°((°°°أسمع العادة القديمة الجديدة °°°))°

[M!ss_f@ti]

السلام عليكم

واش راكم وواش احوالكم ؟؟؟ ان شاء الله بخير وعلى خير أيا تبقاو على خير

آه مازلت ماحطيتش الموضوع تاعي !؟ ~~~

المهم يا سيدي هاذ السمانة لي فاتت جوزت فيها عرس الله الله مـــــــاصراش ,, تاع وليد عمي نحيت قلبي فيه آه نحيت على قلبي زعما

أسيدي ذاك النهار الخميس رحنا زعما نجيبو العروسة من دار باباها ولا دار يماها معلاباليش ..
درنا كورتاج يهبل (ديرو الشدة على حرف الباء) :shiny: كي لحقنا لثم هبطنا شطحو لي جان في برا واحنا دخلنا مع المسيو خرجنا العروسة راكم تعرفو الاجراءات .. ركبت لالة مولاتي في السيارة وجينا مقلعين :re_gards:.... قالولكـ حبس (( زوج شدات على الباء))

قالولنا لازم تمدو دراهم لطفل صغير والا ماتدوش العروسة :scared: ايه واقيل هاذ العادة كاينة من بكري ايه ايه صح :shay: أيا جبد بابا 200 ألف ومدها لخو لعروسة وجينا مروحين ((لوكان أنا مانكحلش عليها ,, الحفافة حتى خلصهالي خويا:cra_zy: ))
وجينا مروحين ,, وكان الجميع فرحين ,, وكان يومنا معمر بالمشاق آآآآآآآه واخيرا لحقنا

المهم والمفيد هو رايكم في هاذ العادة وهل هي كاينة عندكم في مختلف الولايات ولا غير عندنا في ولاية البرج ؟؟؟
احنا نقولولها بالقبايلية " ثشكيمت" وأنت كيفاش تسموها ؟؟

في انتظاركـــم

~~||سلام||~~
​

 

[yasmine_1993]

يااااااه والله ماعمري سمعت بيها هادي العادة نشوفو الاخوة بعدي واش رايحين يقولو
تحياتي

 

[sahiko hamza]

جامي سمعت بيهــا ؟؟
​

 

[برنســ اللمة ـيسة]

مممممممممممممممممما نعرف
ممممممممممممممممممممماكانش عندنا هادي خلاص
و أول مرة نسمع بيها
مرسي اختي على الموضوع و نشوفو واش يقولو اللي جايين ورايا​

 

[Badech]

العادة تاع ضرك تشري للبدري تبييشة ..
الصغير بسيكلات ..
.......................
ما نعرف اختي هاذي ما عندناش ..

سامحني على الإزعاج ....,’​

سلام ’,​

​

 

[kiki96]

انا عمري لسمعت بيها هذي لعادة بلاك عدكم نتوما كاين مي حنا لالا معدناش

 

[إيمان قلب]

لالالا ماعندناش هذه بالصح احنا عندنا عادة واحدة اخرى نظن باللي أرحم من هذه ولا مانعرف
عندنا فالصباح كي يجي يشوف يمات العروس والنساء الكبارات اللي جايين معاها يعطيلهم دراهم وتاني كي يوليو رايحين يعطيلهم مليون نقولولها الزيارة ... ماعلباليش هاذه تاني كاينة لعندكم ولالا

 

[مروة 95]

مممممممممممممممممم هادي ما عناش
مي مرة شفتها في فيلم ​

 

[manal_39]

هادي اول مرة نسمعها في حياتي

​

 

[DARINE05]

لالا حنا معندناش وجامي لاسمعت بيها

وتختلف العادات من اصل لاصل

مرسي على طرح الموضوع

 

[nina bonoise]

جامي سمعت بيها
نظن معندناش حنا

 

[makour]

سي كاينة انا سامعة بيها... فكرتيني في هادي نحكيهالك خطرة في عرس وليد خالتي في سطيف كي رحنا نجيبوا لعروسة قالولوا ماتديهاش حتى تعطيلنا 200 الف علابالك ولى مايضويش صفاااار هههه مي سلكت على خير ههه مزية كانوا يتمسخروا بيه سينون لعروسة يخليهالهم نورمال

 

[M!ss_f@ti]

لالالا ماعندناش هذه بالصح احنا عندنا عادة واحدة اخرى نظن باللي أرحم من هذه ولا مانعرف
عندنا فالصباح كي يجي يشوف يمات العروس والنساء الكبارات اللي جايين معاها يعطيلهم دراهم وتاني كي يوليو رايحين يعطيلهم مليون نقولولها الزيارة ... ماعلباليش هاذه تاني كاينة لعندكم ولالا

لالا لي عندنا أرحم ههههههه

ماعندناش احنا هاذ العادة تاع الزيارة ,,, الجزاير كبيرة وعاداتها متنوعة

 

[M!ss_f@ti]

جامي سمعت بيها
نظن معندناش حنا

معليش راك سمعتي بيها ذرك ,, أضف الى معلوماتك ههههه

ميرسي عليكم كامل على الردود ...

 

[M!ss_f@ti]

سي كاينة انا سامعة بيها... فكرتيني في هادي نحكيهالك خطرة في عرس وليد خالتي في سطيف كي رحنا نجيبوا لعروسة قالولوا ماتديهاش حتى تعطيلنا 200 الف علابالك ولى مايضويش صفاااار هههه مي سلكت على خير ههه مزية كانوا يتمسخروا بيه سينون لعروسة يخليهالهم نورمال

واخيرا ,, يسمى كاينة منها

يعني هي عادة شينة ,,, بالصح كاينة من بكري واحنا مانقدروش نبدلوها

ميرسي عليك حنونة

 

[{مُدَلَّلَتُهُ}]

لالا ما عدناش حنا مي كيما قالت ايمان قلب عدنا الناس الي جايين مع العروسة ( النسا الكبارات ) يعطيلهم العريس دراهم كي يبغو يروحو ( الزيارة و كاين الي يقولولها حب الراس ولا ما علاباليش )

 

[dana1993]

السلام عليكم
اول مرة نشوفها هادي هههه
ربي يهني العرسان​

 

[الشلفي02]

مبروكم عليكم أولا
جامي سمعت بهاذي العادة أول مرة
مي كي الطفل هو لي يستفاد ماعليناش هههههه

سلامي

 

[معاك يا الخضراء]

ايووووووووووووووووووووووووووووون هادي العادة سمعت بها سطيف
يرقد اب العروسة فلرض ويقولو ماتديههاش حتى تمد صوارد
وكي قلت قالولي ماكنش منها
هاني زدت سمعتها من عندك
ياخاه عالعيب و الطلبة عيني عينك
​

 

[M!ss_f@ti]

لالا ما عدناش حنا مي كيما قالت ايمان قلب عدنا الناس الي جايين مع العروسة ( النسا الكبارات ) يعطيلهم العريس دراهم كي يبغو يروحو ( الزيارة و كاين الي يقولولها حب الراس ولا ما علاباليش )

أوكي ,, كل ولاية وكيفاش ..

ميرسي أختي ,,, يعطيك الصحة