مامايا وحكايتها مع اللمة ...

[الورد الأحمر]

السلام عليكم كااااااامل صون إيكساpـسيو ...
:sheer::sheer::sheer:
هذي مدة ما درتش موضوع هنا ...
واش راكم واش حوالك ؟؟ ...
...
كنت نخلط في اللمة وجعت نضت نشوف كاشما ناكل ...
كي فت على بيت خويا لقيت ماما في الميكرو ...
وين ؟ ... في اللمة ...
وليت تفكرت حكاياتها مع اللمة قلت نجي نحكيلكم
على خالتكم ...
...
وقتاه أنا سجلت في اللمة ؟ شوفو في العضوية تلقاو ...
من هذاك النهار واللمة عندي page marquée...
ومنين نعاود الويندوز نماغكيها هي اللولة ...
ومن هذاك النهار لي سجلت فيه ومامايا مع اللمة تجي ...
تهوم تهوم فيها وتجي خارجة ...
مالا نهار راحت اللمة جات زادمة زعما ليها ما لقاتهاش
عيطتلي وينها اللمة واشبيها ما تدخلش ...
قلتلها اللمة بح راااحت :scared: ...
قالتلي _o: نوووو هذي سماطة ... محسوب أنا نتحط في
الميكرو على جالها هي خير فيها حوايج ملاح ...
هيا بعثتها لمنتدى خلاف ما عجبهاش ... قالتلي اللمة خير ...
يامات ورجعت اللمة ... لقاتني فيها ...
مع شافتها عرفتها : هذي اللمة ؟ ... أنا: وي ...
هي : واو وأخيرا اللمة خير صاحبتي نحب نشوف فيها
كاين حوايج ملاح ...:sheer::sheer: وشبعت فرحة ...
وقالتلي باش نجي ندير دالتي :sad:
قبل البارح ... كنت في الميكرو تاع بابا ... جات ... آه
راكي في اللمة روحي روحي لركن الأناقة والأزياء نوريلك
حاجة ... قلتلها ما توريلي ما نوريلك خليني تخونكيل ...
بقات تانسيستي قلتلها نو ... هيا واش قالتلي ؟ ...
ديجا نوضي من الميكرو تاعي - زعمة على خاطر تاع راجلها -
_o:_o: شوكاتني ... قالتلي هيا روحي لتاعك لهيه ...
قلتلها انتي روحي أنا قاعدة هنا ... شوية جات اختي ...
آه أي جات ... نور روحي لركن الأشغال اليدوية نوريلها حاجة
قلتلها نو ... بقات تانسيستي وانا بقيت على رايي ...
بقات معاي سندت في السرير لي حداي وباقية تقلق فيا
بالهدرة ... روحي وشوفي ونوريلك حاجة ... المهم
حتى كرهتني واستسلمت قلتلها أو ليك الميكرو ...
شبعت فرحة قالتلي عليها نحوس ... راحت زدمت هنا ...
ودرك كي جيت راجعة للميكرو ... لقيتها بكراس وستيلو
فوق الطابلة تاع الميكرو تنقل في حوايج من اللمة معرف
واش لقات ... مي جامي دارتلنا حاجة خخخخ ...
وكوم اختي ريم - العضوة rym_life - فوتت الباك ...
زعمة راهي تحوس على ليمودال تاع القاطو ... مالا لقات
سبة باش تجي للمة ... ليجوغ لي فاتو جات عندنا قالتلنا
درت ودرت قاطو هك وهك ... قلتلها وينو ... قالتلي نو
نقلتو برك من اللمة ... خخخخ مالا علاش تقولي درت ...
...
وما قلتلهاش لي تقدر تسجل وتشارك هي تاني ... نخاف
تسكن هنا ... وتلصق فيا هههه ... نخاف تحطم الرقم القياسي
وتعجب بها الادارة وتعينها مديرة اللمة ... خخخخخ
...
واش تقولو في خالتكم هههه :shiny:
- الصباح خدمة وتهمبير ولعشية لمة وركن حواء -
...
بيناتنا توحشتوني هنا ولا نو ؟
...
هيا سلامو

​

 

[السلطانة]

وعليكم السلام
هههههه طاطا تدخل اللمة من ورانا يالهوي يالهوي
متقوليليش شافت التمنغيل خخخ
يخي ماقاتلكش واش بيها شوشو برك
انا ماما موالفة نوريلها غير ركن الطبخ
يعجبوها لي روسات
بصح مخليتهاش تقيس خخخ
مي ماماك فور
راها تدخل لركن حواء وحنا لاخبر ههه هيا سجليليها بلابخل
خلي تشارك معانا
تسكنلك ديراكت
ههه هيا صحيتي على الموضوع
اللمة سحرت الصغير ولكبير
وانتي يانور راكي قريب تجيبي العايلة كاملة ههه
هيا تحياتي

​

 

[ماكانش]

أهلا بيك نور
ربي يحفظلك الوالدة وربي خليهالكم ...
لوكان قلتيلي راني رسلتلها نسال عليها هههههه
حقا واش راهي ياخي راهي بخير ...
ان شاء الله تكون بأحسن صحة وعافية
بلغيلها سلامي وسلام اهل اللمة
وكيفاش هذا مانتوحشوش الأغ ونوغ تاعنا هههههه
ربي يحفظك​

 

[kojak]

مزيا لميمة تاعك ماشفتش ليمانغول....:shiny:

 

[Orodent]

حاجة هايلة لوكان غير سجلتيلها وتولي عضوة معانا
يماك عندها الحق لي يفوت للمة يولي مدمن عليها
ويصماطو عليه لي سيت لخرين
جيبيهالنا والله نحطوها فوق ريوسنا




توحشناك والله​

 

[Jùšt à Gįrl]

هههههههههههه

 

[الورد الأحمر]

وعليكم السلام
هههههه طاطا تدخل اللمة من ورانا يالهوي يالهوي
ههههه راكي تشوفي _o:
متقوليليش شافت التمنغيل خخخ
يخي ماقاتلكش واش بيها شوشو برك
ههه لقيتها مرة في غوسات من تاعك
قلت راهي تدور عند شوشو
انا ماما موالفة نوريلها غير ركن الطبخ
يعجبوها لي روسات
بصح مخليتهاش تقيس خخخ
إيه ما تحلبيهاش هههه ما تطيرلكش
الدالة معاها
مي ماماك فور
راها تدخل لركن حواء وحنا لاخبر ههه هيا سجليليها بلابخل
خلي تشارك معانا
تسكنلك ديراكت
ههه غير التسجيل معانا نو
هههه باش تبطل تخدم خدمة الدار :scared:
خخخخ
ههه هيا صحيتي على الموضوع
اللمة سحرت الصغير ولكبير
وانتي يانور راكي قريب تجيبي العايلة كاملة ههه
هيا تحياتي

​

ههههه الخطرة الجاية يجيكم بابا ...
ايه اللمة وما دارت فينا ، ربي يعينا منها ههه
مغسي شوشو عالمرور ... صحيتي ... سلامو
​

 

[هآجر]

السلام عليكم
ميس باغبي اهلين فيك
واهلا وسخلا بوالدة ربي يحفظها وش راهي الحالة الصحية نتعها ؟؟؟
اما انت متوحشتكش خلاص روحي تبعبي بعيد يا سامطة
وخلي تجي والدتك في بلاستك رانا كرهنا منك ومواضيعك السامطة يا سامطة
ايا في امان الله وحفظه
ومبقتيتش ادوري هنا اوكي
تحياتي ​

 

[الجزائري05]

واش بيه الموضوع قصير بزاف
فاصل ونواصل
​

 

[Estrella]

اهلا نوووووور عاش من شافك
توحشناك ...
واش راهي يماك ؟نتمنى تكون مليحة
وعلاش يانور متخليهاش تسجل معانا
هههه خفتي تحرم عليك هههه
ربي يخليهااااالك
وربي يطول في عمرها
ايا سلميلنا عليها بزاف
سلام ​

 

[الورد الأحمر]

أهلا بيك نور
ربي يحفظلك الوالدة وربي خليهالكم ...
لوكان قلتيلي راني رسلتلها نسال عليها هههههه
حقا واش راهي ياخي راهي بخير ...
ان شاء الله تكون بأحسن صحة وعافية
بلغيلها سلامي وسلام اهل اللمة
وكيفاش هذا مانتوحشوش الأغ ونوغ تاعنا هههههه
ربي يحفظك​

أهلا بيك سفيان ...
ربي يحفظك انتا تاني ...
راهي مليحة الحمد لله ...
:sheer: توحشتوني :shay:
مغسي سفيان فرحني مرورك
سلامو
​

 

[صفـاء و نقـاء]

ربي يحفظها لك

الله يبارك لوكان غير قولتيلها تسجل وتفيدنا

سلامى أختى ​

 

[دنيا البسمة]

على حساب واش راكي تحكي يليق نسموك لافامي لمة وخلاص
والله مليح ماماك تدخل للمة وتحكم الميكرو انا بالعكس كي تلقاني مع الميكرو تكره حياتها

 

[بنـ MaPa ـت]

وعليكم السلاام
اهلا نونوغا واش راهي طاطا؟

الله يبارك عليها مالا ايدا شافت ليمونغو لي هنا كيما قال كوجاك سور تعجبها الحالة وتولي h24 وهي هنا الشغل تخليهلك ليك ولريم ههه...سجليلها تعيشي وانا نسجل لماما ونديرولهم نهار يدردشو فيه شوية هههه
يعطيك الصحة على الموضوع وربي يحفظهالك ويخليها ديما تاج فوق راسك
قوليلها قاتلك مروةة توحشت الراديو هههه
سلامو
​

 

[Houda Chaouienne DZ]

هههههههههههههههه
و الله ماماك فوووور
انا يما نعتلها غير قسم الطبخ و الازياء
ههههههه
كون هكاك تلصق فيه و ماتخليليش دالتي
و ذيك الساعة تفلس حتى هيا كثر من حالتي

مارسي بزااااف نوغ
و سالي على ماماك
قوليلها قاتلك هدى راكي فووور كملي هكا
هههههههه​

 

[Houda Chaouienne DZ]

حالياً الأعضاء النشيطين الذين يشاهدون هذا الموضوع : 8 (6 عضو و 2 ضيف)
‏Houda Chaouienne DZ, ‏beautiful -soul, ‏CHAIMAA.DZ, ‏الجزائري05, ‏NOUR_light+, ‏sendrine+

شكون الضيوف
ادخلو ماتحشموش
هههههههههه​

 

[الورد الأحمر]

مزيا لميمة تاعك ماشفتش ليمانغول....:shiny:

هههه ايه لمزية
خايفة تديـpـاسينا فيه
خخخخ
مغسي خويا
سلامو
​

حاجة هايلة لوكان غير سجلتيلها وتولي عضوة معانا
يماك عندها الحق لي يفوت للمة يولي مدمن عليها
ويصماطو عليه لي سيت لخرين
جيبيهالنا والله نحطوها فوق ريوسنا




توحشناك والله​

أهلا بيك سالي
شفتي خالتك ولاّت تحب تدير دالتها
مي تاع نجيبهالكم تسجل هنا نونو
خليها مع الكوزينة خير
ههه مغسي سالي سلامو
​

هههههههههههه

ربي يهنيك بالضحكة هذي
​

السلام عليكم
ميس باغبي اهلين فيك
واهلا وسخلا بوالدة ربي يحفظها وش راهي الحالة الصحية نتعها ؟؟؟
اما انت متوحشتكش خلاص روحي تبعبي بعيد يا سامطة
وخلي تجي والدتك في بلاستك رانا كرهنا منك ومواضيعك السامطة يا سامطة
ايا في امان الله وحفظه
ومبقتيتش ادوري هنا اوكي
تحياتي ​

أهلا راهي مليحة الحمد لله
مالا ما توحشتونيش ؟ :schmoll::schmoll:
خلاص ما بقيتوش تشوفو حسي هنا
مغسي اختي هيا سلامو
​

واش بيه الموضوع قصير بزاف
فاصل ونواصل
​

هههه جيستومو خممت فيك انتا قلت خلي
نديرو قصير باش ليه ليه تكملوه وتردو :shiny:
رايح تديرلي زي الكوميك تاع ماروكو تاع
البقية بعد قليل ؟
​

اهلا نوووووور عاش من شافك
توحشناك ...
واش راهي يماك ؟نتمنى تكون مليحة
وعلاش يانور متخليهاش تسجل معانا
هههه خفتي تحرم عليك هههه
ربي يخليهااااالك
وربي يطول في عمرها
ايا سلميلنا عليها بزاف
سلام ​

أهلا بيك
راهي مليحة الحمد لله
نونو غير تسجل هنا نو
سي تسجل هنا أنا نروح هههه
ربي يحفظك اختي مغسي
سلامو
​

 

[Orodent]

​

أهلا بيك سالي
شفتي خالتك ولاّت تحب تدير دالتها
مي تاع نجيبهالكم تسجل هنا نونو
خليها مع الكوزينة خير
ههه مغسي سالي سلامو​

​

​

يا الحgارة علاش نونو ​

 

[هآجر]

أهلا راهي مليحة الحمد لله
مالا ما توحشتونيش ؟
خلاص ما بقيتوش تشوفو حسي هنا
مغسي اختي هيا سلامو

يا سامطة اقعدي هنا وين راك راحية

 

[الورد الأحمر]

ربي يحفظها لك

الله يبارك لوكان غير قولتيلها تسجل وتفيدنا

سلامى أختى ​

أها خليها ضيفة برك تجي وتروح
خايفة ترجع تدير الدالة مع بابا في الميكرو
هههه وتسكن هنا وتضيعنا بالشر
مالا كيما راهي راها مليحة
مغسي اختي وربي يحفظ ماماك
ويرجعلكم باباك بالسلامة
​

على حساب واش راكي تحكي يليق نسموك لافامي لمة وخلاص
والله مليح ماماك تدخل للمة وتحكم الميكرو انا بالعكس كي تلقاني مع الميكرو تكره حياتها

هههه لافامي الكل أي هنا بقاو أفراد خلاف
حتى نجيبهم وتكمل الأسرة
مغسي اختي عالمرور
سلامو
​

وعليكم السلاام
اهلا نونوغا واش راهي طاطا؟

الله يبارك عليها مالا ايدا شافت ليمونغو لي هنا كيما قال كوجاك سور تعجبها الحالة وتولي h24 وهي هنا الشغل تخليهلك ليك ولريم ههه...سجليلها تعيشي وانا نسجل لماما ونديرولهم نهار يدردشو فيه شوية هههه
يعطيك الصحة على الموضوع وربي يحفظهالك ويخليها ديما تاج فوق راسك
قوليلها قاتلك مروةة توحشت الراديو هههه
سلامو
​

هههه ماكفاكش انتي القذافي يخليك تكوناكتي بلحساب
حتى تجيك ماماك تدير معاك الدالة ؟ هههه
خليلي ماما في الكوزينة راهي تشعل
ربي يحفظك فليلسة مغسي عالمرور
سلامو
​

هههههههههههههههه
و الله ماماك فوووور
انا يما نعتلها غير قسم الطبخ و الازياء
ههههههه
كون هكاك تلصق فيه و ماتخليليش دالتي
و ذيك الساعة تفلس حتى هيا كثر من حالتي
ههههه ايه ما تحلبيهاش خخخخ
مارسي بزااااف نوغ
و سالي على ماماك
قوليلها قاتلك هدى راكي فووور كملي هكا
هههههههه​

ربي يحفظك اختي مغسي عالمرور وعسّي ماماك
لا تكون عندها عضوية هنا وانتي لا خبر هههه
هيا سلامو
​

حالياً الأعضاء النشيطين الذين يشاهدون هذا الموضوع : 8 (6 عضو و 2 ضيف)
‏houda chaouienne dz, ‏beautiful -soul, ‏chaimaa.dz, ‏الجزائري05, ‏nour_light+, ‏sendrine+

شكون الضيوف
ادخلو ماتحشموش
هههههههههه​

هههه لوكان ما علاباليش لي ماما راهي مع لعشاء
تطيب كنت شكيت فيها هنا جاية تقرعج
مغسي اختي سلامو
​