اخوكم zagane بحاجة الى من يسلفه 10ملايين لانه مدان-نداء مستغيث لكل الاصدقاء-

[zagane]

السلام عليكم
خوكم zagane بحاجة الى من يسلفه 10ملايين لانه مدان-نداء مستغيث لكل الاصدقاء-


كثير لصحاب قعد بلا صاحب
مثل يقال عندنا في الجزائر
في مجتمعنا كل الاصدقاء يحبونك ويتقربون منك ما دام انك بقرة حلوب
ولكن عندما يجف جيبكك وتريد ان تشرب من جيب من هم كانوا مقربين فلن تجد ولو كاسا
وترى ان من كانو منحولك بالامس ينفضون من حولك وكانك مصاب بمرض معدي ويتحاشونا لقاءك
رغم انهم كانو عكس دلك تماما
وهناك من يرفض حتى اعطاءك مالك الدي سلفته من قبل
وهناك من ينكر عليك التسليف
المهم لن تجد هدا اليوم من وجدوك يوما ما
وصاحب الدين يتابعك وانت تتابع اصحابك
لتجد نفسك في الاخير مع نفسك

ادن

لمادا يخاف الجزائريون من السلف والتسليف
ويجيبونك باحدى هده الاسئلة

-والله ما عندي دورو ولا فرنك
--والله غير انا راهم يسالوني
--والله كون عندي ما نبخل عليك
--والله كون جيتني غير البارح كنت نعطيك درتهم في البانكا وهو دايرهم في المخدة
--والله لا غير ضرك سلفتهم لواحد صاحبي كون قتلي قبل كنت........
-كون عندي والله ما نبخلك
--راك تشوف فيا عريس جديد وفيا الدين
--انا الدين تاع اللوطو-كروسة-وما زال ما خلصتهش
--نشوفلك وغدوا نرد ليك الخبر --يعرفك بلي تحتاجهم اليوم وفقط-
--والله انا العيد ما صبتش باش نشري الكبش
--والله يا رمضان لا فوتناه بالخبز والماء--وهو كل يوم يشري الزلابية -
-مشي انت اللي نبخلك بصح الله غالب
--الله غالب
-والله عندي غير 500الف هاك نعطيهاليك
- وهكدا دواليك يقتلوك بالعسل وما يسلفوكش دورو


ادن


ايها الاخوة

خوكم zagane بحاجة الى من يسلفه 10ملايين رد لانه مدان من طرف ابو جهاد الجزائري
دار فيه خير مسكين وسلفه وانتهت المدة الاولى والثانية وهو فاني احتاجهم باش يلم روحه مسكين ابو جهاد الجزائري في اللمة

ويجب على كل الاعضاء ان يردو بالرفض بالعبارات السابقة ومن اراد ان يبدع في الرد ولكن برفض التسليف
خلو ابو جهاد الجزائري يدخلني للحبس
بصراحة ردو وانا اعرف اصحابي واصدقائي جيدا
كل واحد يرد وكانني قصدته في الواقع


سلام حار الى الاخ ابو جهاد الجزائري وهده هديتي


كملتولي ردودي والان سمحتو فيا يا فوزي وميميد

 

[أبو هيثم]

رد: اخوكم zagane بحاجة الى من يسلفه 10ملايين لانه مدان-نداء مستغيث لكل الاصدقاء-

-والله ما عندي دورو ولا فرنك
--والله غير انا راهم يسالوني
كيف تحب يجيوني الدراهم وفوزي دارلنا التبهدل فزد علينا خبزة تاع 1548787895621325468 مليار الله غالب يا محمد راني حديدة طالبة معيشة.
علابالك وتعرفني كون جا عندي مليار و الله ما نبخلك نمدلك 30 ألف سنتيم واش عليه ما تهمش و الله ماشي مشكل نزيد نمدلك لابغا 500 دج يعني 50ألف سنتيم ما خصاراش آي مليار يا صحيبي واش يفضوا نصرف كل يوم 14 ألف سنتيم وما يفضش يحكملي حتى شهرين على ما أضن ونزيد بالزيادة نحل طابلة تاع دخان ونعمرها من كلشي مليار واش بيك نشري بيه المالبورو و القولواز نشري حتى 30باكي ما يفضش ونولي نفطر باكرواسون خاطر غالي شويا نشري زوج لي و لزوجتي كي نتزوج إن شاء الله نشري زوج معزات ما خصاراش في الغاشي نعرض الناس الكل نعرض حتى 60 عبد ما يهمش كي ما يكفيوش نشري 3 جاجات و الديسار تينة.
و نزيد نسلفلك يا محمد 100 دج باش تفك بيها احوالك ما خصاراش فيك.
هههههههههههههههه
لا تنسونا من صالح دعائكم باش نربح مليار ونفك محمد خويا راه حاصل.
آآآآآآآآآآآآآآآه نسيت باه نقللكم كي نربح نشري R4 ونديرلها Tuning
ععععععععععععععععع.​

 

[bachir39]

رد: اخوكم zagane بحاجة الى من يسلفه 10ملايين لانه مدان-نداء مستغيث لكل الاصدقاء-

أخي zaganeوالله ماتغلى عليك حاجه أخي .في الحقيقه كنت معول نشري سياره جديده mercedesبصح خويا zagane أولى منها هاك كل دراهمي وبالسماح ماترجعلي منها والوا راك مسامح دنيا وآخره....;(;(;(

 

[zagane]

رد: اخوكم zagane بحاجة الى من يسلفه 10ملايين لانه مدان-نداء مستغيث لكل الاصدقاء-

السلام عليكم
شوف دوك لصحاب كي دايرين عاونوني بروديد جميلة وما بخلوش عليا وسلفوني وكاين اللي عطاني وقال لي ما تردش
hazibreغالي والطلب رخيس
الله يحفضك انت فاني غالي عندي وعزيز علي انت وفوزي
bachir39اعطاني المارسوداس وجابهالي من واد سوف للدار
الله يحفظك بشير وكل ناس واد سوف

وميميد على الاقل سلفلي رد وقال ما عندوش رغم اللي عندو
بصح يبقى صديقي العزيز دائما

بصح ابو جهاد الجزائري زيرني و يطالب بالدين اليوم
وانا لميت 3 ردود باقي9ملايين و997الف رد وين نلقاهم
وفوزي زعما صاحبي :devil:كي شاف الموضوع والسلف طار ودار روحه ما يعرفنيش وهرب حتى من الشات
وكي يشوفني في قسم يبدل الطريق لقسم وحد اخر :envy::angry: هده هي الصحبة يا فوزي وانا كنت قاطع بيكم الواد انت وميميد حتى الناس اللي ما كنتش دايرهم في لحساب عاونوني ونتوما تنكرت لردودي في مواضعكم ومواقفس واستنزفتم ثرواتي الفكرية من انا ملي -لا تحرمنا من ابداع اناملك-
خلاص هنا يبانو لصحاب الصحاح;(;(;(;(
شوفو يالبشير وهازيبر انتوما صحابي الان شوفو مع ابو جهاد نرجع ليه بالفسيليتي كل شهر شويا مين لصحاب ما بقاوش

 

[mohamed-riadh]

رد: اخوكم zagane بحاجة الى من يسلفه 10ملايين لانه مدان-نداء مستغيث لكل الاصدقاء-

كثير لصحاب قعد بلا صاحب
مثل يقال عندنا في الجزائر
في مجتمعنا كل الاصدقاء يحبونك ويتقربون منك ما دام انك بقرة حلوب
ولكن عندما يجف جيبكك وتريد ان تشرب من جيب من هم كانوا مقربين فلن تجد ولو كاسا
وترى ان من كانو منحولك بالامس ينفضون من حولك وكانك مصاب بمرض معدي ويتحاشونا لقاءك
رغم انهم كانو عكس دلك تماما
وهناك من يرفض حتى اعطاءك مالك الدي سلفته من قبل
وهناك من ينكر عليك التسليف
المهم لن تجد هدا اليوم من وجدوك يوما ما
وصاحب الدين يتابعك وانت تتابع اصحابك
لتجد نفسك في الاخير مع نفسك

شوف الشيخ العنقى ربي يرحموا شا قال

وين صحابي وين الاولاف العشران ..............................وين حبابي وين هوما جيراني
لاواحد فيهم ساعة الحزة بان........................................غطاو وجوهم وتدرقوا بالعاني
ماشفاوليش للخير لاتفكروا الاحسان............................ كانني جيت من الحومة براني

ويالروعة قصائد الشيخ

كي تطيح بيك يكثروا سكاكين الحاقدين

 

[HITLER]

رد: اخوكم zagane بحاجة الى من يسلفه 10ملايين لانه مدان-نداء مستغيث لكل الاصدقاء-

يا سي محمد انا راني زوالي ، راني جهد الحال معزة العيد ماجيت نشريها بسيف ، و كي شريتها صدقتها هههههه
راني نلم في دريهمات باش نتزوج و نجيب مرا كي الناس ، المهم الشكارة تاع الدراهم نعطيهالك و نزوج في كشما جمعية تاع الزواج الجماعي و ربي يخلف عليا . المهم كي تربح رجعلي صواردي باش نشري بيهم معزات و شياه نربيهم خيرمن الخدمة عند الدولة ههههههههه

​

 

[أبو جهاد الجزائري]

رد: اخوكم zagane بحاجة الى من يسلفه 10ملايين لانه مدان-نداء مستغيث لكل الاصدقاء-

السّلام عليكم و رحمة اللّه



كلّ كلمة قلتها عن السّلف سمعتها بأذني , الحمد لله لم أكن لا المدان و لا المدين و لكن سمعتها , ربّي يحفظ برك , بالنّسبة لمواضيعك , فحقيقة موضوع مثل مواضيعك قد يساوي عشرات المواضيع الأخرى الّتي تتكلّم عن ### و ما أكثرها , لذلك أعتقد أنّك كفّيت و وفّيت أخي العزيز , لكن في الطّرف المقابل من النّاس من إذا استلف منك , يبدأ في بغضك كأنّك قتلت له أحد أفراد عائلته , و يا ويلك إذا طلبت منه أن يردّ لك حقّك و بكلّ هدوء , و هو أمر جرّبته , كنت أمشي على استحياء لأطلب حقّي , يعني و عدوني بأن يرجعو لي مالي بعد أسبوع و هم تجار و متمكّنين و الحمد للّه و الآن أنا في سنة و 4 أشهر تقريبا و ما كان لي إلاّ أن قلت لأحدهم ,( نتخالصوا لهيه إن شاء اللّه)

موضوع شيّق أخي زقان

 

[zagane]

رد: اخوكم zagane بحاجة الى من يسلفه 10ملايين لانه مدان-نداء مستغيث لكل الاصدقاء-

السّلام عليكم و رحمة اللّه



كلّ كلمة قلتها عن السّلف سمعتها بأذني , الحمد لله لم أكن لا المدان و لا المتديّن و لكن سمعتها , ربّي يحفظ برك , بالنّسبة لمواضيعك , فحقيقة موضوع مثل مواضيعك قد يساوي عشرات المواضيع الأخرى الّتي تتكلّم عن ### و ما أكثرها , لذلك أعتقد أنّك كفّيت و وفّيت أخي العزيز , لكن في الطّرف المقابل من النّاس من إذا استلف منك , يبدأ في بغضك كأنّك قتلت له أحد أفراد عائلته , و يا ويلك إذا طلبت منه أن يردّ لك حقّك و بكلّ هدوء , و هو أمر جرّبته , كنت أمشي على استحياء لأطلب حقّي , يعني و عدوني بأن يرجعو لي مالي بعد أسبوع و هم تجار و متمكّنين و الحمد للّه و الآن أنا في سنة و 4 أشهر تقريبا و ما كان لي إلاّ أن قلت لأحدهم ,( نتخالصوا لهيه إن شاء اللّه)

موضوع شيّق أخي زقان

السلام عليكم
اولا صحح
لا المدان و لا المتديّن
ب........
لا المدان و لا المدين
حسب فقهمي للقصد

وشكرا لك اخي ابو جهاد على الصبر والمهلة اللي عطيتهالي
خلاص يا ابو جها بداو يبانو لصحاب وممكن ندلك السلف نتاعك في اقرب وقت زيدني غير ليوم نشوف كا ش وحدين يردو عليا بالخير
ما زال كاين لحباب
شكرا على المرور اخي ابو جهاد الجزائري

 

[الحسناء]

رد: اخوكم zagane بحاجة الى من يسلفه 10ملايين لانه مدان-نداء مستغيث لكل الاصدقاء-

غالى والطلب رخيص اخى نحن كلنا معك

 

[viali]

رد: اخوكم zagane بحاجة الى من يسلفه 10ملايين لانه مدان-نداء مستغيث لكل الاصدقاء-

أدي هي الصحاب و لا خلي

 

[راجية النجاح]

رد: اخوكم zagane بحاجة الى من يسلفه 10ملايين لانه مدان-نداء مستغيث لكل الاصدقاء-

je suis un eleve j ai pas aumoin 200da