الشيـاب....! كفاش يتمسخرو بالشباب

[خادم أهل السنة]

السلام عليكم ورحمة الله وبركاته
إن شاء الله تكونو بخير حال

قبل أيامات دخلت المسجد قبل أذان المغرب بدقائق..
صليت ركعتين تحية المسجد..وقعدت في بلاصتي في مؤخرة المسجد قريب من الباب
جا داخل واحد الشيخ كبير يجر في رجليه..-ربما سلم.. رديت عليه-
حتى وصل حذايا وقعد..ما صلاش تحية المسجد!
قعد يشوف فيا ساعة على ساعة..ومبعد قالي : تجوز صلاة النافلة ضرك ؟ -زعما يسقسي-

قتلو : إيه يجوز.

جا يوقف -مازال ماوقف- قالي : تجوز تحية المسجد ..مش النافلة !!
-هدرها وهو يحرك في راسو-
ومبعد جا ماشي لقدام.. للصف الأول .وانا كنت حاب نقلو إيه هذاك قصدي.! بصح كان خلاص راح.
(شغل قالي :إيـــه... ياخي جاهل ياخي).
...
وكي وصل لقدام زاد قعد وما صلاش تحية المسجد !...

 

[بنـ MaPa ـت]

وعليكم السلاام

هاد الشايب نورمالمون هو لي يوري للي صغير عليه وهو لي يواجبو ماشي العكس

شكرا على الموضوع الطيب
​

 

[NICHA03]

هههههههه يا الشياب مكانش لي كلحهم يعطبك الصحة خوياااا

 

[بسام الخنشلي]

وعليكم السلاام

هاد الشايب نورمالمون هو لي يوري للي صغير عليه وهو لي يواجبو ماشي العكس
يظهرلي يصلي فوق قلبو ياخي عبد ياخي...هكداك مالا يقعد مايعيي روحو مايصلي فوق قلبو حتى للنهار لي يتقربع فيه
شكرا على الموضوع الطيب
​

هدا شآيب سي نورمـآل يجو حوايج هكا
يظهرلي حرام عليك تقولي هكا :scared: راه شايب وغلبان وممكن راه مخرف :shiny: والشايب عندو حق صلاة المغرب لا تؤجل تصلي بعد المغرب ديراكت يعني بقاو زوج دقايق ويصلي تحية المسجد ما يكفيوهش ..وكاين قول للرسول نسيتو مي المضمون نتاعو لا تجوز صلاة إذا نودي للصلاة المفروضة اذا كنتي تصلي تحية المسجد وهي سنة ونادو لصلاة المغرب عليك ان تسلمي حتى وان كنت في الركعة الأولــى أو حتى ان كنت كبرت حينها
وشكرا لصاحب الموضوع وجمعة مباركة :re_gards:

 

[المتفائلة_91]

ربي يهدي

اجمعين​

 

[السلطانة]

وعليكم السلام
الله غالب كبير وجاهل واش راح تديرلو ربي يهديه
تحياتي

​

 

[Jeune Sghir Mc]

والله انا راني شاكو ناقص في راسه
ربي يهدي
​

 

[makour]

ربي يهديه المهم النية و المهم ماخلاهاش و الله اعلم بعباده

 

[بنـ MaPa ـت]

هدا شآيب سي نورمـآل يجو حوايج هكا
يظهرلي حرام عليك تقولي هكا :scared: راه شايب وغلبان وممكن راه مخرف :shiny: والشايب عندو حق صلاة المغرب لا تؤجل تصلي بعد المغرب ديراكت يعني بقاو زوج دقايق ويصلي تحية المسجد ما يكفيوهش ..وكاين قول للرسول نسيتو مي المضمون نتاعو لا تجوز صلاة إذا نودي للصلاة المفروضة اذا كنتي تصلي تحية المسجد وهي سنة ونادو لصلاة المغرب عليك ان تسلمي حتى وان كنت في الركعة الأولــى أو حتى ان كنت كبرت حينها
وشكرا لصاحب الموضوع وجمعة مباركة :re_gards:

الله يعطيك ماتتمنى صحييييييت انا عدلت ونتا فلاتشيتني ههه
خويا ماقلت عليه والو واجبت على واش فهمت من الموضوع....ونشوفو الشياب واش راهم عاملين في هاد الزمان والله تتخلع كاين لي ماراهمش يصلو ومايستاهلوش حتى الاتجاه في القبلة ونتا راك تحامي عليه _o: حاشا الناس العزاز ربي يحفظهم والله يكتر من متالهم
صحيت على الدرس خويا :shiny:

وشكرا لصاحب الموضوع مرة اخرى
​

 

[خفيف الروح]

راني اشوف بلي هذا الشايب ما دارك والو

سقصاك وراح في حالو

انا انظن بغى يبلغلك رسالة

بلي النافلة وتحية المسجد كيف كيف ما يجوزوش

بعد العصر وهو المعمول به عند الغالب

والا راني غالطت في كلامي​

 

[يوسےفے]

و الله الشياب تاع درك تحسبهم.....حاكمين السما....ولا مفتين ....ناضله شويه الشيب في راسه و لا مفتي ياخي حاله ياخي........الله يهدي​

 

[DARINE05]

جاهل ربي يهديه مرسيييييييييييييييي

 

[07 _H@yThm]

واش نقلك حبيبنا ربي يهدي
​

 

[خادم أهل السنة]

بسم الله..
السلام عليكم.. خاوتي لي فاتو من هنا كامل ربي يبارك فيكم ويعطيكم الصحة.
اسمحولي طولت عليكم ..بالرد ربي يجازيكم كل خير

القصة فيها :
(1)الهدرة تاع الشيخ و(2)الفعل تاع الشيخ.
وفيها (3)الهدرة تاعي.للشيخ.

والصح: الشيخ كان عندو حق وش قال : هذاك الوقت تشرع فيه صلاة تحية المسجد .والنوافل لي عندها سبب من السنة النبوية .

وما يجوزش فيه النافلة لي ما عندهاش سبب من السنة النبوية
علاش؟؟ = لأنو هذاك الوقت من أوقات النهي = مع غروب الشمس

-والهدرة تاعي معاه كانت غالطة: (إيه تجوز النافلة)= هذي غالطة.

- الفعل تاع الشيخ = علابالو بلي تشرع صلاة تحية المسجد ركعتين قبل ما يقعد. وما صلاهاش.
------------------
------------------
تحية المسجد مشروعة في كل وقت تدخل فيه المسجد قبل ما نقعدو نصلو ركعتين. حتى في وقت النهي. لحديث الرسول صلى الله عليه وسلم :

(( إِذَا دَخَلَ أَحَدُكُمْ الْمَسْجِدَ فَلَا يَجْلِسْ حَتَّى يُصَلِّيَ رَكْعَتَيْنِ)) رواه البخاري.
(( فَإِذَا دَخَلَ أَحَدُكُمُ الْمَسْجِدَ فَلاَ يَجْلِسْ حَتَّى يَرْكَعَ رَكْعَتَيْنِ)).رواه مسلم
---------
ومن أهل العلم من يرى أنها مستحبة وليست واجبة .
والوجوب هو ما ترجح لي والله أعلم. فعندنا حديث صحيح صريح في ذلك والله أعلم.

 

[nina bonoise]

ياخي ياخي
نورمالمون هو لي ينعتلك مش انت
باين هو الجاهل
تحياتي

 

[الورد الأحمر]

والله يا الشياب
أنا صراحة يضحكوني
شغل يديرو عفايس
يغدروك بيها
هههه
ربي يقبل منو
ومنا
سلامو
​

 

[dana1993]

××السلام عليكم××
هههه وعلاه يسقسي مالا ؟ هههه ياخي شايب ياخي ههه
ربي يهديهم زعما كان يختابر في قدراتك هههه
ربي يجيب الخير

​

 

[hannsg]

نظن حب يختبر الشباب برك
ياك سقسى برك يمكن حب يختبر شباب اليوم و ما فيها والو
و ربي يقبل منه و منك و منا اجمعين
سلام

 

[نقطة حبر]

علابالك بلي الشياب راهم تحلبو ادن متقلقش راه مكانش كيفك كي قيمك وحكى معاك ههههه

 

[hard_way1990]

هو ما عرفش وما صلاش وأنت عرفت وما قتلوش وراك داير بيه موضوع باش تضحك عليه يعني راكم كيف كيف ربي يهديك خويا عوض ما تقولو .. دير الخير وأنساه وما يهمكش آسك علابالو ولا لا هو سقساك جاوبو حل ساهل وسريع ويتفادى أي بلبلة ..
​