made in Algéria

[RINAR]

اليوم درت زي لمهابل و لبهالية في رحلت بحث على made in Algéria كما تعرفوا رمضان على الابواب تعرفوا واش نديروا :sheer: خرجت للمارشي باش نشري حويجات للكوزينا وقبل ما نخرج حلفت و قلت ما نشري غير made in Algéria وسيرثوا made in china ما تدخلش معايا :showoff::showoff:
رحت
-
-
-
-
-
درت

-
-
-
-
شفت
-
-
-
-
حرت
-
-
-
-
حكمتني chocs :scared::scared: الحاجة اللي نرفدها نلقاها
made in china :cra_zy::cra_zy: عييت نحوس بلاك بلاك بلاك بلاك بلاك بلاك بلاك بلاك بلاك بلاك بلاك بلاك بلاك بلاك بلاك نلقى
made in Algéria والوا حتى شيئ ما كاين عليه هد الجملة حسيت بلي راني فلاشين رجعت بيديا فارغين :sadwalk::sadwalk::sadwalk:

يعني يا خاوتي قولولي لالجيري ما قدراش تصنع كاس حاشاكم يعني توصل بينا حويجات زي هدوا ما ناش قادرين نخدموهم و الله عيب حشومة حشومة please اللي يلقى
made in Algéria اطلعلي المورال

 

[torinto]

هههههههه يا اختي انا نعرف زوج حوايج made in algeria
هي :

و

والله صح وقيلا ما نخدموش الكيسان!

 

[ماكانش]

موطو قالمة ماد اين الجيريا
الشمة ماد اين الجيريا
​

 

[دنيا البسمة]

هههههههههههههههه
ياك الزلاميت وماراهيش made in algeria
الحوايج وماكانش قلييييييييييييييل اللي يتخيطو فالجزاير تلقى غير سوريا وتركيا والسعودية وجماعتها غير اللي نتي تديهم للخياطة
ماكان والو بالاك احنا وماراناش made in algeria

 

[AHLEM1992]

كيما يقول لطفي في غنية تاعو
تكرير البترول لبريتيش بتروليوم سوسييتي فرونساز عطاوهم الما و الترنسبور
الريزو تيليفونيك للكويت و المصريين لحديد للهنديين و غنا للسوريين و النصبة و التبزنيس تاع الخردة للدزريين
حنا مانصنعو والو
يعطيك الصحة على الموضوع​

 

[hasna.m]

ما تخلعيش ختى رحتى تحوسى على حوايج الكوزينة

مالقيتيش ...
كاين حوايج ماتحوسيش عليهم هوما made in algeria
...
..
.
https://www.4algeria.com/vb/showthread.php?t=165265

​

 

[barca.moha]

في دزاير ناس وينراها واحنى رانا نصدرو الشمة للخارج
لي طوموبيل مخدمناهمش ونسموهم احنى هدي فراشة هدي شيطانة هدي .......... هي يسموها هيليكس هو يسميها طومبة ماعليه يجي جيل ويبني دزاير كيكونو ناس في القمر عايشين احنى نكونو عاد صانعين طيارة
تاريخ نتاعنا هو اللي بنى الأجيال لوخرين واحنى مستعملناهش ومادرنا بيه والو الله اسمحلنا يا ابن سينا و حوارزمي وعباس بن فرناس


ايا

ــــــــــــــــــــــــــــــــ

made in algeria في منام ومتشوفيهاش

نهدرو على رواحنا صح احنى جيل المستقبل ولالا بصح متعلمنا والو من اللي قبلنا والدولة مادارت والو باه تساعدنا

ســـــــــــــــــلآم ...................
​

​

 

[nina bonoise]

je pense pa kayen made in algeria
​

 

[Estrella]

حنا وقريب يكتبولنا في ظهورنا made in china
صحيتي ختي ...​

 

[الحق سلاحي]

هادي الفوطو made in algeria
ههه
​

 

[لاجودان شاف]

السلام عليكم
كاين المقرود ختي والرخساس وأم الرزايم والعيش made in algéria​

 

[بنـ MaPa ـت]

وعليكم السلاام

حطي روحك راكي في لاشين كيما قلتي وخلاص

مرسي على الموضوع
​

 

[N@riM@N]

شناوه غزونا في كلش
هوما بروحهم عادو معمرين دزاير يعني منحكوش ع سلعه تاعهم
​

 

[الورد الأحمر]

هههه مرة نشوف مع لبلج تاع الباب تاعنا
لقيت مكتوب ماد إين ألجيريا
من بعد كي تولهت مليح شفت لكتيبة هذيك
كلي مش منقوشة فوق لحديد وبانتلي كلش جونغ لاصقة
هيا مديت يدي نلقاها ورقة برك ملصقينها
نحيت الورقة هذيك لقيت من تحت مكتوبة
made in france
خخخخخ
دلاك نقولك واش كاين مايد إن ألجيريا :
- البوبالات حاشاك لي مطيشين برة
- عندك بونا ليموناد خخخ
- حمود بوعلام خخخخ
- بالاك الباليات ولي فخوطواغ
مي تبانلي يخدمو غير المونش
مي الباقي يستوردوه
- البيادن تاع التسياق مستوردين ههه
- النشافات بالاك هوما لي يخدموهم
كاش أمثلة خلاف أو نقولك
مغسي عالموضوع خفيف ظريف
سلامو
​

 

[nina bonoise]

دلاك نقولك واش كاين مايد إن ألجيريا :
- البوبالات حاشاك لي مطيشين برة
- عندك بونا ليموناد خخخ
- حمود بوعلام خخخخ
- بالاك الباليات ولي فخوطواغ
مي تبانلي يخدمو غير المونش
مي الباقي يستوردوه
- البيادن تاع التسياق مستوردين ههه
- النشافات بالاك هوما لي يخدموهم
كاش أمثلة خلاف أو نقولك
مغسي عالموضوع خفيف ظريف
سلامو
​

هههههههههههه
قتلتيني بالضحك
ردك روعة:yahoo::laugh:
​

 

[adel-mz]

قالك واحد جزائري واحد فرنسي واحد امريكي تفاهمو باش يصنعو طيارة ،الفرنسي صنع الموتور والامريكي صنع الكوك (هيكل الطائرة ) والجزائري ماذا صنع يااصدقاء
صنع تيكي فيه made in algeria باش كامل الحقوق محفوظة لينا هههههههههههههههههههههه

 

[AWDIESL]

lfalfal lakhal made in algeria

---------
matastanaych talkay sal3a ta3 dzayar dor fa lmarché

hna yalhakna ghir diché ta3 la chine

o mechi ma3naha chnawa sal3athom ga3 3iyana

lala 3andhom mantoujat mlah ysadrohom l amrica o lajma3a lmathalba hhhh

ama dzayar yalhakna ghir rakay o lmard mel fok

lhad daraja rana fi asfal martaba

merci 3lik
​

 

[Mima-F]

يا صاحبتي نتي خارجة وانا نقولك ما تحلفيش
على خاطر والو ما made in algeria
رانا نعانيومن غزو الصينيين في كل شىء

 

[DARINE05]

Sachiyat hhhhhhhhhhhhhhhh

 

[RINAR]