زعما باش مايعاودوش ؟!!!

[M!ss_f@ti]

السلام عليكم ياناس اللمة

واش راكموواش احوالكم مع الصيف, السخانة والاعراس ,, ان شاء الله تمام

ربي يفرحكم ويهنيكم وان شاء الله تجوزو صيف باهي هاذ العام

المهم حبيت ندير واحد الموضوع مانعرف اذا امليح ولا غير تجغبيل وتضياع وقت ..:sad:

المهم البارح كنت نتفرج ونحوس على كاش حاجة تصلح في التيلي مالقيت والو غير مسلسلات الترك والرسوم المتحركة الجايحين ... امالا قلت ندير يتيمة من اليتيمة لي عندنا والله ماشفيت اذا A3 ولا الارضية ولا واش هي ... ولحسن حظي لقيت واحد الحصة ولا شريط واقيل سماوه في قلب المخدرات

المفيد أنو هاذوك المجرمين لي لقاو القبض عليهم دارولهم هاذاك الظل على وجوههم باش زعما مانعقلوهمش .. أنا نفهم بلي راهم يتسترو عليهم , يعني غدوة تلقاي يحكي معاك ونوووورمال ..

نشفى هاذ العام الفصل الثاني لي نقلو في الاختبارات كاما دار فيهم المدير قائمة وعلقها في الساحة العام والخاص يقراها .. يعني مجرم يستحق العقاب ..

وهاذو تاع المخدرات علاه يغطيولهم وجوههم .. أنا من رايي يخليو العالم كامل يعرفهم ويعرف خدايمهم ...... والله تحير كيفاش العقلية

أنا كثرت الهدرة والمفيد هو رايكم في هاذ القضية

في انتظاركـــــــــــــــــــــــــمـ ,,, سلاااااام
​

 

[Estrella]

مام انا شفت هاديك الحصة
وسالت نفس السؤال نتاعك
بلاك مايبغوش يفضحوهم
كثر من راهم مفضوحين
شكرا اختي على الموضوع
​

 

[الجريئة]

تفرجتخا هاد الحصة باين مدنين
مي انا معاهم نتاع يستروهم و اصلا مايخليوهمش لبوليس
حتان يتقيدوا بشروط
شكرا

 

[hiba14]

السلام
اتفرجتها و انا الميموار تاعي كانت تبييض الاموال وبما ان حنا في الجزاير المصدر الغالب للاموال المبيضة هي تجارة المخدرات تبعت بزاف هاد القضايا
يا اختي هادوك و الله غير مساكين راحوا في الكرعين كيما نقولو راهي جماعة البارونات برا عايشة حياتها و الله غي الدعوة راهي تخوف تحسي رانا عايشين كيما هداك الفيلم تاع وادي الذئاب هههه
المهم الواحد لازم يعدرهم و علاش مساكين يفضحوهم بزاف حياتهم اللي ضاعت و هوما غي شباب لوكان راهم قابضين الصحاح بالاك بصح الشبيبة الضايعة لا
اسمحيلي يلا طولت و نتمنى فهمتني شا بغيت نقولك

 

[mira bey]

هههههههههههههه انا تاني تفرجتها ...و علاش اليتيمة تعرف تكاميري ياك حاجة مغطيينها وحاجة لالا ديجا غير الدار تعرفك شكون هوما كان صح حابين يخبيوهم ميوريوش حتى حاجة ماشي يغطيو حاجة و10 لالا
يخي يخي بلاد ولله مزلنا روطااااااااار

 

[مشاعر كاذبة]

اه وي تفرجتها هديك الحصة نتاع قلب المخدرات عجبتني مليحة وزيد انا تاني جا في بالي نفس السؤال مي الحاجة الي مجبدتوش اعليها ولا ما جاتش في بالكم هداك المدمن ولا التاجر غطاو له وجهه بصح الي يعرفه من قبل وحاسبه ناس ملاح يقدر يعرفه من الصوت ولاطاي واشعر نتاع راسه و اذا شاف المعلم انتاعه الحصة يعني الشاف نتاع العصابة يعطي الريح لرجليه يهرب لخطرش يعرف بلي هداك حكموه ايا هو يروح
انا كان جات اعليا ميغطوش الوجه وميعيوش رواحهم معروفين معروفين يا وجه الخروف معروف
راني طولت بزاااف اسمحولي نتمنا تكونو فهمتو قصدي مع سلامة

 

[makour]

حتى انا شفتها ..
لالا من حقهم يقولوا ماتورينيش لناس واحد مايسالوا هادي لحصة باش تفطن الناس و ياخدوا حدرهم مي باش تتلاقاي بيهم ماشاكيتش هادوك يدربوهم ب 20 سنة حبس كي والوا 750 كيلوا الضو تع رب مايشوفوش...مشكورة اختي موضوع رائع

 

[Badech]

عاقل و الناس كامل تعرفني µl
اختي هو قبل ما يدير معاهم اللقاء بكل .. يتفاهموا
l شغل حرمة التصوير .. فهمتيني
و هاذي جوابي ليهم .. روحو تخدموا لفلاحة خيير
سامحني على الإزعاج ....,’​

سلام ’,​

 

[DARINE05]

يعني هوما في نظري كي غطاولهم وجوهم خير كيعاد كي ينفذ الحكم نتاعو ويخرج بالك يهديه ربي وحد ما يعرفو باه الناس ما يعقدوهش بزاف مرسييييي

 

[M!ss_f@ti]

مام انا شفت هاديك الحصة
وسالت نفس السؤال نتاعك
بلاك مايبغوش يفضحوهم
كثر من راهم مفضوحين
شكرا اختي على الموضوع
​

بالاك ,, ماتحصيش كيفاش يخمو

مشكورة على الرد حبيبتي

 

[M!ss_f@ti]

تفرجتخا هاد الحصة باين مدنين
مي انا معاهم نتاع يستروهم و اصلا مايخليوهمش لبوليس
حتان يتقيدوا بشروط
شكرا

بالاك عندك الحق حاكم هاذ لحوايج تاع المن والعقوبات مانفهمش فيهم امليح

يعطيك الصحة على المرور

 

[M!ss_f@ti]

السلام
اتفرجتها و انا الميموار تاعي كانت تبييض الاموال وبما ان حنا في الجزاير المصدر الغالب للاموال المبيضة هي تجارة المخدرات تبعت بزاف هاد القضايا
يا اختي هادوك و الله غير مساكين راحوا في الكرعين كيما نقولو راهي جماعة البارونات برا عايشة حياتها و الله غي الدعوة راهي تخوف تحسي رانا عايشين كيما هداك الفيلم تاع وادي الذئاب هههه
المهم الواحد لازم يعدرهم و علاش مساكين يفضحوهم بزاف حياتهم اللي ضاعت و هوما غي شباب لوكان راهم قابضين الصحاح بالاك بصح الشبيبة الضايعة لا
اسمحيلي يلا طولت و نتمنى فهمتني شا بغيت نقولك

علابيها مبغاوش يفضحوهم ,,, زعما لوكان يلقاو الراس لكبير يفرجو فيه الغاشي ؟؟
ربي يعاونك في الميموار تاعك ويوفقك
شكرا

 

[mer10]

za3ma hhhhhhhhhh rabi rah yastor

 

[hiba14]

علابيها مبغاوش يفضحوهم ,,, زعما لوكان يلقاو الراس لكبير يفرجو فيه الغاشي ؟؟
ربي يعاونك في الميموار تاعك ويوفقك
شكرا

اااااا انا راني مع يفضحوا الراس الكبير
و بالنسبة للميموار ساييي راني العام اللي فات سوتنيت و راه يعيطولي المافيا في سبتها

 

[M!ss_f@ti]

هههههههههههههه انا تاني تفرجتها ...و علاش اليتيمة تعرف تكاميري ياك حاجة مغطيينها وحاجة لالا ديجا غير الدار تعرفك شكون هوما كان صح حابين يخبيوهم ميوريوش حتى حاجة ماشي يغطيو حاجة و10 لالا
يخي يخي بلاد ولله مزلنا روطااااااااار

هههههههه عندك الحق :sadwalk:

على كل ان شاء الله نطورو في المستقبل القريب ,,, شكرا

 

[M!ss_f@ti]

اه وي تفرجتها هديك الحصة نتاع قلب المخدرات عجبتني مليحة وزيد انا تاني جا في بالي نفس السؤال مي الحاجة الي مجبدتوش اعليها ولا ما جاتش في بالكم هداك المدمن ولا التاجر غطاو له وجهه بصح الي يعرفه من قبل وحاسبه ناس ملاح يقدر يعرفه من الصوت ولاطاي واشعر نتاع راسه و اذا شاف المعلم انتاعه الحصة يعني الشاف نتاع العصابة يعطي الريح لرجليه يهرب لخطرش يعرف بلي هداك حكموه ايا هو يروح
انا كان جات اعليا ميغطوش الوجه وميعيوش رواحهم معروفين معروفين يا وجه الخروف معروف
راني طولت بزاااف اسمحولي نتمنا تكونو فهمتو قصدي مع سلامة

احم احم , شكون معانا واقيل المحقق كونان ههههههههه
عندك الحق 100في الساعة
ميرسي عليك أختي

 

[M!ss_f@ti]

حتى انا شفتها ..
لالا من حقهم يقولوا ماتورينيش لناس واحد مايسالوا هادي لحصة باش تفطن الناس و ياخدوا حدرهم مي باش تتلاقاي بيهم ماشاكيتش هادوك يدربوهم ب 20 سنة حبس كي والوا 750 كيلوا الضو تع رب مايشوفوش...مشكورة اختي موضوع رائع

ميرسي أختي على المعلومة تاع الحبس ,, يعني الواحد يعيش مطمن شوية هههههه

 

[M!ss_f@ti]

عاقل و الناس كامل تعرفني µl
اختي هو قبل ما يدير معاهم اللقاء بكل .. يتفاهموا
l شغل حرمة التصوير .. فهمتيني
و هاذي جوابي ليهم .. روحو تخدموا لفلاحة خيير
سامحني على الإزعاج ....,’​

سلام ’,​

وعلاه شكون لقال أنت ماشي عاقل

امممم ريحة الاجرام ,,, راني غير نقصر هههههههه

راني فهمت واش حبيت تقول ,,,,,, شكرا لك

 

[M!ss_f@ti]

يعني هوما في نظري كي غطاولهم وجوهم خير كيعاد كي ينفذ الحكم نتاعو ويخرج بالك يهديه ربي وحد ما يعرفو باه الناس ما يعقدوهش بزاف مرسييييي

رأي منطقي جدا

مشكورة غاليتي ~~~||

 

[M!ss_f@ti]

za3ma hhhhhhhhhh rabi rah yastor

عندك الحق ,,, ربي يجيرنا ان شاء الله