مساااعدة عاجلة من فضلكم

[fifi18]

السلام عليكم
تحصلت على بكالوريا 2011 علوم تجريبية بتقدير مقبول
ما رأيكم في التخصصات التالية
هندسة معمارية وعمران
هندسة كهربائية واعلام الي صناعي
هندسة ميكانيكية والانتاجية
هندسة صناعية وصيانة
خايفة نحطهم في بطاقة الرغبات يديروني فيهم وانا لازم نعمر بيهم
ما رايكم في هذه التخصصات؟

 

[الخجولة]

انا اسف يا خيتو حتى انا راني عاد مشوشة في الاختيارا
انشاء الله ربي ينورنا دربنا

 

[fifi18]

اللهم امين ومرسي بزاف على الرد

 

[fifi18]

ربي يعيشكم ساعدوني

 

[mister lonely]

انا يا ختي جبت الباك بتقدير مقبول كيما نتيا ورايح نحط هذو اللي ذكرتيهم مع الاوائل في بطاقة الرغبات .​

 

[mir@cle]

هذه التخصصات جيدة لكن في العادة لاتجذب سوى الذكور
أضن أحسنهم بالنسبة إليك هو هندسة معمارية وعمران
​

 

[N@riM@N]

انا تاني رايحه ندير هندسه معماريه
راهم يقولو صعيبه بــــــزاف
والله ماعلابالي مخلطه عليا قاع
​

 

[Hector03]

الهندسة المعمارية صعيبة و تطلب مصاريف بزاااف
الم يعطوكي اختيارات اخرى ؟
​

 

[fifi18]

ايه عطاوني اختيارات اخرى بصح حبيت نختار من بين هاذو لي قلتلكم عليهم

 

[BASILIC]

ختيتي
انا نموت على الهندسة المعمارية بزاف هايلة
كي تقراي 5 سنين و دزيدي 2 وحدوخرين تولي بدبلوم وين تروحي يقبلوك و مام تقدري تقري ف جامعة انا مخيرتهاش خاطر اعطاوهلي ف ولاية بعيدة ومام لوكان يحب ربي نعاود باك و نديرها تخصص روعة و يعتمد على خيال وهاد من وجهة نظري و بتوفيق

 

[BASILIC]

ويدة راكي على صعيبة كل حاجة صعيبة مكاش حاجة ساهلة وانا الان خيرت مدرسة العليا للتكنلوجيا وربي يوفق

 

[fifi18]

ان شاء الله

 

[اللؤلؤة المصونة]

خيتي انا جبت تقدير جيد تالمو تخلطتلي


درت انجليزية علاش باسكو دزاير كامله حابة تولي طبيبة وصيدلة ومانعرف و لمرا خيرلها لغات ...؛}


ههههههههههه


والله صلي صلاة الاستخارة وشوفي انتي واش تميلي وربي يسهل عليك وعلينا ويوفقنااااااااااااااااا الكل...}؛​

 

[Moussaoui]

السلام عليكم
تحصلت على بكالوريا 2011 علوم تجريبية بتقدير مقبول
ما رأيكم في التخصصات التالية
هندسة معمارية وعمران
هندسة كهربائية واعلام الي صناعي
هندسة ميكانيكية والانتاجية
هندسة صناعية وصيانة
خايفة نحطهم في بطاقة الرغبات يديروني فيهم وانا لازم نعمر بيهم
ما رايكم في هذه التخصصات؟

مــــاهو معدلكي المحصل عليه في الباكلوريا وإي إختصاص الذي تحبينه

 

[Iman89]

للغلق...انتهت فترة التسجيلات الأولية