محكوك اكلة شعبية في بسكرة

[ibtesem]

المقادير
سميد
ملح
ماء
للمرق
بصل
طماطم
طماطم علب ملعقة
فلفل
ثوم
دبشة
ملح
فلفل احمر حار
راس الحانوت
الزيت
التحضير
نعجن العجينة بالماء والملح تكون شوية يابسة
نحلها ونطيبوها
هي سخونة
نفتوها
تحضير المرق
نحضر طنجرة نصع فيها ماء 3 كؤوس
مع قليل من الزيت
نقطع البصل والطماطم والثوم والفلفل مع الملح والراس الحانوت وفلفل الاحمر
نتركها تطبخ الى ان تذبل البصل مع ملعقة طماطم علب
نطفي النار تقطع الدبشة والقارس ونسقيها
اليكم الصور

ان شاء الله نكون وفقت في الشرح​

 

[momoude]

يعطيك الصحة ابتسام جاك روعة
تشبه لمهراس السلاطة لي نديروه حنا في مسيلة احنا نديروه في المهراس ونتم في القصعة

 

[كوثر الوهرانية]

الله يعطيك الصحة بسومتي على هده الوصفة التقليدية الشهية نجربها ان شاء الله
تاكلوها بالصحة و الهناء

 

[assia dz]

يعطيك الصحة ابتسام على هذا الوصفة، ماعرفتهاش من التسمية بصح لما قريت الطريقة، لقيت روحي نعرفها احنا كانت تديرها يما بصح تفتتها رقيقة كيما شخشوخة الظفر، ويديروها حتى بالكسرة القديمة لما تبقالهم بصح يفوروها ومبعد يسقوها. ضرك نسيت عليها عندها مدة طويلة ما دارتهاش كي نروح لدارنا نفكرها فيها.

 

[hanane alg]

يعطيك آلصحة تشهي بسوومة
شكرآ لكـ
​

 

[imane27]

شكلها يشهى ابتسام دريهالى كى نجي عندك

 

[tasnim55]

يعطيك الصحة بسومة محكوك يهبل ورائع مشاء الله يالفحلة بصحتكم

 

[حاملـة المسك]

أمممم محكوك و عليه الكلام
و كما سبقتني اسيا حنا نرقوها تكون أقرب لشخشوخة الظفر
تسلم إديك يا القافزة ​

 

[نور الهدايات]

أنا أول مرة نشوف هذ الوصفة عجبتني بزاف نجربها ونصورهالكم
شكرا بسومة ​

 

[عاشقة الوردة]

مشكورة على الطبق التقليدي الشهي

 

[Djazaire-El-Ghalia]

delicious thank you bessoum

 

[GoodBoy]

أشكرك بدوري على هذا الطبق
وكم هي الجزائر بحاجة إلى جمع جميع تراثها المطبخي المتنوع في سجل واحد
حتى ننافس به دول العالم كلها
موروثنا المطبخي لن يضيع أبداا

 

[اسال الله الفردوس]

بارك الله فيك

 

[ibtesem]

بارك الله فيكم يالبنات على المرور

 

[زهرة الجنوب9]

يعطيك صحة ابتسام ذكرتيني بايام زمان هههههههه

 

[RINAR]

 

[cris_realmadrid2001]

واش معناتها دبشة المذكورة في المكونات ؟؟؟؟
​

 

[omaima]

بسومتي توحشتك وتوحشت طيابك لحد الآن مننساش طيابك انا منيش نجامل فيك بصح راني نقول فصح ان شاء الله نتلاقو ونزيد نذوق طيابك توحشتك وتوحشت لبنات وعيسى
شكرا على المحكوك

 

[souhila24]

شكرا على الوصفة

 

[رنوشة]

يعطيك الصحة اخت ابتسام نسمع بهذه الاكلة بصح منعرفهاش.......كاين بطوط تاني (بسكري)
تسلم اديكي يا ابتسااااااااااااااااام
سخفتيني هههههههههههههه