أفكار **لؤلؤيه **للتجهيز لرمضان لتوفير الوقت و الجهد وإستغلال الوقت للعباده
السلام عليكم ونشريساتى
و كل عام وانتم بخير
رمضان على الأبواب إن شاء الله (( اللهم بلًغنا رمضان )) و حابين نستغل كل دقيقه فيه فى طاعة بإذن الله
و كل امراة بتبقى محتاره ..... نفسها تعمل أحسن أكل و حلويات و مشروبات لأسرتها و نفسها فى نفس الوقت تقرأ أجزاء عديده من المصحف فى اليوم و بيبقى صعب التوفيق بين الإثنين
و ايضا يبقى فيه عزومات و أيام تضيع فى تحضير العزومه
هذه عدة أفكار تقلل الوقت و الجهد فى المطبخ ... من اجل ان تقرأي عدة أجزاء من المصحف فى اليوم الواحد و يبقى فيكي حيل تصلى صلاة التراويح سواء فى البيت أو المسجد ..... و فى نفس الوقت تكوني عملتى أحسن أصناف فى أقل وقت و بأقل جهد بإذن الله
سأحاول ان أسرد عدة أفكار ببساطه و بسرعه
1- قبل رمضان إكتبى إحتياجات البيت ( أكل - مشروبات -توابل - صابون - كركديه - تمر هندى -دوم - ملح .... كل حاجه ..كل حاجه ) فى ورقه و إبتدى جمعيها علشان لا تضطرى تشترى و تنزلى فى رمضان و تضيعى وقت العباده .
2- عمل كميه كبيره من البصل المفروم و تعبئتها فى أكياس و حفظها فى الثلاجة.
3- عمل ثوم مفروم و تجميده مفروم فى علبه محكمة الغلق ... و شوية ثوم مفصص لوحدهم يجمدوا ايضا.
4- عمل عصير كميه من الطاطم المعصوره و تعبئتها فى أكياس فى الثلاجة ( و إذا لم تتمكنى من ذلك ممكن تجميد الطماطم كما هى و عند تسييحها تجدين قشرتها إنفصلت عنها ...إنزعيها و إخلطيها فى الخلاط لتبقى كأنها طازجه بالظبط )
5- إعملى كميه من اللحم المفروم و جمديه فى الثلاجة و يبقى سهل و جاهز وقت الحاجه
6- عمل كميه من ((للحم المفروم المضاف إليه عصير طماطم و ملعقة صلصه و تبليها و جمديها ))) بتنفع ( لعدة أصناف .. للمكرونات - ....)
7- إعملى كميه كبيره من ((صلصة الطبيخ : تحمرى البصل فى سمن ثم تحمرى اللحم حتى يتماسك ثم تضيفى عصير الطماطم و تترك حتى يبقى اللحم نصف ساعة ثم تضيفى الملح و الفلفل )) و تبقى يادوب جاهزه على وضع الخضار فيها و قسميها فى أكياس كل كيس يقضى طبخه و جمديها (بدون وضع الخضار فيها و لما بتسيح بتبقى كأنك لسه عاملاها بالظبط )) و بعد ما تسيح وقت الحاجه ضيفى الخضار التي تحبي ان تضيفيها عادى جدا .
8- إعملى خلطة المحشى (( البصل و الخضره و الطاطم و اللحم المعصج و السمن و الملح و الفلفل )) و ممكن تعطيها غلية على النار لو حابة و ممكن لأ... و جمديها للمحشى بدون وضع أرز نهائى ... و لما بتسيح بتبقى كأنك لسه عاملاها بالظبط و بأقول تانى (( بدون وضع الأرز ))) تضعى الأرز قبل عمل المحشى مباشرة .
9- إشترى دماسة فول ((حجم كبير من اجل ان لا يحدث فوران للفول و هو على النار و يطفى النار و العياذ بالله )) و تعلمى طريقة تدميس الفول (لو كنتىلا تعرفي تدمسيه ( سهل جدا ) )حتوفرى وقت و جهد كبير بوجود الفول المدمس للسحور فى البيت وقت ما تشائين و فننى و نوًعى فى أصناف الفول كل يوم على السحور.
10- إعملى الزبادى فى البيت ( سهل و الله ) و لا محتاج جهاز و لا حاجه خالص ... ينفع للسحور طبعا و للسلطات مع الفطار و بعض أصناف الحلويات ...و يبقى عندك كميه تحت إيديكى إنتى اللى عاملاها .
11- لو عندك إبتداء من الان شوربه زياده (( عبئيها فى أكياس و جمديها )) و شيليها فى الثلاجة تنفع فى شوربة الفطار ( الشوربه صنف ثابت طبعاً كل يوم ) فى رمضان
12- بعض الأصناف كاملة التجهيز إكتشفت إنها لا تتأثر بالتجميد نهائى بشرط إنك تحكمى الإغلاق و من هذه الأصناف :
* صينية جلاش بالجبن أو اللحم
* صوانى الرقاق
* الكنالونى كاملا و ممكن تعملى عجينة الكريب و تحتفظى بالأقراص هى اللى تجمديها و لما تسيح تبقى إحشيها عادى خالص
* خرشوف بالبشميل
* مسقعه بالبشميل
* الحمام المحشى فريك ( يبقى كامل النضج لكن لا تحمريه إلا لما يسيح و قبل التقديم تسخنيه و تحمريه )الحمام المحشى أرز لأ...لأ...لأ ...الأرز بيعجن ... لكن الفريك مش بيعجن نهائى .
* المشروبات مثل الكركديه و التمر هندى و الدوم
13- إعملى عصير المشمش فى البيت و جمديه فى الثلاجة بيبقى أحلى
14- لو عندك عزومه (( ممكن تعزمى الناس فى الوقت الي عندك عذر شرعى فيه و فاطره مش صايمه )) علشان تبقى ما ضيعتيش وقت العباده و كمان علشان تعرفى تدوقى و تظبطى طعم الأكل جيدا .
15- ما ننساش طوووووول ما إحنا بنطبخ فى المطبخ نشغل قرآن (( لأن أجر السامع كأجر القارىء)) سوره محببه إلى قلبك من قارئك المفضل مثلاً..تخيلى بقى بتطبخى ...و كمان بتاخدى ثواب الطبيخ و ثواب القرآن ...و ايضا الأكل بيطلع أحلى و أطعم هذا حقيقى وليس ضحك.
كل سنة وانتم اطيب
السلام عليكم ونشريساتى
و كل عام وانتم بخير
رمضان على الأبواب إن شاء الله (( اللهم بلًغنا رمضان )) و حابين نستغل كل دقيقه فيه فى طاعة بإذن الله
و كل امراة بتبقى محتاره ..... نفسها تعمل أحسن أكل و حلويات و مشروبات لأسرتها و نفسها فى نفس الوقت تقرأ أجزاء عديده من المصحف فى اليوم و بيبقى صعب التوفيق بين الإثنين
و ايضا يبقى فيه عزومات و أيام تضيع فى تحضير العزومه
هذه عدة أفكار تقلل الوقت و الجهد فى المطبخ ... من اجل ان تقرأي عدة أجزاء من المصحف فى اليوم الواحد و يبقى فيكي حيل تصلى صلاة التراويح سواء فى البيت أو المسجد ..... و فى نفس الوقت تكوني عملتى أحسن أصناف فى أقل وقت و بأقل جهد بإذن الله
سأحاول ان أسرد عدة أفكار ببساطه و بسرعه
1- قبل رمضان إكتبى إحتياجات البيت ( أكل - مشروبات -توابل - صابون - كركديه - تمر هندى -دوم - ملح .... كل حاجه ..كل حاجه ) فى ورقه و إبتدى جمعيها علشان لا تضطرى تشترى و تنزلى فى رمضان و تضيعى وقت العباده .
2- عمل كميه كبيره من البصل المفروم و تعبئتها فى أكياس و حفظها فى الثلاجة.
3- عمل ثوم مفروم و تجميده مفروم فى علبه محكمة الغلق ... و شوية ثوم مفصص لوحدهم يجمدوا ايضا.
4- عمل عصير كميه من الطاطم المعصوره و تعبئتها فى أكياس فى الثلاجة ( و إذا لم تتمكنى من ذلك ممكن تجميد الطماطم كما هى و عند تسييحها تجدين قشرتها إنفصلت عنها ...إنزعيها و إخلطيها فى الخلاط لتبقى كأنها طازجه بالظبط )
5- إعملى كميه من اللحم المفروم و جمديه فى الثلاجة و يبقى سهل و جاهز وقت الحاجه
6- عمل كميه من ((للحم المفروم المضاف إليه عصير طماطم و ملعقة صلصه و تبليها و جمديها ))) بتنفع ( لعدة أصناف .. للمكرونات - ....)
7- إعملى كميه كبيره من ((صلصة الطبيخ : تحمرى البصل فى سمن ثم تحمرى اللحم حتى يتماسك ثم تضيفى عصير الطماطم و تترك حتى يبقى اللحم نصف ساعة ثم تضيفى الملح و الفلفل )) و تبقى يادوب جاهزه على وضع الخضار فيها و قسميها فى أكياس كل كيس يقضى طبخه و جمديها (بدون وضع الخضار فيها و لما بتسيح بتبقى كأنك لسه عاملاها بالظبط )) و بعد ما تسيح وقت الحاجه ضيفى الخضار التي تحبي ان تضيفيها عادى جدا .
8- إعملى خلطة المحشى (( البصل و الخضره و الطاطم و اللحم المعصج و السمن و الملح و الفلفل )) و ممكن تعطيها غلية على النار لو حابة و ممكن لأ... و جمديها للمحشى بدون وضع أرز نهائى ... و لما بتسيح بتبقى كأنك لسه عاملاها بالظبط و بأقول تانى (( بدون وضع الأرز ))) تضعى الأرز قبل عمل المحشى مباشرة .
9- إشترى دماسة فول ((حجم كبير من اجل ان لا يحدث فوران للفول و هو على النار و يطفى النار و العياذ بالله )) و تعلمى طريقة تدميس الفول (لو كنتىلا تعرفي تدمسيه ( سهل جدا ) )حتوفرى وقت و جهد كبير بوجود الفول المدمس للسحور فى البيت وقت ما تشائين و فننى و نوًعى فى أصناف الفول كل يوم على السحور.
10- إعملى الزبادى فى البيت ( سهل و الله ) و لا محتاج جهاز و لا حاجه خالص ... ينفع للسحور طبعا و للسلطات مع الفطار و بعض أصناف الحلويات ...و يبقى عندك كميه تحت إيديكى إنتى اللى عاملاها .
11- لو عندك إبتداء من الان شوربه زياده (( عبئيها فى أكياس و جمديها )) و شيليها فى الثلاجة تنفع فى شوربة الفطار ( الشوربه صنف ثابت طبعاً كل يوم ) فى رمضان
12- بعض الأصناف كاملة التجهيز إكتشفت إنها لا تتأثر بالتجميد نهائى بشرط إنك تحكمى الإغلاق و من هذه الأصناف :
* صينية جلاش بالجبن أو اللحم
* صوانى الرقاق
* الكنالونى كاملا و ممكن تعملى عجينة الكريب و تحتفظى بالأقراص هى اللى تجمديها و لما تسيح تبقى إحشيها عادى خالص
* خرشوف بالبشميل
* مسقعه بالبشميل
* الحمام المحشى فريك ( يبقى كامل النضج لكن لا تحمريه إلا لما يسيح و قبل التقديم تسخنيه و تحمريه )الحمام المحشى أرز لأ...لأ...لأ ...الأرز بيعجن ... لكن الفريك مش بيعجن نهائى .
* المشروبات مثل الكركديه و التمر هندى و الدوم
13- إعملى عصير المشمش فى البيت و جمديه فى الثلاجة بيبقى أحلى
14- لو عندك عزومه (( ممكن تعزمى الناس فى الوقت الي عندك عذر شرعى فيه و فاطره مش صايمه )) علشان تبقى ما ضيعتيش وقت العباده و كمان علشان تعرفى تدوقى و تظبطى طعم الأكل جيدا .
15- ما ننساش طوووووول ما إحنا بنطبخ فى المطبخ نشغل قرآن (( لأن أجر السامع كأجر القارىء)) سوره محببه إلى قلبك من قارئك المفضل مثلاً..تخيلى بقى بتطبخى ...و كمان بتاخدى ثواب الطبيخ و ثواب القرآن ...و ايضا الأكل بيطلع أحلى و أطعم هذا حقيقى وليس ضحك.
كل سنة وانتم اطيب
