شوفو ظاهرة لي راهي صايرة في les bus

[soumi.19]

سلام عليكم
وشراكم جماعة لاباس ؟؟
ليوم حبيت نقوللكم واحد ظاهرة شفتها في bus سبحان الله والله غير حرت
ايا مالا راكم تعرفو les bus في دزاير لغاشي و دزان و حالتهم حالة
المهم واحد النهار كنت في bus و مبعد طلعت مرا و معها وليدها صغير ايا مالا كي ملقات حاتا بلاصة تقعد فيها و méme واحد مناضلها
مدت وليدها لوحد لمرا تحكمولها و بقات واقفة و مبعد كي وصلت لبلاصة لي تهبط فيها هبطت و نسات وليدها و لمرا هاذيك لي كانت حاكماتولها مشافتهاش كي عادت هابطة
و خلاص لمرا هاذيك هبطت و راحت heureusement لكار كانت حابسة و شافها واحد راحت .عيطلها و قالها راكي نسيتي وليدك و الحمد الله كي قلباتو معاها
إيماجينيو تنساو ولادكم ولا ولاد خاوتكم ولا خاوتكم صغار في لكار و واحد ميتوله
انشاء الله واحد متسرالو عفسة كيما هاذي و ربي يسترنا
اتهلاو في رواحكم و في صحابكم
سلاااااااااااااااام

 

[ماكانش]

أهلا بيك صومي
هذي تصرا بارتو في السواقف فليبيس في كلش
مرة مرت خويا نسات بنتها في سوق القش من بعد مالقاتهاش ناضت تعيط حتى لقاتها عند واحد لمرا وادلل بيها
بنت من هذي ؟؟؟
كاريثة كبيرة النسا ساعات يعماو ...
تنساي بنتك حاجة كبيرة
يعطيك الصحة على الموضوع الباهي​

 

[lynaa]

salam ana ki kont seghira papa nesani fel bus w mafa9ch 7ata tela3 le dar w maam eli fa9ett
normal kont seghira bzf kane 3andi 2 ans w nesani hhhhhhhhhhh
ki netefakar nedhe7ak
​

 

[DARINE05]

تسرا هذي صحححححححح كاينة ربي يستر

 

[راسي قرمد]

خخخخخخخخخخ الميزيرية واش دير

​

 

[Amoula ALG]

يااااااااااا ربي سترو والله
يعطيك الصحة ختي على الموضوع​

 

[dida007]

الله غالب الدنيا درك اتبدلت

ولى الواحد يمشي ومخوا في بلاصة وحد اخرى

انا اشحال من مرة ننسى الكرطاب تاعي في الكوس

ربي يعطينا شاهد لعقل
​

 

[INATA LOTUS]

hadi li tensa wlidha netwak3o menha ay haja 3ad lewled yetensew? L4ESSENTIEL MERCI BEAUCOUP POUR LE SUJET

 

[الحق سلاحي]

????????? راسي حبس

 

[hiba14]

انساي بورطابل كرطاب انساي روحك قاع بصح ولدك و لا كاش دري هادي قلة عقل نسا اخر زمن
بصح و الله غي نعاير و نرجع نقول الله يحسن العون الميزيريا راهي قاتلة الغاشي و الله غي مساكين الغبينة

 

[om djawad]

يا جماعة ما تلوموش الامهات
انا خطرة كنت معروضة و مبعد لعشا جا راجلي جايب طاكسي و بدا يقلق فيا
بديت نلم في حوايجي بالغصبة وليدي كان مع صغار في شومبرا اخرى
خرجت و ركبت وديمارات الطاكسي ايا تلفت راجلي ليا زعما حب يشوف وليدو........ ما لقاهش ههههههه
ايا و الباقي تنجمو تتخيلوه​

 

[hannsg]

ربي يستره......

 

[Oussama.GF]

مشكل لضرك راها تصرا
كاين امهات ينساو ولادهم هذا راجع لعدم تربية صحيحة ربي يهدي

 

[عاشقه الكره]

ههههه أنا نسيت روحي لقيتوا حكمي في بلاصة خلاف ايبا راح وقتي في داك نهار غي ياه نلحق وين كنت رايحة

 

[إلياس]

ربي يقدر الخير ان شاء الله

 

[حاتم خليفة]

أنا حلفت مانزيدش نركب في الكار
كل مرة تصرالي قصة معاه

كي يقعدوا حذايا كبار السن واحد خلصلي بلاصة ماعنديش الدراهم
وواحد قالي ولدي مريض كشما تعطيني مليون ولا زوج
وواحد كي نهدر بالتليفون يسقسيني شكون لي كلمك
وواحد واحد حاشاكم كان داير شمة وبزق عليا
وواحد حاشاكم قريب يبول في الكرسي لي نقعد عليه