بين البااااااااااااارح واليوم....

[دنيا البسمة]

:shiny: صباح الخير عليكم مالgري رانا فالليل :shiny:
قالك بين البارح واليوم ....ليلة يا محلاها
نتاع الصح ماراحاش نغنيهالكم مارانيش حافظتها :shiny: هاذي باش نبدى بيها برك
وباينة عليكم فهمتو على واش راحا نهدر على بالي بيكم شاطرين
اييييييييييييييه على يامات البارح..صح احنا بالاك ما عشناهمش كامل
mais حكاولنا عليهم وبالاك نقدرو نشفاو على شوية منهم
يا حصراه على يامات زمان ..كلشي يمشي بالنية .لاحسد لاغيرة
كلشي فيهم حلو وعندو بنة سبيسيال
القعدة الحلوة والجماعة الحلوة ...ضحك وللعب وحكايات
امالان واش اللي تبدل بين البارح واليوم
*
:sadwalk:اذا حكينا على الناس والغاشي .نقولو وينهم الضحكات . ووينهم الناس الفاهمين اللي قلوبهم صافية يضحكو في وجهك النية والنور طالع وجههم كي تشوف فيه تريح
وفي هاذ الوقت والو ...واحد وما يضحك في وجهك ..قوى الحسد والغيرة والحسابات:sadwalk:
*
:scared:اذا حكينا على المناسبات ..كل حاجة بقيمتها وكل حاجة وبنتها الخاصة
كان المولود نفرحو بيه ونتفكرو فيه النبي محمد صفاتو و فعايلو ونقتدو بيه
رمضان يجي يجيب خيرو الناس فرحانة تستناه بعشر عينين
وفي هاذ الوقت ..المولود تسمع غير الانفجارات تحسب روحك في حرب
المهم يصرفو دراهمهم فيما لا يفيد
رمضان من قبل ما يلحق وهوما يشتكيو..لالا السلعة غلات ..لالا السخانة واش يكملو .و.و.و:scared:
*
اذا حكينا على واش كنا ناكلو كلشي بنين نقي وكلشي في وقتو الحاجة كي تاكلها تشم ريحتها
وفي هاذ الوقت البنة ماعادت بنة حاجة نتاع الصيف تاكلها فالشتاء كثرولهم غير المبيدات والدواوات
*
:schmoll:كنا كي نشرو حاجة نشروها ضامنة مضمونة تشدلك عشر سنين
وضوك مثلا تشري كرسي يشدلك نهار ويتكسر
حاجة تلبسها تغسلها مرة تلقى الخيوط خارجين
القهوة يا عيباد ربي وراحتلها البنة .عادت سامطة محروقة خفيفة :schmoll:
*
:re_gards:وهاذي يا خاوتي امثلة بسيطة كيما يقولو وماذا بينا نزيدو نسمعو من عندكم :re_gards:
في رايكم وعلاه وواش تبدل بين البارح واليوم ؟؟؟
ياك العيباد مازالو عيباد و كيما كانو رجال ونسا مازالو كاينين رجال ونسا
كلشي مازال ..امالان واش اللي تبدل؟؟؟

مرسي عليكم
ماذابيا تشاركوني
ويعطيكم الصحيتو
:sheer:​

 

[دنيا البسمة]

وااااااااااو
شكرا لقبول الموضوع

 

[لاجودان شاف]

شكرا أختي

قالك لي فاتو بكري يروح يكري​

 

[ماكانش]

يعطيك الصحة يا دنيا
لبارح كان الvيك تاع لكحالش رخيس وذرك ولا غالي ...
ههه راح نحرقلك راسك برك هههههه
ايه وبزاف حوايج تبدلو لاخاطر كانت النية وماكانش الخبث وماكانتش المادة طغات على لقلوب
ذرك ولاو يعبدو المادة وولات العلاقات كامل مبنية على المصالح وليزانتيري برك
​

 

[دنيا البسمة]

شكرا أختي ​

قالك لي فاتو بكري يروح يكري​

هاديك هي بكري راح يكري

 

[دنيا البسمة]

يعطيك الصحة يا دنيا

لبارح كان الvيك تاع لكحالش رخيس وذرك ولا غالي ...
ههه راح نحرقلك راسك برك هههههه
ايه وبزاف حوايج تبدلو لاخاطر كانت النية وماكانش الخبث وماكانتش المادة طغات على لقلوب
ذرك ولاو يعبدو المادة وولات العلاقات كامل مبنية على المصالح وليزانتيري برك​

ومرسي خويا على مرورك العطر
وعندك الحق كلشي ولا مادة وكلشي حسابات

 

[Jeune Sghir Mc]

واااه عندك الحق
يعطيك الصحة
مي كل ناس يقولك وقتنا هو المخير
ومالازمش نقعدو عايشين فالماضي
ونقولو ناس بكري هوما المخيرين
لازم نخمو للقدام وكيفاه نطورو عقليتنا
ياودي خليو الرقاص يدور
مانقعدوش عايشين فالماضي وناس زمان

سلام
​

 

[adel-mz]

والله كل شىء تبدل ورانا في وقت حوت ياكل حوت وقليل الجهد اموت.
الله يجيب الخير

 

[زهرة الندى]

والله ق عندك الحق في كل كلمة قلتيها

النية والقلب الصافي راح مع الناس تع بكري يا حسراه على الايام لي كانو وكنا عايشينهم ... راكي قلت ضحكة تريحيلهم ياو مايضحكلش ماعليهش المهم مش كي يشوفك يقلب وجهو ويشنف عليك
واما على الحوايج لخرى كانت فيهم البركة وضرك راحت الله قالب والله رانا في وقت يحير

ربي يستر من القدوة لي جاي


يعطيك الف صحة اختي على الميضوع فووووووووووور


ملاحظة : لمن لا يفهم كلامي اقلب القاف غين​

 

[BARCA232]

السلام عليكم ورحمة الله تعالى وبركاته
شكرا دنيا موضوعك مفيد ويعني يحكي اعلا الواقع اللي رانا فيه
يعني ماعندي مانزيد على كلامك الكثير
لنك وفيت وذكرت كل شيء
يعني الوقت هوهو احنا فينا المشكل
باسكو اصبح الاخ عدو خوه في الدار
كيفاش باغي حالنا يكون كيما حالهم هوما
هوما تاع زمان صدقوا مع ربي صدق معاهم في كل شيء
يعني اخلصو النية له وحده
شكرا لك
وبارك الله فيك
​

 

[المتفائلة_91]

نتاع الصح ماراحاش نغنيهالكم مارانيش حافظتها :shiny: هاذي باش نبدى بيها برك

نغنيهلك انا ّ،، بصح صوتي يهرّب سكان المنتدى كاااامل


المهم


الدنيا حالت ،، باختصار




شكرا​

 

[N@riM@N]

وعليكم السلاام
ربييجيب لخير برك دنيا تبدلت ولاحنا تجي تفهمي يحبس راسك

 

[دنيا البسمة]

واااه عندك الحق

يعطيك الصحة
مي كل ناس يقولك وقتنا هو المخير
ومالازمش نقعدو عايشين فالماضي
ونقولو ناس بكري هوما المخيرين
لازم نخمو للقدام وكيفاه نطورو عقليتنا
ياودي خليو الرقاص يدور
مانقعدوش عايشين فالماضي وناس زمان​

سلام​

يا خويا مارانش نقولو وقت بكري خير
رانا برك نقولو في وقتهم كانت النية والعقالة والظرافة ماشي كيما وقتنا
كي يضحك في وجهك راه الضحك طرافيك

 

[دنيا البسمة]

والله كل شىء تبدل ورانا في وقت حوت ياكل حوت وقليل الجهد اموت.
الله يجيب الخير

وصح واش راك تقول مرسي عليك
ومرسي على المرور

 

[دنيا البسمة]

والله ق عندك الحق في كل كلمة قلتيها ​

النية والقلب الصافي راح مع الناس تع بكري يا حسراه على الايام لي كانو وكنا عايشينهم ... راكي قلت ضحكة تريحيلهم ياو مايضحكلش ماعليهش المهم مش كي يشوفك يقلب وجهو ويشنف عليك
واما على الحوايج لخرى كانت فيهم البركة وضرك راحت الله قالب والله رانا في وقت يحير ​

ربي يستر من القدوة لي جاي ​

يعطيك الف صحة اختي على الميضوع فووووووووووور​

ملاحظة : لمن لا يفهم كلامي اقلب القاف غين​

كيما قلتي عندك الحق ماشي كي يشوفك يقلب وجهو
وعجبتني نتاع القاف والله فكرتيني بحباباتي

 

[دنيا البسمة]

السلام عليكم ورحمة الله تعالى وبركاته

شكرا دنيا موضوعك مفيد ويعني يحكي اعلا الواقع اللي رانا فيه
يعني ماعندي مانزيد على كلامك الكثير
لنك وفيت وذكرت كل شيء
يعني الوقت هوهو احنا فينا المشكل
باسكو اصبح الاخ عدو خوه في الدار
كيفاش باغي حالنا يكون كيما حالهم هوما
هوما تاع زمان صدقوا مع ربي صدق معاهم في كل شيء
يعني اخلصو النية له وحده
شكرا لك
وبارك الله فيك​

وفيك بارك اخي
اسعدني مرورك واسعدني اكثر ردك الجميل
وان شاء الله ترجع النية كيف زمان​

 

[دنيا البسمة]

نغنيهلك انا ّ،، بصح صوتي يهرّب سكان المنتدى كاااامل​

المهم​

الدنيا حالت ،، باختصار​

شكرا​

معليش انا نبدا نقول بين البارح واليوم وانتي كملي الباقي
يعطيك الصحة ختيتو

 

[دنيا البسمة]

 

[دنيا البسمة]

شكرا لجميع من مر من هنا