- إنضم
- 12 سبتمبر 2009
- المشاركات
- 2,422
- نقاط التفاعل
- 40
- نقاط الجوائز
- 459
- العمر
- 35
بسم الله الرحمن الرحيم و الصلاة و السلام على أشرف الخلق سيدنا محمد و على آله الطاهرين و صحبه أجمعين و من تبعهم باحسان الى يوم الدين أما بعد:
حبيت اليوم نخير Theme جديد نهدرو فيه، عيينا من مواضيع الحب و التيليفونات و ما شابه، نظن الموضوع باين من عنوانو ''مش عيب تكونـ ما تعرفش مي عيب كون ما تحبش تتعلم"
رانا نشوفو في الظاهرة هاذيـ بزاف في مجتمع تاعنا المعروف أنو يحب الفوخ و الزوخ و العيش للناس و مبدأ شوفوني راني، ولاو الجزائريين يفهمو في كلش تصقصيه يجاوبك و meme راهو غالط يزيد يصر على جوابو و يلعبها فاهم و هو كي الفقاعة تكبر تكبر لتنفجر لوحدها.
mais المشكل مش هنا، المشكل أنا لي حيرني هو حصص الفتاوى الدينية في القنوات الفضائية، jamais شفت مفتي قالـ أنا لا أعلم أو ما عنديش المعلومات الكافية لاصدار الفتوى المناسبة فأصبحن الفتوىـ كي البيتزا يديها معاه المستفتي Emporté .
أنا قريت على واحد الصالح (لا أعرف اسمه - نسيته - ) يجوه الناس للفتوىـ يجاوب على نسبة قليلة و الباقي يقولهم لا أعلم، ضرك ولاو الناس يتكالبون على الفتوىـ دون ورع و الرسول يقول فيما معناه "أقربكم للفتوى أقربكم الى النار"
مش عيب تقول ما نعرفش لأنو مهما كنت راك مازال ما تعرفش و تموت و أنت ما زال ما تعرفش كلش، حتى الملائكة اللي عندما أخبرهم الله قالهم "اني جاعل في الأرض خليفة'' ردو عليه أنو كيفاه تخلق اللي راح يفسد و يسفك الدماء وش قالهم ربي سبحانو قالهم "اني أعلم ما لا تعلم"
و ممبعد الملائكة قرو لربي بحقيقة هذا الجهل و عدم العلم فقالو لله "سبحانك لا علم لنا الا ما علمتنا".
هذو الملائكة أقرب المخلوقات الى الله فما أدراك نحن الانس الذين وصفنا الله في القرآن بـ "الجهول'' و "المستعجل" و غيره.
هذه نصيحة نقدمها لروحي و لخاوتي في اللمة
ان شاء الله ما طولتش عليكم
و ان شاء الله يعجبكم الموضوع
+
لا تنسوا التقييم و الردود
تحيــ chemssou007 ــــات
ان شاء الله ما طولتش عليكم
و ان شاء الله يعجبكم الموضوع
+
لا تنسوا التقييم و الردود
تحيــ chemssou007 ــــات
