متطلبات الشبه طبي ارجوكم

[**..fati..**]

السلام عليكم

اردت المساعدة لكل من له معلومات عن كيفية الالتحاق بالشبه طبي وكيف هي اجواء الدراسة و في المستقبل ما مصير الطالب ارجوكم

والله يجازي الجميع
​

 

[الفارسة الشجاعة]

السلام عليكم
كيفية الالتحاق بالشبه الطبي:
لازم عليك تسجل في المدرسة القريبة لولايتك و الوثائق اللازمة هي:
- طلب خطي للمشاركة
- نسخة طبق الاصل لشهادة البكالوريا
- نسخة طبق الاصل لكشف النقاط
- شهادة ميلاد 12
- شهادتان طبيتان (طب عام ، امراض صدرية)
- شهادة الجنسية
- شهادة السوابق العدلية

أجواء الدراسة: تقراي 3 سنين
وفي المستقبل العمل مضمون
وأي استفسار راني هنا

 

[نجمة رجاص]

je croit classement avec le moyenne *
*dans notre region les question sont a propos votre aidee soulement
bon courage
paramidicale est bon

 

[قمر ال14]

شوفي حنونة الدخول للشبه طبي لازملك كونكور وهاد الكنكور مجرد اسئلة تافهة ماعندها حتى علاقة بلقراية انت وزهرك باش تربحي ولاكانش عرف العمل انتاعك مضمون هو تخصص مليح اجواء الدراسة تقراي نورمال الاختبارات نورمال بصح فيها تزيار مكانش الحرية كي الجامعة تخرجي وتدخلي كيما تحبي وكل ولاية وكيفاه انا نقرا في ولاية سعيدة لكن مانيش من تم والله خترات نحس بلي راني في حبس وسيرتو معاملة نائبة المديرة لينا يظلموك وماتنجميش تردي خاترش الا رديتي قد تعرضين للطرد ويروحلك الديبلوم وشهادة الباك ماعلينا غي نصبروا خاترش الخدمة انتاعها مضموووووووونة هدا الشيء الي راه مصبرنا

 

[fatima-31]

اختي اسكو اهم يدفعو في الملف ولا مازال في بلعباس ما بان والوووووووووو

 

[قمر ال14]

اختي اسكو اهم يدفعو في الملف ولا مازال في بلعباس ما بان والوووووووووو

على حساب ماشفت الافيشاج نورمالمو راهم يدفعوا

 

[lyrics]

من فضلكم قولولي هل لازم باك 2011 للالتحاق ام نقدروا نلتحقوا بباك قديم مثلا 2009 او غيره؟؟؟

 

[الفارسة الشجاعة]

نعم نقدري تدخلي بالباك تاعك

 

[lyrics]

نعم نقدري تدخلي بالباك تاعك

شكرا لك اختي على الاجابة لانه صراحة على حساب ماراني نشوف راني رايحة نضيع 5سنين من عمري على جال الفرماسي تع الهم ...

من فضلك اختي زيدي قوليلي مثلا في الجامعة باه تعاودي تقراي بالباك تاعك لازم على الاقل 5 سنين بين التخصص الأول والثاني ؟ هل الامر سيان بالنسبة للشبه طبي ولا نخرج من نقدر نقرا من ؟؟؟

 

[*RAHMA]

بصح ماشي ولات القراية خمس سنين و الله اعلم

 

[Łøst Fłôwęr]

لقراية راهي رجعت بالاك 4 سنين وفي ولاية سطيف عيطتلهم قالولي مازال مابان والو على الدوسيات
وهذا هو النيميرو تاعهم

036910006

ادعولي تكملي انا تاني​

 

[قمر ال14]

من فضلك اختي زيدي قوليلي مثلا في الجامعة باه تعاودي تقراي بالباك تاعك لازم على الاقل 5 سنين بين التخصص الأول والثاني ؟ هل الامر سيان بالنسبة للشبه طبي ولا نخرج من نقدر نقرا من ؟؟؟[/quote]

حنونة الباك الي تقري بيه في البارامديكال ماتزيديش تقري بيه حتى ولو فكرتي انك تبطلي الشبه طبي وترجعي للجامعة بنفس الباك ماتقدريش

 

[الفارسة الشجاعة]

من فضلك اختي زيدي قوليلي مثلا في الجامعة باه تعاودي تقراي بالباك تاعك لازم على الاقل 5 سنين بين التخصص الأول والثاني ؟ هل الامر سيان بالنسبة للشبه طبي ولا نخرج من نقدر نقرا من ؟؟؟

حنونة الباك الي تقري بيه في البارامديكال ماتزيديش تقري بيه حتى ولو فكرتي انك تبطلي الشبه طبي وترجعي للجامعة بنفس الباك ماتقدريش[/quote]

لالا نورمالمو تقدري تقراي في الجامعة أخرى مي الاختيارات تاع العام لي جبتي فيه الباك ماشي تاع هذا العام و الشبه الطبي ماظنيتش تكملي تقراي ونتي زيدي سقسي روحي الجامعة و سقسي هما يمدولك الصح
صح صحورك