اللهم لا تحرمنا من نعمة الماكياج..فنحن لا نستطيع الخروج دونه...!!

[Rochdi.dz]

طييييييييييط
السلام عليكم
واش راكم خاوتي لاباس ولا؟
هاو عندي بوكو وقت مادرتش ميضوع هنا هاني جيت نخربش
مي جو فيان و معايا وحد العبد هك
راكم تعرفوه كامل و اللي نو لو كوني با يهز صبعو و نسجلوه شي نو
بلاك يخرج في لاليست نتاع السوسيال

مالا هاسمعوني ترا

استناو استناو نقلكم على العبد و من بعد رانا نتفاهمو عللى الميضوع
هاو ليكم اسمو في اللمة
Mafia.dz
ومعروف باسم
سمسوم

و درك حلو وذنيكم و مكان لاه تحلو عينيكم باسكو راح تشوفو العجب
هيا ترا نبداو

مي كي تعودو تقراو بعدو على هدي المخلوقة ماديرونجيوهاش

ها سمسوم راني نشوف وحد الفينومان هك معارف عدنا حنا برك ولا انتم ثاني
يا ودي وليت نشوف في بعض البنات مزيتين في وجوههم
و مبنترين بوحد الالوان هك معارف نتاع ليوناردو دافنشي هداك ولا
انا حسبت الشركات ولاو يديرو الاشهار نتاعهم في وجوه البنات
راني نشوف في تو لي كولير يا خويا و الله راسي ناضت فيه حدبة
دي فوا نشوف وحد البنات يا لطيف الشعر كريبوني
و العينين فانيلا و الخد لادروات شوكو ولاقوش فريز
تخزر في وجه وحدة تلقى تو ليكولير و زيد الكاليتي HD
تلقى فوق العين ازرق تابع للصاك
و العين غري تقول قطة مي لازم طيحو مع الكولار نتاع الصباط
و الفم غوز بون بون باسكو راح تمشي مع صحبتها لابسة لومام كولير
و الحاجب مرسوم فيه لوطوروت نتاع شرق غرب تضامنا مع شركة كوجال
يا خويا تجي تفهم ادوخ

انا تبانلي نحبس هنا برك لا نودر السيطرة على لساني
و يولي يشالي برك و يقول كلام خاطي لوطوروت

ها قلي ا سمسوم يعيشك احكلي ترا وش صاري عندكم
؟؟

هههه والله يا شوشو غير كيف كيف

و المشكل انهم ما ديروش ماكياج نتع رحمة ربي تلقى وجوههم سير شارج
يعني كي ما ديروش و ما ديروش و تكون زاربة و راح الحال على الخرجة
ادير على الأقل 4couche فون دو تان

السمرا تبغي ترد روحها بلوندا بالسيف

و الله يا كي تضرب فيهم الشمس نتع الصيف و يدوب هههههه
وجهها يولي يقطر قطرات زيت خير من زيت السوفيتال


انا ما فهمتش واش هو Role نتع الماكياج ؟؟؟
ياخي الزين من عند ربي و الزين زين الفعايل .
اسكو الماكياج راح يردها شابة ؟؟
على حد قول الشاعر : زينها ناتيرال كي نشوفها يركبني الهبال

هاو قولولي كيفاه يديروا في شهر رمضان ؟ وقيلا تحرم عليهم الخرجة
ولا اللي تخرج غير بالنقابية تربحها على الجيهتين صون ماكياج و حجاب شرعي

و اللي تزيد تحير الواحد انو لو كان اطل عليهم في ديارهم تلقاهم طالقين الهانة على ارواحهم
اما لو كان تذكر كلمة الخرجة قدامهم .... نكمل ؟؟؟
ايا هنا و ستوب


اتهلاوا في رواحكم
سلام



​

 

[آلاء النايلية]

ههههه قتلتني تاع نأسف لازعاجكم نعمل لأجلكم
المشكل كاين بنات يحبو يزينو رواحهم مالا يعمو رواحهم
معاندة هدا ماكان....
ولله يا التبهديل لي صاير في الجامعه... مرة كنا نقراو في الكلاسه و عندنا المري دايرينهم فيمي مالا جات وحدة تماكيي و احنا كامل نخزرو فيها و ناض الأستاذ يبهدل دارلنا درس في الماكياج مريgل حنا حشمنا في بلاصتها.... و الطفلة مين يشوفوها يتفكرو اللقطه .... والله تبهدييييييييييييييييييييل​

 

[NeيRسNe]

ههههههههههه الحمد لله ماشي النشرة تاع الثمنية هههههههههه
​

 

[Jeune Sghir Mc]

انا حسبت الشركات ولاو يديرو الاشهار نتاعهم في وجوه البنات
عجبتني هاذي العبارة صاحبي

قالك الزينة زينة يالوكان تنوض مالنوم والشينة شينة يا لوكان تدوش كل يوم

والله حرنا فيهم هاذو والحيرة الكبيرة تقول ماعندهم اماليهم يحكمو فيهم
حاشا بنات الفاميلية طبعا

وهذا ماعندي واش نقول لوكان نزيد العضوية باي باي

موضوعكم فووور شريكي
يعطيك الصحة
​

 

[sahiko hamza]

وعليكم السلام


قال لطفي في وحد لغنية

وانتي بلا مكياج علابالي تعودي تهبلي
وتشابهي لوحد العبد لي دار اعترافات إرهابي
ونشوفها هاملة لازم تفكر باه تتهنى
وشعرها ولى أحمر تقول عجوزة دايرة الحنة


هذي مقطع من غنية enti kavia
وصح ديجا موضوعك يحكي على حاجات كيما هك

ربي يسترنا هاذا مانقول ....
​

 

[nina bonoise]

انا و الله نورمال كي بيه كي بلا بيه
بصح لازم ندير لحكل هههههه
عينيا شهب و خضر
​

 

[لاجودان شاف]

السلام عليكم ورحمة الله وبركاته
شكرا خويا على الموضوع
صح هاذ الظاهرة كثارت بزاف بصح وش راح تعمل هكذا خلق ربي المرأة وزرع فيها حب التزين والظهور مليح
ومهما كان خارجة عليهم شوي
نسيت ليجون لي يظالو ثاني مقابلين لمرايا
نعرف جماعة هنا في باتنة يستعملو حتى كريمات تبيض البشرة ويحمرو شوي شواربهم
ربي يستر​

 

[*ايمان*]

هههه تعرفو الفوندوتان مليح

بصراحة انا منستغناش عن الكحل والفتو حتى في الدار مي الالوان والتخلاط هذا لا



​

 

[يوسےفے]

أنتبااااااااااااااااااااه
:
:
:
:
:

::
:
:
:
:
:
:
:
:
:
:
:
:

::
:

:
::

تحذير :scared:
:
::
:

:
::
:
:
:
:

:
:
:
:حمله ذااات منفعه عاااامه
::

:
:
:
:
:
::

:
::
:

:
::
:

مسلسل رعب :scared:
:

::
:
:
:
:
:
:
:
:
:
:
:

:

::قريبا
:
:
:
:

::
:
:
:
:
:
:
:
:
:
:
:
:
:
:
:
:
:
:
:
:
:

::
:

::
:
:
:

::

:
:
::
:

:
:
::

:
::
:
:
:
:
::
:
:

::
:
:
:
:
:
:

::

:
:في الشوارع الجزائريه و حصريااااا

:
::

:
:
::

::
:
:

:
::
:

:النساااء بدون ماكيااج في شهر رمضاااان
أنتظرووونا
..................................................

المهم النسااا لالله غاالب عليهم الماكيااج ساكنلهم ف الدم ألا من رحم ربي

شكراااا رشدي على الموضووووووووع يعطيك الصحه
تحياااتي للبنات
:​

 

[mimi.dz]

وانتي بلا مكياج علابالي تعودي تهبلي
وتشابهي لوحد العبد لي دار اعترافات إرهابي
ونشوفها هاملة لازم تفكر باه تتهنى
وشعرها ولى أحمر تقول عجوزة دايرة الحنة

​

منينـ قريتـ العنوانـ جاتـ الأغنية فيـ باليـ ,,,,:shiny:


----

واشـ نقولكـ خويا رشديـ
دركـ الماكياجـ رجعـ ادمانـ أكثر منـ لادروg
انتوما ثانيـ بزافـ الليـ يعجبهمـ هاذ الشيء
رجعتو تشجعو الماكياجـ بلا ما تفيقو
و اذا كذبتنيـ جاوبنيـ وعلاشـ
الطفلـ يدراgـيـ الطفلة برا غير كيـ تعود مدايرة كيلو على وجها ؟؟

انا نجاوبكـ متعبشـ روحكـ
لأنو يخافـ منـ الأخرى ياكـ حياء المرأة زينة
بصحـ البناتـ نتاعـ دركـ فهمو العكسـ
ارواحـ أنتـ و فهمهمـ

ميـ نورمالمونـ الزينـ نتاعـ الصحـ هو الطبيعيـ
مكانشـ كيما وحدة ناتيرالـ
الباقيـ كاملـ مفابريكيـ
ربيـ يهديـ ما خلقـ ,,,,

:shiny:
​

 

[هآجر]

السلام عليكم
الحمد الله منديرش ماكياج بش في رمضان متفضحش ونولي شبح
مرسي رشدي على الموضوع يستاهل تقييم​

 

[N@riM@N]

شـــــ شـــــاب ـــابه بلا مكيـ فــــيصل ـــــاج ينوض عليها لهيداج.....
انا تبالي لي يديرو لمكياج غير لي معندهمش شخصيه صاحا اوكازيون عرس .....حاجه هكا
مي فطلعه ولهبطه مدايره قوس قزح في وجها حاجه بيزار ماشي نورمال
يعطيك الصحه ع الميضوع:re_gards:
​

 

[AHLEM1992]

صراحة لحد ضكا جامي درت حاجة على وجهي صوا حكل ولا مكياج
مي عندك الصح في واش قلت + يقتلو في رواحهم غير بـ les produits chimiques
و يرسمو على وجوههم طابلو كيما تاع بيكاسو mdr
اون+ جوبونس با علابالهم بواش يصنعوه هداك المكياج سيرتو الي يديروه للعين
يعطيك الصحة خويا على الموضوع
​

 

[بنـ MaPa ـت]

وعليكم السلاام ليجان

و الفم غوز بون بون باسكو راح تمشي مع صحبتها لابسة لومام كولير

ههههه هنا يا رشدي والله ماغلطت كاين لي يديروها

هاو قولولي كيفاه يديروا في شهر رمضان ؟ وقيلا تحرم عليهم الخرجة

مايروحش بالك بعيد خويا سمسوم شوف غير المذياعت نتاوعنا رمضان ويماكيو عااااادي

انا نقول انو الماكياج مليح للاعراس وبس ماشي للخرجات تع الطرق ولا ليكول....لي يعول يخطب وحدة يشوفها بالماكياج في الزنقة يبطل راهي تخليها على روحها.....واي وحدة يجيو الخطابة يشوفوها وتروح ترسم في وجها وتخرجلهم راهم مايقبلوش يشوفو الزين الحقاني يخافو يخدعوهم في وليدهم ههه
والماكياج راه ماشي حاجة مليحة كيما يظنو بعض البنات والله ديفوا يمد سمعات ماشي مليحة على اللي يديروه ويروحو يسركلو ويبركلو...اصلا وحدة دارت الماكياج وراحت تقضي ولا دور واش معناتها؟ ماشي باش تعجب الناس ولا تصيد كاش حية؟؟
الله لا يجعلني من البنات هادو....وربي يهدينا اجمعيييين للطريق المستقيم

مرسي على الموضوع يعطيك الصحة
​

 

[hiba14]

اسيدي ماغلطتش
و لوكان غي جا ماكياج الله الله يبهدل و زيد ما يعرفوش حتى الماكياج
خلاها خويا
المليح بلا مسيح

 

[secret de coeur]

وعليكم السلام ورحمة الله وبركاته
ها خويا رشدي راك درتلهم موضوع حساس
مني انا خاطيني ماكياج وليكولوغ
وجهي ديما ناتورال
والي ديرو راح تحكم الدار في رمضان بوغتون حنا نخرجو نورمال
ايا مرسي ع الموضوع الهايل
رشدي + سمسوم

​

 

[Rochdi.dz]

ههههه قتلتني تاع نأسف لازعاجكم نعمل لأجلكم
المشكل كاين بنات يحبو يزينو رواحهم مالا يعمو رواحهم
معاندة هدا ماكان....
ولله يا التبهديل لي صاير في الجامعه... مرة كنا نقراو في الكلاسه و عندنا المري دايرينهم فيمي مالا جات وحدة تماكيي و احنا كامل نخزرو فيها و ناض الأستاذ يبهدل دارلنا درس في الماكياج مريgل حنا حشمنا في بلاصتها.... و الطفلة مين يشوفوها يتفكرو اللقطه .... والله تبهدييييييييييييييييييييل​

هههههه
شحال صراو حالات كيما المخلوقة هدي
معارف علابالهم و تبانلهم نورمال
معارف ماعلابالهمشبلي اللي الداخل يشوف
ههههه

مرسي خيتو على المرور
نورتي

​

 

[Rochdi.dz]

ههههههههههه الحمد لله ماشي النشرة تاع الثمنية هههههههههه
​

الحمد لله اللي ماشي الامبات
هههه

​

 

[معاك يا الخضراء]

ههههههههههههههههههههههههه قتلتني بالضحك كي قلت كاليتي hd
هههههههههههههههه انا من بكري والله ماندير الماكياج
نشتي نعدل عينيا برك ههههه شوي كحل و شوي غيسيل
سع دارلتي حاسسية اننا من بكري عميا قريب زدت رحت فيها خلاص
ايا نحاهولي الطبيب وهناني منو خلاص ههههه

+

الله غالب الشابات العربية عادلهم الماكياج عادة
مش من الكماليات
كيما راهو عند الدول اللي صنعتهم
نتفرج مسلسل تركي تلقها في 25 حلقة دارت الماكياج حلقة
واحنا ولي ولي ولي وليييييييي
والله لا تعتب باب الدار بلا بيه

:re_gards:

​

 

[Rochdi.dz]

انا حسبت الشركات ولاو يديرو الاشهار نتاعهم في وجوه البنات
عجبتني هاذي العبارة صاحبي

قالك الزينة زينة يالوكان تنوض مالنوم والشينة شينة يا لوكان تدوش كل يوم

والله حرنا فيهم هاذو والحيرة الكبيرة تقول ماعندهم اماليهم يحكمو فيهم
حاشا بنات الفاميلية طبعا

وهذا ماعندي واش نقول لوكان نزيد العضوية باي باي

موضوعكم فووور شريكي
يعطيك الصحة
​

هههههه
هداك مكان خويا العزيز
ياي فرغ قلبك و العضوية مخلوفة نورمال
هههه

مرسي خويا نورت ربي يخليك

​