*تعرف وش قالوا عليك ارواح نقولك........*

[ღحنين الروحღ]

الانسان بطبعو حذر فيحذر من امراض ممكن يتعرض ليها في حياتوا
مي نسى اهم شئ هو* سلامة الروح من الامراض النفسية*
واليوم اخترت لكم موضوع هو في الحق موضوع حساس بزاف وحبيت ناقشوا معاكم
ونشوف اراءكم حول هذا الموضوع

وموضوعي اليوم عن
*النميمة بين الناس*

وقبل ان نذكر بعض الامثلة عن النميمة
عليا نعرفكم بتعريف بسيط عن النميمة والغيبة

النميمة :
وهو ان تنقل كلاما سمعته من احد الطرفين وتنقلوا للطرف الثاني
باه توقعهم في بعضاهم وتحصل المناوشات والخصام والنتيجة يتقارقوا وقلوبهم تكحال ومايشموش بعضاهم


وللنميمة اسباب كثيرة منها:
*الحسد
*الكره
*الغيرة
*او طبع يلازم اناس كثر

الكثير منا تعرض وسمع كلام مسوا بالسوء من اقرب الناس او من ناس مايعرفهمش
هاو قال فلان هكا وهكا............. هاي قالت فلانة عليك
هاو طلع هاو هبطت
هاي وش قالتلي..................هاو وش قالي
هاي وش لبست فلانة في العرس يا زوجي........... والزوج يحكيها فالقهوة......................
وتوصل للطلاق
وتكبار لحكاية
وهناك قصة معروفة هي قصة العبد النمام


قصة العبد النمام:


روي أن رجلاً أراد شراء عبد .. فقال له البائع .. إن فيه عيباً واحداً .. "إنه نمام" ..
فقال الرجل : لا بأس في ذلك ..


وحينما أحضره البيت .. ذهب العبد لزوجة سيده وقال لها: إن زوجكِ يريد أن يتزوج عليك .. والطريقة الأنسب لمنعه .. أن تأخذي شيئاً حاداً وتقطعي شعرات من رأسه حتى نقوم بعمل سحرٍ له .. ونمنعه من الزواج عليكِ ..


وذهب لسيده وقال له: إن زوجتك تحب رجلاً غيرك .. وتريد أن تقتلك الليلة بآلة حادة وأنت نائم .. فأنتبه لها..


فجاءت المرأة المسكينة وأرادت أن تقطع شعرات من رأس الزوج .. فأنتبه لها فقام بقتلها .. فعلم أهلها فجاءوا لقتله .. وعندها سالت الدماء بين القبيلتين


وهنا نفهموا خطورة هذا المرض النفسي
وفي الحقيقة شاعت انوا الثرثرة مقتاصرة على صنف النساء
مي في وقتنا هذا
..عادت المراة تتكلم عن النساء والرجال..
..والراجل يتكلم ايضا عن امور تخص النساء والرجال..
وحكاوي وقصص وامور تتعجب منها صرات بسبب النميمة بين الناس ويمكن توصل للقتل.....

..وفيه حكاية سمعتها مرة..
انو فيه ملك حاب يشوف قدماه الشعب يخلصلوا ومايخونوش فطلب من وزيره وحاب يستشيروا باه يقولوا وش يدير
فقالوا الوزير احكم "بيضة" وبيتها تحتك وخلي الخدامة تشوفك
المهم رقد وفي الصباح جات الخدامة
قاللها الفراش مش معدول مليح جات فوقف فلقات بيضة تحتوا فدارت روحها ماشافتش والامور عادية مي كي
خرجت قالت للخدامة الي برى انوا الملك باض 2بيضات
وهكا حتى وصل عدد البيضات 1000

والنميمة انتاشرت فكل الاماكن وحتى في المنتديات
وكاين ناس تخدم وتكسب رزقها من النميمة
بمعنى تتعرف على ناس قاصدة تتعرف عليهم باه تسمع منا ومن هيه ويكونوا شكارة نتاع حكايات ومباعد يتم نقلها عبر الحدود الجوية وتتباع بالملايير
وهكذا تنتشر شبكة العنكبوت لتصل الى اسماع كل بشر
حتى يطيح الانسان البرئ في الشراك

والان حابة نعرف رايكم
*وش رايكم في النميمة والنمام
*وهل تعرضتوا لمشاكل بسبب نميمة اناس يقربون لكم او غريبون عنكم
*واذا ليكم قصة او حادثة صراتلكم نتمنى تشاركونا بيها
"لكم الحرية في الحديث ولكن لا يخرج الموضوع عن عنوانه
"النميمة بين الناس"

نصيحة:
احذر وصن لسانك عن الخطا ولا تثرثر وصن لسانك لانك اذا لم تصنه رماك الى نار جهنم

*وشكرا لكم على الاستماع *
*دمتم بود وحفظكم الله ورعاكم*
*لكم مني كل الود والاحترام*
*موفقين*


​

​

 

[Estrella]

لي عودة للرد ان شاء لله
تصبحي بخير ختي​

 

[hasna.m]

موضوع ممـــــــــــــــــــــــيز اختى

النميمــــــة دايرة حالة سيرتوابين النساء

ربىــــ يهديــــــــهم
​

 

[adel-mz]

يا ختي هادي الصفة واش نقولك راهي دايرة حالة في المجتمع نتاعنا،ورانا نعانيو منها ومادبينا الناس يهديها ربي ويبطلوها ويخليونا نعيشو alaise
شكرا اختي على الموضوع ،

 

[ღحنين الروحღ]

لي عودة للرد ان شاء لله


تصبحي بخير ختي​

اهلين ورمحبا فيك تنوريني في كل وقت
دمتي بود وحفظك الله ورعاك
موفقة​

 

[07 _H@yThm]

يعطيك الصحه
النميمه وجبيد اعراض الناس حتا بلغالط
منتشره بزاف خاصه فلمجتمع العربي
​

 

[السلطانة]

وعليكم السلام
لي يهدر يتقلب من عندي انا
ولي ينمم راه يهديني حسناتو
شكرا على الموضوع
تحياتي
​

 

[═♥.ЈŪšť_ màn.♥═]

..
و الله غير عتدكــ الحق
و هادي افـــــة اجتماعية .... واعرة بزااااااااااااااف
كيما قلت راعي ادير المصاءب
...
مي الله غالب الي فيه طبع ما ينطبع
شعب الجزائر مسلم و الى العروبة ينتسب
من قال حاد عن اصله او قال مات فقد كذب ​

 

[sam_houssem]

خلي يقولو خلي يزيدو خلي يهدرو شيء مايديرو
يظلو يتالبو يظلو يناقرو خلي يقولو ​

***
الهدرة والتقطاع ولاو سبور ناسيونال
الناس اكل ولات تسمع وتكابتي راديو طروطوار​

اسمعي هاذ الغنية تاع لطفي دوبل كانو ضرك تعرفي كل شيء ابتسام اختي
هيا على خير ومن بعد نزيد نضرب دورة​

 

[ماكانش]

يعطيك الصحة ابتسام
النميمة من كبائر الذنوب
تفرق بين لحباب
من صفات المننافقين الخبيثين ...
ربي عافينا منها
يعطيك الصحة

 

[tendresse]

من أمراض النفوس التي انتشرت في المجتمع المسلم مرض النميمة.. وهو داء خبيث يسري على الألسن فيهدم الأُسر، ويفرق الأحبة، ويُقطع الأرحام. ​

فعن أحد الحكماء قال لولده:
يا بنى لا تنم ولا تسخر ولا تستهزئ بأحد فعسى أن يكن خير منك
يا بنى إياك والظلم فإن الظلم ظلمات يوم القيامة
يا بنى لا تشغل نفسك بعيوب الآخرين وعليك بعيوب نفسك
يا بنى احفظ لسانك من الكذب والغيبة والنميمة والبهتان والسب واللعن واجعل مكان ذلك تسبيحا وتهليلا وتكبيرا وحمدا وثناء ​

 

[آمِيْرَتُه]

السلام عليكم والله موضوع فالقمة و رائع هكذا كل يوم تعودنا رؤيتك حاضرة بمواضيع مميزة مثلك

فيما يخص موضوعك النميمة بالفعل النميمة ولات صفة نورمال فالانسان متناسيا انها صفة قبيحة

محرمة بإجماع المسلمين وقد تظاهرت على تحريمها الأدلة الصريحة من الكتاب والسنة وإجماع الأمة وهي

كبيرة من كبائر الذنوب.

واش نقولك الله يهدينا و يهديهم و تقبلي مروري و مزيدا من التالق

 

[الورد الأحمر]

هذي الظاهرة تصرا تصرا مام عن غير
قصد من البني آدم ولي يقول ما فيّاش راه
غير يخرط الكل نغلطو عن نفسي ديفوا
نطيح فيها بلا نحس على روحي وموضوعك
قيّم ابتسام يعطيك الصحة عليه وبارك الله
فيك وتقييم من نور ليك ومغسي وسلامو
​

 

[Estrella]

هـــــانـــــي جيــــت باش نرد
******
يا ختي نميمة راهي واعرة بزااااف تخسر حتى مابين الخوا
والناس الي يوصلو لخبار هادوك ناس غيارين ومحسادين يبغو يخسرو بين زوج
ربي يبعــــدهم علينا وعليكم ...
صحـــيتي خــتي على الموضـــوع الزيـــن
تـــحيــــاتـــــــــي ​

 

[ღحنين الروحღ]

موضوع ممـــــــــــــــــــــــيز اختى​

النميمــــــة دايرة حالة سيرتوابين النساء ​

ربىــــ يهديــــــــهم ​

اهلين حسناء
نورتيني ونورتني حروفك ونقاشاتك
شكرا لك
على الرد
دمتي بود
:re_gards:​

 

[ღحنين الروحღ]

يا ختي هادي الصفة واش نقولك راهي دايرة حالة في المجتمع نتاعنا،ورانا نعانيو منها ومادبينا الناس يهديها ربي ويبطلوها ويخليونا نعيشو alaise
شكرا اختي على الموضوع ،

وي ربي يهدينا
شكرا لك على الرد والاهتمام
دمت بود
وحفظك الله ورعاك
موفق​

 

[ღحنين الروحღ]

يعطيك الصحه

النميمه وجبيد اعراض الناس حتا بلغالط
منتشره بزاف خاصه فلمجتمع العربي​

الله يسلمك
شكرا لك على الرد اخي
دمت بود​

 

[ღحنين الروحღ]

وعليكم السلام

لي يهدر يتقلب من عندي انا
ولي ينمم راه يهديني حسناتو
شكرا على الموضوع
تحياتي ​

اهلين نورتيني بطلتك يا قمر :shay:
وي كلامك صحيح
الله يهدي
شكرا الك على الرد
موفقة:re_gards:
​

 

[مغرورة بأنوثـتي]

يعطيك الصحة عالموضوع
درك شوي ونرجع

 

[ღحنين الروحღ]

..

و الله غير عتدكــ الحق
و هادي افـــــة اجتماعية .... واعرة بزااااااااااااااف
كيما قلت راعي ادير المصاءب
...
مي الله غالب الي فيه طبع ما ينطبع
شعب الجزائر مسلم و الى العروبة ينتسب

من قال حاد عن اصله او قال مات فقد كذب ​

شكرا اخ غزال الجزائر على طلتك التي اسعدتني كثيرا
نعم فوس بشر لم تفهم بعد
دمت بود
ومشكور على اهتمامك وردك
دمت بود
موفق
:re_gards::re_gards:​