السلام عليكم
اريد طرح مشكلتي او بالاحرى ما يشغل فكري ارجو النصح والارشاد نصائحكم تهمني ووجهات نظركم تزيدني شرفا وقوة
دون اطالة انا فتاة في مقتبل العمر 20سنة
كنت مريضة واحد الخطرة ورحت للصيدلي باه نشري الدوا هداك الصيدلي قريب من دارنا شريت الدوا ومبعد اعطاني رقم الهاتف وقالي ادا كاش ماكاين عيطيلي شربت الدوا وبريت عيتلو وشكرتو
بقا عندو الرقم تاعي واحد النهار بعتلي مساج يدعيلي فيه ربي
عاودت شكرتو ومبعد بدا كل يوم يبعتلي واحد صباح الخير مساء الخير ومبعد واحد النهار عيطلي قتلو بلي وين راك حاب توصل قالي سقسيت عليك عرفتك كيفاه دايرة المهم انا راني ناوي الحلال
قالي انت باقيلك عام وتكملي هديك هي انا نجي نخطبك قتلو انا صحا بدا يعيطلي خطرة فالشهر ويبعتلي مساج كل يوم قدام ربي عمرو ما خصر معايا فالهدرة اصلا ما يطولش معايا انا عندي موبيليس وهو عندو الجازي المهم فاتو اليامات ومضات على هدا الشيء تقريبا عام انا عمري ماتلاقيت بيه ماعدا هديك المرة راني عارفة انا كون نشوفو مانعرفوش وعندوواحد الشهر قطع عليا لمساج ومايردش عليا قتلو ادا بانتك كاش واحدة قولي اصلا ماعندي حتى مشاعر من جيهتك
قتلو بصح هدا ما يعنيش انو كاين واحد في حياتي قالي علابالي قتلو وين علابالك قالي نعرفك خير من روحك كي قتلو تبدلت ماكش كيما كنت قالي الله غالب الخدمة وماعنديش الوقت
حكيت لماما الحكاية قاتلي بلي راه شاد بيك يدو وادا بانتلو كاش واحد انت نورمال يخليك كيما صباح الخير صاحبتي قاتلي ابعتيلو مساج وقوليلو تهلا في روحك وبدلي رقمك وادا بعينو فيك يجي لداركم راه يعرفها انا قلتلها والله مايجي عمرو ما قالي نبغيك يقولي نتمنى تكوني ام ولادي ويشرفني باه تكوني زوجتي
انا راهي غايضتني عمري رغم تقريبا تقولوا ماكان بيناتنا والو بصح جامي خدعتو ولا فكرت باه نخدعو وهو تبدل ماعلاباليش شاندير وشا نقولو راني حاسة بلي جرحني بلا ما يحس
قولولي نتوما كيفاش ندير وواش نقولولي وكيفاش نتصرف
اريد طرح مشكلتي او بالاحرى ما يشغل فكري ارجو النصح والارشاد نصائحكم تهمني ووجهات نظركم تزيدني شرفا وقوة
دون اطالة انا فتاة في مقتبل العمر 20سنة
كنت مريضة واحد الخطرة ورحت للصيدلي باه نشري الدوا هداك الصيدلي قريب من دارنا شريت الدوا ومبعد اعطاني رقم الهاتف وقالي ادا كاش ماكاين عيطيلي شربت الدوا وبريت عيتلو وشكرتو
بقا عندو الرقم تاعي واحد النهار بعتلي مساج يدعيلي فيه ربي
عاودت شكرتو ومبعد بدا كل يوم يبعتلي واحد صباح الخير مساء الخير ومبعد واحد النهار عيطلي قتلو بلي وين راك حاب توصل قالي سقسيت عليك عرفتك كيفاه دايرة المهم انا راني ناوي الحلال
قالي انت باقيلك عام وتكملي هديك هي انا نجي نخطبك قتلو انا صحا بدا يعيطلي خطرة فالشهر ويبعتلي مساج كل يوم قدام ربي عمرو ما خصر معايا فالهدرة اصلا ما يطولش معايا انا عندي موبيليس وهو عندو الجازي المهم فاتو اليامات ومضات على هدا الشيء تقريبا عام انا عمري ماتلاقيت بيه ماعدا هديك المرة راني عارفة انا كون نشوفو مانعرفوش وعندوواحد الشهر قطع عليا لمساج ومايردش عليا قتلو ادا بانتك كاش واحدة قولي اصلا ماعندي حتى مشاعر من جيهتك
قتلو بصح هدا ما يعنيش انو كاين واحد في حياتي قالي علابالي قتلو وين علابالك قالي نعرفك خير من روحك كي قتلو تبدلت ماكش كيما كنت قالي الله غالب الخدمة وماعنديش الوقت
حكيت لماما الحكاية قاتلي بلي راه شاد بيك يدو وادا بانتلو كاش واحد انت نورمال يخليك كيما صباح الخير صاحبتي قاتلي ابعتيلو مساج وقوليلو تهلا في روحك وبدلي رقمك وادا بعينو فيك يجي لداركم راه يعرفها انا قلتلها والله مايجي عمرو ما قالي نبغيك يقولي نتمنى تكوني ام ولادي ويشرفني باه تكوني زوجتي
انا راهي غايضتني عمري رغم تقريبا تقولوا ماكان بيناتنا والو بصح جامي خدعتو ولا فكرت باه نخدعو وهو تبدل ماعلاباليش شاندير وشا نقولو راني حاسة بلي جرحني بلا ما يحس
قولولي نتوما كيفاش ندير وواش نقولولي وكيفاش نتصرف
