{ قالي واش كاش فايسبوك }

[Nina's]

السلام عليكم



مرحبا بيكم في منطقة الشرق الغربي لعاصمة ولاية سطيف الواقعة بالجزائر العاصمة




ما تدوش عليا راني دايخة شوية من الكلام لي سمعتو



استناو نرجع شوية النفس هههههه



ايهيه قالك امالا هذا رحت لدار مامي { جدتي } راني قاعدة نهدر و نحكي مع ولاد و بنات خالاتي و جبدنا حكاية الفايسبوك و كذا انا من اللول جبدت روحي حتى وليد خالتي في عمرو 7 سنين قالي و انت ماشي عندكم النت قالي : واش كاش فايسبوك كاش امسن اوووووووو في عمرو 7 سنين يعرفلي الفايسبوك و الامسن قلتلو ايه b1 sur عندي قالي امالا امبعد فكريني نعطيك الفايسبوك و الskype و لوخرين ساهل انا هنا c bon راسي حبس كيفاه يعني حليب يماه مازالو في سنيه يعطيني الفايسبوك و كذا و الله غير حرت من واش قالي
c vrais وليد القبة و كذا و منا mais ماشي لهذي الدرجة المهم انا عطالي الفايسبوك و هدرت معاه يا خاوتي انا نكتب من و هو ما يفوتش دقيقة يردلي يعني service rapid en français

و الله غير ماراني فاهمة والو في هذا النت لوكان ماشي اللمة ما نقعدش كامل في جدو مادام واحد قد صبعي عندو facebook . msn . skype



الله يهدي ما خلق


قولو آمين
​

 

[Nina's]

الموضوع يعيي لهذي الدرجة

 

[kojak]

جيل الفايس بوك والتويتر يطير مع الطايرين في صغرو خلي كي يكبر؟
يوصل لصطح القمر.
​

 

[Jeune Sghir Mc]

قالك عيش تشوف
وبالنسبة للفايسبووك راني نشوف فيه كل يوم
غير الجياح وناس ماتعرفش تهدر
وتكذب على بعضاها

تحياتي ليك الأخت
​

 

[N@riM@N]

لفايس خلعوك ومادار سنا
تبالي حاجه نورمال ختي برك تكون كاينه راقبه فليزامي لي ياجوتيهم
ولعفايس هدوك عجبك هدوك لي طالعين للجامعه ميعرفوش يشعلو ميكرو

​

 

[Estrella]

ياو راهم يزيدو متعلمين كلشي هههه
راهم يطيرووووووو
يعطيك الصحة على الموضوع​

 

[la_safa]

هادا مالا وقتاه تعلم يحل الميكرو و الفرونسي
في كرش ماماه بالاك ههههههه

يخي يخي والله حالة

°°°
ربي يهدي برك

°°°
و مرسي عالموضوع اختي
​

 

[Nina's]

جيل الفايس بوك والتويتر يطير مع الطايرين في صغرو خلي كي يكبر؟

يوصل لصطح القمر. ​

و الله العظيم
القمر خلاص ولا عندهم ديمودي دركا المريخ و صحابو​

 

[Nina's]

قالك عيش تشوف

وبالنسبة للفايسبووك راني نشوف فيه كل يوم
غير الجياح وناس ماتعرفش تهدر
وتكذب على بعضاها​

تحياتي ليك الأخت​

لالا انا نحب الفايسبوك مي 7 سنين صغير بزااااااااف
تحياتي​

 

[بنـ MaPa ـت]

وعليكم السلاام

هادا هو الجيل الصاعد كيما قلتي قد صبعك ويعرف كل شي
مرسي على الموضوع الجميل
تحيآآ’’تي
​

 

[Nina's]

لفايس خلعوك ومادار سنا

تبالي حاجه نورمال ختي برك تكون كاينه راقبه فليزامي لي ياجوتيهم
ولعفايس هدوك عجبك هدوك لي طالعين للجامعه ميعرفوش يشعلو ميكرو​

هايا نقولو الفايسبوك ماعليش
مي و السكايب و الامسنو كذا
و الفرونسي انا غير كيما تعلمت نكتبها ههههه

 

[Nina's]

ياو راهم يزيدو متعلمين كلشي هههه

راهم يطيرووووووو

يعطيك الصحة على الموضوع​

يطيرو بلا جناحتين
جيل مجلجل ههههه
الله يسلمك الاخت​

 

[nina bonoise]

ههههههههه 7 سنين وين يفهم الفرنسي
انتي كاين لكبار ميعرفوش يشعلوا الميكرو
خالي في عمرو 33 سنة قالي اني جايك تعلميني شوية

 

[DARINE05]

هههههههههههههههههههههه اوييييييييييي جيل الجديد واعر يا محاينك

 

[abdelmalek88]

جيل الايفوون والفيس بوك والتويتر
​

 

[Nina's]

هادا مالا وقتاه تعلم يحل الميكرو و الفرونسي

في كرش ماماه بالاك ههههههه​

يخي يخي والله حالة ​

°°°
ربي يهدي برك​

°°°
و مرسي عالموضوع اختي​

​

هذاك هو لي محيرني و الله

 

[Nina's]

ههههههههه 7 سنين وين يفهم الفرنسي
انتي كاين لكبار ميعرفوش يشعلوا الميكرو
خالي في عمرو 33 سنة قالي اني جايك تعلميني شوية

هذاك خالك
مي هذا وليد خالتي هههههه
راني نتمسخر
و الله غير راني انا تاني حايرة

 

[Nina's]

هههههههههههههههههههههه اوييييييييييي جيل الجديد واعر يا محاينك

الحمد لله لي فتنا قبلهم هههههههههههههه

 

[Nina's]

جيل الايفوون والفيس بوك والتويتر​

الله اكبر
ياربي و عافينا ههههههههههههه​

 

[الورد الأحمر]

ما تحـgـريش الصغار يا بنتي راهم
رجعو يخرجو معلمين من كرش ماماهم
أنا استسلمت منهم داك العام ...
حوايج أنا ما نعرفهمش هوما يعرفوهم
واش بقا؟ مالا نتعايش معاهم في سلام
وخلاس ومغسي عالموضوع والسلام
​