يقلك النســــاء هوما اللي يطمعو فالصوارد زعمة زعمة !!!! يا عيني عالرجولة كي رخست

[معاك يا الخضراء]

السلام عليكم و رحمة الله و بركاته
يه شو كانت زمان بامن انو الحب يصنع المعجزات​

حتى البارح تشوكيت

اسمعوا القصة........:
اتزوجو بعد قصة حب دامت 9 سنين ....كان عمرها 19 سنة كيما زوجت هههه

يعني بتحبو من و عمرها 10 سنين و هو 14 سنة

متسمين على بعضاهم كيما نقولو
سمحت في قرايتها كرمال تتزوجو..

عايشين في بيت العايلة و بسعادة
عندها غرفة واحدة وراضية بيها

ومعاها فالدار 8 عباد اخرين
و هادا راجلها ماكنش خدام ثابت يعني مرة على مرة برك و الحمد لله راضية و قانعة
و يلاّ باسم الحب نبلش !!!
بعد اربع شهر زواج ماحصلش حمل

راحت للطبيب و دارت تحاليل قالها نتي لاباس عليك المشكل في راجلك مستحيل يجيب ولاد

​

حكمتها في قلبها بينها بينو و 5 سنين و هي تقول انا اللي مانجيبش

كي بقينا وراها و نقولولها داوي و كلش راهو اطور وتقدري تحملي قالت بلي هو اللي مايجيبش وبلي راهو رافض العلاج

حلم كل امراة فالدنيا ... الامومة ..تبخر
و من حبها فيه رفضت الطلاق قطعيا و صبرت معاه ولا ناقشتو و لا فرضت عليه العلاج

مع انو والله لو كانت طلقت كانت تتخطب قبل ماتخلص عدتها !!!
مرا ماشالله عليها بكل معنى الكلمة ومواقفها دليل عليها

بعد 5 سنين
ولدت مرت سلفها و ماكنتش حابة المولود عرضو عليها تديه

طارت من الفرحة و داو البنوتة رباوها

​

و على قول الست احلام : يخون الرجل العشرة وتخلص المرأة لحيوان!!!

من يومين نحكيو معاها قالت راح نطلق راهو زوج علي

شهدي و استغفري يا مرا وش راكي تقولي ؟؟؟؟؟

قالت ايه اللي ضيعت عمري علاجالو –- زوج عليا

اللي رضيت نعيش بلا اولاد علا جالو --- زوج عليا

اللي حملت الذل على جالو – زوج عليا

اللي يقولي كلمة مايعاودهاش 2 مرات نفذهالو --- زوج عليا

بالعربية اللي عشت معاه 20 سنة زوج عليا

و السبب .........
قالها هادي اللي زوجتها عندها الصوارد و الطاكسي و فيلا والله نعيشو منغنغين

راهي مطلقة وعندها طفل :scared:راهي راح داويني باه نعود نولد .....

​

قاتلو وش من تعود تولد يا راجل ضرك؟؟ علاه كي كنت صغيرة ماداويتش روحك وخليتني بلا ولاد ؟

راني 40 سنة مانقدرش نولد
قالها مش راح نولد معاك ... معاها

وش ماشتيتيش يكون عندي طفل ؟؟؟

و اللي رباها 10 سنين ضرك قالها رديها لوالديها ولا طيشيها ولا ديريلها وش حبيتي :scared:

نتي راني مانسحمش فيك بيناتنا عشرة نحطك في بيت الطاعة و ديجا نتي زي و هي زي
:scared:
هي تشتي تحكم و تتصرف و ماكلتتها مش بنينة ......؟؟​

نتي الرسمي هي نجيب منها الصوارد برك!!!!!!!!!!!!!!!!!!​

راجل يطمع في صوارد مرا ويخون عشرة عمرو

هادي نهاية اللي صبرت معاه ؟؟؟؟؟؟؟

انا راني مشوكية علّقو ولا احرقو راوحكم
انا كون صراتلي راني هازة البلاكة هادي ​

وفالحبس نغني

​

 

[sahiko hamza]

اهلا بيك ريمة

يفرحني اول واحد يشوف موضوعك
حكاية من الواقع
والله رانا نشوفو بعينينا سيرتو الحالات كيما هك
الدنيا كيفاه تمشي
بكري وقت لمرض والجهل كانو النسا لي تحمل بالكرش كيما الفيران وذرك وقت العلم والنظافة والدوايات المواليد شبع منعدمة
والله دنيا تحير


صحيتي
حتى باه نمدلك تقييم ماقدرتش الله غالب قالك استنى 24 ساعة


سلام

بصح كون تصرى هاد لحكياة لوحدة من اللمة وش يكون رد فعلها ؟
​

 

[رحمتك يا ربي]

والله عادي اختي الرجلة انقرضت هدا شحال وربي يعوضها خير

 

[معاك يا الخضراء]

اهلا بيك حاميزو يشرفني انك اول واحد ترد :sheer:
انا والله لضرك ماني مامنة والله :sad: :sad:
والمخلوقة هادي غير تضحك مسكينة
حتى في حالتها هادي قالت خلي تهنيت من طلوع الدروج و هبيطهم :sad:
نهدر ونبكي عليها مسكينة :sad:
الله لا تربحو ان شالله:santa_1:

هههه عمرتني تقييمات اسنى نردلك شوي حتى لغدوا
انا راني قلت كون تصرالي نقتلو
شكراااا عالمرور :re_gards:
​

اهلا بيك ريمة

يفرحني اول واحد يشوف موضوعك
حكاية من الواقع
والله رانا نشوفو بعينينا سيرتو الحالات كيما هك
الدنيا كيفاه تمشي
بكري وقت لمرض والجهل كانو النسا لي تحمل بالكرش كيما الفيران وذرك وقت العلم والنظافة والدوايات المواليد شبع منعدمة
والله دنيا تحير


صحيتي
حتى باه نمدلك تقييم ماقدرتش الله غالب قالك استنى 24 ساعة


سلام

بصح كون تصرى هاد لحكياة لوحدة من اللمة وش يكون رد فعلها ؟
​

 

[نقطة حبر]

نظن هدا النوع مسموهش راجل
وهذه هي الدنيا لتامن في الرجال
لو كانت فحلة هذاك القلب تعفس عليه وتقولو بالعافية من النهار الاول لوكان سمحت فيه ومسمحش فيها
ومزال يكذب ويمثل انت الصح ياو الصح بالنسبة ليه الصوارد
وهو ماشي راجل اذا مراءة تشريه ويسمح في عشرة عمرو
رجال تاع اخر الزمان خسارة
تقبلو ردي

 

[ماكانش]

لا حول ولاقوة الا بالله
لحكايات هذو يقيسوني حنين بزااااااااف
ياربي وين راح نلقى طفلة كيما هذي
تبالي غير في لحكايات ولا الفيلمات ...
والله يا ريمة كاين وكاين وراكي علابالك
الإنسان كي يكون رخيس راهو يدير كلش
يعطيك الصحة ولي عودة​

 

[معاك يا الخضراء]

والله عادي اختي الرجلة انقرضت هدا شحال وربي يعوضها خير

ايه والله :sad: :sad:
امين يا ربي
حرقلها قلبها الله يحرقو ان شالله
:sad:
شكرا عالمرور :re_gards:
​

 

[المتفائلة_91]

قصة مؤثرة وتبّكي


لي عودة،،​

 

[معاك يا الخضراء]

نظن هدا النوع مسموهش راجل
وهذه هي الدنيا لتامن في الرجال
لو كانت فحلة هذاك القلب تعفس عليه وتقولو بالعافية من النهار الاول لوكان سمحت فيه ومسمحش فيها
ومزال يكذب ويمثل انت الصح ياو الصح بالنسبة ليه الصوارد
وهو ماشي راجل اذا مراءة تشريه ويسمح في عشرة عمرو
رجال تاع اخر الزمان خسارة
تقبلو ردي

يا ختي وش حملت والله ماشفت مرا كيفها
ياو سع حصلتها في روحها قالت انا اللي مانجيبش
حياتو مسكينة وعلى قد ماراهو مش عبد هي كانت معاه مرا و نص
تموت عالاولاد مسكينة :sad: :sad:وفرطت فيهم
كون جات هي اللي ماتولدش راهي طلقت في نهارها :sad:

الله لايسامحو
شكرااا عالمرور
:re_gards:​

 

[معاك يا الخضراء]

لا حول ولاقوة الا بالله
لحكايات هذو يقيسوني حنين بزااااااااف
ياربي وين راح نلقى طفلة كيما هذي
تبالي غير في لحكايات ولا الفيلمات ...
والله يا ريمة كاين وكاين وراكي علابالك
الإنسان كي يكون رخيس راهو يدير كلش
يعطيك الصحة ولي عودة​

اييييييه يا سفيان يتاثر فالحجر قصتها وينك يا العباد :sad:
شفت كيفاه :sad:كون جات وحدة خرا اي طيشتو في نهارو
علاه رضات بالميزيرية هادي كل
قلبها حنين مسكينة :sad:
ايه عمبالي كاين الرجالة مي الرخاس راهم بداو يكثرو :sad: :sad:
الله يسلمك شكرا عالمرور
مرحبا في كل وقت
​

 

[معاك يا الخضراء]

قصة مؤثرة وتبّكي


لي عودة،،​

:crying: :crying: :crying:
احنا مالقينا باه نواسيوها :tears: :tears:
مرحبا في كل وقت
شكرااا
​

 

[ماكانش]

اييييييه يا سفيان يتاثر فالحجر قصتها وينك يا العباد :sad:

شفت كيفاه :sad:كون جات وحدة خرا اي طيشتو في نهارو
علاه رضات بالميزيرية هادي كل
قلبها حنين مسكينة :sad:
ايه عمبالي كاين الرجالة مي الرخاس راهم بداو يكثرو :sad: :sad:
الله يسلمك شكرا عالمرور
مرحبا في كل وقت​

ماشي بداو يكثرو
ملي كانو راهم كاثرين ...
وذرك يبيع دينو ويبيع عرضو ودارهم على جال الدراهم ...
رخاس لعنة الله عليهم ...​

 

[نقطة حبر]

يا ختي وش حملت والله ماشفت مرا كيفها
ياو سع حصلتها في روحها قالت انا اللي مانجيبش
حياتو مسكينة وعلى قد ماراهو مش عبد هي كانت معاه مرا و نص
تموت عالاولاد مسكينة :sad: :sad:وفرطت فيهم
كون جات هي اللي ماتولدش راهي طلقت في نهارها :sad:

الله لايسامحو
شكرااا عالمرور
:re_gards:​

اصلا مجتمعنا ميرحمش لو كان طلقاتو في وقتها كون قالو معدهاش الاصل ماهيش بنت فاميليا تخلي راجلها ومتوقفش معاه
وش دير راهي مسكينة تقاسي ولكن ساعات ناس ميستاهلوش التضحية والحب والاخلاص والوفاء تليق تحرقيهم بالمازوت :santa_1:

 

[معاك يا الخضراء]

ماشي بداو يكثرو
ملي كانو راهم كاثرين ...
وذرك يبيع دينو ويبيع عرضو ودارهم على جال الدراهم ...
رخاس لعنة الله عليهم ...​

ايه اخخخخخخخخخخخخخ يعيف راجل طامع في صوارد مرا اخخخخخخخخخخ
خرب دارو و كسر قلب مرتو خلاها تتغاشى من بلاصة لبلاصة :sad:
العنو و زيدلو ربي يحفظك
اللي رضات بيه بلا صوارد هدملها حياتها وخلاها
الله يحرق الصوارد هادو اللي هبلو العباد :sad: :sad:
​

 

[meriem150491]

والله ملقيت ما نعلق غير انو صح صح ميستاهلهاش مش راجل


على وسخ الدنيا باع عشرة عمر وباع مرا كنز صح صح

مال الدنيا كومبلي ميوقفش قدامها


ايييييييييييييييييييييييه قلو الرجال صح صح


الله يهدينا ويعوضها ان شاء الله ما خير منو

واكيد ربي يمهل ولا يهمل واكيد ربي راح يخرج فيه كيعاد ربي مش ساهل
​

 

[معاك يا الخضراء]

اصلا مجتمعنا ميرحمش لو كان طلقاتو في وقتها كون قالو معدهاش الاصل ماهيش بنت فاميليا تخلي راجلها ومتوقفش معاه
وش دير راهي مسكينة تقاسي ولكن ساعات ناس ميستاهلوش التضحية والحب والاخلاص والوفاء تليق تحرقيهم بالمازوت :santa_1:

في بعضاهم الناس
عالاقل كانت تربح حياتها :sad: :sad:
وضرك كيف كيف يهدرو و يقولو طلقت امالا ربها واحد:sad:
مسكينة خارجة من دارها و تبكي وتقلهم اتهلاولي في بنتي برك و تقلها ماتنساينيش ا ماما اني امك واحد مايكدب عليك
قطعتلي قلبي :crying: :crying:
عيطلها سلفها قالها اقتليه و انا نجي نرشي دزاير كل ونخرجك
قاتلو وكيلك ربي وراحت خلاتو
قندورة ماداتهاش معاها :tears: :tears: :tears:
​

 

[معاك يا الخضراء]

والله ملقيت ما نعلق غير انو صح صح ميستاهلهاش مش راجل
على وسخ الدنيا باع عشرة عمر وباع مرا كنز صح صح
مال الدنيا كومبلي ميوقفش قدامها
ايييييييييييييييييييييييه قلو الرجال صح صح
الله يهدينا ويعوضها ان شاء الله ما خير منو
واكيد ربي يمهل ولا يهمل واكيد ربي راح يخرج فيه كيعاد ربي مش ساهل
​

شفتي :sad: :sad:
ربي يكون معاها لا تهبل
ان شالله يا رب ان شالله
يعطيه ضربة الي تفكرو فيها تع الصح
شكرا عالمرور مريومة
​

 

[نقطة حبر]

في بعضاهم الناس
عالاقل كانت تربح حياتها :sad: :sad:
وضرك كيف كيف يهدرو و يقولو طلقت امالا ربها واحد:sad:
مسكينة خارجة من دارها و تبكي وتقلهم اتهلاولي في بنتي برك و تقلها ماتنساينيش ا ماما اني امك واحد مايكدب عليك
قطعتلي قلبي :crying: :crying:
عيطلها سلفها قالها اقتليه و انا نجي نرشي دزاير كل ونخرجك
قاتلو وكيلك ربي وراحت خلاتو
قندورة ماداتهاش معاها :tears: :tears: :tears:
​

مسكينة والله متستاهل
ربي وكيلو هذه هي اخرتها يا بنات لتامن الرجال

 

[meriem150491]

الله يقطع رجال كي هدو

اففففففففففففففف زاد عليا
​

 

[missa_1]

ياليلي ياعيني على عنتر وعبلة وقصة الزواج المبهر
صح هذي الضربة يديروها خطرة نقرا فالجرنال هذاك تاع النجاح زعما ايا لقيت واحد في عمرو 60 سنة مزال متزوج ويحوس على بنت الحلال الي تصرف عليه
يا يما الانوش قاعد فالدار والبابيشا تخدم عليه ايه هدي مليحة
يعني ياست فهمت من كلامك انو وحدا دايرها للقلب ووحدة للجيب ربي يجيب يوووي
والله عيب عليه المخلوقة مسكينة سبرت على جالو وهو مقدرهاش هذاك الصبر
ربي يصلح الاحوال والله لايبلينا بهالبلاوي هي ويجعلها قدامنا خظرا وورانا خظرا يارب
ايا وسلام وراه موضوع فور​