Bonus لكان حاب تزيد مشاركاتك ماعليك إلا الإخذ بنصائح sahiko hamza

[sahiko hamza]

سلام عليكم ورحمة الله







اتفضلو اتفضلو مرحبا بيكم
وجدو رواحكم وأسمعوني مليح وش راح نقلكم
وماذا بيكم كي العادة تحبسو كل حاجة تدير صوت آبار الكليماتيزور برك اك لي يخليك تركز مليح معايا ومع البيبليسيتي .... :shiny:



الى راك عضو جديد وحاب تعود عضو فيولي كيما لاكولور تاع العضوية تاعي ماعليك غير دير وش راح نقلك انا ...


Bon .... كيما شتو عنوان الموضوع

وانت يا العضو النشيط ولا أي واحد فيكم
تبعوني برك دوك تنجحو ونحكي معاكم صح مانيش قاعد نلعب والطريقة مجربة وبلاك فيكم شويا عارفينها بصح انا والله مانبخلها عليكم ....




اول خطوة باه تعود مشهور
لازم يكون موضوعك مليح اومبونص تاع ضحك وتمسخير وشيخات ولعب ومكانش السيريو ...
الى راك عضو لازمك تحط الصنارة وتبدى تصيد فالعضواة كعبة كعبة بويسك هذوك يجيبولك السوق لمواضيعيك ومع الاقتباسات ماتفيق بروحك غير راك درت 200 مشاركة فالنهار وبلا ماتحس بيهم

الى راكي عضوة معليش ولو موضوعك ماشي مليح بصح زوغيه برك الى ماعرفتيش كاين شوشو وميمي وسوسو.... فيفي قا نسيتها يعلموك لتحت فأقسام تاع لبنات هاكي تعرفيهم مانيش راح نديك انا ... _o:



نزيدكم حاجة

حاب يكون ملفك الشخصي ديما فيه الغاشي
ساهلة خلاص
حط برك توقيع مافيه حتى معنى صافي خلاص ولا حط كاش شرة دوك تشوف
الغاشي كامل يهيج عليك وحتى الادارة تدخل لبروفيلك
ياو رانا شعب قرعاجي ملياااااااااار :yahoo:



هكا اوموا تجوزو صيف مليح
كلو ضحك وشيخات وزهو ورومانسية













واش النصائح تاعي مليحة ولا لا ؟ :shay:

آاااااااه يا sahiko راك روطاااااااار
على بيها نقول وش بيه المنتدى قعد هو هو ...
على بيها انا نبكي على آيام زمان ؟
على بيها انا نقول وش بيهم المواضيع راهم زيرو ؟؟؟؟









​

 

[sahiko hamza]

شكرا على الموافقة ...
​

 

[إيمان قلب]

ههههههههه صافي الكلام راه موجه للناس بحالي ...
انا كي شفت العنوان قلت كاش بونيس من عند خالتي موبيليس ولا دجيزي
كي ولى هاك خلينا غير بالشوي ونولو فيولي خير مانطلعو في نهار بلامعنى ولا واش قال ؟؟؟
شكرا خويا على الموضوع الأمبيونسي
كنت أول من خربش هنا
تحياتي

 

[zahya]

راح نعمل بنصائح يا سي حمزة العضو البرونزي.... انت وقتاش ترجع ذهب او الذهب راهو غالي

 

[هانا1994]

اي والله نصائح فوووور خلاص خويا حمزة
و ميرسي على البيبليسيتي الي درت راهي هايلة
هاذو نصائح ملاح ليا كاش ما نرفع رصيد المشاركات شوي
تحياتي

​

 

[H@teM]

الواحد يولي مشهور كيفي يخي ؟؟؟
احم احم
:showoff:
​

 

[sisou023]

انا راني عضوة مميزة بسيف باش لحقت ليها لاخطرش متبعتش النصائح ومدرتش مواضيع تاع ضحك وتمسخير وشيخات ولعب ذرك نتبع نصائحك بلاك نفوتك ونرجع عضوة ذهبية ههههههه

 

[NaDiA.]

..........و الكلام قياس

 

[زهرة الندى]

آاااااااه يا sahiko راك روطاااااااار
على بيها نقول وش بيه المنتدى قعد هو هو ...
على بيها انا نبكي على آيام زمان ؟
على بيها انا نقول وش بيهم المواضيع راهم زيرو ؟؟؟؟



ها صحيـــــــــــــــــت يا خويا حمزة كلامــك صح*صح



عادو مواضيع تع النكت والتمسخير لي يمشو بركـ مع انو كاين مواضيع فوور وتستحق التفاعل

ولكن التفاعل فيها زيرو ..........

ههههه عجبتني حكاية الملف الشخصي اهواه ضرك نبدل التوقيع i-o:

ههههههههه

يعطيـــــــــــــكـ الف صحــــــــة على الميضوع



​

 

[lynaa]

hhhhhhhhhhhhhhhhhhhhhhhhh
​

 

[mimi.dz]

سلام عليكم ورحمة الله

وعليكمـ السلـآمـ ورحمة الله تعالى وبركاتهـ

اتفضلو اتفضلو مرحبا بيكم

:shay:يزيد فضلكـ

وجدو رواحكم وأسمعوني مليح وش راح نقلكم
وماذا بيكم كي العادة تحبسو كل حاجة تدير صوت آبار الكليماتيزور برك اك لي يخليك تركز مليح معايا ومع البيبليسيتي .... :shiny:

حاضر استاذ ,,,

الى راك عضو جديد وحاب تعود عضو فيولي كيما لاكولور تاع العضوية تاعي ماعليك غير دير وش راح نقلك انا ...

هاذ الجزء خاطينا:shiny:

Bon .... كيما شتو عنوان الموضوع

وانت يا العضو النشيط ولا أي واحد فيكم
تبعوني برك دوك تنجحو ونحكي معاكم صح مانيش قاعد نلعب والطريقة مجربة وبلاك فيكم شويا عارفينها بصح انا والله مانبخلها عليكم ....

نعرفوكـ تحبـ تصدقـ حتى بالنصائحـ

اول خطوة باه تعود مشهور
لازم يكون موضوعك مليح اومبونص تاع ضحك وتمسخير وشيخات ولعب ومكانش السيريو ...
الى راك عضو لازمك تحط الصنارة وتبدى تصيد فالعضواة كعبة كعبة بويسك هذوك يجيبولك السوق لمواضيعيك ومع الاقتباسات ماتفيق بروحك غير راك درت 200 مشاركة فالنهار وبلا ماتحس بيهم

ههههههـ مليحة هاذ

الى راكي عضوة معليش ولو موضوعك ماشي مليح بصح زوغيه برك الى ماعرفتيش كاين شوشو وميمي وسوسو.... فيفي قا نسيتها يعلموك لتحت فأقسام تاع لبنات هاكي تعرفيهم مانيش راح نديك انا ... _o:

نزيدكم حاجة

حاب يكون ملفك الشخصي ديما فيه الغاشي
ساهلة خلاص
حط برك توقيع مافيه حتى معنى صافي خلاص ولا حط كاش شرة دوك تشوف
الغاشي كامل يهيج عليك وحتى الادارة تدخل لبروفيلك
ياو رانا شعب قرعاجي ملياااااااااار :yahoo:

ههههه
نزيدلكـ عليها اذا كانتـ الفوطو شبابـ بزافـ
و التوقيعـ يجذبـ الغاشيـ
تمليـ البروفايلـ بلا ما تفيقـ

هكا اوموا تجوزو صيف مليح
كلو ضحك وشيخات وزهو ورومانسية

هههههـ ربيـ يهديكـ آ حمزة

واش النصائح تاعي مليحة ولا لا ؟ :shay:

علابالكـ رانا ندمرو فيـ البشرية
زيد كاشـ نصيحة :shay:

آاااااااه يا sahiko راك روطاااااااار
على بيها نقول وش بيه المنتدى قعد هو هو ...
على بيها انا نبكي على آيام زمان ؟
على بيها انا نقول وش بيهم المواضيع راهم زيرو ؟؟؟؟

​

روحـ دير غنا حسنيـ واقعد اتحسر على اياماتـ 2008 و 2009
لانهمـ ميرجعوشـ مهما درتـ

موضوعكـ يقيسـ بزافـ آ حمزة
واشـ نقولكـ ما لقيتـ ما نهدر
ميـ دركـ قليلـ وينـ تلقى السيريو و المفيد
منا على 10 سنينـ
منعرفـ واشـ يصرا

+ يعطيكـ الصحة
فور كيـ العادة
​

 

[{مُدَلَّلَتُهُ}]

هههههههههه يعطيك الصحة على النصائح كن قتهملي بكري ضرك راني عضوة ذهبية ههههه

 

[DARINE05]

ايه يا الشيرات ايه الهدرة عليا والمعنى على جاري ا خويا ساهيكو ههههههههههههههه

 

[عاشقة رجاص]

آاااااااه يا sahiko راك روطاااااااار
على بيها نقول وش بيه المنتدى قعد هو هو ...
على بيها انا نبكي على آيام زمان ؟
على بيها انا نقول وش بيهم المواضيع راهم زيرو ؟؟؟؟​

السلآم عليكم ورحمة الله وبركآته​

سآمحني خويا حمزة
كلآمك اللي لفوق مش رآيحة نعلق عليه
باسكو للأسف راهو وآقع وحقيقة
وأحيآنآ وكيمآ درك تكون الحقيقة مؤلمة
مي رآيحة نعلق على الكلآم اللي درتلو إقتبآس
أيآم بكري كآن المنتدى مليح بزآف صح
والموآضيع ملآح صح
ممكن أنا سجلت في 2009
مي كنت زآئرة وفية للمنتدى من قبل
ممكن من 2008
بالصح شكون قآل باللي موآضيع اليوم رآهم زيرو؟؟؟
خويا أضرب دورة فالمنتدى
رآح تلقى في كل ركن نآس قآعدة تتعب وتدير في موآضيع مآشآء الله
مسآبقآت أدبية من المستوى العآلي
دورآت تكوينية فالطبخ والتطريز وغيرها
دورات تصميم
دورات لحفظ القرآن
ركن مخصص للإبدآع والبوح الحر
موآضيع تنآقش وآش كاين فالمجتمع بكل جرأة
حتى فالأقسام التعليمية
من قبل تلقى الأعضاء هوما اللي يساعدو بعضهم
أما الآن بالإضافة إلى الأعضاء كاينين أسآتذة فمختلف التخصصات
أعضآء مآشآء الله عليهم
المنتدى مارجعش للوراء خلاص
بالعكس كل يوم يقدم خطوة
مالازمش نقعدو نبكو على الاطلال ونتحسرو على أيام زمان اللي مستحيل ترجع
لازم نبنيو اليوم
بيدينا
هذا رايي خويا حمزة ورأي الكثيرين
على هذي نتمنى أننا نلقيو الضوء شوية على الناس اللي راها تتعب وما أكثرهم
مي الأغلبية قاعدين غير يذكرو غير فالسلبيات
عذرا إذا طولت عليك خويا
ولا إذا ماعجبكش كلآمي
مي تعودت نكون صريحة
وشكرا على الموضوع القيم
سلآم​

 

[sahiko hamza]

ههههههههه صافي الكلام راه موجه للناس بحالي ...
انا كي شفت العنوان قلت كاش بونيس من عند خالتي موبيليس ولا دجيزي
كي ولى هاك خلينا غير بالشوي ونولو فيولي خير مانطلعو في نهار بلامعنى ولا واش قال ؟؟؟
شكرا خويا على الموضوع الأمبيونسي
كنت أول من خربش هنا
تحياتي

مشك انتي لولة
بيان سير خويا دهوني ولا ماعرف كيفاه اسمو
حط الكاشي تاعو وخرج ههه
مارسي عليك
​

 

[sahiko hamza]

راح نعمل بنصائح يا سي حمزة العضو البرونزي.... انت وقتاش ترجع ذهب او الذهب راهو غالي

الذهب حرام عليا وحلال عليك
​

اي والله نصائح فوووور خلاص خويا حمزة
و ميرسي على البيبليسيتي الي درت راهي هايلة
هاذو نصائح ملاح ليا كاش ما نرفع رصيد المشاركات شوي
تحياتي

​

انتي حلاوتك هك خير ... :shiny:
​

 

[sahiko hamza]

الواحد يولي مشهور كيفي يخي ؟؟؟
احم احم
:showoff:
​

اوخ ودي عيزة كلام ؟ :scared:

انا راني عضوة مميزة بسيف باش لحقت ليها لاخطرش متبعتش النصائح ومدرتش مواضيع تاع ضحك وتمسخير وشيخات ولعب ذرك نتبع نصائحك بلاك نفوتك ونرجع عضوة ذهبية ههههههه

وينو المشكل بلاك برك ديريلنا كاش بريسيون وتوقفيلنا المنتدى هههه
​

آاااااااه يا sahiko راك روطاااااااار
على بيها نقول وش بيه المنتدى قعد هو هو ...
على بيها انا نبكي على آيام زمان ؟
على بيها انا نقول وش بيهم المواضيع راهم زيرو ؟؟؟؟



ها صحيـــــــــــــــــت يا خويا حمزة كلامــك صح*صح



عادو مواضيع تع النكت والتمسخير لي يمشو بركـ مع انو كاين مواضيع فوور وتستحق التفاعل

ولكن التفاعل فيها زيرو ..........

ههههه عجبتني حكاية الملف الشخصي اهواه ضرك نبدل التوقيع i-o:

ههههههههه

يعطيـــــــــــــكـ الف صحــــــــة على الميضوع



​

إيييييييييه يا زهرة الندى ...
صح كاين مواضيع يعجبوني ونحب نرد عليهم مي باه يوقفو معاك مكانش ...
كيما مواضيع المشاكل اليومية
كيما مواضيع حالات تتشاف فحياتكم اكل لازم نتناقشو فيها مي ... راحو لكاتغيام باج ..
روحي انتي وافهمي ...
​

 

[ranoche]

شكراااا ليك على الموضوع الرائع

 

[مروة 95]

درك الجزايري تحطلو موضوع جديد لقا 0000000 رد
نكتة و لا كاش لعبة تلقا عدد ووراه تلات زيراوات
هكا حنا .
أيا مالا دوك ندير بنصائحك مي عندك مني خفيفة بزاف
نفوتك أني خاطية انت ليي نعتيلي .
شكرا ​

 

[sahiko hamza]

روحـ دير غنا حسنيـ واقعد اتحسر على اياماتـ 2008 و 2009
لانهمـ ميرجعوشـ مهما درتـ

موضوعكـ يقيسـ بزافـ آ حمزة
واشـ نقولكـ ما لقيتـ ما نهدر
ميـ دركـ قليلـ وينـ تلقى السيريو و المفيد
منا على 10 سنينـ
منعرفـ واشـ يصرا

+ يعطيكـ الصحة
فور كيـ العادة
​

راني نشوف فالحالة بدات تتريقل اماجدة ... :shiny:
​