مساعدة في تخصص

[ملاك القلب]

السلام عليكم

كيفكم وكيف احوالكم ان شاء الله تكونوا ملاح

حبيت نسقسيكم يا خاوتي انا حبيت ندير المدرسة الوطنية المتعددة العلوم للهندسة المعمارية والعمران واش رايكم في هذا التخصص و بالنسبة للمرأة و الخدمة في المستقبل راني حايرة بزاف كاين لي راه معايا وكاين لي راه ضدي.
راني نستنى في جوابكم على احر من الجمر.​

 

[samou.dz]

انا تاني راني كيفك حابة ندير هاد التخصص مي راهم يقولولي بلي تاع الرجال ومايصلحش لينا
عاونونا الله يخليكم

 

[ام اشرف]

bon choiiix ana nagra architecture w maint makach nessa w l rjèèèèl
diriha w tekliii ala rabiiii^^

 

[jiji17]

وييييي هاد التخصص تاع الرجال أنا تاني عطاوهولي مي منيش حنديرو ..... عمبالك لازم الدبري المشاريع وكي أدبري المشاريع لازم تحكمي الشونطي وأنتي تقدري تحكمي الشونطي وتوقفي وتشرفي على المشروع حتان يتبناااااا صعيبة في بالادنا هادي هادا رايي ومنعرف !!! :heh:

 

[sami 24]

ألسلام عليكم اختي نورمال هذا الاختيار مليح راني نشوف كاين بنات يقرو أرشي نورمال مافيها عيب لا رجال و لانساء كل شيئ عادي اختيار مليح الدراسة تطلب المال بزاف

 

[houhou_islam]

اسوأ شيء في اختيار التخصص أنك تقولي
كاين لي راه معايا وكاين لي راه ضدي.
لأنك في الأخير أنت وحـــــــــــــــــدك المسؤولة عن اختيارك وهذا يشمل

سنوات الدراسة ..المهنة ...المستقبل

 

[mir@cle]

أنا شايف هذي المدرسة ونعرفها جيدا...هي مدرسة رائعةـ وفيها عنصر الإناث حاضر بقوة، لكن عليك الاجتهاد كثيرا فيها لأن مستواها أعلى من أي مكان آخر في هذا المجال.
​

 

[ملاك القلب]

انا ما رانيش حابة نندم عليها حابة نديرها وخايفة