أسئلة للمغتربين

السلام عليكم

كي راكم غاية ؟؟ واش احول ع بالي قلوبكم ع الجزائر وهذا يبين قمة حبكم للوطن ان شاء الله تعودوا سالمين ؟؟ بصح حاب نقرعج شوية ماشي عليكم ع طبايع ناس لي عايشين عندهم مثلا ف فرنسا او اوروبا عامة او خليج ؟

هل كاين التقرعيج عندهم ؟؟:sheer:
هل كاين زوخ مثلا بمنصب ولا باللبسةو لا بسيارة ؟؟
صح يكرهونا بزاف ؟؟ ويعتبرونا عالم 03
واش يحكو علينا وع مهاجرين غير شرعيين ؟؟
قراية تماك ساهلة ولا لا ؟؟؟
هل كاين جرائم اخلاقية كيما لي راهي صايرة عندنا ؟؟ تاع اغتصاب قتل ذبيحة سريقة ؟؟؟
هل يستعملوا هاتف بزاف وعندهم عروض مجانية كيما لي عندنا ؟؟؟
واش الكواغط تماك ساهلين ؟؟؟
كشما كاين لاشان ع كشما حاجة ؟؟؟
هل عندهم عقلية نتاع سكيفاج من خدمة ؟؟
و عقلية قيلولة .؟؟

و تاع دير maladie مشي ع خاطر مريض بصح حاب تريح برك من خدمة ؟؟:shiny:

كي شوفو وحدة محجبة وش يقولو عليها ؟؟؟:shay:

واش من شعب دراسية الي يحبوها بزاف ..؟؟؟؟:scared:



كثرت عليكم من أسئلة بصح جابوني


شحال نحب نضوي ضلمات مخي بانوار أفكاركم :re_gards:
​

 

[hugoma25]

بارك الله فيك اخي الحاج قوقل على هدا الموضوع
بينتنا انا كون نرجع لتزاير صعب باه نعيش الشيء لي راك تحكي عليه كامل ماكينش خو قاع الناس متربيا ومتطورا ياخويا احنا في التزاير لازم الشعب يفهم وتدخلو ثقافة كيفاه نخدم وندير الفلوس ماشي كيفاه نسرق ولازم الانسان الجزائري ينحي العقلية كيفاه نخدم واحد اترنجي لازم تكون كاينة معاهد في الفندقة والسياحة بشكل عام لكي نشجع السواح على زيارة الجزائر وعندما يغادرها السائح يتمنى لو يرجع ولو لم يرجع يحكي للناس هناك ويشجعهم باش يجيو وبهادا المواطن الجزائري يختلط بالاجنبي ويصير يعرف العقلية كيفاه البرا ويتربى تانيك السؤال الان كيفاه السياحة ناجحة في تونس ومصر والمغرب ......فهمت خاطراكش هده الشعوب كسبت ثقافة السياحة وتانيك على الدولة تفتح راهي غير مسكرة على روحها عايشة عزلة تامة لاسمعي بصري لا طيران زي الناس راهم الناس عالقين في المطارات قلك كراف الله يرحمك يا بومدين كي كانت الجزائر عندها طيرات في السبعينات لاامارات والخليج كان يعرف طائرة والان صارو الخلجين ينافسو الطيران الكندي والبريطاني ...ليش لانو النا تخدم والله يا الحاج قوقل قلبت علينا المواجع بالتوفيق

 

[الحاج قوقل]

السلام عليكم بارك الله فيك خويا عندك حق رانا غالطين في بزاف حوايج ...نحبوا غير حوايج مجانية
منحبوش ننخدمو نحبو نربحو فيت فيت نتكبرو ع خدمة الميكانيكي يفههملك ف طب و طبيب تصيبو يسودي ....ورووح ورووح ....خلاصة القول العقلية هادي متخرجش للبعيد ......ربي يهدينا السياحة احنا حاسبين رواحنا ملوك منخموش قاع فيهها معليش رانا متكبرين ع خاطر عندنا شوية بترول منين تروح قولهم يتكبروا




مشكور ع رد ربي يطيب اقامتك هونيك

 

[صاحبة القلب الحنون]

ايه عندنا تقرعيج
الزوخ كاين طبعا المظاهر تلعب دور كبير هنا
لالا حنا يحبونا بزاف ويحبو يتعرفو على ثقافتنا
الحمدالله مايهدروش كامل على المهاجرين غير الشرعيين ويهدروا علينا كل خير
القراية ساهلة بزاف
كلشي منظم هنا ماكانش لاشين كاين نومروات تستنى دورك
كاين العقلية تع السكيفاج من الخدمة بصح بالقصرة باش يعقبو الوقت حتى توصل وقت الخرجة يروحو يوقعو بلي خرجو في الوقت
الجرائم عجب هنايا
يستعملوا بزاف الهاتف بصح ماكاش عروض مجانية حتى لو كان كاين تخلص عليها
عقلية القيلولة اللي يخدموا في الجهات الحكومية
واجازة مرضية مايديروهاش غير اذا كانوا طايحين فراش
الحجاب الحمدالله مايقولوا عليه والو بصح طريقة الحجاب اللي فيها الهدرة راهم عجب كل مرة تخرج موضة جديدة ربي يهدي ماخلق
الشعب الدراسية العلمية هنا يحبوها بزاف

ان شاء الله نكون عمرتلكم القرع مليح ههههه

 

[الحاج قوقل]

merci yaatik saha ma soeur