أيا لوكان جا ولد حرام ماشي خير ؟؟؟ هههههه ...

[ماكانش]

السلام عليكم ورحمة الله وبركاته


واش راكم خاوتي لاباس بخير الحمد لله


أيا هذيك المرة عيطلي صاحبي وقالي نتا فلان خو فلانة (قرات معايا برك هههه) باص (مهبول) ؟؟؟ ​

قتلو انا وعلاه، تبالي عادي ....​

قالي راهو يبعثلي فليميساج ويقلي اعطيني النيميرو تاع ختك أنا فلان قريت معاها وحاب نسقسي عليها برك ههههههه​

ربي بارك على التربية والنية ههههههه​

قالي حيرني وحرتلو، قالي والمشكل أول ميساج بعثهولي بعثهولي بإسم ختو المتزوجة​

قالي كي عيط باش نحكي معاه بعثلو ميساج و قالو راني مزوجة ​

لعبها طفلة وهدر بإسم ختو​

ومن بعد خرجهالو صحا صحا​

ايا قتلو خلي كي نتلاقاو نحكيو مليح​

أيا لبارح تلاقينا وحكينا فيها قالي كل يوم يبعثلي 10 ميساجات ونعتلي واحد قريتو قالو فيه " ياخويا فلان علاه ماراكش تهز عليا وعلاه تسيء فيا الظن​

أعطيني نيميروها راهي عزيزة عليا بزاااااف ومانعرف واش قالو ...​

قالي صاحبي قتلو ياولدي راهي كبيرة ونتا كبير كون في عقلك شوي ...​

وصاحبي ماحبش يضربو ولا هكذا لاخاطر ولد فاميليا بزاف وقراي الباك جابو ب18 ربي بارك ويبانو خاطيهم الناس خلاص ...​

أيا مهناش روحو وقالي زاد بعثلو وقالو اعطيني رقم تاع فلانة على وجه ربي ؟؟؟ هههه​

والله انا حرت صح صح يطلب فيه في النيميرو تاع ختو، والمشكل بين بلي يشتيها راهو قالو نويت كي نكمل نخطب ...​

انا قتلو اتلاقا بيه وفهمو مليح ​

قتلو بلاك طاح فيها مسكين ههههههه​

ايه قالي كي قالو راهي مخطوبة قالو هذا ماكنت أخشاه ، قالهالو بالعربية الفصحى هههههه​

وقالو كنت ناوي نكمل قرايتي ونخطبها ...​

أيا قلت لوكان جا ولد حرام راهو راحلها ديراكت ولا استناها ولا دار حاجة كي ليجان​

مسكين ولد فاميليا مالقا وين يروح راح لخوها وطلبو في نيميرو تاع ختو ههههه هذي حيرة صح ​

ومع اللخر بين بلي راهو يشتيها مسكين هههههههههه​

ايا ونتوما واش رايكم في هذ اللقطة ولحكاية ؟؟؟ ...​

ولولاد تاعنا تقدر تقصد واحد في النيميرو تاع ختو ؟؟؟ هههه​

الملاحظة:​

ماشي لوكان جا ولد حرام خير هههههه نقصر برك ​

ثانيا:​

صاحبي هذا هو العضو لاجودان شاف ​

او يجي يحكيلكم ويكتبلكم ميساج واحد تقراوه هههههههه​

ثالثا:​

إذا نورمال، غدوة نقصد واحد في النيميرو تاع العايلة هههههههه​

 

[AHLEM1992]

لوكان راح هدر معاه ديراكت خير من يدوموندي نيميرو ختو
من قبل سمعنا بلي يدوموندي اوموا من عند صحبتها ولا وحدة من لافامي تاعها
مي خوها صعيبة شوي
بارك الله فيك سفيان
لي عودة ...​

 

[AHLEM1992]

+
ملاحظة : الواحد كي يهدر مع وحدة عجباتو و قالها راني حاب نيميرو تاعك
يعتبر وليد حرام ؟؟!!
في حالة كيما هادي جوبونس حتى هي راهي تعرفو كي قرا معاها ماشي واحد تلاقاها في الكارتي​

 

[مابقاش بزاف.Dz]

و عليكم السلام
ايا نبدا التحليل تاعي و ليزاناليـــــــز هههههههههههه
هذا و الله باين فيه وليد فاميليا و تالي كيما قلت راهو دخل من la fenetre ماشي من الباب كيما يديروا الاغلبية
مادام طايح فيها خلي يخلوهالو طبعا بموافقتها ماشي يحتموه ليها ههههه - راي خاص فقط الصح عند ماليها-
en plus مليحة هذي تاع يجي طول للاخ و كان غير راح للوالد احسـن ميرسي على الموضوع الزينون و ربي يكتب الخير
صحـــــا

 

[Estrella]

هههههههه واعرة هادي يطلب نيميرو تاع ختو
هاد السيد مخافش من خوها كورااااااج
انا تبانلي يلا راه باغيها يحكي معا خوها ويفهمو ماشي يقلو عطيني نيميرو هههههه
مزيه برك هدا صاحبك جا متفهم شوية كون وحداخر كون كمل معاه راك تعرف العقلية ههه
ملاحظة...عجبتني تاع هذا ما كنت اخشااااااه هههههه مسلسل مدبلج ..
ولله لقــــــطة متدخلــــش فالــــراس يا سفيان
ربــــي يجيب الخــــير مع الجيل تاع ضرك هههه
صحـــــيت سفيــــان...
​

 

[hasna.m]

ما تفهمش الصحـــ وينـــ
​

إذا نورمال، غدوة نقصد واحد في النيميرو تاع العايلة هههههههه

وانت كى تقصد واش تقول "" ( كى نكمل القراية نخطب )
​

 

[الورد الأحمر]

هههه والله ما لقيت واش نقول
درك من جيهة هو راه دار حاجة مليحة
راح قصد خوها قبل ما يقصدها
ومن جهة كيفاش يقصد خوها أكيد
ما رايحش يديرلو قوسطوه
وما لقيتش واش نقول فيه
هههه ضحكني وخلاص
مغسي سفيان
سلامو
​

 

[بنـ MaPa ـت]

وعليكم السلاام

ههههه مسكين هاد السيد يبان غير على نيتو ماخمم ماقال حرمة نقول لخوها هكدا وبالاك كان يقعد بيه وخلاص هههه
صح يحير

مرسي على الموضوع
​

 

[adel-mz]

هادي مليحة من الكبار ، السيد دخلها بنص كارتة ههههه
عجبتني ياسر ياسر هادي استوار .
بارك الله فيك وعليك نور مستر rien

 

[AWDIESL]

ana 3andi 2 remarques ya makanch

1 - ya3ni hada sahbak lkaray li jab 18 fal bac lah ybarak
ya3raf had siyad mlih wela lala
ya3ni mechi ya3raf beli kra m3a khto wa khlas
kasdi ida ya3raf chkoun howa .....o....o....... ext

2 - lhaja li mafhamthach wahad ki yhab yakhtab wahda ykol lkhouha ya flan 3ajbatni khtak o nawi nasbak
déja ykolha bal khal3a
bech khou tafla maykolch "hada win ya3rafha"
mechi y3ayat lkhouha o ykolo a3tini nimiro dyalha

ana had jest madkhalich fal gosto

walah a3lam

kol al ihtimalat warida

aya kra lgawriya wa d3ili hhhh
​

 

[makour]

هههههههههههههههه مسكين نية او نتوما مشيتوا معاه على قد نيتوا ههه شابة هادي عيش تشوف

 

[M!ss_f@ti]

...

انا قتلو اتلاقا بيه وفهمو مليح
قتلو بلاك طاح فيها مسكين ههههههه
ايه قالي كي قالو راهي مخطوبة قالو هذا ماكنت أخشاه ، قالهالو بالعربية الفصحى هههههه

والله غير نكتة راني نتخيل هههههه


ولولاد تاعنا تقدر تقصد واحد في النيميرو تاع ختو ؟؟؟ هههه
تبانلي لولاد يقدرو يديروها مي شوف ردة فعل لبنات ههه

الملاحظة:
ماشي لوكان جا ولد حرام خير هههههه نقصر برك
:schmoll:

ثانيا:
صاحبي هذا هو العضو لاجودان شاف
او يجي يحكيلكم ويكتبلكم ميساج واحد تقراوه هههههههه

في انتظار لاجودان ...

ثالثا:
إذا نورمال، غدوة نقصد واحد في النيميرو تاع العايلة هههههههه​

يكون أحسن سفيان تعمل امليح ههههههه

بصراحة باين ولد حلال ,,, لانو ليجان تاع اليوم تقولو الطفلة شافنا خويا يصفار ويخضار كي اشارات المرور ... ألور هذا كي قصد خويا يتسمى ناويها صح صح ..

ربي يكمل ان شاء الله بالخير

 

[لاجودان شاف]

السلاااااااااام عليكم

هههههههه يعطيييييك الصحة الشيخ شفت راح يهبلني

وزيد نسيت حاجة قتلو اعطيني نيميرو ختك المزوجة مالا نتا ثاني عطاهولي ههه​

 

[DARINE05]

هاذي جديدة ولاو يطلبو النيميرو من عند خوها

متلقا وش تقول في حكايتو يعني وش يسنى من خوها يمدلو النيميرو ويزيد يفليكسيلو بلاك ههههههه يخي حالة يخي لوكان جا واجد معليش هذوين قال بسم الله راح يخطب ياو باااه يخطبها ب 18تاعو

مرسي على موضوع

 

[M!ss_f@ti]

السلاااااااااام عليكم

هههههههه يعطيييييك الصحة الشيخ شفت راح يهبلني

وزيد نسيت حاجة قتلو اعطيني نيميرو ختك المزوجة مالا نتا ثاني عطاهولي ههه​

وعليكم السلام

هذا راه حاب يدير المستحيل ههههه

باين نيتو صافية مدلو النيميرو وريحو مسكين

 

[إيمان قلب]

السلام عليكم ..
اهلا سفيان وبتقرعيجك ...
بالصح والله ماهو طالب الضحك على هاذ المخلوق ضحكت
هذا ماهو ولد حرام ماهو ولد حلال يبانلي ماعندوش العقل خلاااااص
لخاطر كون جا ولد حرام كون راه كيما قلت راح ديراكت للطفلة هذه محسوبالو وغادي تشفعلو
وكون جا ولد حلال يجي لخوها يقوله عجبتني اختك غادي نخطب كي يكون خايف لالمخلوقة اطير من يدو والبنات خلاصو
يقول عليها حتى يكمل قرايته
بالصح هذا راه جا على النيميرو هذا مافهمتلو والوا انا
راه مسك روحو خوها كي ماجيفوش تم لخاطر ماهيش جاية يجي واحد يقولك اعطيني نيميرو اختك ؟؟؟؟؟ اخخخ والله بايخة كيف اللي يديرها
ايا يعطيك الصحة سفيان على الموضوع واسمحلي هدرت ياسر
سلامي​

 

[لاجودان شاف]

وعليكم السلام

هذا راه حاب يدير المستحيل ههههه

باين نيتو صافية مدلو النيميرو وريحو مسكين

السلام عليكم ورحمة الله وبركاته
صح اختي هو يبان نية نعرفو ولد كارتي تربى وحدوووووووووو ديما وما يخرجش من البيت غير للقراية
ماوش مشكل يحب وتعجبو الطفلة حنا كامل نحبو ويعجبونا بنات بصح لازم تدخل دخلة مليحة
انا الشي الي ردني حيوان اكرمكم الله هو اول مساج بعثهولي
لعبهالي طفلة قالي انا صاحبة أختك ممكن تبعثلي نيميروها
حرت رحت لختي قتلها شكون صاحبتك هاذي لي تجيب نيميرويا وما تقدرش تجيب نيميروك
ياخي قاعد غير نتصل بيه ما يهزش خاف​

ومن بعد ولا يقولي انا فلانة - يعني ختو- وهاذي نعرفها بنت كارتي زعما قاتلي حابة نيميرو اختك
فعاودت اتصلت كوبا عليا وقالي الخبيييييث اكتب يا اخي راني مزوجة
قتلو او قتلها واش باص لازم نسمع صوتك
ومن بعد اعترف
قالي اسمحلي وبدا يحكي قالي بلي قريت مع اختك في اولى ثانوي وقلت لما نكمل الجماعة
نجي نخطب اعطيني نيميروها حاب نسقسي عليها وغير يترجى فيا​

وش نقولك تبالي كل يوم 30 ميساج والله نيتي حسنة والله حاب نسقسي على اختي برك
ووو وانا مانردش عليه لاني مالقيت وش نقولو غير السبات وتطياح الهدرة
ياخي ايام قاعد غير نتصل بيه ما يهزش حبيت نسبو
بعدها بعثتلو ميساج قتلو
احشم وتربا راك كبير والطفلة راهي مرا وشمن اختك لي تسقسي عليها
قتلو مالا ابعثلي نيميرو اختك المزوجة
في البلاصة بعثهووولي وقالي هاو نيميرو اختي وراهي مزوجة احكي معاها
من بعد قتلو واش هبلت هيا روح اخطيني الطفلة راهي مخطوبة
ويا ريتني ما قتلووووووش
ليمسياج نسيبريميهم بلا ما نقرا ديما ميموار بلان كل يوم نحذف 20 واحد
وبقا عل هذا الحال
حتى نشفا اول البارح​

بعثلي قالي ياخويا راهي كاينة واحد البنت فاميلتنا مليحة حاب نعرفك بيها
حنا رانا نحبوك في الله ​

ما رديتش عليه​

بعد نص ساعة بثعلي والله قالي هاك​

svp donner moi le n de ..........yakhi taarfni wtathik fia
وهنا صاي نفذ صبري هبلت وبقيت غير نعيطلو ما يهزش
بعثتلو ميساج قتلو اكرمكم الله هز يا كلب
طفا التيليفون ومن بعد بعثلي يبكي قالي كيفاه تصفني بالكلب
البارح الصباح على صباح ربي عيطلي رقم من الطاكسيفون
قالي انا هو فلان
وش نقولكم جبتلو كراس الاوساخ وغنيتلو غناية حصرية تشوكا وش سمع
من البارح لليوم راني تهنيت شوي​

بصح كاين حاجة في راسي
المهبول هذا لي حب ختي هكذا تبالي راح يدير كلش
انا ويبعثلي 20 ميساج في النهار وانا خوها
فمابالك لو يجيب نيميروها
وربما البعض يقول وشبيه هذا علاه ما يهبطلوش يهرسلو راسو
والله لو تشوفوه تكرهو حياتكم
بييييييييض بزااااااف وخدودو حومر تالمو ولد فاميلا وما يخرجش من الدار​

 

[نسيم الربيع]

السلاااااااااام عليكم

هههههههه يعطيييييك الصحة الشيخ شفت راح يهبلني

وزيد نسيت حاجة قتلو اعطيني نيميرو ختك المزوجة مالا نتا ثاني عطاهولي ههه​

بصح واش يضمنلك النيميرو تاع ختو؟؟؟؟

 

[لاجودان شاف]

بصح واش يضمنلك النيميرو تاع ختو؟؟؟؟

صح الحق تاع ربي انا ما جربتوش

بصح قلت هذا ومهبول نورمال يدير كلش​

 

[نسيم الربيع]

ياخي تمهبيل ياخي
الناس عيات واش دير
كون كانت نيتو لحلال راه راح حكا مع السي لاجودان شاف فاس آ فاس مش يعيطلو ويحكيلو فحكايات الذر يروح ليه عادي ولا يشوف كيفاه يحط الكلمه على الطفله
وكي يجيب نيميروها واش يدير بيه؟؟؟ يكون راح ليها ومحبتش تمدوهولو ايا قال نجيبو بطريقه اخرى
يعني كي هو كي واحد آخر ومنعرف
مارسي عليك سفيان​