ظوآهر غريبة في الجآمعة الجزآئرية - جزء 2 -

[الورد الأحمر]

السلام عليكم ورحمة الله وبركاته
==================
واش راكم يا لوليدات ؟ أنا راني مليحة ... الحمد لله
...

هي1: ألو بونصواغ واش راكي cava ؟
هي2: شيغــــــي بونصواغ راني مليحة، وانتي ...
هي1: والله راهي حاكمة، قوليلي غدوة تروحي لافاك ؟
هي2: وي بيان سيغ، أنا ما نقراش غدوة مي نروح نـgـصّر شوية...
هي1: آه أوكي داكوغ مام أنا ما نقراش مي نروح ...
هي2: هيا مليح مالا غدوة نتلاقاو كيما موالفين ... هيا صحّا...
هي1: أوكي... prend soin de toi et a demain، بيزو ...

الصباح جيهة الـ 8 يصوني le reveil تاع البوغطابل ...
ترين ترين ترين ... وتنوض هي1 وهي2 من لفراش ...
يفطرو... ويعدّيو للاشومبغ... كل وحدة تفتح خزانتها
وتلبس لمخير عندها ...

هي1: اممم نلبس la jupe هذي نحبها على خاطر ميني مع
السخانة هذي هذا واش يليق... ونلبس التيشاغت هذا خير ديكولتي ...
هي2: نلبس الـpـونتاكوغ هذا ... مع التريكو هذا ... آه نو هذا
يجيني شوية طويل... نلبس هذا خير يجي مع لاطاي تاع الـpـونتاكوغ

- أوكي هي1 وهي2 خيرو واش يلبسو -
درك واش يديرو؟ ديغاكسيو لاكوافوز يعبيو لي pـانصو ...
ويديرو طابلو pـيكاسو في وجهم ... يطلقو شعيراتهم ...
وكلمسة أخيرة يعبيو القرعة تاع الـpـاغفان فشط فشط ... ودرك ...
راحو في زوج لليطاجاغ تاع الصبابط -حاشاكم- وحدا خيرت
صوندال بالطالو والثاني صباط طالو -أنا نلبس الطالو خاطر
قصيرة مي درك يبان الفرق بين الطالو تاعي وتاعهم-
أها خرجو في زوج من الدار ... وصلوا للطريق ...
طرق طرق طرق وكان الطالو ما يديرش الحس يديروه بسيف
باش ياتيغيو لاطونسيو تاع ليجون ... وبلا ننساو المشية الكارثية ...
البقية بعد قليل ...

أودادا أودادا أوداأودادا أوداأودادادا
...
أها وصلوا للجامعة ... موااح موااح موااح موااح ...
هاي، salut، صاvـا ؟، وي صاvـا وانتي، وي ...
هيا نروحو نقعدو لهيه ...
يمشيو في زوج طق طق طق طق يلعبو بخصلات شعرهم ...
ونسيت باش نقول بلي حطو حبة شوينـgـوم في فمهم ...
باش يعوجو فمهم كي يمضغوه ...
أممم أكيد يخيرو بلاصة وين كاين ليجون بزاف... ويفوتو عليهم
هوما يفوتو مي الـpـاغفان تاعهم يبقى في خشم ليجون ...
ويروحو يقعدو ويضحكو ويجيو ليزامي تاعهم ...
حسان، عمار، نسيم ، محمد والقائمة طويلة ...
باش يتشخلعو مليـــــــــــــــــــــــح...
وأكيد من العينة هذي كاين بزاف هي3 هي4 هي5 وهيn
والنتيجة ظاهرة غريبة يديرو فيها لبنات في الجامعات ...
ما يقراوش مي يروحو للجامعة ...
من فوقها بهيئة تاع عراس تاع بحر مش تاع جامعة ...
والخلاصة طفلة مشلوحة تمشي على حل شعرها كيما قال عادل إمام
ورجال مش رجال لي خلاّو بناتهم يخرجو هك من الدار ...
اممم راني بدلت السيستام اليوم ... بطلنا لاكلاص خرجنا vacance
هيا راني كملتلكم الجزء الثاني لي يحكي على لبنات باش ما
يتغشوش ليجون ويقولو حكات علينا ونسات لبنات ...
مغسي ... سلامو ...
سامحوني برك طولت عليكم
...
ألا بذكر الله تطمئن القلوبـ

​

 

[الورد الأحمر]

شكرا لاعتماد الموضوع
​

 

[النورس]

اول شيئ عجبتني الخاتمة تع الموضوع
بارك الله فيك
ظرك نرجعلك يا ماروكو هههه
​

 

[آمِيْرَتُه]

لي قلتيه قاع صح تحسبي ماناش في لافاك رانا فالبحر ولا عرس

 

[la_safa]

يعني انا ليوم كي ظهرتلي نجي بكري و مانديرش روطار
ظهرتلك نتي تديري فاكونس :schmoll: ماعليش هههه

°°°°°°°
ايه واش تديري هادي هي الجامعة ماهي جامعة
ياي المشكلة درك تروحي للسيام برك تبقاي حالة فمك
خلي ياعليك وين يلقاو الحرية
و تعرفي لبنات كي يلقاو الحرية راهم يتطلقو طلقة وحدة

°°°°°°°
الله لايوصلنا لحالتهم ان شاء الله
مرسي خيتي عالموضوع
​

 

[فؤاد الورقلي]

سلام

رانا خايفين تزلزل بينا الارض
وقت راانا فيه الله يستر

الاختلاط و
العري داير حالة

ربي يصلح ويهديييييييينا كامل

​

 

[النورس]

ييييييييييييييييييييييييه مازالت حية هادي نور و لا منعرف و ش اسمها :cra_zy:
ياو كرهناك يا بنتي أرحلي عنا:shiny:

نرووحو لموضعك ترا
اهاه
يييييييه يا نور من وين نبدا و لا من وين نكمل
وين راني فالجامعة ولا fashion mode
هادي لافاك تع الأدب و لا سيدي فرج

راكي شفتي بعينك يا بنتي و ركزيلي كي يسخن الحال نبداو نشوفو هادوك المخلوقات الفضائية فليكووور
تقول مفرغين بنتورة على وجوهم و لبسة الله يلعنهم عليها برك
انا نقلك لي تلبس هكداك راهي ملعونة و قاعدة تلقط فالذنوب
ومنحكيش على لي كيما قلتي
تمشي و تتشخلع ولا منعرف كفاه ههههه

ويروحو يقعدو ويضحكو ويجيو ليزامي تاعهم ...
حسان، عمار، نسيم ، محمد والقائمة طويلة ...
باش يتشخلعو مليـــــــــــــــــــــــح...

و الله لي تحير مش كي جاو للجامعة من دون معندهم شغل نو هادي رانا والفناها هي و الدور و التحواس مشالهم فالدم
مي كاينة لي تجي تقعد فالجامعة حتى و متقراش مي على الاقل شوي محترمة
اما الكاليتي هادي والله ماراهي بلاصتهم تما راكم عارفين مليح وين يلزم يكونو
+
من هنا و من هذا الموضوع
نقوووول
لي يخلي اختو تلبس البسة فاظحة رااه ديوووووووووووووووووووووووووووووث

كامل نسبو لبنات مي لبنات هادو شكون؟؟؟؟ راه اخت فلان و علان
مالا لازم كل واحد يزير روحو
عيب وش راه يصرا

اسمحولي كثرت نهرف الله غالب كنت فالحبس و هادا وين خرجت
i-o:
​

 

[M!ss D!or]

والله يا اختي الوقت هدا صعيييييييب
الله يحفظ و يستر هدا مكان
و الطفلو زينها حياها مش الشوينغوم و الميني و و و و و
ربي يهدي ما خلق
و يعطيك الصحة حبيبتي

 

[Jagwar]

ربى يلطف بينا برك هذا ما نقدرو نقولو
و الله غير فسق كبير فى بلادنا ديفوا نخرج لبلاد نبدا نسقسى روحى انا فى عنابة و لا فى لندن :cra_zy:
ربى يهدينا و يهدى الأمة العربية جمعاء

مرسى عليك ماروكو آآآآآه مرسى عليك نوغ :shiny:



​

 

[المتفائلة_91]

للحجز ،،،،، لي عودة بش نمنشر

 

[nassim007]

اهلااااااااااا بيــــــــــــك نوغ :shiny:

تاع الـpـاغفان فشط فشط .

هههه عجبتني هادي ...

:cra_zy: :cra_zy: بصح علاه وانا علاه حاضر معاهم :scared:

حسان، عمار، نسيم ، محمد والقائمة طويلة ...



هرج كبييير والله يخي حالة !!!!

وش ديري

شكرااا علا التقطاااع ههه لا علا الموضوع
​

 

[N@riM@N]

وعليكم السلاام,,,ممم تقدري تقولي هاد الظواهر باغتو ماشي فلجامعه برك
**** مانظلموهمش ييعني وحده فلابتدائي تلقايها دير في صنايع تصيبي تخنقيها
واش يعجبك ماشي شابين ويحبو يورو رواحهم ويتقوعرو والله غير حشمو بينا
وماخلاوناش وجه...
​

 

[NeيRسNe]

ههههههههههههههههههه
نوغ نتي تحكي ونا فيلمي فالمشهد ههههههههههههه
و الله غير صح قسما بالله غير ظواهر ماشي غير غريبة كوارث طبيعية تصرا
الفيش و الفوخ تحسب جايين من بلاصة اخرا وهوما غير مكانش كارتيي تاع قلاليل
شكراا نور ندرب دورة ونرجع ادا سمحتي
​

 

[Jeune Sghir Mc]

لبنات..................
خلي يديرو رايهم رانا نشوفو
​

 

[hard_way1990]

والخلاصة طفلة مشلوحة تمشي على حل شعرها كيما قال عادل إمام

ههههههههههه شحال عجبني إقتباسك لجملة عادل إمام ههه ..
يا أختي الله غالب هاذو ما عندهم أولياء ما عندهم ضمير .. هواهم الوحيد أنهم يتشهرو للأسف في بالهم ليجان راح ينخلعو بيهم ههه لاكن للاسف راح يدو عليهم نظرة بلي مش متربيات والغرض الوحيد منهم هو الفاحشة الله يعافينا ..
وألي ما رباوه والديه ما يتربى وحدو .. وربي يهدي ما خلق ..
​

 

[ابوندى]

ياعيني عليهم تقول عليهم في بوم لولللللللللللللللللللللللللللللللللللللل
ماشي هكة ياجماعة والله انا نحير كيفاش واحد ولي ولا ام تخلي بنتها تخرج هكدا كيفاش هدا ماتخافش عليها ماتقولش وش لابسة بنتي والله عجب او كيما قالهم البشير الابراهيمي ربي يرحموا ويرحمنا حنا ثاني معاه
راس البلا هو دهاب الغيرة من صدور الرجال والحيا من وجوه النسا ...باش تقولي واحد حر وملتزم بتقاليده ويخلي بنتوا تخرج كيف اكاك عيب والله عيب
وحتى البنات على النية ما عندهم لاشخصية لاوالوا الكل يتبعوا في بعض جات وحدة لابسة صباط مليح الكل يلطخوا منوا جابت وةحدة ديباردور ولا تيشرت الكل يلطخوا منوا والله ماتلقى منين تحكم ولاتسيب
ربي يحفظنا برك
شكرا لك استادة نوررررررررررررر

 

[Orodent]

سلام
وي صح كاينة منها واش قلتي كامل
انا يغيضوني غير الوالدين تع لبنات في بالهم باعتين ولادهم يقراو
وهوما راهم يبنيو في لاvونير
الله يهدي ويلطف بنا وقتنا راح صعاب بزاف
انا في ليام تع قرايتي وما نروحش للفاك
ما نعرف واش يديني نهارات ما نقراش فيهم
تروح تصيد عصفور ولازوج
مشكورة على الموضوع
ايا سلام​

 

[الجريئة]

آآآآآآآآآه من الكاسيات العاريات
انا نشوفهم نحشم في بلاصتهم
او يسميوهم كافي حاب يتحلب
ربي يهدي ما خلق
ايا سلام نور خانم

 

[kazawa]

مضوع راءع وممتاز واصلي يا ماروكو
الله يستر من هاد الاشكال
​

 

[DARINE05]

هههههههههههههه
والله جبتيها حنونة