العرى في فايسبوك ... و من بعد يقلك اكسيبتيني !!!

[Moha le sage]

السلام عليكم ....

و الله انتشرت عقلية الفايسبوك .. ولا اللي مايفايسبوكيش مش حاجة .. تلقى واحد في عمرو 13 يقلك راني بعثت انفيطاسيون و نستنى ... و لاخر يقلك اجوتيني عندك من بعد ...

... ما يهمناش .. فايسبوكي و لا تشاتي و ما تفسدش ..

بصح الي وجعلي قلبي صح هي الصور الفاضحة اللي راهي طغات ... و هلكت الحالة

كاين وحد الظاهرة تاع la banalisation تاع الشي هذا ...يعني منين رايح يولي شي عادي ... شي عادي لما تفتح صفحتك الخاصة و تلقى الصور من كل نوع ... و الله ما يقدر الواحد يتفرجهم ... و ديفوا نحشم نحل الفايسبوك كي نكون مع صحابي دايرين بيا ...

و اللي ملاحظو مِأخرا ان الكثيرين جاتهم صعيبة كي يديرو تصاور محتشمين في المنتديات .. سواء في الصورة الرمزية و لا التواقيع ...ايه جاتهم صعيبة باسكو في الفايسبوك مكانش مراقب ينحيلهم هذاك الفسق لي دايرينو ...

مالقيت ما نقول غير ربي يهدينا صح ... اللي نقبلو نلقى غدوة من ذاك الحيط تاعي مليان بالشي لي حطو ... و مليان بلي حطوه صحابو ... و تخيل و احد عندو 200 بين صديق و صديقة .. و لخر فيهم ماعندو علاواش يحشم ..مدام ماكاين لا مشرفين لا رقابة ...وش راح تستنى كي تقبل صداقتو ؟ اكيد غير مالا يرضيك ...

راح نولو لعقلية قلي شكون صحابك نقلك شكون نتا ...


الظاهرة هذي سير انتشرت خطراش مكانش الرقابة ...الرقابة تاع الضمير قبل ما تكون تاع اي شخص اخر ...

و هاذ الشي حكيت عليه في هاذ الموضوع بالذات :

حين تخشى رقابة المشرفين ... و تهون رقابة الله .. في المساحات الافتراضية


انا راني نطبق في عقلية

: الباب اللي يجيك منو الريح سدو و استريح ..



ربي يلطف من الجاي ....



Mــــــــحمد




​

 

[جميلة الجميلات]

انا رايحة نهدر جماعة سوا لعباد الي هنا ولا انتاع فيس كلهم سواء تضرب طلة هنا تلقة تصاور والله يحشموا وزعما برقابة وخلي يا فيس بوك سون رقابة يحطوا رواحهم عريا ومايفقوش بصح وشكون رايح يفهمك ياخويا اهدر ولا ماتهدرش هنا راهم دايرين رواحهم ملائكة طل عليهم في فيس بوك دايرين التير لمتير يخافوا من رقابة انت لعباد والي هو عبد عادي كيفك كيفوا ويخافوا من لخالق الي خلقهم سبحان الله ويحسبوا الى مايدخلش فيس بوك عبد جاهل وغير متحضر وهما فقهاء وصحاب نvوا
موضوع مليح يعطيك الصحة

 

[{مُدَلَّلَتُهُ}]

يعطيك الصحة على الموضوع هادا الفايس بوك راه داير المحاين ( يعجبوك كي تقولهم ما عنديش فايس بوك يقولك c pas possible و علاه راك عايش .؟؟ ) ربي يهدينا

 

[mer10]

السلام عليكم ورحمة الله تعالى وبركاته :re_gards:والله غير عندك الحق في لي قلتو;وزيد حاجة لي محيرتني تلقى واحد عديم التربية يبعتلك طلب صداقة :scared:ولا الطفلة الي دير الفوتو تاحها تع الصح :sheer:ولاو ستيل قاوار ويعني هذا الاب الي يخلي بنتو تتصور بكل انواع الحركات وترميهم للعالم :u_pc: الله يهديهم برك وشكرا على الموضوع :re_gards:

 

[Estrella]

ايييييييييه
هدي حالة الي ميعرفش يستخدم التكنولوجيا
لله يهدييييييينا ويسترنا
وربي يصلح الاحواااال
شكرا لك اخي الكريم ​

 

[ضريبينة]

وعليكم السلام ورحمة الله وبركته
يا خويا انا تاني عندي نفس المشكل كرهت وليت مندخلش خلاص ليه
البارح دخلت لقيت وحد الصورة كن تشوفها مترقدش من الباشعة تعها
ربي يهدهم ولا يديهم
​

 

[mimi.dz]

هذا هو الفايسـ بوكـ واشـ رايحـ تدير
راحتـ الحشمة و مبقاشـ الليـ يقادر غيرو
تبانلهمـ عاديـ كيـ يعودو ليفوطو خاطيينهمـ
المشكلـ الكبير فيـ الليـ تحط تصاورها بهذاكـ الشكلـ
تجيـ تهدر يقولكـ حريتيـ الشخصية
ربيـ يهديـ ما خلقـ
ويعطيكـ الصحة محمد
​

 

[hicham500]

أمر مؤسف فعلا
انا عندي فيس بوك نستعملوا مرة على مرة برك وماجوتي فيه اساتذة كانوا يقريوني في الجامعة
للاسف كاين مرات لقيت ناس يبعثولي انفيطاسيون نقبلهم يوليو يديروا هذيك الصور وتخرج في المير وليست فاسيتهم وخليت غير 20 عبد من لي نعرفهم برك ​

 

[SOFIANE BATNA]

ربي يغفرنا
ويهدي ماخلق
..​

 

[hasna.m]

هادى ظاهرة العصر
ربي يهديهم
​

 

[قوت القلوب]

انا رايحة نهدر جماعة سوا لعباد الي هنا ولا انتاع فيس كلهم سواء تضرب طلة هنا تلقة تصاور والله يحشموا وزعما برقابة وخلي يا فيس بوك سون رقابة يحطوا رواحهم عريا ومايفقوش بصح وشكون رايح يفهمك ياخويا اهدر ولا ماتهدرش هنا راهم دايرين رواحهم ملائكة طل عليهم في فيس بوك دايرين التير لمتير يخافوا من رقابة انت لعباد والي هو عبد عادي كيفك كيفوا ويخافوا من لخالق الي خلقهم سبحان الله ويحسبوا الى مايدخلش فيس بوك عبد جاهل وغير متحضر وهما فقهاء وصحاب نvوا
موضوع مليح يعطيك الصحة

نستسمح الاخ الكريم على تدخلي
اسمحيلي اختي بصح حتى تصويرتك لي في التوقيع تحشم والله
سانساغمو لا زم لي يهدر يكون قد واش قال
لا تنهى عن منكر وتاتي مثله عار عليك اذا فعلت عظيم
اعتذر

 

[إيمان قلب]

وباء العصر ... مصيبة المصائب ... وداهية الدواهي
مضيعة الشباب والبنات .......... فايس بوك
لو كل واحد منا أصحى ضميره وتركه يراقبه
وحط نصب أعينه أن الله لاتخفى عنه خافية لأتقو أنفسهم
لكن عيبنا نخشى مراقبة الناس ولا نخشى مراقبة الله بالرغم من أننا نعلم أن الله أشد عذابا
شكرا أخي على الموضوع الحساس
تحياتي​

 

[dendor]

لواحد لازم يكون عندو ضمير ماشي ماكانش رقابة يلعب فيها
ربي كاين ويراقب فيه
مي راك تحكي وتكسر راسك في الفراغ قليل لي راهم فاهمينك

 

[يسرى 2008]

والله ظاهرة قصتلي عيني هادي ولا سورتو اللخرة تاع en couple ac ههههههههههههههه مطورين الله يبارك
ربي يهدي وش نقولو

 

[sissi-jijlya]

و الله يا خويا عندك الحق فايسبوك هادا داير حالا في الشعب كااامل ماشي غير عندنا مي دركا فايسبوك في الجزاير عاد موضة لوكان تقولهم ما عنديش فايسبوك يقولولك ياخي كافي جاهل و الله عادو هاكا
مرسي خويا على الموضوع:re_gards:

 

[NeيRسNe]

السلام عليكم ورحمة الله تعالى وبركاته
شكراا لك على الموضوع القيم
صحيح مافيش مراقبين او مشرفين فالفايسبوك كيما فالمنتدى لكن الله لرقيب بما يفعلون ونقولو لهاد الفئة حتى مانعموش ربي يهديهم ويهدي كل من ظل الطريق و يلطف بينا
ونستغفر الله ونثوب اليه
شكراا مجددا
​

 

[اميرة الجزآئر]

ربي يهدي عبادو
كاين مشرفين ولا ماكانش كاين الرقيب الاعلى
​

 

[mira bey]

الفايس البوك هادا ومدار في لعرب تاوعنا ولله انا حايرة برك واش لي عجبهم فيه تروح لواحد يفوت في الباك يقولك ولله يا فايس بوك مخلاني نقرا واشي هادا ياك غير تضييع وقت .......انا نقولهم فايس مك ماشي بوك ههههههههههه
و خلي على التصاور لي يحطوهم منحكيوش خير وتاني لي تقولو راني منستعملش فايس بوك يضحك عليك و يقول يخي متخلف يخي ..............ولله ربي يهدينا هدا مكان ولا انشالله تقوم القيامة ولا نقعدو عايشين في هدا الوقت الصعيييييييييب
مرسي خويا بزااااااااااف على الميضوع ولله تقولش طليتلي على قلبي و درتو هههههههههه

 

[جوانا]

ربي يغفرنا
ويهدي ماخلق

 

[صغراوي]

و الله عند الحق الفايسبوك مداير معليه انا تاني كان عندي واحد منين ندخلو .......................الله لاتشوفك
او ذرك راني بلوكيتو
شكرا على الموضوع
ذ