااااااا
[/font]​

 

[أحبك ياجزائر]

حيه عليهم بنات اليوم روح للفايس بوك
وشوف واش راه صاري
ياخويا ربي يسترهم برك
احنا ثاني صحيت خويا
​

 

[فؤاد الورقلي]

سلام
والله صرا معايا موقف هكذا في جامعة

فففف سمعت بنت طيحت وبعد شفت فيها ايا لاعبتها حشمتتتتتتتتتت

واش من قدرية

زيد
بنات واولاد مجمعيننننننننننننننننن تسمع هدرة راسك يحبس

ربي يهدي

موضوع مليح​

 

[المتفائلة_91]

موضوع مليح
لي عودة بش نجاوب على الاسئلة


للحجز،،،

 

[sissi-jijlya]

كاينة منها هذي الظاهرة عادت بزاااف منتشرة و كاين بنات يقراو معايا ساعات كي يكونو يتمسخرو برك يطيحو وحدة في الساحة أنا قاعدة مع لي يقراو معايا حتى نسمعها تكفر على واحد الطفل و بدات تضرب فيه أنا تشوكيتو حق الله ني حشمة ني حيا ء والله هادو بنات حاسبينها هادا ماكان و خارجين طريق
شكرا على الموضوع

 

[GI Joe]

hijab ou foular n a rient avoir ok !! des filles sont rien sont + poli
je trouve qu'elles sont mal eduquer tt simplement
en cours si klk1 dit ça que ça soit fille ou garçon je les quitte jusqu a mnt elles me respectent si j ss devant elles , rien ^^

 

[DARINE05]

كاينة منها صح ربي يستر

 

[Ghizlane.dz]

صدق من قال إدا لم تستحي فافعل ما شئت

 

[مايا الجزائرية]

الي يخلي الطفلة تطيح وتسب هو احتكاكها بصديقات سوء باينين يظلو يهدرو في الهدرة البايخة
​

 

[بنـ MaPa ـت]

[font=&quot]هل تعرفي بنات و لا صحابتك من هذا النوع و كيفاه تتعاملي معهم ؟

وعليكم السلام

اهلا خويا
واش نقولك كاين بزاف منهم وفي كل مكان...عيب كبير تلقى طفلة تسب ولا تقول في كلام ماشي مليح كيما قلت تنحط في مكان الطفل...دوكا رانا نشوفو دراري ومربيين الله يبارك مايطيحوش وكاين لي في حياتو ماسبش
...كاين بنات نعرفهم كانو صحاباتي يطيحو يا لوكان على حاجة ماتستاهلش والحمد لله قطعت علاقتي بيهم ماشي على جال التطياح وانما على افعالهم وليجاست نتاوعهم في ليكول وحتى مع الاساتدة

النوع من البنات هادو مازالو جياح يتوقعو لي الطفلة كي تطيح راهي فور وحطة ومحلبة ومانعرف واش
ربي يهديهم برك

مرسي على الموضوع
[/font]​

 

[makour]

[FONT=&quot] سؤال للبنات [/FONT]​

[FONT=&quot]هل تعرفي بنات و لا صحابتك من هذا النوع و كيفاه تتعاملي معهم ؟
ايهييييه كاين غير هوما ني حشمة ني قدر والله كاينين بنات يقراو معايا نسمعهم يطيحوا قدام الدراري والله نشوفوا هو اللي يحشم او هو اللي يسكتها تبهديلة
انا هادو مانتعاملش معاهم علاخاطر مايتعاشروش
deja جمال المراة حياؤها ...والحديث قياس
[/FONT]​

​

[FONT=&quot]و السلام عليكم و رحمة الله
و عليكم السلام
مشكوووووووور
[/FONT]​

 

[H@teM]

ابشع ابشع ابشع حاجة نكرها
الطفلة كي تولي طيح الهدرة
.....
تسنى في نهار 15/09/2011
ههه عيد ميلادي
ان شاء الله يخرج عليك بالخير
​

 

[mimi.dz]

متحيرشـ خلاصـ راكـ فيـ دزاير
البناتـ يطيحو كثر منـ الدراريـ
يتكيفو كثر منـ الدراريـ
السرقة ومطلقوهاشـ
والليـ تغيضـ اكثر كيما سبقـ وذكرتـ
هاذ الظاهرة تلقاها حتى عند بناتـ الفاميليا
الكلامـ الموزونـ زينة
والحياء تاجـ فوقـ رأسـ المرأة
ربيـ يهديـ ما خلقـ
,,,,
​

 

[زهرة الجنوب9]

الي عطاه ربي مايطيح لا طفلة ولا طفل لازم على كل واحد ازين فمو ما يخرج غير لمليح من فمو نقول هذا يرجع لتربية ولدين

 

[somi]

[font="]ي قاتلو احنا عندنا نورمال[/font]

[font="] هكذ[/font]l façon parler ta3na​

هاذي ياخوية تهدر اعلا روحها ما تلمش لبنات الكل
أنا مع صحبتي الهدرة بالقدر وكلشي جامي لا عيبتها ولا عايبتني وحتى مع البنات لخرين عندك حدود تحبس فيها وما تفوتهاش حتى يا لوكان مع أقرب صديقة والإحترام لازم والى الديرلي زي نهك او نوريلها الطيح بيا ونضحكلها أمليحة هادي تهبل

​

 

[Estrella]

[font=&quot]وش رايكم في في الظاهرة هذي اسكو كاينة منها ولا حالات شاذة فقط؟[/font]

كاينة منها بزاااااااف يا خويا ...يا لطيييييف منهم​

[font=&quot]وش رايكم في طفلة اللي طيح ؟ و ما هي الأسباب اللي خلتها تهدر كيما هكذا ؟[/font]

طفلة ماهيش محترمة وماهيش متربية ....الاسباب الي خلاتها تهدر كيما هاك قلة تربية باسكو كون جات متربية متهدرش هدرة ماهيش مليحة مهما كان البنت تبقى بنت​

[font=&quot]هل الطفلة اللي طيح دليل على انحرافها الأخلاقي ؟[/font]

اكيييييد​

[font=&quot]سؤال للبنات [/font]​

[font=&quot]هل تعرفي بنات و لا صحابتك من هذا النوع و كيفاه تتعاملي معهم ؟[/font]

هاد النوع من البنات ماكوناش نشوفوه بكري مي ضرك حدث ولا حرج
ما نتعامل معاهم ماوالو ...كل واحدة راهي كبيرة وبعقلها وتعرف مصلاحتها وين ..حنا ماعلينا غير نطلبولهم الهداية هدا مكان ..​

[font=&quot]و اللي حاب يزيد على الموضوع ماذابينا [/font]

لا كفيت و وفيت ..يعطيك الصحة على الموضوع​

 

[يوسےفے]

الله يبعد علينا و عليكم بنات كيما هادو......واش بقا مين ولات الطفله تسب و تقول الكلام لي ما ينقالش,,,,هاذو مشي متربين وريح لي يجي يديهم.......الله يهديهم​

 

[الجندية]

اللي تخالط بنات منحرفين هي اللي تطيح وتشلق في الهدره
أنا نعرف وحده نورمال قاع هي تطيح تبانلها راها تهدر نورمال حتى نقوللها نعلي الشيطان
والله غالب والفتها على هاذ الحاله ياااا خاااه على البنات هذو شكون يحترمهم مدام هوما مش محترمين ارواحهم
​

 

[الورد الأحمر]

وي صح كاين بنات هك ... ديفوا نلقاهم يديرو هك
عيب طفلة تطيح لكلام بحدا راجل ...
شوف خويا كامل كي نتغشو نغلطو في الهدرة
مي مالازمش نخلطو ... لقدر لازم يكون كاين
يعني الطفلة ما لازمش يسمعها راجل هدرت
هكاك ... ما عنديش صحبات هك ..
عندي جارة هك ... نتبهدل كي نمشي
معاها ... وكي تهدر هكاك ننشعها ...
على خاطر مادان هي هدرة وانا معاها
معناها راني نسمع ... لي يسمعها
يديها فينا في زوج ما نسواوش
مغسي خويا ... سلامو
​