هذي فيها الوراثه ولا لا؟؟ واش رايكم.........

[نسيم الربيع]

السلام عليكم ورحمة الله تعالى وبركاته

واش حوالكم ان شاء الله بخير

فليامات هذوك تاع الباك تلاقيت واحد لمرا جات تدي بنتها

قاتلي انا بكري بكري كي كان الباك بقيمتو وكنا عام منرقدوش _o:

وكان اللي يدي الباك عبقور

داتو هي ب 14 :blink:واقيلا

وجا الوزير ولا شكون وكرمهم ووووو........

المهم وقاتلي جيت نوصل بنتي وبنتي ماكان ماكان عندها معدلها 10

لهنا قلت سبحان الله وين هي ووين يماها

بزاف اللي تلقاهم والديهم عباقره وهوما ماكان والو

نجيو تاني للأساتذه تلقاه استاذ وولدو لاعلاقه

ومام الوالدين تلقى الاستاذ يقولك نورمال منجحتش السنه العام الجاي

وتلقا اللي مش قاريين مدايرين حاله فولادهم بالقرايه

البارح جاتني جارتنا ولادها يفوتوالباك قاتلي نسهر معاهم

ونوضهم نقولهم اقراو وندعيلهم تحكي وتبكي خايفه لمينجحوش

ملاحظه (مكره في ماكانش)

1-انا يما استاذه وماعندي حاجه فالقرايه

2-مام هي تقولنا مشي الناس كامل تخرج تقرا كاين النجار وكاين المونيvري ........الخ ماتقتلوش رواحكم

واش رايكم نتوما لاحظتو هاذ الظاهره ولا لا؟ وواش رايكم فيها ​

 

[sisou023]

عادي كاين لي والديهم خرجو قاريين ومكملين قراية وولادهم ماهمش قاريين وكاين العكس انا يما وبابا ماهمش مكملين قرايتهم بصح على القراية ميفهموش راني نقرا فالجامعة ومازالو يعسوني ولازم ندي معدل مليح ويشجعوني باه نزيد نكمل قرايتي مسألة عقليات

 

[meriem150491]

هيه صح عندك الحق والله تلقا باباه ولا مو ربي يبارك وهو هههههههه خارج مجال التغطية

مي هدي هيا الدنيا وكما قالت مك مش الناس كامل راح تخرج تقرا او راح يكون طبيب وماصو ,,,,,,, الخ

مي شت عقلية مش مليحة في الوالدين خرين

مثلا ولدها ميشتيش يقرا وعندهم جارهم ولا جارتهم المهم يقراو تروح عند بنها تقولو شوف هداك يقرا ربي يبارك وتبدا طيحلو في المورال وتبدا تقارن فيه بيه وانا تبالي هدي راح تحطمو لانو التربية جامي كانت بالمقارنة لانو كل واحد شخصيتو وكل واحد وميولاتو مش لازم يقرا باش يكون مليح ولا مش مليح ايا مرسي على الموضوع

 

[ماكانش]

ملاحظه (مكره في ماكانش)​

​

​

هههههههههههههه
أهلا بيك نسيم
السمااااااح ههههههه
كيما يقول المثل ازهد الناس في العالم اهله
وهذي سنة الحياة
طبعا هوما ماشي علماء ههههههه
كيما نوح عليه السلام كان نبي وولدو كان كافر ، وهيا ماشية ...
تبالي سنة من سنن الحياة ومانعرف
مي ماشي قاعدة مطردة ...
يعطيك الصحة على الموضوع الباهي
زائد تقييم​

 

[silka143]

عندك الحق ...و هادي الظاهرة وين ما رحتي تلقايها .. و ماشي شرط الانسان يتبع الي قبلو على خاطر هادي على حساب الشخصية و كل واحد و مكتوبو في هادي الدنيا ...

 

[amouna.dz]

وي عندك الحق اختي
الحمد لله انا بابا استاذ ...ونموت على لقرايا نحس بللي هي اهم حاجة في حياتي
راني عبقورة ياو

وصح كاين يعني اخرين والديهم اساتذة وهوما مايحبوش يقراو
وكاين اخرين والديهم ماقراوش وكي ولادهم مايقراوش يديرو عليهم حالا

موضوع هايل يعطيك الصحة اختي
​

 

[nina bonoise]

كاين الظاهرة هذي في كل بلاصة
انا ماما و بابا محبسين في الباك و راهم بخدمتهم درك
مي يضغطوا عليا لقرايا لازم لازم
راني في الجامعة و مازالوا يعسوني قداه ديت و قداه جبت و قداه مجبتش
​

 

[Estrella]

كلشي تلقايه معكوس في هاد الدنيا
سبحان لله
يعطيك الصحة ...​

 

[أسماء الجزائر]

انا تاني خويا الله يبارك فور في القراية و ولادو الله يستر بصح كل وقت يسب فيهم و حتى يضرب

 

[آمِيْرَتُه]

شكرا للموضوع و بغيت نقولك انا الوحيدة لخرجت قارية في دارنا malgré بابا مش قاري و ماما نص نص تحصيلها شوية

 

[هآجر]

ملاحظه (مكره في ماكانش)

1-انا يما استاذه وماعندي حاجه فالقرايه

2-مام هي تقولنا مشي الناس كامل تخرج تقرا كاين النجار وكاين المونيvري ........الخ ماتقتلوش رواحكم

واش رايكم نتوما لاحظتو هاذ الظاهره ولا لا؟ وواش رايكم فيها

السلام عليكم

ههههههههههههههههه
مكره في مكانش ههههههههههههههههههههههههههههه

بخصوص موضوعك
وي كاين ناس بزاف هكدة الدعوة معكوسة
وقيلا تلقاي الوالدين نادمين على القريا عليها تلقاي ولادهم قارييييييييييييييييين ويدعولهم بش ربي يوفقهم

شكرا على الموضوع​

 

[نسيم الربيع]

عادي كاين لي والديهم خرجو قاريين ومكملين قراية وولادهم ماهمش قاريين وكاين العكس انا يما وبابا ماهمش مكملين قرايتهم بصح على القراية ميفهموش راني نقرا فالجامعة ومازالو يعسوني ولازم ندي معدل مليح ويشجعوني باه نزيد نكمل قرايتي مسألة عقليات

مام انا يما قاريه متكسرليش راسي بزاف
وبابا مشي مكمل قرايتو مجهلني عالقرايه
يعطيك الصحه خيتو منوره الموضوع​

 

[المتفائلة_91]

لا مش ديما ،،

انا بابا وماما قاريين وواصلين وحنا جينا كامل ربي يبارك ،
بلا ضغط وبلا والو ،، جينا من ربي نحبو قرايتنا ونجيبو نتائج ملاح ( مع توفير كل الظروف الملائمة للدراسة من طرف الوالدين ربي يحفظهم)

بصح كاين كيما قلتي لا علافة


يعطيك الصحة​

 

[DARINE05]

اهلا نسومة والله في نظري سنة من سنن الحياة

 

[نسيم الربيع]

هيه صح عندك الحق والله تلقا باباه ولا مو ربي يبارك وهو هههههههه خارج مجال التغطية

مي هدي هيا الدنيا وكما قالت مك مش الناس كامل راح تخرج تقرا او راح يكون طبيب وماصو ,,,,,,, الخ

مي شت عقلية مش مليحة في الوالدين خرين

مثلا ولدها ميشتيش يقرا وعندهم جارهم ولا جارتهم المهم يقراو تروح عند بنها تقولو شوف هداك يقرا ربي يبارك وتبدا طيحلو في المورال وتبدا تقارن فيه بيه وانا تبالي هدي راح تحطمو لانو التربية جامي كانت بالمقارنة لانو كل واحد شخصيتو وكل واحد وميولاتو مش لازم يقرا باش يكون مليح ولا مش مليح ايا مرسي على الموضوع

يالطيييييييييييف واش نكره هاذ العقليه
ولا اللي كل مايشوفك يقولك امشي تقرا راه يشوف فيك تقرا ويقولك روح تقرا هههه
صحيتي مريومه نورتي الموضوع​

 

[Iman89]

لا وراثة لا والو
كلو واحد وش عطاه ربي فالراس
ربي يوفقنا جميع

 

[zahya]

ايه يا اختي انا والديا ماهمش قاريين بزاف وحنا خرجنا نص بنص ... نص قاري ونص لالا ... اما انا نشتي لقارية بزاف الحمد لله كملت الجامعة وراني حابا نزيد دراسات عليا .... وةالقراية صح فيها شوية وراثة..... يعني تورتي جنات لقرايا من يماك او باباك... حتى لو كانت خاملة عندو وماتخدمش

 

[نسيم الربيع]

[/center]

هههههههههههههه
أهلا بيك نسيم
السمااااااح ههههههه
كيما يقول المثل ازهد الناس في العالم اهله
وهذي سنة الحياة
طبعا هوما ماشي علماء ههههههه
كيما نوح عليه السلام كان نبي وولدو كان كافر ، وهيا ماشية ...
تبالي سنة من سنن الحياة ومانعرف
مي ماشي قاعدة مطردة ...
يعطيك الصحة على الموضوع الباهي
زائد تقييم​

اهلا بيك خويا
ايا مزيه اللي سمحتلنا فالملاحظه هههه نتمسخر معاك
هذا المثل ماسمعتش بيه من قبل بصح راه تقريبا ينطبق على الواقع
مرورك اللي باهي خويا يعطيك الصحه​

 

[نسيم الربيع]

عندك الحق ...و هادي الظاهرة وين ما رحتي تلقايها .. و ماشي شرط الانسان يتبع الي قبلو على خاطر هادي على حساب الشخصية و كل واحد و مكتوبو في هادي الدنيا ...

هذاك هو ختي ماغلطتيش
يعطيك الصحه مرورك أسعدني​

 

[Jeune Sghir Mc]

نجيو تاني للأساتذه تلقاه استاذ وولدو لاعلاقه
واش بديتي تمعني

شكرا ليك
​