بلاصتي مش هنا ....3akliya 2011

[ghada25]

سلامووو
صباح / مساء الخير
واش راهم الناس الزينين

ناس اللمة اونجينيرال

عندي موضوع والله محيرني
تلقى جون في عمرو 18 ولا 19 سنة يقولك انا بلاصتي نورمالمو راني في لاسويس ولا كاش بلاد في لوروب :cra_zy:
تضرب عليه تقول هدا بالاك كاشما نابغة في مخو
مي تدور للصح تلقاه ينوض على الـ10 ني هدرة ني ظرافة
كاس قهوة ووحدة شمة ويقابل الحيط ويشغل بلي هابط والي طالع....عقلية سويسرية ههههههه
تحكي معاه تلقى النيفو تاعو بريمار
وكاين الي ادا السيزيام هههه باش ما نظلموش الناس هههه

تقولو حبيبي في بلادك ومادرت والو بهادا النيفو وفي الخارج كيفاه ادير
يقولك ني خدمة ني قدمة بصح نعيش راجل هههه
يحبو غير الشكارة والماتيريال بلا جهد
ويقولك وعلاش فلان عندو باباه يفورني وانا لا

ودرك الخظ راه ليكم واش رايكم في هاد النوع من الناس

مع تحيات غادة




​

 

[Estrella]

ههههههههههه
رايحين يقعدو غير فدزاير معندهم وين يروحو
حسبو روح وروح لاسبانيا ولا مريكان
يااااااو هادوك و يستعرفو غير بالنيفو العالي
يعطيك الصحة على الموضوع شبااااب ​

 

[ماكانش]

وكاين الي ادا السيزيام هههه باش ما نظلموش الناس هههه​

أهلا بيك غادة
موضوعك كامل باهي بصح ألي قتلتني بالضحك هذي هههههههههه
الله غالب فسدولهم العقلية وزيدي الجيل هذا حل عينيه لقا الدنيا واعرة
حبو يديرو الماتريال بالتكسال والهدرة
مساكن مازالو صغار ...
انا موالف نحكي مع ولاد الكارطي الصغار العقلية غير الهربة والحرقة والكحلة ووو

​

 

[ماكانش]

وكيما قلتي واش يديرو بواحد سيزيام فلالمان ههههههههههههه

 

[poli]

hhhhhhhhhh.........hhhhhhhhhh
hadi for wlh kaynin partt
yaw nadba lakbira tlgayh yahdr hadra mahoch ma9tan3 biha
ya3ni dk kon ta3tih drahm w tgolo ro7 ygolk lala
mankhalich 7babi w ybda ydir fi l9walb
hado nas y7abo zokh w khlas hhhhh
​

 

[iméne09]

هههههههههههههه والله غير عندك الحق تلقايه يخلع في روحو زعما هو نيـvــو طالع وفاهم مي مايفلح في والو غير هدرة ويتشوكر مافيش الخير في بلادو يحوس يدير الخير في بلاد الناس عندبالو غير ارواح وروح لوروب ماعندها مادير بيهم بهداك النيـvــو شعبها بزاف عليها ياو بلاستهم مع حمير حشاكم هداك مايليقلو

​

 

[hannsg]

ههههههه بلاصته في القمر

 

[nina bonoise]

ايه كاين وحايد نعرفهم ديما مكاليين الحيط
و صحابهم يقولولهم و الله يا خو راك مش في بلادك
نورمالمون رراك لهيه
تحيري و هما مام با قراو
​

 

[mimi.dz]

كلــشـ فيـ العقلية
كاينـ الـ ..... و كاينـ الـ .......
المهمـ العبد يعرفـ قيمة نفسو
ماشيـ يديها فيـ عمرو وكيـ يلحقـ للخارجـ يقولـ واشـ دارهاليـ
كلـ واحد ما تلمو غير بلادو

​

 

[الجريئة]

جبتي جدها في الصواب ههههههههه
يقولوا الشناوا يموتوا من الخدمة وحنا نموتوا من الرقاد
شكرا لك على الطرح

 

[la_safa]

كاين تلقايهم يهدرو هاكا واش تديري
هادو لي جان لي راح
يهزو دزاير في المستقبل ربي يستر برك هههههه

مرسي عالموضوع
​

 

[DARINE05]

yachfo rabi ana whyd kima hadou mandihche fihom sagr fa 3akliya

 

[بنـ MaPa ـت]

وعليكم السلاام

ختي ايدا روماركيتي الناس لي ماراهمش قاريين كامل رجعو يسجلو وحابين يطلعو في النيفو سكولار نتاعهم
استعرفو باللي الانسان لي ماعندوش ديبلوم في يدو راح في كيل الزيت مايقدر يدير والو حتى في بلادو كيما قلتي يروح لفرنسا وللماريكان ههه مانعرف واش يدير باركينغ وماتصحلوش...

مرسي على الموضوع
​

 

[الشلفي02]

هههه
أويلي ويلي عذا الجيل يا ويلي ويلي
هههههههههههه

 

[lamilam88]

خليه يعيش في أحلام اليقظة و صحابو يديرو فالدراهم
ادا لقا كيفاش يروح خليه يروح زعما لاسويس مستحقاتو ههههه لامالقاش روحو يتلاوح في بابور تاع سلعة.

 

[الورد الأحمر]

حبيت نقولك وين جات بلاصتو عبد كيما هذا
مي حشمت منكم ... خلي برك نهدرها
في قلبي وخلاص ... مغسي ...
سلامو​

 

[بلادي نبغيك]

علابلك موضوعك كتلني بالضحك هههههههههههههههههههههههههههههههه انا نقولها بزاف ههههههههههههههههه بصح مشي نعينيها بلاك لاحظتيها مين نديرو حاجة مليحة في اي حاجة ايا نقولهم انا بلاصتي مشي هنا بصح نزعق برك نبغي نقعد هنا في بلادي ويلا كتب نبغي نروح السويد بلاصتي تم ههههههههههههههههههههه نضحك برك مشكووووووووووووووووورة موضوعك عجبني

 

[N@riM@N]

هههههه تاع الصح
ويقلك نروح تماك ندير لافونير ونعيش لابال في
وندير فيها بابيشه ندخلها لالااسلاام خخخخخ يقتلوني ضحك
ياااااااااااااااااااااااو فيق يابريق
​

 

[mer10]

hadou li yji ykarachalhom fi rashom;maydiro walou ghir lhadra lbaykha t3if ila tahdar m3ahom 0 fla3kal

 

[Jùšt à Gįrl]

هههههههههه