ارجوكم اريد نصيحتكم

[وصال]

السلام عليكم اهل اللمة والله قد طال غيابي عنكم وقتلني الشوق اليكم ولكن الظروف كانت اقوى مني اليوم انا محتاجة الى من يقف معي وانا حائرة في امري ولا ادري ماذا كنت سافعل لولا لطف ربي بي ورحمته بعد ان احسست ان كل شيء قد تسكر في وجهي والله احمد الله واستعينه واشكره على كل شيء فمن سيقرا رسالتي سيظن انني قانطة يؤوسة لكن والله بالعكس غير انني انسانة ولدي نقاط ضعف مثلي مثل اخوتي من بني البشر المهم ربما بعضكم يعلم بفقداني لابي رحمه الله واسكنه فسيح جناته والقصة كلها اننا كنا سنقيم فرحا على اخي وقد جاءنا المصاب الجلل في رمشة عين فتغيرت كل الحسابات المهم وفوق كل ذلك والحمد لله اجريت بعض الفحوصات وقال لي الدكتور بضرورة اجراء عملية قلب وامي ليست في حالة جيدة مئة في المئة لكي تتحمل هذا الخبر خاصة بعد الذي حدث والله انا حائرة في امري ودائما اعرقل في الموعد لدرجة ان الطبيب اخبرني بضرورة الاتصال به لاجراء فحص انبوب ومن ثم عمل العملية باذن الله لكني وخوفا على امي تجاهلت الموضوع بالرغم من اني اصبحت صاحبة خبرة في عملية القلب حيث اجريت ثلاثا منها في ظرف 10 سنوات واليوم اريد ان تتاخر من اجلها علها تكون قد نسيت حزنها على ابي وقد اتمت العدة ومن جهة اخرى انا خائفة على نفسي وان هذا سيؤدي بي للتهلكة والله اصبحت حائرة ماذا افعل ارجوكم افيدوني كيف ساخبرها بالامر وكيف ساواسيها وخاصة واني لم يمر عامين على اجرائي عملية قلب وقد عانت الامرين ادعولي وانصحوني ارجوكم فانا عن جد في حيرة من امري.

 

[ياسمين عنابة]

السلام عليكم
لاحول ولاقوة الا بالله
شيء صعب فعلا لكنها حقيقة ولامهرب منها
حاولي ايصال الخبر الى الوالدة شيئا فشيئا اي ليس دفعة واحدة
صارحيها وفي نفس الوقت ابقي بعض الامر سرا كالخطورة الى غير ذلك
استعيني بالله فهو اعلم بامرك وامر والدتك
وان شاء الله لن يكون الا ماتحبين وترضين
ارجو لك النجاح في العملية واسال الله لك شفاء يسعد الجميع
اللهم اشفها برحمتك واعنها على قضائك وانزل سكينتك بقلبها وقلب امها الكريمة

 

[ήaήa~:)]

فريمون حاجة صعيبة بزاااف .. و الله العظيم غدتيني بزاف ياختي مي واش نقولك لازم ديري العملية علاجال يماك باسكو كون تعرف بلي خبيتي عليها تزيد تتقلق و تزعف عليك خطاش هدي يماك و تحبلك الخير المهم ربي يكون معاك
و بالشفا عليك حنونة
...​

 

[بلادي نبغيك]

انا مع الاخت لي قبلي ديري العملية وربي يشافيك يااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااارب عاجلا غير اجل ويصبركم ياااااااااااااااااااااارب ويرحم الوالد ويكون من اصحاب الجنة

 

[ماكانش]

رحم الله والدك الكريم ورزقكم الصبر
اختي الكريمة وصال
اظن أن اجراءك العملية امر لا بد منه وفي أقرب وقت
لأنو قادر ماديريهاش وقادر يصيبك مكروه كبيرة وتتأثر به والدتك تأثر اكبر من تأثرها بإجرائك العملية
حدثيها وطمئنيها وتوكلي على الله واجري العملية
ماتتهاونيش بروحك وصال
والله سندعو لك بكل خير وامرك احزننا كثيرا والله شهيد على ذلك ...​

 

[ولد قالمة 24]

أنا مع رأي الأخ ماكانش بارك الله فيه

رحم الله والدك الكريم ورزقكم الصبر
اختي الكريمة وصال
اظن أن اجراءك العملية امر لا بد منه وفي أقرب وقت
لأنو قادر ماديريهاش وقادر يصيبك مكروه كبيرة وتتأثر به والدتك تأثر اكبر من تأثرها بإجرائك العملية
حدثيها وطمئنيها وتوكلي على الله واجري العملية
ماتتهاونيش بروحك وصال
والله سندعو لك بكل خير وامرك احزننا كثيرا والله شهيد على ذلك ...​

أسأل الله تعالى باسمه الأعظم أن يرحم والدك و أن يشفيك أختي آميـــــن ​

 

[ما فهمت والو]

السلام عليكم
الله يرحم الوالد و يسكنه فسيح جنانه
اختي انا رايي من راي الاعضاء لازم ديري العملية حاولي توصلي الخبر لوالدتك بطريقة اللي ما تجرحهاش و ربي يشافيك اختي و نتمنالك الشفاء من كل قلبي
و تاكدي ان الله يحبك لان الله اذا احب عبدا ابتلاه و هذا ابتلاء من الله

 

[The DoN]

لا حول ولا قوة الا بالله ، إنا لله وإنا إليه راجعون ، وعظم الله أجرك أختـي

أختـي في اللـه، في الحقيقة أنـت لست بحاجـة إلـى أن أقـف أنـا أو غيـري معـك في النـت،وإنمـا إلى فرج من الله العظيـم

فما أنصحـك إلا بصـلاة استخـارة إلى الله عـز وجـل، وسيكون بإذن الله كـل امرك خيـر


سلام
​

 

[لاجودان شاف]

السلام عليكم
ربي يفرج عليك يا أختي ويشافيك
حاولي تختاري وقت تكون فيه مليحة واخبريها بلعقل
وبينيلها انك مش خائفة ولا قلقة خلاص باه تتقوى بيك
ربي يشافيك​

 

[07 _H@yThm]

ربي يشفيك
********************
​

 

[اسال الله الفردوس]

اسال الله العظيم رب العرش العظيم ان يشفيك ويعيدك لاهلك سليمة معافاة
اختي عليك بالدعاء وقيام الليل

 

[mer10]

انشاء الله الشفاء العاجل و توكلي على ربي سبحانه

 

[الشلفي02]

السلام عليكم
الله يرحك أبوك و راه في الجنة انشاء الله
على كل حال
شوفي يماك في الوقت لي تكون فيه مليحة و قوليلها

محكيلك قصة سمعتها من عند شيخ حسان " نحكيها بالدارجة "

مرة هذا شيخ مريض من قلبو " عندو لحمة تعيق مجري الدم " أيا راح لبريطايا باه يداوي
قالولو بلي العملية صعيبة
و عطاولو رونديفو
كي رجع لبلادو و هو يدور في السوق شاف عجوزة تلقط في العظام من قدام الجزار
أية راه سقساها قالها و علاه راكي ديري هكا
قاتلو عندي بناتي كبار حبو ياكلو اللحم و أنا يتحييت ولة نطلب و مانيش خدام
أية حبيت أنفرحهم
أية هو شرالها 2 كغ تاع لحم و خلص الجزار لمدة سمانة و قالو هذي العجوزة كل ماتجي عندك أعطيلها و قلي أنا كي نجي .. أية كي شافها فرحت فرح معاها و ربي شرحلو صدرو
كي عاود رجع للسبيطار باه يدير العملية فالو انت راك بريت و راك خير من واحد عادي ..

كاينة بنت خالي صغيرة تان مريضة من قلبها
في عمرها 4 سنين
العام لي فات راحت لبلجيكا باه ادير عملية على قلبها " الطبة قالولها عندك ثقبة في القلب "
أية كي كانو رايحين يبداو الطبيب هذاك سمعها تنشد
سقسا المترجمة واش راهي تقول قاتلو تدعي في الله
قالها طفلة صغير كيمن هذي تعرف الله
باين بلي ربي ما يخليهاش غي هكاك

على كل حال أنفكرك بلي في الثلث الأخير من الليل ينزل ربي ل سماء الدنيا و ينادي هل من داع فاستجيب

و أن واحد من الناس كنت كي نكون مقبل على حاجة نضةك هذاك الوقت و ندعي ربي الصح الصح و الله العظيم ل 9اع صدقولي

راني ندعي لأختي وصال انشاء الله تفوت على خير

الله يشافيك وو سلامي

 

[وصال]

شكرا جزيلا على مروركم العطر انا ممتنة لكم جميعا على وقوفكم معي في محنتي والله ردودكم اسالت من عيوني دموعا هي طبعا دموع فرح لانكم عن جد اخوة وخير الاخوة شكرا جزيلا لكم لا تنسوني من دعواتكم وان شاء الله يشفيني ويشفي جميع مرضى المسلمين .

 

[rima29]

ربي يجيبلك الشفاء العاجل وصال​

 

[مريم19]

السلام عليكم .
نسأل الله الرحمة والمغفرة لوالدك وربي يصبركم .
وربي يشفيك اختي وخلي أملك كبير في المولى عزوجل .....

 

[alardo]

لا حول ولا قوة الا بالله ..كان الله في عونك اختي....شفاك الله والله قلبي تقطع ليك... على خاطر أنا حاس بلي حاساتو..
انا تاني فقدت الوالد وامي مريضة بالقلب و صرتلي مشكلة مي مشني حاب نقولها ليها خايف
لكن ... ننصحك انك تخبريها تدريجيا ... يعني تتلاعبي بمشاعرها باه تقلك هي روحي لطبيب
الام حنونة مش راح تخليك تتعذبي وهي راي تخاف عليك لا جدال فيه
اعملي روحك فشلانة و تعبانة... راح تتحير شوي عليك... مي نشطي روحك باه تتخفف عليها ... ولما تعاودي ليها الحالة هادي راح تكون هي والفت شوي تولي تقلك روحي للطبيب تأكدي من صحتك
ثم قولي ليها راو القلب من العملية لي فاتت... راح بلا ما تشعر تقلك وتسألك اذا كانت فيها عملية ثانية
اذا لقيتيها سألاتك بلا توتر قولي ليها مي اذا لقيتيها متوترة حاولي انك تسايريها على انو كاين احتمال لعملية أخرى... واذا قلتيلها بعد كل هذا اعملي العملية وان شاء الله راح تشفي .... و كلنا معاك ندعولك بالشفاء اختي الغالية.......

 

[وصال]

لا حول ولا قوة الا بالله ..كان الله في عونك اختي....شفاك الله والله قلبي تقطع ليك... على خاطر أنا حاس بلي حاساتو..
انا تاني فقدت الوالد وامي مريضة بالقلب و صرتلي مشكلة مي مشني حاب نقولها ليها خايف
لكن ... ننصحك انك تخبريها تدريجيا ... يعني تتلاعبي بمشاعرها باه تقلك هي روحي لطبيب
الام حنونة مش راح تخليك تتعذبي وهي راي تخاف عليك لا جدال فيه
اعملي روحك فشلانة و تعبانة... راح تتحير شوي عليك... مي نشطي روحك باه تتخفف عليها ... ولما تعاودي ليها الحالة هادي راح تكون هي والفت شوي تولي تقلك روحي للطبيب تأكدي من صحتك
ثم قولي ليها راو القلب من العملية لي فاتت... راح بلا ما تشعر تقلك وتسألك اذا كانت فيها عملية ثانية
اذا لقيتيها سألاتك بلا توتر قولي ليها مي اذا لقيتيها متوترة حاولي انك تسايريها على انو كاين احتمال لعملية أخرى... واذا قلتيلها بعد كل هذا اعملي العملية وان شاء الله راح تشفي .... و كلنا معاك ندعولك بالشفاء اختي الغالية.......

شكرا جزيلا اخي الكريم على وقفتك معي واحساسك بي اريد ان اقول لك ان امي عانت معي كثيرا وابي مات وهو خائف علي لذا كان وقع الخبر كبيرا جدا على قلبي لكن الحمد لله هكذا ولا كثر ميرسي عليك اخي الكريم بارك الله فيك على النصائح .