حاباتكم تعاونوني بلييييييز

[nally]

السلام يا صحاب اللمة كامل
PFFFFFFFFFF الحمد لله كي سجلت كنت راح نهبل و ديجا انا هبلت سايي :shiny: اهيه المهم راكم ولاد ناس و تحبو تعاونو خاواتكم وممكن كي قريتو العنوان جيتو تجرو باه تعاونوني


انا راني حايرة في روحي بزااف:sadwalk: و انا يا سيدي صح كبيرة و نعرف صلاحي مي معلاباليش واش جرالي

المهم طولت عليكم بزاف دك نقلكم واش بيا انا تعرفت على واحد نعرفوه من لافامي مالا تعرفت عليه في سكايب وبديت نحكي معاه و من بعد في الفايس بوك جا نهار خرجت معاه و كان كلش نورمال جا نهار وحدو وحدو قالي راح نخطيك انا:scared:ااااااو قلت واش بيه هذا ... المهم خطينا بعضانا و سايي :sad: قعد 3 شهور بعثلي dmnd في فايس بوك حكيت معاه و فهمني علاه خطاني وكلش ودرك راه حاب يرجع كيما قبل راكم عارفين ..... و ياك الطفلة تحكي لامها كلش و كي قتلو بلي راح نقول لماما قالي هو لالالالالا ماتقوليلهاش مي انا نعرف ماما مليح عدها كلش نورمال و انا راني حابة نقولها باه نتهنى
وانتم واش رايكم ؟


سامحوني باينة تولت عليكم

 

[tear of angel]

ياو قوليلها وتشوفيش لرايو
لانو كون جاء عندو راي مايروح ويخليك ويعاود يرجع
ومع ك احتراماتى ليك وليه
مى يبانلى راه يقصر
سلام يالحبيبة

 

[حورية الجزائر]

حاجية باينة قولي لأمك هي تعرف صلاحك خير منك

وزيد مكانش وحد فالدنيا يبغيلك صلاحك كيما والديك

نصيحة اخت
​

 

[نقطة حبر]

بلامزية متسقسيهش اصلا
قوليلها وربي كبير واذا كان حاب يجيب بيك الوقت راه يجبد روحو كي العادة
تقبلي مروري

 

[رحمتك يا ربي]

قولي ليماك اختي ومادري فيه ثقة الي خلاك مرة يخليك مليون مرة

 

[بقايا إنسان]

القصة مبهمة شوي اختي الكريمة ومن طرف واحد فما هو السبب الي خلاه يروح وما هوي السبب الي خلاه يرجع؟؟؟؟؟؟؟؟؟؟؟؟؟؟؟؟
في رايي كل ما بني على باط فهو باطل وفهمك كفاية

 

[نسيم الربيع]

وفي رايك نتي علاه ماحبش يماك تعرف
انا نعرف اللي ناوي لحلال هو يقولك احكي ليماك كاشما تعاوننا باه نفتحو الموضوع
غير اذا كان يتمسخر
صح ان بعض الظن اثم بصح ديريها فبالك
وانا ننصحك خطاك منو كون جا يحبك ميقدرش يخليك
واللي حاب علاقتكم تبقى فالسر غير خطاك منو
بالتوفيق.......​

 

[hasna.m]

نظن مازلتى صغيرة اختى .. وماعندكش خبرة كبيرة فالحياة هادى
مالا ننصحك اخطيك من العلاقات واللى حبك يطلبك من والديك ...
تقبلى مرورى رانى درتك اختى ومادبيا ماتواجهي حتى مشكل
​

 

[Jeune Sghir Mc]

هذا لوكان جات نيتو صافية معاك
مايقولكش لالالالالا ماتقوليش ليماك
احرزي رووحك
​

 

[فــلة]

يا اختي واش بيك ؟ علاش تخرجي معاه ؟
ماشو كل واحد قال نخطب راه يجي يخطب ديري في بالك كاين ناس راحو لناس ومدو كلمة وفي الاخير ماقدموش لخاطر كاين الي يحب يجيب وقت برك واكيد اهل الطفلة ماهمش حيقولولو واش بيك ماقدمتش ومايحاسبوهش
ماتزيديش تخرجي معاه نصيحة من عندي و تاني مواقع الدردشة هذي اخطيك منها لخاطر ماراح تستفيدي والو راكي تضري غير روحك مع ربي وتزيدي في ذنوبك
ديري حل لعمرك وخلاص ودجا عرفتو عقلية بعضاكم وخلاص واش يحوس كثر ؟ باغي حاجة اخرى يقدم و الا انتي الي تخسري

وديري حاجة في دماغك ربي كي يكتب حاجة تسرى غير هي حبيتي والا كرهتي
​

 

[fifi18]

اختي في بالي تقولي ليماك خاطرش هي لي تعرف مصلحتك اكتر منك وكتر منا حنا تاني وربي يوفقك

 

[المتفائلة_91]

كون جا ناوي الصح او قالك قولي حتى لباباك وخوك

والله اعلم

 

[mer10]

انا ختي ننصحك تصارحي ماماك بكل شجاعة تشوفي اذا ماتبدلتش نضرتك اليه وتعرفيه عللى حقيقتو اما اذا خضيتيلو الراي ما راحش ينفعك وتريحي معاه في المعاناة و العذاب و تبقاي غير في سمحلي و سمحيلي و التقمبير والتبلعيط وتخليها مع روحك راح تمرضي

 

[شهرزاد32]

خليك منه والي بغاك يجيك لدارك

 

[EL General]

نقولك الصراحة راحة

انا نشوف بلي هاد الإنسان ماهوش ناوي الخير خلالاص

لأنو بخصوص انك راح تخبري امك هو رفض هاد الأمر بما يعني لو تصرا حاجة في المستقبل

مايشكوش في حتى واحد لافامي تاعكم إلا أنت يوليو مايصدقوكش

و الله أعلم

مجرد رأي

سلام
​

 

[خولة93]

مازلتي ضغيرة غير خطيك هذي الطريق صعيبة
​

 

[nadimm]

راكي صدقتي الزواج تاع الفايس بوك والسكايب

الاغلبية كلاب شوارع يا اخت

ربي يهدي ما خلق