هل لديكم هذه الظاهرة في الصيف

[تاج الجزائر]

السلام عليكم ورحمة الله وبركاته

كيراكم خاوتي وخواتاتي ان شاء الله تكونوا بخير مع هاد الحر لي رانا فيه الواحد راه

باغي يقلع جلده

بالحمان :sad:

ايا نبدو في الموضوع

بسم الله الرحمن الرحيم

بغيت نعرف اذا هادي الظاهرة في كامل انحاء الوطن ولا غير عنا في الغرب :schmoll:

ملي جا الصيف كثرو لعراس :sheer:

والمشكل لي رانا فيه الواحد مين تحلاله الرقدة في الليل ولا مع الفجر

ومين يبرد الحال راه ينوضنا من الرقاد وحد الصوت كل يوم:sadwalk:

تعرفو واش هو انزلو لتحت تعرفوه :cra_zy:






























































































جراري نتاع الvليزات نتاع النسا مشورين من الاعراس على الفجر يجرو فيهم


تقول مشينة نتاع حصاد:scared:

وراكم عارفين الصيف كامل النوافذ مفتوحة الذبانة لي برا تسمعها :music_whistling:

ايا ملي نسمعوهم بطير علينا النعاس ولو كان غير يجروهم وهوما ساكتين هدا قاع لي صرا في

العرس لي كانو فيه يحكوه بصوت عالي والناس راقدة ها شفتي ديك واه شفتها_o: ...شفتي الطياب كي

داير ....شفتي الحط نتاع الماكلة كي داير:music_whistling:..... شفتي ديك كي ترقص .......وشفي وشفتي

و.....................وملا نهاية من كلمة شفتي _o:


قولولي يرحم لي ماتلكم راكم نتوما ثاني تعانو كيما رانا نعانو حنا :tears:
​

 

[Estrella]

هههههههههههههه
ولله ياختي طحتيلي فالصح
غير البارح كان حدانا عرس هبلونا بالرصاص
حتى كي اذن الفجر باش حبسو ياو ليل كامل
مرقدناااااااش وحتى حنا فالجهة نتاع الغرب ههههه
واش نديرو هدا هو الصيف وهدو هوما الناس
وهدا هو الهباااااال نتاع الجزايرين
مارسي بزاف على الموضوع
تحياتي ...​

 

[kojak]

بارتو هذي.........
​

 

[aneshabib]

السلام عليكم كيراكم واش نقولك هبال الجزايرين تعرفيه اختي و هبال الغرب قاع وحدو هاذا ديدجي هاذا رصاص هاذي عوايط نتاع وحدين مدابزين في العرس الله يهدينا ويسترنا تقبلو مروري

 

[بنـ MaPa ـت]

وعليكم السلاام

نتوما ناس الغرب عراسكم كامل تبدى من المغرب للهيك سي بور صا يخلاصو في نص الليل الغاشي يولي يتفرغ ويفرغ ههه......حنا ديفوا ليجان يجو يسكرو قدام وحد لاميزون تع التريسيتي لي يولي يسب ولي يولي يغني على حبيبتو جميلة راني نمووووووووت علييييييك ههه ولي تسمعيه مضارب مع صاحبو التاني.....يظهري نتوما ولا حنا كي تسمعي الجو عندنا تقولي يا انا نرحل ولا نقاوسهم بالبطاطا هههه.....
الله يهديهم هادا واش نقولو

مرسي على الموضوع
​

 

[DARINE05]

HHHHHHHHHHHHHHHHHHHHHHHHHHHHHHH
rahi kayna fi kol blsaaaaaaaaaaaaaaa

 

[الرومنسي الجاد]

حنا في فخونسا معندناش الـpـوليتيكـ هذا ــــــــــــهههههههههههه​

 

[N@riM@N]

كــــــــــــاينه يجي صيف يجي هــــــبالهم
والمشكل دورك راهم بالجمله هههههههأع خايفين
ل يجيهم رمضان
​

 

[امير الجزائر]

يا اختى انا فى شومبرتى ما نسمع والو غير ادان ومرى على مرى نسمعه

 

[la_safa]

هههههههه وي كاينة منها ختي
انا مع نرقد و نبدى نحلم يخلعوني بهاداك البارود تقول الحرب بدات
نولي نحل الطاقة و نولي نتفرج من بعيد برك نخاف على روحي ههههههه
مرسي اختي
​

 

[w@hiba2010]

هادي كاينة بارتو
وين تروحي تلقايها

سوغتو تمنشير تع لعراس
..................................................

 

[الحق سلاحي]

هههههههههههه
ديري قطنات في وذنك

 

[تاج الجزائر]

هههههههههههههه
ولله ياختي طحتيلي فالصح
غير البارح كان حدانا عرس هبلونا بالرصاص
حتى كي اذن الفجر باش حبسو ياو ليل كامل
مرقدناااااااش وحتى حنا فالجهة نتاع الغرب ههههه
واش نديرو هدا هو الصيف وهدو هوما الناس
وهدا هو الهباااااال نتاع الجزايرين
مارسي بزاف على الموضوع
تحياتي ...​

ايا نتي راكي غير جوارينا تسمى غير كيفي :sadwalk:

ما عنا ما نقولوا هاد صيف الهبال

شكرا ختي على حضورك وردك بالرصاص :shiny:

​

 

[تاج الجزائر]

بارتو هذي.........
​

ايا راكم غير كيفنا :sad:

شكرا على حضورك
​

 

[DZ-23]

هاذي p-بارتو .. حنا gـدامنا صالة تاع عراس...
تقريب يومي كلون تاع نسا يعديو
لبسين الذهب و يطحكو و يديرو ي النش
لو كان يطيحو في ولاد لحرام يخليوهم

 

[تاج الجزائر]

السلام عليكم كيراكم واش نقولك هبال الجزايرين تعرفيه اختي و هبال الغرب قاع وحدو هاذا ديدجي هاذا رصاص هاذي عوايط نتاع وحدين مدابزين في العرس الله يهدينا ويسترنا تقبلو مروري

وعليكم السلام راني بخير الحمد لله
​

راكي انتي ثاني من الغرب ايا راكي عارفة طبايعنا وهبالنا في لعراس

ناس الغرب مرضا حتى فايتلهم

مشكورة ختي على تواجدك ربي يحفظك :shay:
​

 

[تاج الجزائر]

ضرك نولي نرد على البقية
باغي نتفرج مسلسل اهل الراية 2 ونرجعلكم :shiny:


​

 

[iméne09]

ههههههههههه ســر يكون الحس هلكم حنا الحمد الله على فجر مكان ني حس ني والو gـاع راقدين اون + حومتنا فيها كالم ربي يكون في عونكم حنونة
​

 

[نرجس هبةالرحمان]

كاين وكاين وبزاف

 

[السلطانة]

وعليكم السلام
ايه راهم يديروها ديما
عقلية الجيريان
تقول رايحة تكومبي تدي معاها vاليزا
شكرا على الموضوع
تحياتي​