Jamais -ابدا - عمري - مصطلحات شديدة الاستعمال عند الامـــورات الحلوات --'

[معاك يا الخضراء]

السلام عليكم رحمة الله وبركاته

وش راكم ان شالله بخير

واحد النهار كنت راكبة فاbus وكانو راكبين ورايا couple

هوما بداو يحكيو وانا كسرتلهم وذنييا
يعني تلصص على وش راهم يقولو مع سبق الاصرار و الترصد

درت عقبت سكانير خفيف ظريف

هي ....فلانة هاديك اللي نعرفها

ايوووون ايوووووون يا عيني يا ليلي هادا وين تحلى التقرعيجة

​

بدوا الحوار
*-قاتلو انعم ...وي كشما يخصك

قالها عجبتيني برك حبيت نحكي معاك معليش ؟

دارت روحها تتقلش اكم تعرفو البنات
*-وقاتلو يخي الهدرة بلاش

"" هع هع هع هع هع ايه الجو القديم ده قديمة اوي اوي البت دي""

ايا قالها انا اني ناوي الحلال مش ....

هيهيهييييييييي وانا موت فالراجل اللي ينوي الحلال فالبيس

"هو اقدم منها على فكرة" ​

المهم هي سمعت ناوي الحلال يا جدك و ماعرف وشt'écaltaفي مخها

ماخالاتوش حتى يكمل الهدرة قاتلو حتى انا مانيش تع تمسخير

"توءبرني الشريفة العفيفة انا

"
و بدات نوبة الانا :​

انا ملاك الرحمة

انا الاميرة

انا العاقلة

انا الناس كل خطبوني و ماحبيتش

// اي وكانها تسنى فيك بالعربية يا ايها لفارس المغوار!!! //​

وتليها نوبةال jamais​

جامي شتيت

جامي مشيت

جامي هدرت مع راجل

اك نت الاول ماعرف كفاه

​

ههههههههه وانا علامات الدهشة المتتالية ترتسم على وجهي السعيداخرسي ا طفلة اني نعرفك

احبسي الفستي مش حلو عشان اعصاب دماغك يتحرقو

منير و سليم و حاتم بلاك انا اللي كنت معاهم ؟؟
ولا تقصدي هو الاول بعد ال 100

​

ودهشتي من غباء الطفل اكبر على فكرة كي يقلها هيه اكي باينة على بيها جيتك ههههههههههه

​

وش اللي باينة وهي من شوي قاتلك جامي نهدر مع الرجالة يعني بهدرتها معاك راهي تقصد حاجة من الزوج:
1/ انت ماكش راجل //:
باعتبارها هدرت معاك طبعا وهادا يخالف عادتها النبيلة المتعودة عليها دايما متعووودة داااايما

واللي عينها فالاول تخليه الاول لباب دارهم​

2/ يا عندها ثقة عمياء في غبائك
هههههه وفي كونك مخلوق يجرح من تخلص له كعمياء ويخلص لمن تخونه بذكاء

​

باعتباري كنت في مهمة قومية كملت التلصص مي مانكمملش القصة وجعني راسي ​

درت قتلهم اكم قتلتوني بالضحك و نزلت من البيس
مليح اللي مالحقنيش عطاني كش كف خاطر كان في نوبة حمق هههه

راح نسالكم سؤالين:​

1/ وعلاه يا البنات كامل ملايكة ؟؟
يا شيخة!! الي يحبك يحب زي مانتي بكل غلطاتك و بكل تفاصيل حياتك ولاّ يروح للجحيم !!
علاه تنوضي تحكيلو في قصة اخرى عنوانها انا مريم العذراء​

2/حابة نعرف برك كفاه الرجال يصدقو وحدة عندها 24 و25 سنة كي تقلهم جامي

​

يا شيخ اتلهي !! هادي كانت عايشة مع اهل الكهف ؟؟
ماشافت ماحست ماتنيلت على قلبها طول عمرها ؟؟!! meme ماديرش علاقة يكونو عندها احاسيس / حاشا الاقلية القليلة جدا /​

وكيفاه يقدر يخلي اللي يعرف ماضيها ويروح للي مايعرف شي عن ماضيها ونهار طول وهي جامي جامي سماتهم الست احلام البقرات الفاضلات الماجدات
مليحتلكم غير هاك

​

ايا سلامو​

 

[NICHA03]

هههههه سلام رمرومة راكي لاباس سقتي لبنات كيفاش يديروا رياتهم و مبعد يبقااو فالكذوبات انا جتمسي مشيت انا جامي شتيت pfffffffffffff يعني كون ماجاتش عيب الواحد يكشفهم على حقيقتهم ........بايو

 

[الخيزران]

جامي جامي جامي ننسى عمري جامي لهبال ويا لهبال

 

[معاك يا الخضراء]

هههههه سلام رمرومة راكي لاباس سقتي لبنات كيفاش يديروا رياتهم و مبعد يبقااو فالكذوبات انا جتمسي مشيت انا جامي شتيت pfffffffffffff يعني كون ماجاتش عيب الواحد يكشفهم على حقيقتهم ........بايو

و عليكمو حبيبتي الحمد لله ...
هههههههه رايهم و سكتي ؟؟؟ ياو رايهم و راي جيرانهم :santa_1:ههههههه والله كيما قلتي
الطفل هادا بانلي شوي بهلول
قلت ايا وش دخلني
في بعضاه و بعضاها هههههه

الى اللقاءو نورتيني بالمرور :shay:
​

 

[معاك يا الخضراء]

جامي جامي جامي ننسى عمري جامي لهبال ويا لهبال

هههههه هادي غنية 05 :sheer: :sheer:
يسلمو ايدكي
​

 

[nina bonoise]

هههههههههه
موضوع ياسر خلاه
لي ضحكتني كي قلتيلهم راكم قتلتوني بالضحك
منكذبش عليك
مي كاينة منها
​

 

[ghali17]

عشق ف bus عشق

 

[Moha le sage]

خير و عافية و شوي ريح شهيلي ...


بانلي موضوع تاع صيف هههههههه

الماضي و المضارع ..... و المستقبل في العلاقات اللي بلا مستقبل


موضوع فيه كلام يطول و نا مش قاعد ...

ربي يصلح الامور .......


بلاك نوليلك ارمرم ..احكميلي بلاصة تاع ضل ههههههههه

​

 

[Jagwar]

معاك يا الخضرا ديرى حالة بالتقرعيج :shiny:
صار انتى قرعاجة من الكبار :scared:

زعما كاين ناس كيما لى حكيتى عليهم صح :scared:
و الله تقول علينا فى زمن عبلة و عنتر
البنت راها ملاك و الراجل صدق بلى هو فارس الاحلام :no_1:
ياخى حالة مزرية ياخى :surrender:

هيا بركاي من التقرعيج على لى كوبل يا ريمة
و راس جدى بوعيشة غير نحصلك عند اسراء
ديجا راها متحلفة فيك قاتلى الطفلة هاذيك نساتنى ضربة وحدة :tears:

تشاو تشاو يا بنت الاوراس :re_gards:



​

 

[AWDIESL]

/حابة نعرف برك كفاه الرجال يصدقو وحدة عندها 24 و25 سنة كي تقلهم جامي

ya okhti maysadkoch besah tbal3it

howa fi kalbo raho ykol "m3a man tahti"yaw howa pir 3liha hhh yal3abha bark .....mi kayan chwia nwaya yamno

o hette rajal ykol jamais "jamais 3ajbatni wahda kima nti o jamais habit o jamais......o hadak lkhorti dyalhom


merci
sujet hayal

 

[Moha le sage]

بلاصة تاع ظل .. تاع المتحدث

ههههههههههه




​

 

[hannsg]

نورمال كاين لي تلقايها صح في عمرها 30 سنة و جامي

 

[معاك يا الخضراء]

هههههههههه
موضوع ياسر خلاه
لي ضحكتني كي قلتيلهم راكم قتلتوني بالضحك
منكذبش عليك
مي كاينة منها
​

ههههههههههههه قلبي تعمر والله
او حتى كان حب ينوض يصرعني بكش كف ماتخليهش الانوشة خاطر تعرفني ههههههه
ربي يعدل تفكيرهم + يديرو شوي كرامة لرواحهم
:re_gards:
شكرا لينا
​

 

[معاك يا الخضراء]

عشق ف bus عشق

هههههههههه سلكلها التيكي تعبيرا على مشاعره:sheer::sheer:
​

 

[معاك يا الخضراء]

خير و عافية و شوي ريح شهيلي ...


بانلي موضوع تاع صيف هههههههه

الماضي و المضارع ..... و المستقبل في العلاقات اللي بلا مستقبل


موضوع فيه كلام يطول و نا مش قاعد ...

ربي يصلح الامور .......


بلاك نوليلك ارمرم ..احكميلي بلاصة تاع ضل ههههههههه

​

صحيتش ا خويا صحيتش :shiny:
ههههههههه راك جبتها سوا سوا :sheer: يسلمو ايديك
صدر البيت الك و العتبة النا كيما يقولو السوارة
مرحبا في كل وقت
منور :showoff:
​

 

[معاك يا الخضراء]

معاك يا الخضرا ديرى حالة بالتقرعيج :shiny:
صار انتى قرعاجة من الكبار :scared:

ههههههههههه حاجة ماتفوتني يا السي اسامة :santa_1:
هو لابس كلاكيت النيلو يكركر فيها
وهي لابسة واحد اللقطة هاك مافهمتش كفاه لبستها
و هو عينيه خوضر ههههه
هادا كل من تحت النظارات الشمسية ماشفتش مليح :sheer:

زعما كاين ناس كيما لى حكيتى عليهم صح :scared:
و الله تقول علينا فى زمن عبلة و عنتر

والله يا اسوم هادا اللي حصل
ومش غير الطفلة هادي
راهم 20 مليون طفلة جزايرية هادي هي هدرتهم :showoff:

البنت راها ملاك و الراجل صدق بلى هو فارس الاحلام :no_1:
ياخى حالة مزرية ياخى :surrender:

مصدق حالو مسكين :shiny:
هيا بركاي من التقرعيج على لى كوبل يا ريمة
و راس جدى بوعيشة غير نحصلك عند اسراء
ديجا راها متحلفة فيك قاتلى الطفلة هاذيك نساتنى ضربة وحدة :tears:

اوهوه ؟؟
قلها قاتلك ريمة هاديك الكلمة اللي مالفة نقولهالها وتنوض تضحك فالطريق
نعيطلها ماتهزش
:santa_1:
ابان مانزيدش نعيط:santa_1:

تشاو تشاو يا بنت الاوراس :re_gards:



​

تشااااو تشااااااااااو ا ميسي بوبمة
الاسم القديم خير :schmoll:

:sheer:
​

 

[{مُدَلَّلَتُهُ}]

هههههههههههههههههههه الموضوع دا ما حصلشييييييي ههههههههه ربي يحفظك موضوعك فور

لعبتهاله ملاك طاهر كي سمعت كلمة راني ناويك للحلال لول و هو مأمن الفيلم مسكيييييين ( في الحق هو تاني يكدب شكون الي راه يحوس على عروسة في el bus علاه النسا قلو عليه برا ؟ ههه )

الله يهدي ما خلق


سلاااام

 

[معاك يا الخضراء]

/حابة نعرف برك كفاه الرجال يصدقو وحدة عندها 24 و25 سنة كي تقلهم جامي

ya okhti maysadkoch besah tbal3it

howa fi kalbo raho ykol "m3a man tahti"yaw howa pir 3liha hhh yal3abha bark .....mi kayan chwia nwaya yamno

o hette rajal ykol jamais "jamais 3ajbatni wahda kima nti o jamais habit o jamais......o hadak lkhorti dyalhom


merci
sujet hayal

هههههههههههههههه صح هادي تاني كاينة
هو بلاعطي و هي كيفو
و جرة لقت غطاها
او كل واحد يعطيه ربي على قد نيتو

شكرااا عالمرور
تسلمي :re_gards:
​

 

[نسيم الربيع]

ياو مام هو ماهوش مأمنها يمشيلها فالخط برك باه تكمل تتحشالها ملييح
كيما قلتي انا نحير فاللي يأمن وحده تاع 24 وتقولو جامي عرفت
ونحير فيها هي كي تحشيلو هكا زعما قبالها راح يأمنها
مارسي عليك​

 

[معاك يا الخضراء]

بلاصة تاع ظل .. تاع المتحدث

ههههههههههه




​