راح نحكي على تلك الجوهرة

[zoro02]

[FONT=&quot]واش راكم اهل اللمة ان شاء الله تكونوا بخير[/FONT]

[FONT=&quot]واش راكم عاملين مع الصيف و السخانة[/FONT]

[FONT=&quot]بعد غياب طويل جيت حبيت نكتب موضوع لكن نسيت المودباس تاع العضوية تاعي فاظطريت نعمل عضوية جديدة[/FONT]

[FONT=&quot]ندخل في الموضوع على بركة الله[/FONT]

[FONT=&quot]-المرأة مدرسة اذا أعددتها اعددت شعب طيب الاعراق-[/FONT]

[FONT=&quot]قال (ص):'النساء شقائق الرجال ما اكرمهن الا كريم و ما اهانهن الا لئيم' [/FONT]

[FONT=&quot] و قال [/FONT][FONT=&quot]" ما تركت بعدي فتنة أضر على الرجال من النساء "[/FONT]
[FONT=&quot]{{{{}}}}
[/FONT]

[FONT=&quot]واحد المرة كنت نحكي مع بنت عمي [/FONT]

[FONT=&quot]هدرة مع هدرة قالتلي المرا محقورة قلتلها كيفاش يعني؟[/FONT]

[FONT=&quot]قالتلي مجتمعنا ذكوري قلتلها كيفاش ؟ علاش المفروض يكون انثوي؟ [/FONT]

[FONT=&quot]قالتلي لا ماشي هكذاك لكن المرا مزال ما داتش حقوقها قلتلها صحا واش هي حقوقها هذه لي مزال ما داتهاش؟ قعدت تفكر و سكتت باين ما لقاتش واش تقول هههههه[/FONT]

[FONT=&quot]قلتلها انا لي راني نشوف فيه العكس المرا فاتت حقوقها مليار حرقتهم ماشي داتهم برك راهي دات بالزايد رخفلها الراجل شوي فلتت هههههه[/FONT]

[FONT=&quot]قالتلي كيفاش؟ [/FONT]

[FONT=&quot]قلتلها صحا احنا في الدين تاعنا مثلا المرأة ما يلزمش تختلط برجال اجانب عليها برا الا للضرورة لكن ضرك حدث و لا حرج و كون تقولها هكذا تقولك يخي تخلف يخي ههههه [/FONT]

[FONT=&quot]زيدي ضرك المرا راهي تلبس واحد اللبسة ربي يستر و تقولك حقي و راني حرة [/FONT]

[FONT=&quot]ولات يا عجبة المرا تنزل البحر بملابس ربي يستر طبعا ملابس اخترعهم الغرب و ثاني تروح وحدها و قدام رجال عادي[/FONT]

[FONT=&quot]والله احيانا تشوف ان الرجال فيهم من الحياء ما انقرض عند بعض النساء و حمدا لله كاين نساء ما شاء الله [/FONT]

[FONT=&quot]و زيد الطفلة اليوم تسافر وحدها لبلدان من غير محرم رغم ان هذا لا يصح بل حتى الحج يلزم تروحله بمحرم لكن اليوم تلقاها تروح لفرنسا للهند للمريخ و نورمال و تروح وحدها لو تقولها كيفاش تقولك بركاو تخلف رانا في القرن 21 و كانه خلاض في القرن 21 ما نتبعوش تعاليم ديننا و اذا تبعناه رانا متخلفين [/FONT]

[FONT=&quot]و خلي و خلي [/FONT]

[FONT=&quot]مالا هنا قالتلي لكن مجتمعنا ما يرحمش الطفلة كي تغلط [/FONT]

[FONT=&quot]هنا انا حبيت نقولها هاه و المفروض مالا نرجعوا كي الغرب طفلة تروح تجيب طفل زنى و الناس تروح تقولها مبروك عليك؟[/FONT]

[FONT=&quot]لكن اكتفيت بالقول انه من ناحية الغلط فالرجل او المرأة في زوج يتحاسبو و ديننا واضح في هذه المسألة لكن يمكن مجتمعنا يكون قاسي اكثر على البنت لان الضرر لي يلحق بها اكثر و لان المرأة في المجتمع اذا فسدت راح تضر المجتمع بزاف ياك يقولو المرأة مدرسة ان اعددتها اعددت شعب طيب الاعراق و طبعا العكس صحيح[/FONT]

[FONT=&quot]هيا هنا سكتت هي[/FONT]

[FONT=&quot]قلتلها المرأة راهي دات حقها هذه مدة المشكل الآن كاين لي يخربشوا و يحوسوا يعديو الحدود بمراحل[/FONT]

[FONT=&quot]المرأة الآن الحمد لله راهي متعلمة و كل راجل الآن يعلم بنته و الطفلة اليوم راهي ماشي تتزوج بالسيف عليها و من حقها تقبل او ترفض لي يتقدملها و اهلها ما يسيفوش عليها و الطفلة اليوم راهي تورث كيما شرعلها ربي ماشي يحرموها من الورث و ...الخ لكن كاين البعض اليوم من النساء قالك و علاش المرأة ما تورثش كالرجل ...يعني رجع شرع ربي ماشي عاجبهم[/FONT]

[FONT=&quot]تظن الغرب تنبه لان المرأة اساس المجتمع اذا فسدت راح المجتمع بالتالي استهدف المرأة المسلمة باش يضرب المجتمع الاسلامي في العمق ففساد المرأة احد اهم اسباب فساد المجتمع فهي ستربي اجيال و لذا يقال ان المرأة اساس المجتمع [/FONT]

[FONT=&quot]المرأة قدرها عزيز بزاف في ديننا و صدقوني المرأة كنز بالمجتمع يلزم نحافظوا عليه [/FONT]

[FONT=&quot]كفانا النظر للمرأة على أنها وسيلة ترويجية و تجارية كما يفعل الغرب[/FONT]

[FONT=&quot]و ايضا لا يجب اهانتها فالنساء شقائق الرجال ما اكرمهن الا كريم و ما اهانهن الا لئيم و الحفاظ على المراة لا يعني اهانتها الاسلام حفظلها حقوقها و طبعا لا يجب ان تتعداها كما لا يجب ان نهضم ما احقه الله لها[/FONT]

[FONT=&quot]المرأة قدرها عالي جدا بيننا و كجوهرة يجب حفظها و صونها[/FONT]

[FONT=&quot]هيا علابالي طولت عليكم و السلام عليكم و رحمة الله و بركاته[/FONT]​

 

[ماكانش]

بكري ياخويا كانت جوهرة
ذرك راهي قزديرة ههههه
الا قلييييييييييل
ولينا حنا نطالبو بالمساوات بين المرأة والرجل في العمل
ماشي هوما ألي يخدمو كيفنا
حنا ألي يرجعونا كيفهم ههههههههه​

 

[حطيست1]

مانهدروش على الملابس والبوليتيك لاخر هههـ
خلينا في الخدمة هنا يا الزح وتجي مخلوقة وتقولك راكم حاقرينا
يرضاو بخدمة تكون سومتها قاب قوسين من العدم لانها ماعندها تخسر هي هات برك تخرج من الدار وتتهنى من شغالات الدار وتروح تحوس وتكحل لما لا هههـ
والراجل من حقو مايقبلش بخدمة ذات سومة دنيئة ههـ لانو راح يعيش حياة ويزوج ويدير الدار وعليه مسؤولية كبيرة على هادي نلقاو البنات يخدمو الرجال لالا
وتجي مخلوقة تزيد عليك وتقولك حاقرينا مافهمتش انا الحقرة هادي وين ولا واش حابين يزيدو كثر من الشيء هذا
تبالي الوقت هذا وقت الجنس السمكي *البنات* لانو كل شيء في صالحهم
موضوع مليح خويا تعيش صاحيت
​

 

[لاجودان شاف]

شكرا أخي

قالك النسا العربيات لوكان يعطوهم السلطة

راح يطبعولنا تصاور مهند في الصوارد​

 

[لاجودان شاف]

بكري ياخويا كانت جوهرة

ذرك راهي قزديرة ههههه
الا قلييييييييييل
ولينا حنا نطالبو بالمساوات بين المرأة والرجل في العمل
ماشي هوما ألي يخدمو كيفنا

حنا ألي يرجعونا كيفهم ههههههههه​

ههههههه
ربي يرزقك قزديرة مقزدرة تقزدرلك راسك
قال بوجمعة
نهار تدخل لمرا للسوق مع الرجال وتعود تلبس السروال صاي
هههههههه​

 

[Jeune Sghir Mc]

بصراحتي المعروف بها
الفتاة لي ادير هاذو العفايس ماشي مربية وماشي مأصلة وكملت الهدرة
حاشا بنات الفاميليا طبعا
أما بخصوص الحريات تاع المرأة وما شابه اسمعوا شاكير تفهمو
Chakir sougui ya laaouda

سلام

​

 

[الظل الطويل]

|| خويا موضوعكـــ، عجبني فيه الأدلة من الحديث الشريف
بصح اسمحلي نقلكـــــ، في وقتنا الحاليــــ،
المرأة الي تحمل هذا الاسم ...
الا ما رحــــم ربكـــ، وين راهي؟؟؟؟
وينراهي المرا الي تخليها في الدار تقضي واجباتها
و تتهلا في اولادها مايبانش حسها البرا؟؟؟؟؟؟؟؟

تروح دور في اي مؤسسة تلقى لابليبار نتاع الخداميت نسا وسير
تلقى المرا هي لي حاكمة بوست مليح
المرأة تبقى ليها مكانة وتبقى ليها عزة بصح مش من حق اي انثى
المرأة فقط لي حكا عليها ديننا
" مع احتراماتي للأخواتـــ"
ياخويا وش حبيت نقلك المجتمع مولاش يمشي مبدأ مرأة و رجل
ولاو كيف كيف والحقرا نظن العكس الراجل هو لي ولا يعاني من الحقرة

واقع مرير الله غالبـــــ، ~~
​

 

[missa_1]

اممممممممممممممممممممم
احم احم
عندك الصح في كل واش قلتو وبالدليل
ياه بنت عمك واش بيها
المرا راهي تتمتع بكامل الحقوق راهي قريب تحتل مرتبة الرجل
وين تروح تلقاها
الزنقة برا تلقاها غير هي دور
راه رجع زمان هواري بومدين​

 

[missa_1]

شكرا أخي​

قالك النسا العربيات لوكان يعطوهم السلطة ​

راح يطبعولنا تصاور مهند في الصوارد​

ايه هذي عندك فيها الصح
وتبدا كل مرة تبدل الستيل
يعطيك الصحة​

 

[Hector03]

قريب لنبكي قالك حقوق المرأة اصلا الرجال ما ولاش عندهم حقوق المرا’ احتكرت كل شيئ
و كما ذكرت يا عزيز ان قلت الحقيقة قالوا كافي ...يا خي حابس واش بيك روطار هههههههههههههههه
يعني يا تخرج الطريق يا راك متخلف ................بخصوص الفساد ما يحدث للمجتمعات العربية تتحمل مسؤوليته المرأة بالدرجة الاولى
​

 

[missa_1]

ههههههههههههه
يا ابسكري
املا المرا والمرا والباقي لا​

 

[لاجودان شاف]

ايه هذي عندك فيها الصح

وتبدا كل مرة تبدل الستيل

يعطيك الصحة​

وماتنساوش زيدوه في لاتانبر

سيرتو تاع الباسبوووووور​

 

[إيمان قلب]

السلام عليكم ورحمة الله تعالى وبركاته
المرأة فسدت كلمة الحرية لخاطر هي عندها حقوق ماهيش حرية
وماعرفتش تستخدم هاذ المصطلح .. حبت تاخذ بلاصة الراجل وربي حرم عليها تتشبه بيهم
لأن من موضوعك نستنج أن المرأة تريد أن تفعل ما تريد من دون أن يحكمها أب أو أخ أو زوج ...
وهنا نجعل من أنفسنا سيدات لايرضى عنها الدين ولا الأخلاق
بالمختصر المفيد .... يجب أن تكون حرية المرأة بالضوابط الشرعية التي تتناسب وديننا
ألف شكر اخي على الموضوع
سلامي
​

 

[miss meryy]

ايه كلامك صحيح واش نقولو ربي يهدي ما خلق

 

[Hector03]

ههههههههههههه
يا ابسكري
املا المرا والمرا والباقي لا​

او مبعد نتفاهمو انت :re_gards:
​

 

[hiba14]

بكري ياخويا كانت جوهرة
ذرك راهي قزديرة ههههه
الا قلييييييييييل
ولينا حنا نطالبو بالمساوات بين المرأة والرجل في العمل
ماشي هوما ألي يخدمو كيفنا
حنا ألي يرجعونا كيفهم ههههههههه​

انت و الله غي وحدك ههههههههههه
بصح ما عجبتنيش قزديرة و علاش هاكا