سباب هبالنا...ميقرية في دوارنا....ها الجديد

[وطني]

بسم الله الرحمن الرحيم و الصلاة و السلام على اشرف المرسلين......
واش راهم ناس اللمة....هوما...ماليهم...جوارينهم...من الحدادة للحدادة...نشاء الله لاباس و ربي يدومها.........
عام كومبلي نتسناو كاش جديد...فينالمون راهو كاين الجديد...الجديد القادر....فور تاع الصح.....ليوما ف الحومة...
يا خاوتي مانكدبش عليكم...كي خرجت ليوم من الدار ...تلفتلي تاع الصح...الديكور قاع مبدل...ليجان قاع لابسة الحطة...تقول العيد و لا مهرجان كان السينمائي.....راني نقلك الشبيبة تاع الحومة..قاع مريقلة على غير العادة..هادا بلكوستيم و هاداك بجين..........واش راه صاري....
لحقت لصحابي تاع مداري...سلامو ...سلامو...كاش جديد..واش هاد الحطة.....
قالولي بركا ما تقعد..جديد راهو عندك... قتلهم...و الله ماعلابالي بحتى جديد_ابار انو ف اروبا قتلهم الخيار_...واش كاين....
نطق صاحبي_موالف سامح قاع في عمرو..ليوما صاحبي بلبونتاكور و النواظر_ قلي ..كيفاش ماعلابالكش...ياخي سمير هبط و حدة قاورية......
اااااااااااوووو...سمير جاب قاورية ....الله يبارك...يستاهل...ياخي العام كومبلي مبرونشي ف السيبار....
وين راه المشكل ؟...هو جاب قاورية و نتوما علاش هاد الحطة؟
قالي صاحبي...فيق يا البريق...القاورية هادي جابت معاها زوج حباباتها..._قلك وحدة طيارة و لخرى بومبة_...
لوجيكمون..سمير يحكم القاورية...و هنا نيقيسيوا مع لخرين...بالك ربي...يرضاو ...
شفتو كيفاش الشبيبة تخمم....ههههه
ليسونسيال ...الدار تاع سمير راها محاصرة....بليجان..هههه
و الحمد لله خوكم عندو الزهر...سمير هادا جارنا...نطلع فوق السطح نحكمو قاع واش راه يدير.....
انا تاني ...الحطة..السطح..و المقابلة.......و نزيدكم ..راني شفتهم بعيني.....لي جابها سمير..باينة علاخاطرش كبيرة كيما هو...و لخرين باينين...فريمون ...تقول راك تفرج على هوليوود.........وحدة والله العظيم تشبه ل انجيلينا جولي..و الله العظيم تقول هي.......
اخر المعلومات...تقول بانو...الجنسية ديالهم مجرية....لي جابها سمير ل روحو وسمها تيميا...ولخرين صحاباتها جاو توريست برك.....الصغيرة عمرها 19 وسمها مونيكا...و لخرى 21 و سمها فيكتوريا........_هادي اخر المعلومات_
و الشيء لي يفرح..قلك انهم رايحين يقعدو شهر كامل...يعني منا حتى ل20 جويلية...يا سلام.........
بكل صراحة اجواء استثنائية يعيشها كارطينا.....ني خدمة ني زدمة_انا واحد من الناس قررت اني مانوليش للخدمة...وواش من خدمة ..اعمال شاقة_....نقعد هنا و نيقوصي....
المهم...الشبيبة قاع مهولة...حتى الشوابين و لحقهم الخبر....ههههه
و الشيء لي يفرح كثر...انو انا الوحيد لي يدقش شويا اونقلي...هاي..هاو ار يو...يور ايميل...كان ا قاو ويث يو... المهم نسلك راسي....و زيد كيما قلت من قبيل نطلع ف السطح نحكمهم قاع................
المهم راني نرقد..نصلي...نتقهوى..نفطر..نتعشى...فوق السطح ههههههههه
و ديجا راني معول نافونسي شوية....سمير هاداك راني ..مسلفو رواحة....راني نقول دوك نروح ندير السبة بيها و ندخل.... و نرمي خيطي و نقلهم يو ار والكوم....هههه
الصح تاع ربي...الحالة راها مقلبة....هادا هو ....في انتظار الجديد_نشاء الله جديد يفرح_ نقولكم سلام.

 

[mimi.dz]

على الأقلـ انتـ عندكـ الجديد
انا قريبـ ننسى المعنى نتاعـ هاذ الكلمة
يعطيكـ الصحة خويا موضوعـ شبابـ
وربيـ يفتحها عليكـ وتعقبـ صيفـ هبالـ
​

 

[ماكانش]

غير اعطيني وين تسكن راني جاي ههههههه
الزهر مسكينات من أوروبا جاو للدوار تاعكم ؟؟؟ هههههه
وكي تقول لحطة فكرتني بالجماعة لمسوقرين مساكن
ايا مانهدرش بزاف لاخاطر مانحملهمش ....

 

[DARINE05]

هههههههههههههههههههههههههههههههههههههههههههههههههههههههههههه
لي عودة

 

[BARCA232]

السلام عليكم ورحمة الله تعالى وبركاته
أيه على أيام الزمان حتى الgاورية وكان مجيئها شااارم
اليوم حتى هوما وفهمو عقليتنا
رجعو يجو عندنا باه يضحكو علينا لاغير
ربي يخلينا امهاتنا وتحية العربية بنت العربي
سلام
ودير لافار ودي مونيكا

​

 

[meriem150491]

غير اعطيني وين تسكن راني جاي ههههههه
الزهر مسكينات من أوروبا جاو للدوار تاعكم ؟؟؟ هههههه
وكي تقول لحطة فكرتني بالجماعة لمسوقرين مساكن
ايا مانهدرش بزاف لاخاطر مانحملهمش ....

هههههههه قولنا وين جايين باش نخطبو لسفيان مسكين نتهناو منو شوي ازرب ابعث لادراس :sheer::sheer::sheer:

 

[zahya]

واش مونيكا وفيكوريا ماجبوش معاهم جون ولا نيكولاس.... لبنات الكارتي انتوما عندكم جديد وهما لا لا.... بصحتكم يا خويا وعقبال لباقي الوطن ..... باس مات الوطن

 

[N@riM@N]

هاوطني كون وطني وشد في بنات وطنك وانعل بليس هههه
والله وحدكم
​

 

[ابوندى]

عربية نديها العين الكحلة قداش ..وين تبان ال3اورية هههههههههههه
تديها 3اورية تتعب وتعبك خويا العزيز...

 

[Elif DZ]

ههههههههههه

هاذا علاش العرب بقاو التالي
الشبيبة لاهيـــة غير في التوافـــه و الجياحــة ( اعذرني على هالكلمة لكن الحقيقة )

أنا نقلكم روحو شوفولكم خدمــة في هالصيــف أفيدلكمـ
ربـــي يهدي و يخفف
اعذرني هذا هو رأيي وش رح ندير
,,
​

 

[nina bonoise]

ابابابابابا
سكنتي في السطح
و مونيكا و فيكتوريا مجابوش معاهم صحابهم هههههه

 

[sahiko hamza]

ههههههههههههههههههههههههه



وعليكم السلام ورحمة الله

والله قتلتني بالضحك

المهم راني نرقد..نصلي...نتقهوى..نفطر..نتع شى...فوق السطح ههههههههه

هذي فور تاع الصح والله ....
ها خويا اوموا صورتهم خلي اوموا كارطي تاع اللمة يتبيش كامل هههه
​

 

[سهام النار]

اووووووووووووووووووووووووووووووووو الخطر يحوم حول مونيكا و فيكتوريا ايا خويا سجل هدف وطبق مونيكا ليك و فكتوريا لمكانش ايا ماتضيع الوقت ​

 

[hasna.m]

كاين اللى يشوفها زين وكاين اللى يشوفها كواغط
​

 

[البخالدي]

ههههههههههههههههههههههه اميقرية
سلفين ولا جاكلين ما يجونيش كيما خدوج تحيا بنات الدزاير

 

[hannsg]

ههههههههه كونك وطني يا خو كما اسمك و اديها بنت بلادك ههههه
انا شخصيا نحب ندي جزائرية بنت بلادي فقط
سلام و اتهلا في روحك خويا و اهبط شوي من السطح ههههههه

 

[Silent Hill]

​

:: . :ّ ما شاء الله ّّ: . ::
ربـ،ـي لقد مسـ،ـ،ـني الضـ،ـ،ـر

فإرح مـ،ـ،ـني
خوفا قبـ،ـ،ـ،ـل ان يكون طمعا منـ،ـ،ـي
سلام الله ، عليك
وحدك خويا
هههههههههه
شباب هالالتفاته هههههههه
شبعه الصورة الرمزيه
الله يزيد النور بــ
وجهك و دربك و قلبك يا ربي
أمين امين امين يا رب العالمين
من قلبي
نتمنى تصيبك كل السعاده
امن يجيب المضطر اذا دعاه و يكشف السوء
مشكور على طرحك الطيب الاكثر من راقي:،)
جزاك الله كل الخير
في رعاية الرحمان
‘ــــرمضًان كريمــــ’
ــــروحي غزةــــ
تحياتي و احترامي و تقديري
ـــــسلامـــــــــــ ـ

و اسف على الازعاج و الله
تقبلـــــــــو ا خالص الحب
Silent Hill
‏ζشيم الروζ
وراء كل امرأة رجل عظيم و ان لم تكن لكان أعظم
Catch Me If You C`an
الـمــм.ş.ήـــ3yit saber wallah ma 9additchـاسنجر
رو‏ζ طيبه بقلب إنسان
●|ღقلبيـے بــالوفــا رآقـــــيـےღ|●​

​

​

Silent Hill​

 

[نقاء الروح]

هههههههههههههه خويا قتلتني بالضحك .هدا يليق فيلم .احنا نسناو في البقية ......ما تبطاش علينااااااااااا

 

[*nassima*]

ههههههههه جديد وحدو خلاه

 

[Badech]

ماجيناش باساجي
قد تكون فولكسـ,,..
لقيل .. خبز الدار ياكلو البراني .. واحد ما يستشفا فينا
وقت الشدة قد .. زوج اعيون
سلامو
سامحني على الإزعاج ....,’​

سلام ’,​

​