شكون المذنب ممكن تفهموني ؟

و

وصال

:: عضو مُتميز ::
أحباب اللمة
السلام عليكم اهلي واحبابي

والله هذا الموضوع هدروا فيه بزاف ولى حاجة عادية خاصة وانوا في بلادنا كيما كامل تعرفوا التقليد الاعمى والاخذ بالاخضر واليابس اليوم قعدت مع راسي نخمم قلت يا سبحان الله بكري كيفاش كانوا عايشين البنت متخرج مالدار ما والو والولد حدوا حد حومتوا والبابات كلمتوا مالفوق متتعفسش :santa_1::santa_1::santa_1:
والله اليوم زمان عجب
كانت ماني تقولي نتاع بكري فيهم النية وربي ساترهم ودوقة لعباد ولاو ميحشموش حاشة البعض كيتخرج للزنقة والله يحبس مخك ولد لابس لبسة معلاقاش بالحياء ويعجبك يحكي في بنات الناس وكأنوا القران نزل غير على البنت والبنت يا حبيبي لبسة بدون تعليق انديغي راهي فالمريكان ولا في المريخ وكيتحكي معاها تقولك الموضا راهي تقول هكذا بصح حاجة واحدة برك قبل منحاسبها انا ولا انت ولا انت منعندمن خرجت ؟ هذا لي راه محيرني كيفاش تسمحلها ماماها تخرج بهذيك الصفة وين راه الحكيم والله دخت وانتومة مدختوش معايا واش رايكم شكون الغالط هي لي مسترتش روحها ولا والديها لي فتحولها وفتحولوا لبيبان وقالوا هيم في الزنق والله عيب كبير واش ال ليه مجتمعاتنا حنا مسلمين حنا ونقولوها ومنحشموش على عرضنا وين راه الاسلام وين رانا احنا وخلي وخلي يا الله قولولي شكون الغالط.
وصــــــــــــــــــــــــــــــــــــال - منتدى اللمة - اليكم الخط :sadwalk::sadwalk:
 
وزيد والله ما خلاونا طرنكيل البودي والسروال سيري والخمار يواتيها مي نقلك هي راهي مراهقة الوالدين هما المسؤولين
 
قالك هذا الشبل من ذاك الاسد

تلقاي مها من جيل السبعينات والستينات

وهذاك الجيل علابالكم كيف كان

شوي مسرح​
 
ربي يهدي مرسيييييييييييييييييييييييي
 
الغلطة غلطة الوالدين الي كان لازم يربيوها و يعلموها بواش لازم و بواش مالازمش
و الله يهدي المجتمع الجزائري و الجميييع
و شكرا جزيلا
 
قال الأميرة سالي:
الغلطة غلطة الوالدين الي كان لازم يربيوها و يعلموها بواش لازم و بواش مالازمش
و الله يهدي المجتمع الجزائري و الجميييع
و شكرا جزيلا
إضغط للتوسيع...

عندك الحق االمشكل في لولدين راه كاين الي تكون بنتها عنده17 وتحسبها صغيرة وتلبسها ......... وتخليها تخرج ودير فيبالها بلي بنتها مزال متعرف والو وطفلة مذابيها والله يشباب الجزاري ميظلم بلعكس كي شوف طفلة محترم روح ومهبط راسها مستحيل يخرب فيها ول يهدر عليها
 
ايه عندك الحق
مادامك مكيش عاشرة معاهم متعرفيش الغلطة منين بلاك الوالدين راهم ينصحو فيها وهيا ضاربتها باثقيل
ومشي غير من الوالدين راهي كبيرة الله يبارك
ها وكيولاو دايرينلهم المسلسلات التركية بسيف لازم تعاند تقلك باه نبان شابة كيما هذيك
واللبسة مشي هي الي تعكس كل شيئ بلاك مرهيش على قناعة بيه
بصح القناعة متنفعش هذي سترة
ايه وثاني المتربي من عند ربي
والله اعلم تحياتي​
 
كيما راهم يقولو الغلطة غلطة الوالدين بصح نقلك الصح دركا راهم هوما يغلبوا والديهم هدا من جهة من جهة أخرى كاين لي معندهمش ماليهم خلاص وهوما ماشاء الله عليهم.

دركا ساديبو كل واحد وكيفاش يخاف من ربي هدا مكان

شكرا على الموضوع و ربي يهدينا أجمعين ان شاء الله
 
نسال الله العافية
​
 
صح الوالدين عندهم دور بصح بانتلي لمربي من عند ربي

كاين ليتلقى والديه ماشاء الله وهو مش مربي
 
والله نقولك حاجة واحد فينا مراه فاهم
اان مذنبة ولا انت ولاهو ولاهي وال هما ولا..........
الله يهدينا وبرك
تسلم
 
أنا بابا و ماما متشوفوش حتى نهار العرس و شكراا على الموضوع.
 
كل وقت كيفاه
وكل واحد مسؤول عن نفسه

ظهرت الناس الكل خاطيها

عموما

مشكورة​
 
[/center]التربية في الصغر كالنقش على الحجر والتربية في الكبر كالنقش على الماء [/center]
 
قاع رانا دايخين اختي وصال​

هي سيفري اللافوت فالبنت ولا فالولد​

مي المشكلة الاساسية راهي فالوالدين ، و حاشا بعض الوالدين ​

باسكو ديفوا تبقاي مخلوعة ، كيفاش واحد يحل العين لولاده قاع كيما هاك و يخليهم على هواهم​

و مين تصرا حاجة ولا حاجة ، يقعدوا يندبوا في وجوههم و يقولوا تطفرت​

و كيما قالت جداتك يا حصرا على زمان بكري ، مابقاش​

مرسي اختي على الموضوع القيمــ​

سلـــــآآمـــــــ​
 
كثر التحلاب
​
 
الكل مسؤوووول.
أنا وأنت وهو
نحن وأنتم وهم
​
 
نقولوا ربي يهدي
 
شوفي ختي هادي راهي بارتو وقليل لي مازالو يحكمو فيهم والديهم

الحمد لله والدينا ربونا تربية كامل الناس يقولوها لبابا ماشاء الله على تربية بناتك والحمد

لله ربي يشهد على هدرتي

وهادي سراويل مزيرين وبوديات المزيرة قاع ما يدخلوش للدار كسوتنا محترمة والحمد

لله وبارادتنا حنا لبنات مشي فرض من والدينا

وحد الظاهرة هادي صارية بزاف وحد الرجال كانو يحكمو في خواتاتهم ما ديريش هاك

وما تلبسيش هاك وما تخرجي ما تدخلي ونهار لي هوما تزوجو وجابو لبنات والله وهادي

شايفتها بعيني بناتهم يديرو كيما يبغو كسوة و خرجات بلا حدود والله العظيم يا والديهم

ما يتكلمو وخصوصا لي كان حاكم في خته بكري

دير بنته كيما تبغي وما يقولها والو

شا نحكي ولا نخلي يا ختي

ربي يهدي ما خلق

الله يسترها علينا وعلى والدينا في الدنيا والاخرة

اللهم امين

موضوعك عجبني بزاف لانه يعالج قضية من قضايا المجتمع والوقت لي رانا فيه

ربي يبارك فيك :shay:

​
 
allah yahdihom
 
العودة
Top Bottom