داروها stade شوفولي كان تصلح ؟ ...

[الورد الأحمر]

السلام عليكم ورحمة الله وبركاته
==================
واش راكم ؟ شوفو أعذروني برك ليجوغ هذو الالهام راه داير حالة
بالاك الـvide هو لي يخليني نشوف حوايج يشعلولي اللومبة تاع
اللمة ...
اليوم حبيت نحكي على ظاهرة منتشرة بلبزاف ... هي لعب
ليجون ماتش في بلايص مش تاع لعب ... لوكان جات غير
هك خلي ... تلقاهم يلوحوا كلام عيب... حتى العبد ما يلقى وين
يحط وجهو سي يكون قاعد مع خوه ولا بوه ولا أمو ولا اختو ...
شوفولي لبلاصة هذي ...

راهي غير بحدانا في لافوطو برك تبان بعيدة ... راني صورتهالكم
من البالكو تاعنا ... نسقسيكم برك... زعما لبلاصة هذي لي
دورت عليها تصلح يلعبو فيها ماتش؟ ...
شحال من مرة يطيحلهم البالو من تم كي يلحقوه يروحو فيها ...
شحال من مرة منع واحد عالشعرة ... مي من بعد ما يجيو تاع
الحماية المدنية يطلعوه ... ولي يطيح من تم بخيطو يموت طول
على خاطر يطيح على الطريق السريع لي تحت الجبل هذا ...
مي مالـgـغي هك يجيو كل يوم يلعبو ماتش ويرشقوا كلام عيب
والله لا كرهنا تاع الصح ... بلا الحس لي يديروه علينا ...
واش رايكم جماعة عندي الحق نتقلق ولا نو ؟
يعني من فوق كلشي لبلاصة راهي خطيرة مش تاع لعب ...
ولا واش قلتلو ؟؟؟
هيا ابقاو على خير جماعة ... سلامو
​

 

[الورد الأحمر]

شكرا لاعتماد الموضوع
​

 

[BARCA232]

الغيـــــــــــــــرة تهــــــــــــدر نروح ونرجع ليك نور
​

 

[M!ss D!or]

الله يباااااااااااااااااارك يا وخيتي مديلي داركم ياسيدي نتبااادلو
عجبتنيييييييي فوووووووووووووووووور فورررررررررر يايما على الصباح تصبحي على البحر و مع العشية فور فور فور كيما راهي باينتلي فريموووون بصحتكم
مي سير هلكتم الميديتي ههههه
ايييييه نرجع للموضوع صح اختي والله عندك الحق مام حنا عندنا دارنا جاية حدا التيراا قد قد
وخلي عليك الحس على الصباح و زيد الكلان كيما قلتي و و و
المهم انا هدا الصيف نجي عندك دبري رااااسك ضيفيني حتى سمااانة ههههه
\ماتنخلعيش ساعفيني اختك عندها عام ماشفتش البحر \

​

 

[شجـ الروح ـون]

نوغ يا نوغ
والله ليجون
فالصالون يلعبو البالون
ههه
يعني انا نعذرهم
مكاش وين يلعبو
يخلقو بلاصة لرواحتيهم
وينحيو على خاطرهم
وشنو صح الكلام الفاسد تلقايه بالشكاير
وين يكونو يلعبو
المهم ربي يهديهم احسن شيء
حقا بزاااااااااااااف شابة الفوتو
"راني نجي نجوز عندك لي فاكونس ههه"
نعرض روحي انا
سلامي خيتي​

 

[Jagwar]

الله يبارك البلاصة لى تسكنى فيها موقع استراتيجى هام :shiny:

بون نرجعو للموضوع تاعك اختى نور
علابالك حنا تانى كيفكم حدانا ستاد صغير يلعبو فيه البالو (حتى انا نلعب:shiny
صح الحس بزاف و لعياط حتى على الستة تاع الصباح يجو يلعبو ما يخلوناش نرقدو بصح كلام العيب ما كانش .
بصح يا نور ما علابالكش الدودة تاع البالون واش تعمل
ياو حنا نموتو على البالون i-o: الله غالب
بصح انتى عندك الحق اذا كان فيها كلام العيب أما بالنسبة للبلاصة ماشى تاع بالون رانى قتلك الدودة هيلى تعمل هاك
أنا كون نلقى بالون فى طريق أوتو روت نرفدها نجونغلى بيها ههههه

أيا ربى يصبركم عليهم

مرسى على الموضوع

تحياتى


​

 

[النورس]

زدتي لحقتينا حتى وين نلعبووو:cra_zy:
ايا هان و احبسي هههه
ياك راهم يلعبو فالتيران مش فالشومبرا تعك
+
خليه يطيح يموت
الحياة تضحية هههه
+
تع كلام العيب عندك فيها الحق مي على حساااب وش شفت اي بعيدة عليكم لبلاصة هاديك
يييييييه نسيت بلي كلام العيب يجي طاير يدخل للوذن ههههه

معليش كبري بالك ختيتو الشباب محروم معندناش لي ستاد على هادي راهم يريسكو
حنا تاني نفس المشكل فالحومة مي لقاولهم الحل
ولاو الرجال لكبار تع الحومة يقعدو يجمعو حدا التيران هاديك
ألور لي يجي يغلط يحشم على عرضو
:shiny:

+
الغاشي كامل قالك نجي نصيف عندك هههه عجبتهم الدار
مي انا نقولك شوفيلي اذا عندكم وزٌة للزواج خخخخ
خلولي الدار معاها
​

 

[Elif DZ]

هههههههه و الله الشبيبة استعمروا الساحات
وش نقلك حنا في جهتنا ما تهنينا كان كي بناو الساحات الكل
التالي في التل كيفاش

بارك الله فيك
​

 

[sam_houssem]

نور يخي انا سبقت الاول للعرض باه نتبادلو بالديار
ولا رايحة دوري في رايك
المهم ماعليش نسمح في الدار
والا كاينة جارتكم عجوزة وعندها لورو نجي نورمال
نريسكي بحياتي نقاصي عام ولا زوج حتى تموت وتخليلي الدار
المهم
الله غالب كون لقينا وين نلعبو ما نريسكيوش بعمارنا
لاسطاد لا هم يحزنون
مدايرين ليماتيكو تلعبي على البيطون
طيحة بحقها
وش نقولك احنا كاين ماتيكو مدايرينو بينو وبين المطار 2ميطرات
كل شوي يروح البالو لداخل
ويدخل واحد يريسكي بروحو
يطلع القارياج والسيلان المشوك
ويجيبو
وزيد يجريو وراه العسكر
مي الله غالب ماكانش وين
الشباب ضايع وزادو ضيعوه اكثر واكثر
وتجيني في الريسك هذاك خيرمن نقعد فارغ شغل ولا ندير حاجة اكثر
المهم مرسي وماتنسايش جارتك العجوز​

 

[nassim007]

خلي لولاد يلعبو

عندك حق لوكان غير جاو يلعبو بلا تطياح هدرة شايفهم هنا عندنا

شكرااا نوغ
​

 

[ابوندى]

امالا تحبيهم يروحوا يتكيفوا الشيرة ويعملوا حوايج ماشي ملاح ي3ريسيو ويزربوا على الناس اهم يلعبوا في البالون خير صحة وفايدة صح راني معاك السبان والقباحة والكلام العيب لا لازم نحترموا بعظنا ..بصح واش راح يديروا كيما يقولوا خير من يسرقوا ههههههه
لي عودة

 

[Orodent]

صباح الخير نوغ
صحيتي حنونة على الموضوع المفخخ
جابلي ربي ما ديرونجاك ني بالون ني والو
راني فقتلك جا موسم الاصطياف وحبيبتي اديري اشهار لولايتك
ولبلاصة لي ساكنة فيها هههههههه
بصح واش نقولك
هايلة تع الصح ترد الروح للعبد ديجا راني صبحت عليها نحس في روحي خير
واش تحبي يلعبو بالون خير ما يديرو حاجة اخرى كيما قالو الخاوة
نزيد نقلك au moins البالون يتلعب في النهر يجي مع movement تع الغاشي والطوموبيلات
كي يقولو كلمة ما تسمعيهاش مليح المشكل راهو في اليل كي يهدى الغاشى ويجيو الذئاب
وتبدى القصرة تع الصح ولكلام الزين والموزون
ايا سلام وما تنسايش راني معولة نجي الصيف هادا لسكيكدة​

 

[الجريئة]

اليوم صبحت على مواضيع الست سهام
ايا ماعليش مخسؤاش في عزرينك رد هههههههههههه
بون الموضوع مليح وين تسكني بلاصة هايلة
(تستقبلي ضيوف هههههههه)
المهم درك الدراري يلعبوا البالون حتى في لبحر واكي علابالك
المرض نتاعهك ههههههههه
مي كلام العيب ربي يهدي العب و اقفل فمك
+++++تقيم
سلام منغولية

 

[برنســ اللمة ـيسة]

سلام حبيت ساعا نطلب من الجميع هنا يهدر كيما هدرتك باسكو لازم كل واحد نتعاملو معاه بلغته الخاصة
هههه
نووووغ صاحيتي
بون جوغ
واش غاكي؟؟ صافا؟؟
صاحيتي على هاد الموضوع الشباب
يا خيتي و الله صعيبة حاجة كيما هكدا مي لي جان تاعنا كون يلقاو بلاصة يلعبو فيها ما يغيسكوش بغواحتيهم
علاه في قولك كاغهين من غواحهم؟؟
ياو الvide اللي يخليهم يلعبو في بلايص خطيغة مساااااااااااكن و زيد كون جاو كاينين نوادي مايديغوش حاجة كيما هكدا
كيما قالك حسام دايغين ليماتيكون كون يطيح واحد يتكسغ الطغف عند خوه
.
.
.
.
.
.
.
.
.
.
.
.
ااااااااااه نسيت نوغ ماتكغيليش داغكم نفوتو بيها الصيفية هادي؟؟​

 

[ماكانش]

ربي بارك نوغ راكم اطلو على لبحر ههههههه
لوكان جيت منك والله نضال قاعد في البالكو مقابل لبحر انحي شويا لهموم
راني مهموم بزاف هاذ ليامات ههههه وربي فرج علنا ...
الصورة ماشفتهاش مليح
بصح لوكان نقلك حنا وين كنا نلعبو بكري تحيري
كنا نلعبو وين طريق الماشينة وديما فايتة علينا
ربي الساتر برك ...
يعطيك الصحة على الموضوع الباهي
​

 

[GI Joe]

il sont assez responsable pr savoir que c un endroits maaal !!
sinn tu me prete tn appart pr un moi d vacs et tu ne les revera pas ^^
​

 

[DARINE05]

اووووووووووووووووونور بلاصتكم ربي بارك ترد الروح سلفينا ليلة فيها سورتو مع الصباح هواء يرد الروح واش راح نقلك لي جون تعنا كلمة زوج يبداو يطيحو في الهدرة

 

[nina bonoise]

ااااااهههههه على هذاك المنظر يسخف حتى انا نجي نصيف عندك
مي البلاصة هذيك و الله تخوف ماهيش تاع بالون خلاص
و الكلام الخامج رانا نسمعوا فيه ديما
انا الحمد لله كارطيا كالم متسمعيش الحس
تحبي نتبادلوا ههههههه
​

 

[AnGeL*dZ]

هآتيلي داركم برك ونستحمل لعياط ولحس تاعهـم
الدكورا يهبلو على لفوت يلعبوه جو بر بحر
حنا عندنا المعانات تبدا من الدار خويا صغير ولكبير يلعبو مع بعضاهم في الصالون وكي يكون مكانش خويا لكبير يجي لمناين نتفرجو يحرم علينا ويقولنا العبو كونتري
برا ليجان دارو حلحاجة تقتل يلعبو البالو على 12 تآع الليل ويقعدوا غير يسفهو ويسبو ،،ربي يهديهم
في اللعاب حتى واحد مادخلو فيهم بصح يحترمو النآس تآع لكارتي
وهاذي كامل خاطر مالقاوش شكون يديرلهم مرافق وين يلعبو ويرفهو على روحم
​

 

[bilal22]

ياي الديقوطاج يدير لهم هكا يعني لازم يلعبو
ونتي تحوسي تلفيهم ها اخطي جدهم خليهم ينحو علا خاطرهم وش بيك هاذا
​