قلتلها واش راكم تقسرو ....

[ماكانش]

السلام عليكم ورحمة الله وبركاته
واش راكم خاوتي لاباس بخير الحمد لله
اليوم نحكيلكم واش درت وواش صرالي ...
أيا قبيل كنت فايت على المركب الرياضي اول نوفمبر ، ونلقا تقريب واحد 20 كار مقاريين والغاشي ليسبورتيف راكم عارفين
وعندي تقريب 3 أيام وانا نشوف فيهم، وحتى في لبلاد نلقاهم يدورو ساعات بليسيرفات ...
قالك راهم يلعبو في الألعاب الأولمبية ، 48 ولاية وزيد التوانسة
أيا كي رجعت قلت والله غير ندخل نتفرج شويا
أيا في الدخلة زعما نفخت شويا صدري قال واش قال راهو اتلات واشي هوا راهو ديبريا برك هههههه
أيا دخلت ونلقا ليسبورتيف ولاد و ينات خرين قاعدين وخرين يتمشاو المهم حالة كبيرة
أيا مشيت طول وطلعت فوق واحد الطلعة لقيت الغاشي يتفرج في خرين يجريو
أيا بدلت لبلاصة وهبط حتى وصلت وين راهم يلعبو اللعة هذيك ألي يتيريوها بيديهم ماشي الجلة راهي تشبهلها لارولات ولا مانعرف كيفاش سماتهالي وحدة لثم :shay: هههه
الله غالب مانيش سبورتيف حتى نوصفهالكم ...
أيا قاعد ورا لحدايد نتفرج فيهم أيا ونشوف وحدة ربي بارك طول وزين وكلش سمعتهم يعيطولها نبيلة
ممممم ياخي مافقتش لقيت روحي نسيبورتي فيها ههههه
أيا قدمت وسقسيت وحدة قلتلها ختي واش راكم تقسرو هنا ؟؟؟
ضحكت ، وانا عرفت بلي ماعرفتش نسقسي ، وبلي مايقولوش واش راكم تقسرو
أيا قاتلي هذي لارولات وكلمات بالفرونسي ياخي مافهمت والو وقاعد نقوللها غير هيه هيه ههههه
أيا قاعد نتفرج ونبيلة قاعدة تشوفي من بعيد ، ربي بارك زينونة وسبورتيف وكلش ربي بارك ...
أيا كي تجي دالتها كامل ينوضو يعيطو ويصفقو ؟؟؟
قلت في قلبي حتى السبور وفيه الشيتة هههه ماعليهش بصح حتى هيا زينونة ربي بارك ...
أيا قعدت شويا ودخلت لداخل معاهم نبان اونترينار ههههه
ونبيلة زعما كي تكمل دالتها تطلع الفوق وتقعد تركز وتشوفي هههههه
أيا زمان وحدة قالتلهم اعطيوني الما
ظهر ماعندهمش الما، وواحد دار لصاحبو وقالو وين راهو الما
هذاك قالو شوف مصطافا، وقاعدين يدورو على بعضاهم حتى واحد ملي كانو يتفرجو عطالهم قرعة ما ...
أيا هذو ايكيب ذرك ماعندهمش الما لليجوار تاعهم ؟؟؟
ماعليهش
المهم جا التور اللخر ، وجات دالت نبيلة أيا كي العادة كامل يصفقو أيا غلطت هاذ المرة غلطت بصح تأهلت حسب واش فهمت ؟؟؟
أيا كي كملو دار فيها التسلام وماعلاباليش واش
كامل يسلمو بنات ولاد ، يعني تاع ليكيب مع بعضاهم
أيا جيت خارج ، ونبيلة ظهرت سامباتيك بزاف ههه
قلت اواه نبيلة هذي ماتخرجش عليا ههههه نبان درت كلش والراي راهو ليا هههه
أيا جيت خارج ومروح وفي الطريق ماشي أيا لقيت ايكيب حبسو عند واحد الريستورو يبيع غير فريت اوملات
قلت هذو مساكن راح يريكيبيريو بالفريت اوملات ههههه
اواه السبور في الجزاير ميزيرية هههه
وفي الطريق لقيت خرين طالعين للستاد واقيلا راح يبداو على الساعتين
قلت من بعد على ال3 راني لثم ههههه

الملاحظة:
ماتقولوليش واش اداك قدام جيهت لبنات احم احم هههه
ثانيا:
ألي يعرف نبيلة واقيلا من العاصيمة وتلعب لارولات يتصل بيا هههه
ثالثا:
كي كنت نتفرج ماكنت نفهم في والو قاعدين غير يقولو كارونت تروا (43)، ترونت ويت (38) وانا غير نسمع هههههه
رابعا:
واش رايكم في الطفلة ألي ادير السبور ، تبالي المجتمع تاعنا شويا عندو عقدة ولا مانعرف واشيه من الطفلة الرياضية ...
خامسا:
قبل بيومين نحكي مع واحد رياضي وقالي بنتي مانديرلهاش السبور لاخاطر المجتمع يقذف بزاف في لبنات الي يديرو السبور ...

​

 

[M!ss_f@ti]

احم احم

يا وخذتي المخلوق هبل ورايح يـ ... واش سفيان راك ناوي ناوي ؟؟ هههههههه كلشي مبروك

بالنسبة للطفلة لي ادير السبور حاجة مليحة مي تبانلي الوحدة لازم ادير رياضة خفيفة يعني جري , vـــولي ولا باسكات .. ماشي تخشن عضلاتها حتى تسماط .

وزيد المجتمع تاعنا شوية رافظة الفكرة .. من جيهتي أنا كلشي عادي في اطار المبادئ

شكرا ليك أخ سفيان

 

[nina bonoise]

ههههههههههه
و الله وش داك جيهة لبنات
الله غالب منسكنش في العاصمة منعرف نبيلة
mais حاجة ملاحة الطفلة ادير سبور مش ادير لحديد
حتى يداها يعودوا كي تاع جون سينا ههههه
انا عندي اختي تاع كاراتي و اختي الاخرى تاع باسكات
​

 

[meriem150491]

هههههه سفيان اخويا ياخي قلتلك انت كي نشوف عنوان تاع موضوع برك نضحك خلي يا كي نقراه

اواه انت ناوي تقتلنا بالضحك اتقي مولاك هههههههه


هههههه مالا عجباتك الست نبيلة معليش دبرلنا النيمرو تاعها ونروحو نخطبوهالك وانا وجارتي ههههه

اما في نا يخص السبور للطفلة ياخي علابالك مجتمعنا شوي معقد من هدي الفكرة

يعني السبور مليح للطفلة والطفل مي واش هو في حدود مثلا معليش انو الطفلة تروح تمارس السبور المفضل عندها مثلا كرة السلة ولا السباحة ولا الخ مي وسط بنات وميكونش اختلاط هدي معليش ويكون في اطار الدين معليش
مي يكون اختلاط وميكونش ضوابط اي مش افار وحتى الناس بعد يشوفوها مش متربية وووو الخ سيرتو لا فاتت الطفلة 20 سنة ياخي علابالك

المهم مرسي على الموضوع الاخ مكانش

 

[AnGeL*dZ]

هآذي نبيلة جايبتها في كلش ^^
انا مع الطفلة اللي تدير السبور
مالقري انا السبور تاع المدرسة ومدايرة منو اعفآء
بآبآ حلمو بنتو تكون رياضية
زعمة كانت ختي لكبيرة تدير في لجري ومبعد تبدلت للهوند
مي لبنات تاع ليكيب كامل حبسوهم ماليهم كي كبرو وتبخر حلـمها
و ختي الصغيرة دركا راهي تلعب في الهوند
وحتى في قرايتها عندهم كلاس سبيسيال
زعمة كي تطلع ليسي تروح لسطيف وتبعد علينا
انا كون جيت شاطرة ومش فنيانة ندير لكارتي :shiny:
​

 

[Midia]

ههههههههه
نبيلة يا نبيلة
هههههههه
دير اعلان في الجرنان c mieue هههه
الطفلة السبورتيف حاجة امليحة يعني ناشطة وقاوية وقادرة على شقاها
بصح بتحفظ يعني ما انحبش انتاع العضلات ولا المصارعة لانها تخبي حاجة ميزها ربي في المراة وهي انوثتها ​

 

[the crazy asma]

كي كنت نتفرج ماكنت نفهم في والو قاعدين غير يقولو كارونت تروا (43)،

ممممممممممم هذو سير تاعنا منا من ميلة على هذي راهم يقولو كارونت تروا هههه
الطفلة اللي تدير السبور بالنسبة ليا حاجة مليحة ومافيهاش عيب إذا كانت لبستها محترمة
مثلا تاع الفولي اللبسة تاعهم مش محترمة خلاص
كون تلبس مليح وتستر روحها بالنسبة ليا حاجة مليحة السبور والله اعلم
وثاني يكون سبور مليح كرة السلة الطائرة الباسكات....إلخ
مش مصارعة ورفع اثقال وهذو الأمور تاع الرجال
شكرا خويا ماكانش ديما ميضوعاتك هايلين​

 

[الحياة كلمة]

سلام خويا سفيان عرفت اسمك من البنات الي كتبو قبلي
السبور للبنات مليح بزاف ليها ويفيدها والمرا ة في مجتمعنا دك لازم تتعلم شوي حركات تع كاراتي ولا باه تحمي نفسها والله الشارع ولا يخوف والثيقة راهي غير تروح ماعرفناش اعلاه
مي عجبتني وحد قبلي كي قاتلك ماتكثرش السبور باه تبين عضلات خاطش مايواتيوهاش (يواتيو غير رجال)
+ لازم عليها دخل شوي الكرش خاطش هاذي المشكلة راهي تكثر
المهم يعطيك الصحة على الموضوع

 

[Estrella]

ههههههههه
بصحتك ...فوت نهار شباب هههه
كون غير عرضت اعضاء اللمة نسيتنا هههه
معليش معليش
مممممم انا فالحق منبغيش سبور هداك مانكره
اما بالنسبة اللبنت الي دير سبور نورمال بصح ماشي فدزاااااير هههه
راك عارف القصة كيفاش دايرة ههه
ولله يخرجوها فالجورنال
المجتمع نتاعنا محااااااااااااافظ زعمة
يعطيك الصحة على الموضوع ...

​

 

[الخيزران]

السلام عليكم ورحمة الله وبركاته
وعليكم السلام ورحمة الله وبركاته

طول وزين وكلش سمعتهم يعيطولها نبيلة
ممممم ياخي مافقتش لقيت روحي نسيبورتي فيها ههههه
؟؟؟
ههههههههههههههههههههههههههههههههههه
منك صح ما فقتش؟هههههههههه




قلت اواه نبيلة هذي ماتخرجش عليا
عسى ان تكرهوا شيئا وهو خير لكم

ماتقولوليش واش اداك قدام جيهت لبنات احم احم هههه
هاي باينة هههههه
ثالثا:
كي كنت نتفرج ماكنت نفهم في والو قاعدين غير يقولو كارونت تروا (43)، ترونت ويت (38) وانا غير نسمع هههههه
ما فهمتش على خاطر كنت مركز على نبيلة ههههه

واش رايكم في الطفلة ألي ادير السبور


​

كما قلت اخي سفيان المشكل ماشي في البنت لي تعمل الرياضة المشكل في المجتمع ,
يعطيك الصحة خويا سفيان

 

[ابوندى]

مالغري ماتردش على ردودي مي معليش ياسمسم هههههههههههههه

والله نشاطر اختي فاطمة الراي المشكلة مشكلة مجتمع حنا تقولي تروح طفلة تجري وحدها ماكانش منها ادي ام يوكلوها ياراجل وشبيك بالخزرة والتعليق واش نقولك غير هو طبعا مع الاخد بعين الاعتبار انه ليس الكل هكدا والواحد مايعممش الامر على جميع الناس
والله كنت نخدم في ستاد تاع شابو عبد القادر في عنابة مدينتي طبعا كاين الاناس والبنات المحترمين الي يجيو يجريو مع ابائهم وخاوتهم وامهاتهم ساعة ساعة باش يعمروا السوفل وكانوا بنات يجيو مساكن سمان و3رويين اك تعرف يطيحوا في الشحمة في العشية يعملوا اشتراك ب35 الف للشهر اخطي الحصة تاع الصباح اي العشوا ماتلقى وين تحط رجلك في الملعب واحد يدرا3ي وواحد يدي في النيميرو وواحد زعما يعلم فيهم في الحركات الرياضية والمشكلة الي تضحك انوا المكان الي يجريو فيه البنات غير هو الي معمر الخاوة قول عليها دي 3ارد كور تاعهم
ومع دهاب البنات يخيم السكون على الملعب وترجع الدنيا عادي نورمال خلاص ...
تحير والله تحير ...........

 

[يوسےفے]

هههههههههههههههههه
سي ماكانش حكايات وحكايات...مايكملووووووش
الموضوووووع درته غير على جال نبيله....كاش ما راك تخمم ..ستعرف ,,,ستعرف..وجيت تشاور هنا..على بنات السبور...ياك علابانا بلي عجبوك دير رايك وروح...ما كان لاه تشاور هنا ...بنات اللمه يقووولوولك...خطيك..هههه.......نgصر برك ما تزعفوش مني يا لبنات ياك حنا خاوا
المهم المفيد هو بلي مجتمعنا ما يرحمش ..كيما قال خونا مول السبور لي سقسيته انت...ناس تقذف ...عندنا حنا ف البلاد ..اي بنت دير حركه راحت عليها الpارتي خوي سفيان....وعموما السبووووور لرجال...بلادنا دايرا هكا مي نظن غير ف المناطق المحافظه
شكراااا خوي سفيان على السوجي وسمحلي كاش ما غلططت ....تحياتي
:re_gards::re_gards::re_gards::re_gards::re_gards::re_gards:​

 

[Jeune Sghir Mc]

شيء عادي البنات يديرو سبور بصح سبور تاع (بنات) فقط

بصح نبيلة هاذي مالكلام دخلتلي فالعقل
​

 

[DARINE05]

اهلا سفيان واش راك ا جاري والله صح ديما نشوفهم برا ايييييي فيها التونسة هههههههههههه
انا شتهم في المانج تع قادري لقيتهم ثمة بقشهم تع سبور والله زينونات صح
السبور في الجزائر صح ميت والله بيناتنا كلش ميت كي الشعب كي دولة اييييييييييي ابعث بعث ههههههه
رستورن لي حبسو عندها ماهيش تع جارنا هو لي يبيع فير الفريت اوملات هههههههههههههههههههههههههه

 

[ماكانش]

شكرا لقبول الموضوع ...

 

[تاعبة كل الناس]

ههههههههههههههههه نت و نبيلة تاعك ربي يفرج عليك :showoff:
بون نت دخلت صحة ليك:sheer:
انا فت من تم وماقدرتش ندخل خاطر طفلة :schmoll:
و هاديك الطريق انا حتى نخاف نفوت عليها كي يعود كاين ماتش ولا لمة هاك كيما راك تقول

خاطر اللي يكاليو هاديك الفيلا اللي مقابلة الستاد في اغلب الاحيان ناس غير متربية و تفوت عليه عندو نورمال يلوح يدو باه يمسك ولا يعكلك طيح:scared:

الوغ سي فري بلي السبور عندنا زفت بالنسبة للبنات
سواء ممارسة او تشجيع

ميغسي:re_gards:

انا كنت ندير بكري وحبست
:sad:
​

 

[ماكانش]

احم احم

يا وخذتي المخلوق هبل ورايح يـ ... واش سفيان راك ناوي ناوي ؟؟ هههههههه كلشي مبروك

ههههههههه
اهلا بيك ندى
واش مبروك هذا راني قلقان ماتزيدوش عليا ههههه​

بالنسبة للطفلة لي ادير السبور حاجة مليحة مي تبانلي الوحدة لازم ادير رياضة خفيفة يعني جري , vـــولي ولا باسكات .. ماشي تخشن عضلاتها حتى تسماط .

او ربي بارك على الراي والهدرة الزينة
الطفلة كي ادير سبور ثقيل تنقص انوثتها ...
نبيلة ادير رمي لارولات هههه​

وزيد المجتمع تاعنا شوية رافظة الفكرة .. من جيهتي أنا كلشي عادي في اطار المبادئ

شكرا ليك أخ سفيان

عفوا ندى
المجتمع شويا والدين ثاني يلعب الدور الأهم ...​

ربي يحفظك ندى ...​

 

[هآجر]

السلام عليكم
مفهمتش وعلاش حطيتي الموضوع ؟؟؟؟؟؟؟؟؟؟؟؟

المهم نعلق على الملاحظات برك خاطر عجبوني ههههههههه


الملاحظة:
ماتقولوليش واش اداك قدام جيهت لبنات احم احم هههه

هههههههه وش هذاا مكانش وش ادير قدامهم ؟؟؟؟؟؟؟؟
ثانيا:
ألي يعرف نبيلة واقيلا من العاصيمة وتلعب لارولات يتصل بيا هههه
ههههههههههههه واخير لقى بنت الحلال الي راح تديه علينا من هنا ولصق فينا كما الباتكس هههههه
ثالثا:
كي كنت نتفرج ماكنت نفهم في والو قاعدين غير يقولو كارونت تروا (43)، ترونت ويت (38) وانا غير نسمع هههههه
وش داك تدخل اصلا ولا نبيلة داتلك عقلك
رابعا:
واش رايكم في الطفلة ألي ادير السبور ، تبالي المجتمع تاعنا شويا عندو عقدة ولا مانعرف واشيه من الطفلة الرياضية ...
تبانلي طفلة مسترجله
خامسا:
قبل بيومين نحكي مع واحد رياضي وقالي بنتي مانديرلهاش السبور لاخاطر المجتمع يقذف بزاف في لبنات الي يديرو السبور ...
ايه عندو الحق الناس مترحمش وثاني طفلة ادير سبور مهيش نورمال صح كما تكون صغيرة مي توصل عمرها 10 سنين ولا اقل تحبس فيها براكة فض سن اللعب بالنسبة للطفلة

 

[ماكانش]

ههههههههههه

و الله وش داك جيهة لبنات
ههههههه
اداوني رجليا ههههههه
يعجبني السبور ألي كانو يديرو فيه هههه
الله غالب منسكنش في العاصمة منعرف نبيلة
طيحتيلي المورال ههههه
mais حاجة ملاحة الطفلة ادير سبور مش ادير لحديد
حتى يداها يعودوا كي تاع جون سينا ههههه
هههه
هذي هدرة باهية ومفيد
سبور من سبور يخرج على الطفلة ...

انا عندي اختي تاع كاراتي و اختي الاخرى تاع باسكات

بابابا ربي بارك
تاع الكاراطي هذي واعرة بلاك تزلقي معاها هههه​

ربي يحفظك بونواز يعطيك الصحة ...​

 

[تاعبة كل الناس]

والله نشاطر اختي فاطمة الراي المشكلة مشكلة مجتمع حنا تقولي تروح طفلة تجري وحدها ماكانش منها ادي ام يوكلوها ياراجل وشبيك بالخزرة والتعليق واش نقولك غير هو طبعا مع الاخد بعين الاعتبار انه ليس الكل هكدا والواحد مايعممش الامر على جميع الناس
...........

:no_1: :no_1: :no_1: :no_1: :no_1: :no_1:

ماتعرفش باتنة
ياو عزرين التعلاق ياو ماتغيبلهم في والو

ياو والله و تتعكل غير الدنيا كل تسمع بيك:no_1:
لاشافك تجري يقلك علاه مزروبة
لاشافك تمشي يقلك تسناي فيا
لاشافك فالبيسين يقلك سخن عليك الحال
لاشاف تضحك يقلك ضحكنا معاك
لاشافك تبكي يقلك اشكيلي همك
لاشافك تخمم يقولك في شكون



محال محال محاااااال طفلة دير سبور هانية :schmoll:
محاااااااااااااااااال تمشي زوج خطوات و انت على راحتك
:re_gards:
​