العشق في الفيس بوك

A

aneshabib

:: عضو مُشارك ::
إنضم
2 جويلية 2011
المشاركات
220
نقاط التفاعل
32
نقاط الجوائز
7
آخر نشاط
السلام عليكم كراكم خاوتي وخواتاتي صافا انا راني لابس ما خصني والو نشا الله تكونو كيفي بغيتكم في هاذ الموضوع نهدرو شوي على صحاب الفيس بوك وانشا الله مايكونش هاد الموضوع مطروح من قبل
يادرى واش رايكم في الفيس بوك مليح ولالا و عندو ايجابيت ولا غير هف ويادرى صح هادوك اللي راهم يتعرفو على بعضاهم في فيس بوك سيرتو البنات تقولك ماتحصيش نلقى واحد يعجبني ونتفاهمو وندزوجوا وكاين اللي داير الف صحبة في الفيس بوك وقاع يكدب عليهم وكاين اللي عندها تاني الف ami وتقولك الليي حكمت معاه هاداك هو.
قولولي واش رايكم
 
وعليكم السلام اختي احنا ثاني لباس ومخصنا والو والحمدلله

ياي الفيسبوك خرطي في خرطي تحكي مع العباد لي تعرفيهم في الحق نورمال مي اللي تعرفيهم ثم مكان لا عشق لا والو كامل يتمهبلو واللي راهو داخلو راه يحوس يعقب وقتو ويتمسخر ويضحك مكانش كتر

تقبلي مروري ويشرفني نكون اول وحدة نرد في موضوعك

شكرا على طرح الموضوع
 
سمحلي منقدرش نجاوبك باسكو معنديش فايس بوك
الي عندهم يجاوبوك
مارسي ​
 
ـــــــــــــــــــــــههه منعرف بلاك هف و بلاك صح
مدام غنى عليه الطالياني و قال تلاقيتها ف الفايس بوك .. مبقاتش ــــــــــــــــــههه​
 
سلام قريت الموضوع وقلت مرجعش après كاين اللي قالوا اللي عنده يجاوب نجاوب بويسك عندي انا عندي غير mes amis و ma familles هدا ماكان والحاجات الاخرى خاطيني خيتوا
 
قال aneshabib:
السلام عليكم كراكم خاوتي وخواتاتي صافا انا راني لابس ما خصني والو نشا الله تكونو كيفي بغيتكم في هاذ الموضوع نهدرو شوي على صحاب الفيس بوك وانشا الله مايكونش هاد الموضوع مطروح من قبل
يادرى واش رايكم في الفيس بوك مليح ولالا و عندو ايجابيت ولا غير هف ويادرى صح هادوك اللي راهم يتعرفو على بعضاهم في فيس بوك سيرتو البنات تقولك ماتحصيش نلقى واحد يعجبني ونتفاهمو وندزوجوا وكاين اللي داير الف صحبة في الفيس بوك وقاع يكدب عليهم وكاين اللي عندها تاني الف ami وتقولك الليي حكمت معاه هاداك هو.
قولولي واش رايكم
إضغط للتوسيع...

لالا اختي انا خوك ماشي ختك
 
قال مرام التيبازية:
سلام قريت الموضوع وقلت مرجعش après كاين اللي قالوا اللي عنده يجاوب نجاوب بويسك عندي انا عندي غير mes amis و ma familles هدا ماكان والحاجات الاخرى خاطيني خيتوا
إضغط للتوسيع...


لالا اختي انا خيو ماشي خيتو
 
li 3awda lilmawdo3
 
قال القيـ ص ـر:
ـــــــــــــــــــــــههه منعرف بلاك هف و بلاك صح


مدام غنى عليه الطالياني و قال تلاقيتها ف الفايس بوك .. مبقاتش ــــــــــــــــــههه​
إضغط للتوسيع...


عندك الحق انا عندي ولد خالي دا وحدة عن طريق الفيس بوك من بريطانيا مانيش يبغيها ولا هفها وقيلا دار بيها الطريق وراهو دروك في لندن
 
قال darine05:
وعليكم السلام اختي احنا ثاني لباس ومخصنا والو والحمدلله

ياي الفيسبوك خرطي في خرطي تحكي مع العباد لي تعرفيهم في الحق نورمال مي اللي تعرفيهم ثم مكان لا عشق لا والو كامل يتمهبلو واللي راهو داخلو راه يحوس يعقب وقتو ويتمسخر ويضحك مكانش كتر

تقبلي مروري ويشرفني نكون اول وحدة نرد في موضوعك

شكرا على طرح الموضوع
إضغط للتوسيع...

شكرا على الرد انا مانكدبش عليك دايرو غير لتعقاب الوقت وتمسخير بصح انا خوك مانيش اختك
 
الفايس بوك منتدى كيما باقي المنتديات ربهم واحد

كامل في ناس بزاف وتتعرف فيهم على من تحب

يعني المنتديات كامل واعرين مش غير الفايس​
 
في الحقيقة استخدم الفيسبوك نتكلم فيه مع افراد عايلتي اللي ساكنين بعيد

مليح اذا عرفنا كيفاه نستخدموه
​
 
كيما ابغيت هو وسيلة وانت المسؤول

خير ولا شر

تتعرف على الغير بصدق ... وتتعلم اشياء

وقادر شخص ما غير يكذب ويهف ويفوت في الوقت

والناس على قدر عقولهم ومستواهم الثقافي

شكرا لك​
 
الفايسبوك
ما يعجبنيش
نكرهو
.........

كل واحد يكذب على لاخر
 
والله معلابالي خاطر معنديش فيس بوك
 
و عليكم السلام ،،
----
عندي كونت في الفيسبوك
فيه 15 آمي برك و كامل يقراو معايا
ندخل ليه مرة على مرة هدامكان
.
مي كاين فريمو الي حكيت انت عليهم
و ما اكترهم + دايرين صور ماشي تاعهم و تلقا عندهم 1000 آمي ماعلاباليش ّآسكو كامل يعرفوهم
.
بارك الله فيك اخي
مشكوووور ...​
 
الحمد لله كي عدت مليح
والعشق فالإبتدائية شويا ؟
​
 
بيانسور نهدر بيه مع لافامي البعيدة
 
,وعليكم السلاام
,,بون يبالالي لفايس كيما لمنتديات
مكانش فرق صحا تقلي لمنتديات فيها اداره ورقابه
ولفايس بوك كل واحد رقيب ع روحو
مرسي ليك
​
 
انا عندي فايس بوك و عملتو مؤخرا و لكن ماشي للتواصل مع الناس و ما ننكرش انو فيه ناس طلبو مني اضافة و اضفتهم و لكن jamais تواصلت معاهم ، و في صفحتي ولا فالحائط ننشر مثلا اقوال و لا حكم ولا شعر ولا اي شيئ تثقيفي ولا صور c'est tout ، نشكرك على الموضوع اخي الكريم ، تحياتي اليك.
 
العودة
Top