عملاء الاستخبارات

[programmeur]

السلام عليكم
ادا كان راه الصباح نقولك صباح الخير
العشية مساء الخير
و الليل تصبح على الخير


أيا جماعة نبداو بالمصلحة و الفروطوار و نديرو نيتواياج للموضوع و المنتدى
لهادو الناس اللي غادي نتكلم عليهم

راني جايب المنشار معايا ونبدا بالتمنشير على بركة الله

وحد الظاهرة راني نشوف فيها و راهي أكبر مشكل في حياة أي واحد منا
ألا وهي الناس اللي ماتخفالهم أي حاجة على عباد الله

يعرفك وين تسكن واش فطرت و اش كاين في داركم و علاش راك هنا
معنتها عنده دوسي عليك بالصور و شهادة الميلاد + S12
هههههههههههه

الناس هادو ولاو مشكل كبير
يا عجبا الواحد باش ولا يخرج من دارهم يعس روحه مليح و يشوف زين باش ادا شاف كاش عميل يحرز روحه
صابك في الطريق
كي راك؟؟؟؟ غايا ؟؟؟؟ الحمد لله

ايا ويعطيك بسؤال وين راك رايح ؟؟؟؟؟؟؟

الريق ينشف يامحينك يليق تبع سياسة التمويه ولا قلتله الحقيقة راح ينشرك في طاكيواكي تاعهم و الجماعة كلها تعرف وين راك رايح
مايعرفو حشمة مايعرفو ستر ما والو


اما ادا صابك في البلدية و خاصة عند مصلحة شهادة الميلاد يا صايي روحت فيها
وتصيب روحك منشور في جريدة الشروق و الخبر والناس كلها تعرف هاوين كنت
وبلي راك رايح دير فيها دوسي تاع اونساج و انت في الحقيقة راك غارق مع دوسي تاع sevice national


والمشكلة كي يطلقو الكلام في العباد و خاصة بنات الناس
وحدة تخرج هي و أمها
كي يشوفها يجبد دوسيها ويبدا
هادي كانت تقرا مع فلان أخت فلان و كانت صحبة فلان و هاشاعملو فيها
وكلش راه faux المهم يشرك داك الفم

الناس ولات تعس في الجوارينهم داك طلع و ديك هبطت و لاخر خرج وهي رايحة
تشري فريجيدان يليق دخله par piece des tachés
تشري لوطو يجي يسقسيك كليش مبروك وشعال خلصتها
أنت تقوله ب90 مليون ماشي يقولك الله يبارك و لا يسكت
يقولك صافي راه عندك الدراهم هاعطينا شوية حنة يدك

وزيد يديرك partager ويقول فلان راه بدراهمه كل يوم يدخل فيها لوطو
وانت راك كاشف روحك على 90 مليون

جماعة تخدم على المخابرات و القيل و القال

واش نقوللهم ربي يهديكم


أيا سلام
​

 

[Estrella]

ههههههههههههههه
ولله موضوعك فور
هاد العباد فارغين شغل
خدمتهم غير يعسو فالناس
ينارفيك واحد كي يلقاك رافد صاشي
لا حشمة لا والو يجي يقولك
واش شريت ههههه
كاين واحد المثل يقول *من راقب الناس بات هما*
يعطيك الصحة خويا..على الموضوع الهايل
​

 

[AHLEM1992]

و عليكم السلام خويا لوبروغرامور
و ربي يهدي الي كيما هدو
+
نحكيلك قصة في نفس موضوعك
واحد يقرا معايا خطرة صحبتي تحكيلي عليه
قالها انت و صحبتك فلانة علابالك داير عليكم دوسي كل مرة نكتب فيه حاجة جديدة عليكم
و هدا راه يهدر فيها نورمال
ــــــ
ليسونسال خويا الله يعطيك الصحة على الموضوع
لي عودة !!​

 

[هآجر]

السلام عليكم هههههههههه
نحساب فيك تهدر على المخابرات نتع المنتدى وانت راك تحكي على نتع المجتمع هدوك مفهمش خير وربي يبعد طريقي على طريقهم
مرسي على الموضوع
تحياتي​

 

[صانعة الافراح]

ياخويا واش نقولو فيهم

ناس فارغين شغل

يدخلو رواحهم في كلشي

و عندك الحق كترو بزااااااف

يعرفوك ب لي ديطاي نتاوعك

ربي يهديهم و خلاص

شكرا على الموضوع + تقييم

 

[la_safa]

الســـــــــــــــلآم عليـكم ..

°°°°°
و معظهم النســــــــآء في المرتبة الاولى دون منازع
ههههههههه

صح يا خويا كاين منها
و ياسر ثاني .. الله غالب لي فيه طبيعة صعيب باه ينحيها
و زيد تقول صح يخدمو في المخابرات
يعرفو وقتاه خرجت وواش شريت ووواش لابس و و و

ربي يهدي على كل حآل

°°°°°
و شكـــــــــــــرآ عالموضوع
​

 

[aneshabib]

​

يعطيك الصحة خويا علا الموضوع مي عجبتني بزاف بزاف هاذي
​

راني جايب المنشار معايا ونبدا بالتمنشير على بركة الله​

تشري فريجيدان يليق دخله par piece des tachés​

والله غي عندك الحق ناس كيما هادو الله يهديهم يظلو يعسو في العباد merci

 

[sahiko hamza]

وعليكم السلام
علاه انت اصلا تعمر راسك بيهم ؟
​

 

[هــــيلدا]

روح سقسيه واش عندك نيvو ولا واش من خدمة تخدم ضرك تشوفو علاش راه مداير هكذا،
الله غالب هاذو فئة في المجتمع متقدرش تتخلص منهم، ايمالا متديهاش فيهم كيما قالك حمزة وخلاص.

 

[قوت القلوب]

السكانار راه في كل بلاص سيرتو في الباطيمات
الله يعافينا
شكرا

 

[N@riM@N]

التمنشير حق مدني
**
فغيمون هاد الظاهره راهي بارتو سوغتو فصيف
علابالك سخانه ولـــــــ فـــــــــــــــــــــــيد
ومايدير
صحيت ع الميضوع
​

 

[adel-mz]

هادو يقولوهم : radio trotoir

 

[خولة 01]

هههههههههههههههههههه الله غالب ماعندنا مانديروا

هادي طبيعة فيهم و باش تتنحى منهم صعيب الحال بزاف

يلزم الواحد يصبر برك على هاد الاستخبارات المركزية

الله يهديهم برك
و يعطيك الصحة على الموضوع الشباب

 

[w@hiba2010]

صح كاينة

فارغين شغل
لوكان عندهم اشغل مايلتاو بالناس

 

[shahrazad]

سلام

مرض عندهم مساكن الله غالب
كاين ناس يديرو عليهم سورتو الجيران مثلا
تلقاهم اذا جابو كاش حاجة يدخلوها فاليل والا اصباح بكري هههه
باه مايشوفوهمش القرعاجة
///
انا والله ماندير عليهم مانعمر بيهم راسي
حبو يسمعو حبو يشوفو حبو يهدرو
المهم انا نعرف روحي
صحيت
​

 

[يوسےفے]

هههههههههههههههههه
النااس كيما هاذو ما تستنى منهم واالوو يلقااك تقووول لقيت ملايكه ...و غي تبعد شويه عليك..راه مقطعك طراف طراف و دايرك في ساشيات و با يبيعك لناس ...ياخي حاله ياخي ...يموتو على التمنشير.....المخابرااات تاع بصح و ما يسلكوش معاهم و زيد على هذا ما يجدي ذاك الواحد يفوت عليهم حتى يديروله سكانير كومpلي من الساس لراس .....الله يبعدهم علينا و عليهم كيما يقولو ...الملتهي بالناس كثير الوسواس
يعطيك الصحه يا ولد بلادي​

 

[إيمان قلب]

السلامـ عليكمـ
ايييه والله معاناة تاع الصح
عندهم رادارت يابن عمي مرات يجيبو اخبار داركم انت دجا مزال ماعلبالكش بيهم
واحد المرة كي نقرى واحد يقرا معايا قالي بالبركة عليكم .. يااحي نندب واش كاين
قالي خوك راه ربح لكونكور ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
واش تحب من راقب الناس مات هما
الله يهدي
ويعطيك الصحة على الموضوع
سلامي واحترامي​

 

[zahya]

العادة هادي عند بعض الناس هواية .. ولا ميتي خدمة يجيب منها الشهرية عباد فارغة شغل لوكان ماتهدرش وتعرف واش كاين ما تتهناش
الفراغ يولد مثل هده العادات
كل كوان بعميل ربي يجيب الخير

 

[07 _H@yThm]

llviiiiiiiid 9atalna
wach ndiro?????
​

 

[programmeur]

شكرا على الردود يا اخوتي و خواتاتي
راني نسيت بلي درت موضوع ههههههههههههههههههه

المهم الواحد يخبطهم بطالون و يسأل ربي باش يبعدهم عليه لخاطرش راهم يضلمو الناس بزاف